رد: دردشة حوامل مملكة المغرب - تجمع بنات المغرب
 

salam lbnat kayen chi wahda wla na3sat?

رد: دردشة حوامل مملكة المغرب - تجمع بنات المغرب
 

tsab7o 3La khir a lebnat o tahlaw fi roskom o fi krichat hta ana ghadi nekhroj rani dakhla nhar kamel yalah beslama a demain inchaa elah

رد: دردشة حوامل مملكة المغرب - تجمع بنات المغرب
 

يا لالا نهار بغيت نحمل تافقت أنا و راجلي و نوينا و بالرضى ديالو حتى هو حتى دازت سنة على زواجنا و هكا دازت الشهور كنراقبو الكريشة كتكبر و البيبي كيكبر و كان كيمشي معايا لكل كنطرول معمرني مشيت بوحدي و كان مواكب معايا كل حركة كل دوخة كل حاجة تافهة حتى نهار قالت لينا الطبيبة وليد واخا هاكاك كنت نقول الله أعلم تكون غالطة فالشهر السابع قررت نبدا نشري حوايج البيبي و شي حاجة ليا أنا و هادشي كامل بالتعب و الرضان و الشقا و كنمشي بزاف لكازا نشوف ماما مريضة دخلت للشهر التاسع بأسبوع قررت نبقى فسلا تحسبا للولادة فأي وقت جمعت صاكي و صاك البيبي و هادشي كامل مكينش الحس ديال الوجع غير هو العضم ديال الرجل اليسرى كان هالكني بالمفييييد الحمد لله بقيت كنمشي تقريبا كل يومين حيت ماكاين وجع و تجاوزت الموعد و الشهر ديالي بأسبوعين و الماء ولا قليل و لبيبي مقبل لكن راسو لاصق ماباغيش انزل و التقلاب كل مرة كيقسح ولكن الصبر حتى نهار دارت معايا الخميس جا بنهار العيد و من عند الله شدني الوجع مع 4 ديال الفجر ماطلقني وجعة مورا وجعة صليت الفجر راجلي مسكين فاق معايا عدوزتي حتى هي و مع الوجع اللي قتلاتني جاتني الزحمة من المقعد حاشاكم بحالا شي حاجة باغا تخرج ليا من الوراء واااا لهلا اكتبها على شي وحدة و هكاك صبرت حتى 12 كانت دايرة معايا الطبيبة فالكلينيك مشيت دخلوني للغرفة ديالي دارو ليا التخطيط قلب البيبي مزيان أنا الوالدة مسدودة وأنا الوجع و الحريق و هاديك الزحمة راه متنسااااش ليا تال 7 ديال لعشية الوالدت تحلات ب 3 سنتيم البيبي دقات القلب مزيان نزلوني للبلوك اعاونو بالوجع اصطناعي اوا منقولش لكم ديك الساعة شنو ناض فيا 3 ديال ليباري فالسيروم او واحد ليبرة واااك واك فالمؤخرة راه جعراتني صافي بديت بغوت و متنساوش فاش بغاو انزلوني للبلوك بديت نبكي و عدوزتي تبكي وراجلي تسامحت معاه باس لي راسي او يدي مسكيناو والو الوالدة محلولة ب 5 سنتيم و لبيبي دقات القلب بدات تعيا و راسو بدا كيطلع وانا ربي اللي عالم 10وصلتت او والو و حسبو شحال من ساعة زيدكم دخلات مقص من تحت طرطقات السقية منقولش لكم أنا الله اللي عالم شوية كرشي كلها تحولات للجانب اﻷيسر صافي بانت لي الطبيبة بدات كتفرفر و هكاك قاتلي حتى نتاصل بطبيب آخر باش ميقولوش زربت عليك جا غير شاف ديك الحالة ماهضر معايا ما هضر معاها دار ليا نيشان برا ديال البنج ووحدة ثانية فالضهر عراوني البلوك بارد يا البنات آش غنقول لكم مقداش فيا البنج كنقسم لكم بعزة جلال الله الا حسيت بهمكيفتحو ليا و كيجبدو البيبي بديت نغوت كنقولو دكتور راه كنحس بها كتجبدو و كنحس برجلي جا يجري زادني برا ثانية او والو فات الفوت كنحس بهم كيخيطو سلاو طلعوني الفوق التقفقيييفة ديال البرد راجلي فرح ولدي مسكين تولد زرق تزير مسكين لكن الحمد لله دغيا بالاو بيه الفرملية منساش خيرها والله الله اسهل أمرها بقات مقابلاني الليلة كاملة المهدئات ديال الصداع الصباح جات الساج فام غسلات ليا بدلات ليا و قلباتني من فوق الناموسية للارض دقة وحدةوقفاتني على رجلي منقوووولش لكم اشمن احساس كتحسي بالفتحة بحالا كتحل ولا شي واحد كيقطع فيها لكن مزيان اللي دارتلي هاكاك نفعاتني اوا دوزت 4 أيام كنحاول نتمشى تموتو باضحك مابغاتش تخرجلي حزيقة ههههههه حيث خاصني حتى نتنفس عاد ناكل تال النهار اللي بغيت نخرج عاد ربي فرجهاوليت نقول لهم حشومة حتى نهز اديا لله و ندعي آش غنقول يا ربي نحزق حاشاكم ههههه قلت لهم هاد المرة واخا اديرها الانسان قدامي والله منقولو حاجة راها نعمة

رد: دردشة حوامل مملكة المغرب - تجمع بنات المغرب
 

اوا جيت للدار العائلة مجموعة درنا السبوع البيبي مكينعسش هاهو كلشي فات البيبي دابا تبارك الله 17 يوم فعمرو اﻷيام كتفوت دغيا و من عند الله كتبداي تنساي العذاب النسبان نعمة من عند الله و كنطلب الله احفض ولدي حتى نشوفو كبير و راجل و صالح باذن الله كيف ماتمناو لولداتكم باذن الله و منساوش جاني الوحم فرمسان لا ماكلة لاشراب و الرضان و البكاء غير اهضر معايا راجلي نحطهم قدهم قداش ههههه كاع النهار و هو اسكت و مزال فيا شوية الحساسية دموعي ساهلين و كان جاني فقر الدم ولكن الحمد لله اللي مكتاب ليه الدنيا ماتخافوش عليه . اوا هاااا علاش مكنتش باغا نعاود لكم نخلع لبنات راهكل وحدة و المكتاب يالها و الولادة ديالها أنا الله بغا ليا نجرب الوجع العادي و اﻹصطناعي و الفتيح نتمنى اكون غفر لبى بهم ما تقدم و تأخر من الذنوب حيت ديك الوقيتة كتحسي براسك غير نتي و ربي و لبيبي و يا الحياة يا الموت و هادا أمر طبيعي و ربي اللي كيفك لكن فواحد الساعة هو مكتبها

رد: دردشة حوامل مملكة المغرب - تجمع بنات المغرب
 

الصراحة مني كنشوف ولدي مكرهتش ناكلو نخشيه فكريشة حتى يفوت البرد و نعاود نجبدو بنفس الطريقة ماشي مشكل كلشي يهون اﻷمومة ماشي رخيصة كااولا ساهلة ولا فابور الجنة تحت أقدام اﻷمهات لهلا احرم شي بنت يااا ربي هيام سناء أم السعد.....ااااع البنات اللي كءيتسناو الله افرح قلبهم فأقرب فرصة اللي بغات تسول الدنيا هانيا البنات ربي شاهد تلى كلامي كاولت نقربكم من اي لحظة دوزتها فحمالتي عاوئدتها لاحسن صحابات عرفتهم فهاد تلدنيا كان شهر الحمل هو ماي و الولادة 24 يناير 2013تصبحو على ألف خير الله افك كل موشكة على الولادة و يكمل على كل حامل و يلرك قلب كل محرومة يا ربك

رد: دردشة حوامل مملكة المغرب - تجمع بنات المغرب
 

sbah lkhir lbnate

Doha lhamdouleh 3la slamtek w lahi j3lha b maghfirat donob w doriya saliha w inchalah atnsay kif maglti lah 3atina had ni3ma ila w bach kista3malha l insane f hayat

رد: دردشة حوامل مملكة المغرب - تجمع بنات المغرب
 

أختي ضحى الحبيبة آش غدي نقول ليك أنا كنقرا حتى جاتني البكية سبحان الله أنت كتعاودي وأنا كنتخيل وكنصبر في راسي
راك بكلامك عطيتني القوة وإن شاء الله نهار يوصل وقت ولادتي نتفكرك ونكون صبارة فحالك
الله يجعلك كلشي في الميزان ويخليلك نجم الدين ومول دارك ويرزقك ربي الصحة وطول لعمر حتى تشوفي ولدك عريس
فادتني قصة ولادتك بزاف وراك تبارك الله صبارة والله يزيدك من فضله
الله يسمح لينا من حق الوالدين

رد: دردشة حوامل مملكة المغرب - تجمع بنات المغرب
 

رد: دردشة حوامل مملكة المغرب - تجمع بنات المغرب
 

bkitini ya doha 3la sbah rah 3arfin wlada masahlash tdwziha kolha 3dab lwhim o tkil o 3ad zid wekt wlada rah nas zman tykolo hamil =merd
lah yj3lha mghferat dounob wakha 3rfinha s3iba mais kolna tnbriwha sbhan lah o nbriwe n3wdoha mera o 2 o 3
lah yfrhik b wlidik dhktini mli kolti mtkrhish takli wldik ana rah ri wlad nas kont tbri nakolhom ama weldi mn3ref sho radi ndir m3ah lah yjibo 3la khir ya rebi

رد: دردشة حوامل مملكة المغرب - تجمع بنات المغرب
 

sbah khir chaimae sbah khir fati ki sbhto banotat labas 3likom