|
رد: تجمع حوامل ليبيا
صباح الخير
انى بخير والحمد لله لكن مانحكيلكمش كيف صار في وجع بطن واسهال وحرارة ومفيش ماكله 3 ايام لكن توة الحمد لله احسن مشيت عاينت قالى الدكتور القولون متهيج من العلاجات والدكتورة مشيتلها 9يوم في الدورة قالتلى زيدي 3 ابر تنشيط وقالتلى عندك تكيسات والله ماكانها شن قالت توكلت على ربي وروحت ومانبيش ناخذ ابر ولاعلاج اخر والراجل امس روح من مصراتة معناها مش فاضيتلكم بكل ميرنا احسن شي اللي درتيه حتى انى تو الشهر الجاي بنقنعه يرفعنى لبنغازى ماعادش فيها كيف تعبت وكل النساوين اللى بحداى حوامل أم أسيل وينك وامتى البشارة يااااااااااااااااااارب مايضيع تعبك في الفاضي وتكونى حامل ياااااااااارب |
رد: تجمع حوامل ليبيا
يا ميرنا
انا ليا كم يوم زعلانه بسببك بس والله اليوم فرحتيني بقرارك بس نصيحه حطيها حلقه في وذنك قال رسول الله صلى الله عليه وسلم (استعينوا على قضاء حوائجكم بالكتمان) والعين حق انقولك الله اعلم والله اعلم انتي من النوع اللي كان قلتي على حاجتك تنحسدي بسرعه وما ايصيرش منها يعني نبيك تمشي في موضوعك بكل قوه بس ما اتخبريش حتى على اقرب الناس ليكم ويقولوا ما يحسدك إلا حبيبك حتى بنغازي قولي ماشيه ندهورونتفسح وكان عالحجز خلي ام اسيل تعطيك رقم تلفون العياده والحجز ساهل وتبشرينا وانتي حامل بالشهر الرابع انقولك سر .......انا هكي اندير.... |
رد: تجمع حوامل ليبيا
السلام عليكم
الف لاباس عليك ياحبل الوصل وان شاء الله الي تديريها تلقيها متيسرة قدامك (وبشوية عا الرجل راهو شكا لراجلي امس منك قاله معش لحقت عليها باهي الي مريضة ) انا يابنات درت تحليل دم يوم الخميس وطلع مفيش حمل وانا قررت اني نوقف محاولات حمل لين نقص على الاقل 20 كيلو عشان حتى لما نحمل مانتعبش وانا خذيت القرار هضا وانا راضية نفسيا وفرحانة وكل توخيرة فيها خيرة ان شاء الله |
رد: تجمع حوامل ليبيا
ربي يقدملك اللى فيه الخير
تعرفي حتى انى اول مرة نحس روحى مرتاحة والله بعد التكيسات قلت مانبيش ناخذ منشطات |
رد: تجمع حوامل ليبيا
تعرفي يا ام اخلاص انا حملتي الي فاتت حملت من غير منشطات بس كنت ناخذ في حبوب متاع الحليب والدكتورة كانت ترجا في الدورة امتا تنزل بيش تعطيني كلوميد وسبحان الله طلعت حامل والله ما في بالي بكل لكن قدر الله وماشاء فعل والجنين كان كويس وفيه نبض ويتحرك لكن لما سمعت ان عمي توفى كنت واخذة ابرة السكر ومفروض بعدها ناكل وانا عديت طايرة بعد الخبارة ونسيت ناكل وبعد ساعتين في العزاء جاني هبوط شيديد واغمى عليا وشالوني للمستشفى تخيلي لقو سكري 35 وهذا هو سبب موت الجنين والحمد لله على كل حال وعمتي سماته عوض عشان يعوض علينا ربي ولما حملت كان عندي تكيس وانا مش عارفة الدكتورة فوزية مابتش تقولها ليا قالت عشان نفسيتك عشان اهم حاجة في الحمل النفسية والله ما قالتها ليا لين دارتلي عملية التنظيف
|
رد: تجمع حوامل ليبيا
ايوة مكنتش نعرف ان القروب هكي على اموضوع التأخر هذا ربي يفرحهم بوليد او بنية
ميرنا قرار جدا كويس ربي يوفقك ان شاء الله |
رد: تجمع حوامل ليبيا
ام اسيل ربي يعوضك وخيتي قدر الله وماشاء فعل
|
رد: تجمع حوامل ليبيا
ربي يعوض عليك يا أم اسيل
تبي الصارحه انشاء الله التوخيره هذي ما فيها ندامه اهم حاجه تحطي قدامك الهدف وهو الاستعداد الجيد للحمل ديري رجيم بس في الفتره هذي خوذي كورس فيتامينات وفوليك اسيد تعرفي انشاء الله انشاء الله خير كولي تمر وحليب وعسل وامتنعي على النشويات وديري رياضه يعني حاجه شهر شهرين وتكوني جاهزه بس حبيتك تشوفي الموقع هذا ممكن يساعدك http://www.rjeem.com/forum/f8.html |
رد: تجمع حوامل ليبيا
اميسر الف الف شكر على التشجيع وشفت الموقع الي قلتي علية ممتاز بكل وشكرا مرة اخرى
|
رد: تجمع حوامل ليبيا
حلو الموقع يا اميسر مشكورة استفدت منه
|
| الساعة الآن 06:39 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .