|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
اكيدة تفطرن ياحلوااات.. اليوم درت بيتزا .. وكيكة حاااارة ... وبطاطا امبطنة وسلطة روسيـــة وامسير والشربة طبعا وجارتي دارت مكرونة شعيرية امبوخة ع لحم وطني بالخضرة وسلطة الخضروات وكستردة ومازال 3 ساعات ع الفطور |
رد: حبيباتى سيدات ليبيا تفضلو لأعرف ما حالكم
اقتباس:
اهلا عزيزتي اثري ... شخبارك واخبار دودي وعليوة وان شاء الله دودي قعدت كويسة وحول منها الطفح الجلدي...؟ بالنسبة للساعة 10 حتي نا نفسك ديما نحب انوض بدري بس الحق هنا اندور ف النوم انوض 10 من الولي تبي ترضع 10 يعني 9 عندكم... وبعدها معش يجيني النووووم ونقعد راقدة 3 اي 4 عندكم يعني قمة الارهااااااااق ونهار طويل لان المغرب حاليا يأذن 11 بتوقيتكم .......... تخيلي امس نهدرز مع ابوفراس وانسينا السحور من قلة وقت الافطاااااااار لحقنا نشربوا حليب بلوز وامية في اخر دقيقتين ... والحمدلله ع كل حااال وهالايام الجو حار تقول ليبيا ما جبناه معانا هههههه قالو اول مرة نيوكاسل تسخن هك خخخخخخ حتي الانجليز راقيلهم من الجو |
رد: حبيباتى سيدات ليبيا تفضلو لأعرف ما حالكم
اقتباس:
مراحب بالعسسسسسل ... شخبارك واخبار سنافرك والامورة روي؟ ننصحك اتديرها في طاجين اللي ينفتح .. متاع التشيز كيك كان عندك... درتها امس جت زي التورتة دائرية... بمكرونة البيني ... البنينة عندنا خخخخخ ودرتها بالمفروم والموزاريلآ... وقصيتها مثلتات... |
رد: حبيباتى سيدات ليبيا تفضلو لأعرف ما حالكم
السلام عليكم
كيف حالكم ياحلوات سوسو\ام اجنادين\ام فراس\اوشي\اثري\شموسه ان شاء الله تكونو بالف خير الي فطر صحا فطوره والي زيني يستنا ربي يعاونه اني مزال حوالي 5 ساعات ونص اليوم درت شربه حمراء لزوجي واني لروحي درت شربه عدس لانه مايحبهاش وطاجين بطاطا ورز بلاو فقط |
رد: حبيباتى سيدات ليبيا تفضلو لأعرف ما حالكم
جي جي الحمد لله درت جهاز واطمنت قتلي وضع البيبي كويس بس وزنه ناقص شويا
وقتلي رجليه مسكرات مش وااااضح لكن اعتقد انه ح يكون بنوته ^ ^ الحمد لله اني فرحت هلبا ومن يومها نتعارك انا وزوجي ع الاسماء طبعا زمان لما كانت امي تمشي للمستشفى تجيب نقعد نستنا في بابا يبشرني بي بنت وفي خوتي الاربعه الاخيرين ربي يحفظهم يقولي ولد ومانحكيلكمش نشدها بكا ودموع نبي اخت صغيره خلاص وسبحان الله هاني كبرت وتزوجت وحملت وان شاء الله ربي بيرزقني ببنت تكون اخت قبل ماتكون بنت والحمد لله بس مش عارفه زعما نجهزلها ع اساس بنت ونتعمق في الاغراض الورديه *_^ والا نعاود الجهاز بعد رمضان ان شاء الله للتأكد؟؟!! |
رد: حبيباتى سيدات ليبيا تفضلو لأعرف ما حالكم
وبالنسبه للصيام صمت 9 ايام ورجعت للدكتورة طبعا هي مسلمه ولقت وزني ناقص هلبا ع تاني يوم رمضان وعندي التهاب شديد وقتلي لو تقعدي هكي خطر عليك وع الجنين لازم تفطري وتشربي ميه هلبا وتاخدي علاج للاتهاب
مع اني نتعب هلبا خصوصا في نهاية النهار والي نفطره نرجعه بس استكبرت الفطور مش عارفه علاش؟؟ سألتها اكثر من مرة واكدتلي لازم نفطر المهم توا قررت نفطر يوم ونصيم يوم باش مانتعبش بس مش عارفه خايفه يكون غلط الي ندير فيه شن رايكم في حد مر بنفس الوضع؟؟ |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
صحة فطوركم |
رد: حبيباتى سيدات ليبيا تفضلو لأعرف ما حالكم
ام فراس ممكن طريقة الكيكة الحارة
او اي وحده من البنات تعرفها اليوم درت الاقماع الحارة في حوشي حوالي 50 قطعة لاني درت مقدارين والحشو كان مفروم ومعاه زبيب ولوز فقلت بماانه هلبة نرفع منها لحوش بوي ورفعت 10 محشيات ومجموعة من غير حشو حتي تلقاها ماما يوم ثاني ,, ووصلت لحوش عمي مع 6 القيتهم يديروا في العصبان فدخلت للمطبخ درت بسبوسة والشربة وجهزت السفر ودرت السلاطة وتوا روحنا درت مهلبية |
رد: حبيباتى سيدات ليبيا تفضلو لأعرف ما حالكم
ربي ينوضك بالسلامة امولة
تعرفي اثري انا لما نقرا في الصبح انحس بروحي مش ملحقة |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
| الساعة الآن 01:10 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .