|
رد: دردشة بنات فلسطين , دردشة حوامل فلسطين , تجمع بنات فلسطين
فوفو يسعد صباحك
الله لا يقدر ان شاء الله ما يكون رشح حواء انا ضفتك و اسمي الاء بعد اذنك طبعا |
رد: دردشة بنات فلسطين , دردشة حوامل فلسطين , تجمع بنات فلسطين
صباح الخير جميعا
لولو لا مش اللي الرابط انا اسمي لولو حمادة الصورة عصفور اصفر ضيفيني حواء انتي ضيفيني انا مث عارف اضيفك |
رد: دردشة بنات فلسطين , دردشة حوامل فلسطين , تجمع بنات فلسطين
هلا لولو شو اخبارك واخبار الاولاد تم شاء الله بخير
شكلو الصبايا راحو ع الفيس بوك وتركونا هون ههههه |
رد: دردشة بنات فلسطين , دردشة حوامل فلسطين , تجمع بنات فلسطين
صباح الفل كيفكم
جيت اصبح عليكم قبل مايفصلو الماتور لانه اليوم قاطعة الصبح عنا يسعد صباحكم |
رد: دردشة بنات فلسطين , دردشة حوامل فلسطين , تجمع بنات فلسطين
ام عبد الله انا واولادي بخير
لمن تروحي من عند الدكتور بطمنينا عنك بيبو يسعد صباحك |
رد: دردشة بنات فلسطين , دردشة حوامل فلسطين , تجمع بنات فلسطين
لولو هههه ما في ولا عصفور اخضر بهادا الاسم
ما بين عندي بيبو يسعد صباحك ام عبد الله طمنينا عنك اذا رحتي |
رد: دردشة بنات فلسطين , دردشة حوامل فلسطين , تجمع بنات فلسطين
لولو عصفر اصفر مش اخضر
شو اسمك عل الفيس والصورة شو هيه |
رد: دردشة بنات فلسطين , دردشة حوامل فلسطين , تجمع بنات فلسطين
بنات تعالو اضحكً عليا
الي ساعه بكتب رد وكتبت وخلصت رحت اجدد الصفحه لقيت حالي بدردشه العراق لا وشو مش فاهمه اللهجه كمان هههههههههههههه |
رد: دردشة بنات فلسطين , دردشة حوامل فلسطين , تجمع بنات فلسطين
لولو وصلتك الاضافه
انا اسمي الحقيقي |
رد: دردشة بنات فلسطين , دردشة حوامل فلسطين , تجمع بنات فلسطين
لا ماوصلني
بس هلا انا ضفتك |
رد: دردشة بنات فلسطين , دردشة حوامل فلسطين , تجمع بنات فلسطين
وصلتني الاضافه يالرلو وقبلتها
وين الصبايا راحو يطبخو ؟ احنا عاملين ملوخيه يلي ع بالو مايحرم حالو :) بنات هبه الها اكتر من شهرين قاطعانا !!! |
رد: دردشة بنات فلسطين , دردشة حوامل فلسطين , تجمع بنات فلسطين
مرحباااا
كيفكم يا حلوين ان شاء الله بخير ؟ |
رد: دردشة بنات فلسطين , دردشة حوامل فلسطين , تجمع بنات فلسطين
هلا دودو كيفك
مالك اليوم متأخره علينا :) |
رد: دردشة بنات فلسطين , دردشة حوامل فلسطين , تجمع بنات فلسطين
لولو حمادة ولا عمره حد راح يلاقيكي وصلتني اضافتك لولو حمادة حمادة ههههه هيك اسمك مو حمادة وحده لهيك ما لقيناكي
ام عبدالله والله اكلت هوى طلق وبعدين عمليه الله يخليها برلنت وهيو ابني بسلم عليكي ماشاء الله ما بهدى لولوو ياقلبي انا كمان خمس ايام بفوت السابع زمان فتت السادس يعني ما ضل شي تكة وبكون ماما للمره التانية شايفين ما اشطرني ههههههههههه |
رد: دردشة بنات فلسطين , دردشة حوامل فلسطين , تجمع بنات فلسطين
يسعد مساكم
كيفكم اليوم ؟ |
رد: دردشة بنات فلسطين , دردشة حوامل فلسطين , تجمع بنات فلسطين
مرحبا
ملتيهين قصة الفيس بوك هههههه حواء : انا ضفتك وان شالله تقومي بالسلامة --------- بناااات اسمي انا Hadeel dwiyyat |
رد: دردشة بنات فلسطين , دردشة حوامل فلسطين , تجمع بنات فلسطين
يا صبايا مممم
رح تتركونا وترحو الفيس بوك هههههه |
رد: دردشة بنات فلسطين , دردشة حوامل فلسطين , تجمع بنات فلسطين
له يادموع ماللنا غنا عن الدردشه
بس اعملي انتي كمان فيس :) |
رد: دردشة بنات فلسطين , دردشة حوامل فلسطين , تجمع بنات فلسطين
يسعد مساكم
دودو وينك متأخرة اليوم ؟ وحلا ما بينت !! حواء ان شاي الله على خير انا اصلا بعرف انك قربتي عالسابع بس الي شككني انو انتي حكيتي انك تقريبا مع ام عبد الله الله يتمم للجميع على خير ههههه يا شطورة انتي دموع و احساس و جارة و كلل الموجودين يسعد هالمسا قولو امين بنااااااات انا عندي مشكله و مش قادرة اتخلص منها انا بحاول ما اشوف اي منظر مش طبيعي بس مرات بالغلط على التلفزيون او عالفيس بشوف اشي و لو ثواني بس ما بروح من بالي ابدا ابدا و كل ما اجا في بالي بذكر الله و بحاول انسى بس على طول هاي الافكار في بالي انا متوكلة على الله بس بضل خاااايفة يا رب لطفك قولولي في حدا منكم كان زيي ؟؟ شو اعمل ؟؟ |
رد: دردشة بنات فلسطين , دردشة حوامل فلسطين , تجمع بنات فلسطين
انا خويفه كمان يا لولو بس ما بحضر شي ممكن يذايقني
انا ووام عبدالله مع بعض بس الدكتور الي خربط معها ما بعرف هلا شو بس تروح بنشوف بيني وبينها ثلاث ايام بس جارة نورتي ياقمر اقبلت طلبك بنات من يوم رحت على البحر صار تشقق خفيف بقاع رجلي بعيد عنكم حطيت مرطبات وكريمات على الفاضي بالكم شو اعمل |
رد: دردشة بنات فلسطين , دردشة حوامل فلسطين , تجمع بنات فلسطين
يعني مش لحالي ههههه
و انا ما بحضر بس احيانا هيك بالغلط بطلع اشي قدامي او بشوف حدا هون و الا هون و مخي بتركش هاي الشغلات الله بسترها بالنسبة لرجليكي ما بعرف بس يمكن ازا بتنقعيهم بمية سخخخخنه عشان تروح الجلدة الميته بعدين بتدهنيهم فازلين بسمع انه كويس او في كريمات لتشققات الرجلين بتلاقبها بالصيدليات او محلات الكوزمتكس |
رد: دردشة بنات فلسطين , دردشة حوامل فلسطين , تجمع بنات فلسطين
يسعـــــــــــــد مساكــــــــــــــم
كيفكم جميعا |
رد: دردشة بنات فلسطين , دردشة حوامل فلسطين , تجمع بنات فلسطين
هيني عم حاول ان شاء الله تزبط كنت احط مرطب هلا راح احط فازلين
بتعرفي انا زوجي كان مدمن افلام رعب من يوم تزوجنا لليوم ما حضر منعتهم ههههههه هو متعاون معي لو يدفعولي مليون شيكل ما بحضر خمس دقائق هيك شغلات طبعا زوجي حاول يغير نظرتي بس علذي حالي بهى الفاضي بحكيله شو جابرني ااذي حالي بهيك مناظررررررر |
رد: دردشة بنات فلسطين , دردشة حوامل فلسطين , تجمع بنات فلسطين
مسا الخير كيفكم
شو مين هوون؟ |
رد: دردشة بنات فلسطين , دردشة حوامل فلسطين , تجمع بنات فلسطين
ان شاء الله يزبط
و الله يا حواء مش افلام رعب ولا شي بس احيانا هيك بشوف شي عالسريع بس المنظر بروحش من بالي لهيك انا بخاف الله يستر بيبو يسعد هالمسا يا حلوة |
رد: دردشة بنات فلسطين , دردشة حوامل فلسطين , تجمع بنات فلسطين
يسعد مساكم
هل من احد هنا ؟! |
رد: دردشة بنات فلسطين , دردشة حوامل فلسطين , تجمع بنات فلسطين
شكلو اهل البيت نايمين ماحد فتحلي الباب
نيجي يوم تاني هههههههههههههههه |
رد: دردشة بنات فلسطين , دردشة حوامل فلسطين , تجمع بنات فلسطين
مسا الخير حبيبات قلبي
كيفكم وش اخباركم ؟؟ اليوم رحنا انا وزوجي ع مركز رزان ، اكيد صبايا الضفه بعرفوه هاد اللي عملو عنده التلقيح زوجات الاسرى ، قبل كنا نروح ع دكتور يهودي وبصراحه اطلع من عنده وانا عندي الف سؤال ، المهم اليوم رحنا ع هاد المركز ، دخلنا عند دكتور شرحناله الوضع بالتمام ، صدمني يا بنات !! قالي الحمل اللي صار احتمال يكون مجرد هرمون ارتفع وما يكون حمل حقيقي ، طبعا انا سألته انه ممكن يرتفع الهرمون بدون حمل ، قالي اه ممكن في حالات وبسموه الحمل الكيميائي ، قال بس انا ما بقدر اجزم لانه كل شي ممكن وربنا قادر ع كل شيء طبعا هو قالي هيك بناءا ع فحوصات زوجي قالنا اني انا لازم انزل وزن قد ما اقدر ، لانه الوزن حتى لو صار حمل رح يتعبني كتير وبكون مهدد بالاجهاض والتسمم والسكري ، يعني سد نفسي عن الاكل ههههههه ، وحسسني اني انصح وحده بالعالم ، طبعا انا وزني زايد بفترة الاكتئاب اللي مضت ههه ويلي على حالي ، وقال لزوجي انه لازم يعيد كل الفحوصات عندهم ، في حال كان بالفعل صفر حيوانات منوية في العينه ، وما في مشاكل بهالرمونات ما بينفع الا الزراعه !! طبعا انا ما انصدمت لاني تقريبا عارفه كل هالكلام !! بس زوجي كأنه اول مرة بسمع هالحكي هههه ، عصب ونرفز وتقاتلنا بالطريق واحنا مروحين هههههه وقلتله اخر مرة بطلع معاك ع دكتور أو اي شي اله دخل بالحمل !! طبعا انا هلاء ممنوع احمل وانا بهالوزن ، لهيك قررت انسى هالموضوع بتاتا ، واتبع نظام غذائي قاسي ، تجويع يعني ، لمدة 3 شهور عالاقل ، مع اشتراك رياضه ، وع قولة الدكتور ، رح تكرهي اليوم اللي حملتي فيه وانتي وزنك زايد ، كل تعب الحمل بكون مضاعف ، خوفني والله يا صبايا هههههه ، زوجي بقله يعني ما بتعملولنا زراعه هلاء ، قاله صحة زوجتك اهم وعصب عليه ههههههههههه المهم مساكم اخبار طيبة يارب :) |
رد: دردشة بنات فلسطين , دردشة حوامل فلسطين , تجمع بنات فلسطين
حيفاااااا نورتي يا قلبي
احكيلك شي انتي فكري بحالك وما تعيشي وتكرسي كل حياتك لهلموضوووووع اول شي انزلي وزن عشانك انتي وعشان صحتك وبلشو بخطوات العلاج بالترتيب وما تضلي تغيري دكاترة وبالاخر كله مقدر ومكتوووب الله يكرمك ويعطيكي اذا في مجال وظروفكة بتسمح اطلعو عمره قلبي معك حبيبتي انتي |
رد: دردشة بنات فلسطين , دردشة حوامل فلسطين , تجمع بنات فلسطين
حبيبتي حواااء يسعد هالمسا احلى ام عزوز :)
مممم ، بالنسبة لتغيير الدكاترة هاد بسبب زوجي ، هيك مجنني ، انا قررت اترك هالموضوع حتى اني احاول ابعد عن اي شي بذكرني بالموضوع ، وفكر بصحتي الجسمية والنفسية ، لانه عم استهلك كل طاقتي عالفاضي هيك تفكير وسمة بدن اليوم المفروض اكون متدايقه وزعلانه من هالحكي ، بس ما بعرف حاسه بارتياح داخلي ، لما شفت صورة معلقه عالحيط بالمركز "أطفال مركز رزان " ضلت عالقه ببالي ، وضليت مبسوطه هيك ومتفائلة منها ههههه طبعا الصورة اغلبها توائم ، وحتى كمان في 3 توائم ، و4 ، حسيت قديش ناس مرقت بحالتي ، ووصلت للي بدها ياه وربنا اكرمها ، وارتحت المهم حابه ارغي كتير بس زوجي عن بينادي الى النوم هههه تصبحي على خير حبيبتي ، ليلتكم سعيده :) |
رد: دردشة بنات فلسطين , دردشة حوامل فلسطين , تجمع بنات فلسطين
صباح الخير
شو أخباركم حبيباتي اشتقتلكم كتيييييير يارب الكل يكون بخير وعافيه الفتره الي فاتت كانت صعبه كتير علي من اول مارجعت والنفسيه في صراع معها فترة مرض عمي وهلا وفاته الله يرحمه وغير هيك الصدمه الأكبر كانت انه زوجي بعد ما كان سليم ومافي شي فجأه وبعد سنتين صار عنده تشوهات بنسبه عاليه وغريبه ع رغم العدد فوق الممتاز مابعرف شو الي صار وشوي الي تغير طول هالفتره وانا احس الشغله مو مستوعبتها والدكتوره حكت لي ب أخر زياره انه راح ترجع تجرب معي مره وحده تلقيح صناعي و ازا ماصار حمل ماراح نضيع وقت وتنتقل للحقن المجهري الحمدلله والله راضيه بكل شي ربي كاتب لي اياه لان كل شي لحكمه بس مارضيت احكي لا لاهلي ولا لاهله احتراما لمشاعر زوجي ع رغم اصرار اخته تعرف ازا عنا شي او لا وغير هيك الناس ماخلتني بحالي اكتر من وحده بعرفها اكتشف من سياق كلامها انها حامل والا ع وجه ولاده وكله خايف مني والله لو تعرف الناس اني وحده مابغار ولا بقعد اتحسر ع حالي ليه ماعندي صح بتمنى ونفسي بس عمري ما حدثت نفسي ليش انا وهي لا كل شي من ربي ما احلاه يلا هي فضفضه ع السريع اكيد وغصب عنكم راح تتحملوني ههههههه حيفا ياقلبي ربي يكرمك ويبشرك بالي يفرح قلبك مستشفى رزان بسمع اختي بتابع عنده يارب يكون خير عليك ويكتب لك الحمل قريييييب ومايطولها عليك عندي كلمة حق حابه احكيها لغموض حبيبة قلبي واخت دنيا ربي مايحرمني منها وقفت معي هالفتره الصعبه ربي يسعدها يارب يا غموض يثبت حملك ويتمم لك ع خير ويفرح قلبك بشوفته سليم معافى ويقر عينك فيه فرحتي الك متل فرحتي لنفسي ربي يسعدك ياقلبي |
رد: دردشة بنات فلسطين , دردشة حوامل فلسطين , تجمع بنات فلسطين
صباح الفل كيفكم
انبثاقة حبيبتي ربنا يهون عليك يااارب حبيبتي مافى شي بعيد عن ارادة ربنا حقولك قصة وحدة قريبتي متل قصتك هيك كانت متزوجة من 10 سنين تقريبا او يمكن اكتر المهم جربت كل الوسائل للحمل بالطب وبالاعشاب وبكل شي وبعد كل هادا ماحملت بس لما اراد ربنا حملت طبيعي والله ونزلت ورجعت حملت بعده بشهر واجتها بنوته متل القمر بسم الله ماشاء الله متل عرايس الباربي والله مابكذب عليك وبعدها بسنه تقريبا اجاها كمان ولد وعلى قصة زوجك احيانا النفسية الها دور يعنى يمكن يكون حد بدايقه بهالحديث وهيك يعنى حاولى انت تدعميه بالحكى وبالفعل وان شاء الله مايمضي هالشهر الا والدورة مو جياك لمدة 9 شهور وماتحتاجى لا حقن ولا شي انت وكل هالصبايا يلى عايزين |
رد: دردشة بنات فلسطين , دردشة حوامل فلسطين , تجمع بنات فلسطين
صباحكم امطار وخير وبركه :)
انبثاقه يا عمري الله يرحمو ويسكنه فسيح الجنان يارب ويرزقك ويرزقني وكل متمنيه الحمل السليم التام المعافى طبيعي هيك بدون كل هالخربطه هاي هههه ، وطبعا باقرب وقت ههههه لاني متلك تقريبا زهقت من هالشغله :) بيبووو صباح الورد عليكي وع بيان العسول :) كل الصبايا نحبكم بالزاف :) |
رد: دردشة بنات فلسطين , دردشة حوامل فلسطين , تجمع بنات فلسطين
يسعـــــد صباحكـــــــــــــم يا حلوين
كيفكم اليوم حيفا وانبثاقة وكلي امرك لله ،، وجربي العلاج بالرقية الشرعية وقراءة سورة البقرة على ماء والغسيل به ،،او على زيت زيتون واتدهني فيه ،،،كثير ناس جربو وزبط معهم اكثر من العلاج كمان اهم اشي النية الصافية والايمان انه الله رح يرزقكم والاستغفار بنية الحمل ودائما خلي نفسيتك مرتاااااااااحه لانه النفسية اذا كان سيئة العلاج حيكون ع الفاضي حيفا انتي من وين ؟ انا كنت اتعالج عند دكتور في نابلس اسمه هاني النابلسي كثيييييييير شاطر وبيجو عليه من الخليل وطولكرم وجنين ومن اسرائيل والحمدلله حملت والان بتابع الحمل عنده .. عقبالك يارب باقي الصبايا يسعد صباحكم شو ناويين تعملو غدا ؟ انا حاسة حالي تعبانة ،،غسلت الغسيل اليوم ورتبت البيت وليفت الحمامات وحاسة قاع ظهري هس بوجعني :( |
رد: دردشة بنات فلسطين , دردشة حوامل فلسطين , تجمع بنات فلسطين
صباح الورد
حيغا و انبثاقة يا حبيباتي و الله كل تأخيرة و فيها خيرة وكلو اموركم لله و ما تخلو هالموضوع يسيطر عليكم بعرف انها مش سهلة بس انتو مش طالع في بايديكم شي عشان هيك اتركو الباقي على رب العالمين و ربنا رح يعوض صبركم عن قريب بإذن الله ربنا يرزقكم عاجلا غير اجلا كل وحدة بتوم ولد و بنت يكونو حلوين زي امهاتهم ياااا رب يا كريم فوفو يعطيكي العافية و سلامه ضهرك حتى انا غسلت و رتبت البيت عالخفييف و ضهري رااااااح و كنت امشي زي العجوزة هههه لسا بدري باقي الصبايا وينكم يا كسولات يسعد صباح الجميع مع انها الدنيا مسا بس يللا هههه |
رد: دردشة بنات فلسطين , دردشة حوامل فلسطين , تجمع بنات فلسطين
مسا الخيرات
بيبو ياقلبي انت ربي يسعدك اكيد والله كلامك صحيح والحمدلله راضيه تمام الرضى ويارب يكتبني صابره وانا بحاول كتير ما ابين لزوجي اني مضايقه وزعلانه مو حابه يشعر انه هو السبب ابدا ابدا قبل كنت ابكي لما تيجي الدوره هلا لو شو مابخليه يشوف دمعتي لانها والله صعبه ع الرجال حيفا يسعد مساك يارب الله يركمنا وتصير هي الايام مجرد ذكريات ونضحك ع حالنا بعدين هههههه فوفو يعطيك العافيه اكيد والنعم بالله موكله اموري اله وهو كريم والي عنده قريب ان شاء الله لولو الجميله الحبيبه يسعد هالمسا ماما الصغيره ههههه شو أخبارك ياقلبي والنونو الصغيره يااااااااارب يقومك بالسلامه ويفرحنا فيك وب كارين الجميله الله يسمع منك ياقلبي والله يالولو خلص قررت اطلع من الي انا فيه بالقوه وما اسمح لحالي بالتفكير بقدر الامكان امبارح قدمت للوكاله الي عنا وراح اقدم للمدارس لازم اشتغل ع شان اطلع من هالجو ربي يكتب لي الخير وللجميع يارب ويفرحنا بكل الحبايب بقومتكم بالسلامه يااااارب |
رد: دردشة بنات فلسطين , دردشة حوامل فلسطين , تجمع بنات فلسطين
يسعدلي اوقاتكم يا رب وما يحرمني طلتكم
حيفااا وانبثاقة الله يعوض صبركم خير يارب حلا ودود وينكم اليوووووووومم وام عبدالله كمان |
رد: دردشة بنات فلسطين , دردشة حوامل فلسطين , تجمع بنات فلسطين
واحد سيارته انسرقت..
ثاني يوم لقاها موجودة مكانها ومغسولة... فتحها لقى فيها ظرف، فتح الظرف لقى فيه رسالة مكتوب فيها :..... أنا آسف جدا ! زوجتي كانت بتولد وما كان عندي سيارة ، فاستعرت سيارتك واتمنى تقبل عزيمتي أنك تشوف فيلم في السينما كاعتذار مني وتعويض و لقى تذاكر السينما للعائله كلها مسح الرجل دمعة الفرح اللي بعينه ، وقال: والله فعلا الدنيا بخير اليوم اللي بعده راح مع أسرته السينما و دخل الفيلم ، و لما رجع البيت لقى البيت مسروق ، ولقى ظرف ✉ مكتوب عليه : ( إن شاء الله يكون الفيلم عجبك ) |
رد: دردشة بنات فلسطين , دردشة حوامل فلسطين , تجمع بنات فلسطين
حبيبتي انبثافة
تسلمي و عقبال ما نشوف ولادك و بناتك يا الله يا كريم وهو الاحسن انك تحاولي تشغلي حالك باشياء تانية لانه كترة التفكير ما بتحيب غير وجع الراس انا الحمد لله انا و البنوتة بخير و بدنا اياكي تكوني مبسوطة و مرتاحة وكلي امورك لربنا و ان شاء الله كلشي بصير للاحسن بتعرفي انا دايما بحسك واعية و فهمانه و طيوبة و مؤمنه و ان شاء الله رح تقدري تتغلبي على هالوضع و ربنا رح يعوض صبرك بالي تتمنيه ان شاء الله حبيبتي انبثاقة |
رد: دردشة بنات فلسطين , دردشة حوامل فلسطين , تجمع بنات فلسطين
حواء يسعد مساكي يا عسل
كيفك و كيف عزوز و برلنت ؟؟ |
| الساعة الآن 01:47 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .