|
|
رد: تجمع حوامل ليبيا
الله يبارك فيكم وشكر الله سعيكم جميعا وربي مايحرمني منكم ام قصي الحمد لله انكم اطمنتوا عليهم وربي يفرحكم بشوفتهم قريب ميراس ربي يحفظ زوجك واهلك وبيتك من كل شر ويفك ضيق الليبيين يارب |
رد: تجمع حوامل ليبيا
انا كل مانتكلم تقولولي انت بعيدة ومش فاهمة الوضع باهي فهموني شن قصة اليهود اللي دخلوا ليبيا!! والمصيبة ليبيين يهدرزوا ويضحكوا معاهم وااااااااك لما نقرا في الاخبار مجالس عسكرية وكتائب ومش عارفة شن وكل واحد داير فيها سوبرمان وساسوكي واليهود والكفار يدهروا بيننا ويقسموا في ارضنا و نفطنا واحنا نتفرجوا ونقتلوا في بعض زي الدراويش وينها هالمجالس العسكرية وإلا متخصصين في قتل بعض بس واليهود مش ضمن اختصاصهم؟؟؟ قالك الليبيين طالعين مظاهرة تندد بدخول اليهود! ومن دخلهم مش انتم اللي رافعين علمهم وتغنولهم ياساركوزي ويا برلسكوني وتو طالعين مظاهرات ! لكن هيهات هيهات (( ونفى عبدالجليل في مقابلة مع موفدة "العربية" رولا الخطيب أن يكون قد سمح بفتح الكنيس اليهودي في طرابلس، مؤكداً أن الشعب الليبي هو من سيُقرر مصير هذا الملف عند الاستفتاء على الدستور")) (( "من جانب آخر، أعلن موفد البابا الى ليبيا السفير توماسو كابوتو في مقابلة إن السلطات الليبية الجديدة تنظر برضى الى حضور الكنيسة "الإيجابي إلى جانب الإخوة المسلمين")). (( وتحدث كابوتو عن حضور للكنيسة يحظى "بتقدير كبير" و"إيجابي الى جانب إخواننا المسلمين"، وذلك بعد لقائه العديد من المسؤولين في مقدمتهم محمود جبريل رئيس المكتب التنفيذي في المجلس الانتقالي)). (( وأكد كابوتو أن المسؤولين الليبيين "أكدوا لي أن الكنيسة تحظى بالتقدير، وحدثوني عن أهمية العلاقات مع الكرسي الرسولي، اللاعب المهم على الصعيد الدولي")). غريب هو ديما يتصرف من راسه معقولة توا تفكر الشعب الليبي!! ومن هنا للاستفتاء (هذا لو فيه استفتاء اصلا) يكونوا اليهود كلهم رجعوا ليبيا واستقروا وشاركوا حتى في الانتخابات ويمكن حتى يحكموا البلاد علاش لا!! ان شاء الله غير ماتطلعش حتى هذي من مظاهر الحرية والحضارة زي اللغة الفرنسية والايطالية بكت العيون وحقها ان تدمع ................... والقلب من فرط الهموم تقطع معقولة هذا حالنا وهذي الثورة المباركة اللي ضد الكفر !!!! وهذا علاش الليبيين ضحوا بأنفسهم ودمهم سايل داير بحيرات وغدران في كل بقعة من ارض ليبيا ؟ هذا علاش حرقنا بعض وحرقنا بلادنا؟ والغريب ان الكل يتجاهل في الحقيقة للاسف يارب الطف بحال الليبيين وخفف عليهم العذاب |
رد: تجمع حوامل ليبيا
السلام عليكم
اعتدال الله يطمن قلبك لكن ليش المبالغه اليهود دخلو هو شخص واحد دخل وفتح كنيسه قديمه وهو يهودى ليبى وتبيهم يضربه لو ايش اكيد راح يتعاملو معاه بلطف وتعال يابابا شن تبى وةاطلع وخلاص مش كل شى بعنف يعنى لو واحد ضربه اوذبحه كنا دخلنا الامركان اها انتو عندكم قاعده ومدر شنو وسين وجيم وهذى سياسه يعنى سايسى الاى قدامك وخوذى عقله وبعدين يقسموفى نفطما ونحنا انتفرجو من قال ياحبيبتى انتى بس متاثره بنظريه المؤامره محد بقسم فى النفط النفط الله غالب الكلب هو الى ضحك علينا وباع نفطنا النادر برخص التراب ونحن مظطرين نمشو العقود هذى لعند مايسقر وضع البلاد وبعدين راح يدققو فى العقود ويعدلوها والمسيح واليهود اهل كتاب وعشو مع المسلمين حتى ايام الرسول عليه الصلاه والسلام ونحن منهين عن التعرض لهم وللمتلكاتهم وبيوتهم الدينيه اعتدال متزعليش منى بس انا حساتك سلبيه مع الثوره وتقولى انقتلو فى بعضكم لا هو طلق علينا مرتزقته يغتصبو يقتلو فى الاطفال والنساء وكل شى فى رائيس دوله يضرب شعبه بالجراد خليكى منطقيه اكيد راح اندافعو عن ثورتنا لانه كل الشعب اتحد على كلمه وحده والمستشار مصطفى عبد الجليل وكل المسؤلين توا وارثين بلاوى ودوله متلخبطه تبى تبنيها من الصفر اكيد فى شويه قصور بس احمدى ربك انك تقدرى تقولى هذا غلط وهذا مايصير ايام القاذفى انتى تقولى لا تقعدى مراقبه اومسجونه حريه حريه حريه حريه حريه حريه حريه حريه حريه |
رد: تجمع حوامل ليبيا
اهلا ام قصي .. لا أبدا علاش بنزعل بالعكس انا تكلمت باش نسمع كلامكم بالك يريحني شوية ومشكورة حبيبتي على الرد
|
رد: تجمع حوامل ليبيا
نحس فيكم تبسطوا في الامور وهي مش بسيطة واليهودي هذا اللي هازيين عليه تو تشوفوه شن ايدير فينا .... الله المستعان وخلاص
|
رد: تجمع حوامل ليبيا
سلام يابنات اي وحدة حامل تخبرني شن الاعراض المبكرة اللي حست بيها قبل غياب الدورة.... ارجوكم لا تطنشوني
|
رد: تجمع حوامل ليبيا
السلام عليكم
سالي عن نفسي حسيت لعيه خفيييييييفه يعني نحس في روحي بنرجع (حشاكم)بس عالخفيف ودوخه خفيفه وناكل هلبا بس بعد الشهر كرهت الماكله ووجع في اسفل بطني وهادي اعراضي بس وان شالله تستفيدي من باقي البنات |
رد: تجمع حوامل ليبيا
كيف حالكم بنات وشن اموركم كلكم يارب بخير
تعرفوا يابناويت عندي عزومه يوم الجمعه طبعا مش اول مره نعزم بس العدد مشالله كبير واني بروحي ما عنديش من يعاوني وهما 9 نفار عايله ليبيه اقارب راجلي تعرفوا مشكلتي كلها وين في(الكسكاس)خايف ما يسدش واني بندير محشي وحاجه مسقيه والبصله حتي هيه ما نعرفش كيف والنهار اهني في في مصر قصيربكل وتيت كل شي للضيافه بس خايفه من قصه الكسكاس بالله عليكم شوروا عليا وقولولي كيف نصرف ماعنديش حد نساله ساعدونيييييييييييييييييييي |
رد: تجمع حوامل ليبيا
اشرى كسكاس ولا انقولك اطلبى منجارتك ولااقولك ديرلهم بازين ولا ماعنذكش مغرف باهى من الاخير ديري امبكبكة وطلعيها من نافوخك على قولة الصريين هههههه شن فى الخيارات
|
رد: تجمع حوامل ليبيا
ميراس كيف حالك الصراحه خياراتك تهبل وجريئه مراني عازمتهم علي بكبوكي
|
| الساعة الآن 06:20 PM. |
|
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .