|
رد: هنا تجمع حوامل القصيم0000
ام احلا بنوته ربي يعطيك العافيه ابنشب بحلقك باسألتي
تدرين انا حامل بتوام والدكتوره بتولدني ولاده مبكره يعني اخر السابع على الثامن وشيصير وزنه بتجربتك وبالوقت لانهم ماشاء الله ثنين ودي اعرف وش يطلبون المستشفى من لبس لويصيرون بالحضانه لهم لاني ماشريت شي تقول امي اصبري لين يطلعون نشوف حجمهم وونشري لهم والله محتاره ماشريت الامهادات وبطانيات بس ربي يخليهم غير ذلك نموهم بطئ صح ولا لا اذانولدو الحين هم وزنهم تقريبا كيلو كل واحد شي ثاني اكبر همي اخاف الحضانه تخرب رووسهم لانهم ينومون على جنب وش الحل اشوف قرابتي اللي بحضانه رووسهم طويله والله ودي على قوله العجز ينفضخون وش رايك الله يهون عليك وحده ماتنعطى وجه ام البدرين والله ماجربناه لاني ببريده ان شاء الله تلقين احد يجاوبك |
رد: هنا تجمع حوامل القصيــــــــــــــــــم0000
المستشفى الوطني حكومي ولااهلي بنات ؟
|
رد: هنا تجمع حوامل القصيــــــــــــــــــم0000
المستشفى الوطني اهلي ومسط فلوووووووووووووس
|
رد: هنا تجمع حوامل القصيــــــــــــــــــم0000
مساء الخيريات ياصبايا
كيفكم صبايا ؟ انا انشاء نويه الولد ف ي المستشفي الوطني بس حبه اسال ! لزم افتح ملف او عاي علي طوال ؟ وهل اقدر اختار الدكتورة الي ابي ؟ او بس الي عليه المنوبه ! وهل عندهم البرة المسكنه الي في الوريد؟ معليش تحملون الولادة موسهله وانا خوفه ....[/color][/color] |
رد: هنا تجمع حوامل القصيم0000
اقتباس:
*هلا اختي ام البدرين انا مجربه الولاده عندهم قبل 5 سنوات وكرهتهم وناويه هالمره ان شالله بالوفاء ولا الحبيب يارب اولد بالسلامه hwaml5 |
رد: هنا تجمع حوامل القصيــــــــــــــــــم0000
طيور الجنه ربي يسهل ويهون عليك
طيب من ولدك دكتوره والا دكتور وما تذكرين من كان معليش اختي اببلشك معي باسالتي ربي يرزفك العطاء الصالح |
رد: هنا تجمع حوامل القصيــــــــــــــــــم0000
لاعادي اختي محجبه خذي راحتك
الحين وزنهم مره صغير لازم بيحطونهم في الحضانه ماراح يطلعون الا اذا صار وزنهم 2كيلو والحضانه ماراح يطلبون منك ملابس غير الحفاضات بس شوفي اختي اهتمي في نفسك علشان الحليب ماينشف من صدرك لانه مررررره مفيد للخديج يساعده في النمو يعطيه مناعه لانه بكون صغير مايتحملون واذا بدو يرضعون الحليب بيقولون الحضانه تجين علشان ترضعينهم او تجيبن لهم حليب اما اختي الملابس اشتريهم الحين اذا لك خلق ولاخليه بعدين اذا طلعو بسلامه إن شاءالله لانه ماتدرين متى بيطلعون واذاصارو في الحضانه ان شاءالله زوريهم كل يوم واذا ماتقدرين خلي أبوهم او احد من اهلك واسألي الدكتور واسألي عنهم في التلفون يومين لانهم يهتمون بهم اكثر ام عن الفضخه ههههههههههههههه اهم شي الصحه ان شاءالله يطلعون بسلامه ولاتخافين صغير حجم الرس اذا طلعو تقدرين تتحكمين فيهم وينفضخون وأي اسأله أنا حااااضره* |
رد: هنا تجمع حوامل القصيــــــــــــــــــم0000
ياحبيلك ام احلا بنوته ربي يعافيك واكيد لو براسي سؤال مانيب مقصره خخخ الله يجزاك الجنه
|
رد: هنا تجمع حوامل القصيــــــــــــــــــم0000
هلافيك اختي كتكوتتي
حتى أنا ناويه اولد عند الوطني بس أنا ملفي عندهم واتابع عند الدكتوره هويدا ان شاءالله هي اللي بتولدني ام عن الابره مدري والله ماعندي خلفيه بس أحسن روحي لمهم واسألي |
رد: هنا تجمع حوامل القصيــــــــــــــــــم0000
مشكورة ياقلبي ام احلا بنوته
انا فتح برنامج متابعة حمل في عيادة المستقبل يعني عادي اطلب الدكتورة الي ابي مو زي مايقوالن الناس انه بس الطبيبه المنوبة بس اخاف الولد انا وانتي في نفس الوقت من تتولد قبل هذي مشكله !! |
رد: هنا تجمع حوامل القصيــــــــــــــــــم0000
لااعندهم اكثر من دكتوره لنساء مره رحت لطوراء فيه الدكتوره فرسان مرره شطره
|
رد: هنا تجمع حوامل القصيــــــــــــــــــم0000
|
رد: هنا تجمع حوامل القصيــــــــــــــــــم0000
ام احلا بنوته
رحت للمستشفى عندي موعد وقالت واحد وزنه كيلو وميه غرام وواحد اقل شوي وانتي مهدده بولاده مبكره بس خوفتني دكتورتي قلت له توقعين ماعليهم خطر قالت لوعندك واسطه بالرياض روحي هناك الحضانات افضل لكن عندنا مااضمن لك ان حضاناتنا تفيدهم لو يطلعون الحين لاقدرالله وان شاءالله مايطلعون بس اسالك الخديج مادري ولدك ولاولداختك وزنه كم وباي شهر طلع وانتم حطيتوه بحضانه بريده ولا لا اقصد حضانه بريده هي اللي تقولين عنها حرصوهم واتصلو عليهم وش رايك حدي خايفه طمنيني ربي يطمنك |
رد: هنا تجمع حوامل القصيم0000
شوفي اختي انتي ارتاحي مرررره علشان يكملون ان شاءالله ويزيد وزنهم
أنا بنتي جبتها كيلو وستمائه في اول اسبوع من الثامن الحمدلله جلسات عندهم في الحضانه كان فيه دكتورسوداني مره شاطر هواللي تابع الحاله اسمه مصطفى اسألي عنه ان شاءالله فيه الحين وحتى ولد بنتنا جبته بعد بنتي بشهر في اول السابع كان وزنه مروره صغير وطلبو نفس الدكتور والحمدلله الحين طيب مستشفى الولاده حضك نصيبك على حسب الدكتور المناوب واذا عندك واسطه احسنلك الرياض والله يتمم عليك ان شاءالله يارب* |
رد: هنا تجمع حوامل القصيــــــــــــــــــم0000
اختي المحجبه
انتي من تراجعين عنده؟ وروحي اكثر من دكتوره علشان تتطمنين |
رد: هنا تجمع حوامل القصيــــــــــــــــــم0000
ربي يعافيك
ارسلت لك عنواني بالايميل ودكتورتي ليلي بالولاده والله عنده خبره بس ان شاء الله تعدي الايام على خير لانه قالت احتمال بالسابع والحين وصلت لنص السابع وانا واثقه اني ربي بيتممها لكن لو احتاجو بالثامن ماندري |
رد: هنا تجمع حوامل القصيــــــــــــــــــم0000
شوفي اختي ان شاءالله يتم توكلي على الله وارتااااااااااااااااااااحي مره خلك على السرير
انا قايلين احتمال اولد في الشهر السادس والحين الحمدلله باقي 10 ايام على الثامن وان شاءالله بيتم بس اختي عطتك ابرة االرئه لازم تاخذينها علشان البيبي وان شاءالله بيتمم |
رد: هنا تجمع حوامل القصيــــــــــــــــــم0000
ان شاء الله باخذ ابره الرئه بعد عشر ايام وواذا جاني شي قبل تقول طوالي للطواري بيعطونك اياه
|
رد: هنا تجمع حوامل القصيــــــــــــــــــم0000
سلام صبااياا ابي فزعتكن
ممكن؟؟ |
رد: هنا تجمع حوامل القصيــــــــــــــــــم0000
عندي الام اسفل الظهر والبطن خفيفه تزيد اذا صحيت من النوم وتخف بس احس بوخز الالم نفسه
المهم الدوره جتن يوم 7 +من شهر 11_ 1431جلست معاي ثلاث ايام بس يعني يوم 10 طهرت بعده بسبووع الي هو الان ظهري يعورني بس خفيف موب قووه وبطني وانا توي متزوجه من 4 شهور واول مره يصير معاي كذا ومدري وش السالفه؟؟ واليوم 19 _11 والالام له 3 ايام معاي توقعون وش السبب علما اني سويت تحليل حمل منزلي بس ماطلع شي خط واحد بس الي عنده فكره تجاوبن |
رد: هنا تجمع حوامل القصيــــــــــــــــــم0000
ااهلين فيك اختي معنا
الف الف مبروووووووووووووك على الزواج الله يوفقك ان شاءالله وتخلفي صبيان وبنااات اختي التحليل مايبين الا اذا تعدا وقت الدوره على طول يبين اصبري لحد ماتتأخر وسوي تحليل وان شاءالله تكوني حااامل واي خدمه انا حااااااااااااااضرر |
رد: هنا تجمع حوامل القصيــــــــــــــــــم0000
الله يسمع منك واكووووووووووووون حامل خصوصن رجلي يبين احمل وهو موب عندي انا ادرس عند اهلي وهو بشغله مير الله يعين
|
رد: هنا تجمع حوامل القصيــــــــــــــــــم0000
الله يسر امرك ان شاءالله تكوني حامل
|
رد: هنا تجمع حوامل القصيــــــــــــــــــم0000
الله يسمع منك يالغلا
يارررررب ترزق كل محررومه انا واختي وكل خواتي في الله ياشين احلام تنبني على وهم يارب تتيسرلي وكل مسلمه |
رد: هنا تجمع حوامل القصيــــــــــــــــــم0000
لاان شاءالله يصير موحلم ويصير حقيقه
وانتي ياختي ليه مستعجله خلك عروس وستانسي بكره يجونك العيال ويهبلون فيكي هبااااااااااال |
رد: هنا تجمع حوامل القصيم0000
اقتباس:
مشكوره اختي بس ماتذكر منهي كانت مصريه بس كانت تعصب علي وانا اول مره يعني ماتقدر هالشي وعلشان كذا كرهتهم واعرف وحده ولده بالوفاء له اسبوع وتمدحهم وانا اهم شي عندي تكون الي تولدني نفسه زينه ماتعصب علي يارب تقومني بالسلامه وكل الكررروشات hwaml5 |
رد: هنا تجمع حوامل القصيــــــــــــــــــم0000
ليه ناااااااااااااايم التجمع؟؟؟؟؟؟؟؟؟؟
|
رد: هنا تجمع حوامل القصيــــــــــــــــــم0000
السلاااااااااااااااااااام شلونكم بنات ديرتي
وشلون الثقل يارشيقااااااااااات |
رد: هنا تجمع حوامل القصيــــــــــــــــــم0000
السلام عليكم خلونا ننعنش التجمع تكفون
يالله حياكم عالحلى والقهوه وخلونا نتشارك الخبرات والاسئله ببدا انا بنات من ولدت بالصيف ومن ولدت بالشتاء وهل هناك فرق انا اول ولاده كانت بعز الصيف والحين بولد وبيكون برد شوي ودي اعرف لو به فرق بالنسبه للتجهيزات والعنايه بالنفس وهالسوالف يالله خلونا نسولف |
رد: هنا تجمع حوامل القصيــــــــــــــــــم0000
امين اختي طيور الجنه
عماتنا يالدن بالوفا ويقولن بالحظ تلقين الزين والشين الله يوفقك وتلقين وحده تروف بك ويسهل عليك امين |
رد: هنا تجمع حوامل القصيــــــــــــــــــم0000
ام احلى بنوته
وش اخبارك .. بشريني عنك..؟ <<راجعت عند د. هويدا الاثنين اللي فات بس ياختي حسيت كأنه هدره وتمشكلت معاهم علشان التصوير والتحليل اخذت التصوير بس ماحللت طلعت.. رفعوا ضغطي.. عيوني حزينه .. طمنينا عليك..؟ طيور الجنه.. وش صار عليك وين تراجعين الحين.؟ ام احلى اثنين وينك غايبه .. طمنينا عليك نسايم ليل .. طمنينا وش صار عليك.. وين قررتين تولدين .؟ شوفو شموخي.. الله يحقق لك ماتمنين .. وكل من يقرا أمل وكلي أمل عندك د.عصمت بالسعودي الوطني مره ممتازه بس انها ماتولد وانا سمعت عن هويدا بالقصيم الوطني ..يمدحونها بس وش سالفتك مع الروعه..؟ بعض الدكتورات قلبها قاسي .. وتستعجل بالتشخيص بعد كتكوتتي اي مستشفى تجرى عندهم عمليات أكيد عندهم ابره .. :) بس ليش ماتفتحين ملف وتزورين الدكتوره النسائيه لو مره عندهم وتخلينها تكتب اللي تبينه بملفك وتاخذ كل معلوماتك احيانا التاريخ الطبي لك مهم.. |
رد: هنا تجمع حوامل القصيــــــــــــــــــم0000
محجبه
حياتي الله يهون عليك وعلينا ويتمم لنا على خير لاتصدقينهم لاقالوا ولادتك قريبه بكل حملاتي يقولون كذا يمكن تولدين بدري ويطلع التاسع ماولدت كله بيد الله .. اهم شي ريحي روحك امشي وتحركي بس لاتسوين اشياء تضرك او تتعبين روحك وتغذي كويس علشان صحتهم .. واهم شي الدعاء ود. ليلى مرررره ممتازه بس سمعت انها خلاص ماعاد تولد حلا بنت القصيم.. صادقين البنات وش مستعجله عليه الوحده تفرح اول ماتحمل واول ماتولد البيبي بس عقبها لااااااااااا تقول ليتي صابره شوي خاصتن ان زوجك بعيد .. يعني لاتهنيتوا ولا هو معك وقت حملك لكن لو ربي كتب الحمل الحمدلله هم نعمه من ربي .. واصبري انتي شوي لين يرتفع الهرمون ويبين ام البدرين انتي شرايك بولادة الصيف..؟ بالنسبه لي الشتاء احسن اول شي تتدفين كويس ماتموتين حر وتتقبلين كل خرابيط العجز واكلات البر <<معاناة انا وامي انا جربت الثنتين الصراحه الشتاء احسن بس الشتاء تبتلشين اذا روشتي النونو ولا جيتي تغيرين له ولا طلعتي به تحتاجين كم بطانيه للبيبي ومهادات ثقيله طرابيش سدارات هيلا هوبات واحيانا اذا دفيتيه كويس احسن بدون هيلا هوب علشان ماينحشر نقطه مهمه اخذت بنتي لذكتور اطفال وانهبل يوم شاف كمية الملابس خخخ<< كنت بكريه وخايفه عليها عاد قال لي ترى كمية الملابس هذي تضرها اكثر مما تنفعها يقول انتي لاتكثرين لبس لكن لو شفتي اطراف البيبي بارده معناته محتاج زياده بس لو يدينه ورجلينه دافيه معناته خلاص .. مو محتاج والله يجزاه خير من بعدها صرت بس المس يدينهم بس اشوفهن باردات ازيد واذا دافي لا |
رد: هنا تجمع حوامل القصيــــــــــــــــــم0000
حكاية عطر يا حبي لك ربي يسعدك
انا ولادتي بالصيف كانت معاناه حررررر موت ولازم اذا جا احد يزورني اتروش واروش البيبي وحالتنا حاله بس انا متامله خير الحين باذن الله اتوقع اريح مثل ما قلتي وطبعا على قولتك العجز لايدخلك برد ولا تاكلين تسذا وكولي تسذا ولا تسوين ذا وسوي ذا هههههه ربي يعين ربي يجزاك الجنه ياقلبي |
رد: هنا تجمع حوامل القصيــــــــــــــــــم0000
حكايه عطر
مشكوووووووووره ياروحي بس تدرين وين المشكله البنات الي تزوجو بعدي حملو ماشالله وانا لساتي خصوصن انا وضعي كثيرر غير من ناحيه بعد رجلي الشي الثاني انا خذيت 3 اشهوور والنزيف البكاره عندي وصارت بي حاله نفسيه وصرت اكررره اجماع حتى سيرته واكره الفراش وتعودت وتعود رجلي على هالحاله بس بدايه الشهر الرابع الي اهو الان الحمدالله تغيرت الامور لاافضل وصرت اتقبل الجماع بعد معانات طبعاا والله ماتصدقن عمري ماتوقعت الزواج كذا ولا تخيلته بها الصعوبه حتى صديقاتي لما يتكلمن عن الام طبعا ماكنت اعطيهم اهتمام اقول بنت لبنت تختلف ولما تزوجت ايقنت انه شويه عليه موت فعلن ذقت العزره مير الله يعين لدرجة اني اصيح صياح دايما واطلب من الله يسرلي اموري وما انا فيه . والحمدالله الامور فيها تحسن . والحمدالله على كل حال |
رد: هنا تجمع حوامل القصيم0000
أهلين اختي حكاية عطر
أنا الحمدلله تمام انتي كيفك طمنيني عنك شوفي اختي أنا مرتاحه لها مرررررره مدري يمكن علشاني جربت اكثرررر من دكتوره كلهم يرفعون الضغط وأحسها فاهمه ومره مهتمه فيني |
رد: هنا تجمع حوامل القصيــــــــــــــــــم0000
اهلين ياقلبي حكاية عطر
انا فتحة برنامج متابعة حمل في عيادة المستقبل وادي في نصف ذي الجحة الرواح لو مرة لمستشفي الوطني ارجع واختار الدكتورة بس شكل ماعندهم دكتورة زينه بس هويدا شكلي راح اختاره انا ابي دكتورة صبوره وحليله تتحملن وان الولد انا خوفه .... |
رد: هنا تجمع حوامل القصيــــــــــــــــــم0000
حكايه عطر
شلونك وينك من زمان مادخلتي تجمعنا انا الحين عند ليلى بس موب مولدتن على قولتك تركت التوليد والله اني اقوله عشان وضعي توام تعوذي من الشيطان وولدين قالت تجينا حالات اصعب من حالتك ولااولدهم لكن الشفاء على ربي وربي يفرحن بعافيتهم تامين الخلقه ولايوذون لاني اخاف يجين انهيار من المواليد شلون محوقه ماتم يارب ترحم ضعفي وماعندي شغاله |
رد: هنا تجمع حوامل القصيــــــــــــــــــم0000
مساء الخير بنااااااااااات
ام احلا بنوته وشلون قلبي |
رد: هنا تجمع حوامل القصيم0000
* ام البدرين مشكوره وهذي المشكله اني ماأضمن القي وحده على كيفي بس ابحاول الدعوه حظ ونصيب hwaml5انا اهم شي عندي النظافه والنفس الزينه hwaml7
,,,,,,,,,,,,,,,,,,,,,,,,,,,,,,,,,,,,,,,,,,,,,,,,, حكايه عطر ..hwaml7 مشكووووووووووره على السؤال انا اول حملي رحت لسهير بس ماعجبتن والحين عند عزه بالسلام مادري ارتاحله اكثر وكثير يمدحونه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,, حلا بنت القصيم ..hwaml7 هلا اختي انتي وش مستعجله عليه صدقين الحمل والولاده متعبه والتربيه متعبه اكثر خاصه ان زوجك مو عندك تبي تصير نفسيتك تعبانه اكثر صدقين كثير الي تزوجو وحملو على طول بعدين تندمو لان صار بينهم مشكال ماتفاهمو مع بعض وانفصلو وبعضهم قالو نتحمل علشان البزرالي معه احس الوحده تصبر سنه على الاقل تصدقين وحده اعرفه جلست 4 سنوات بعدين قررات تحمل أختي تدرين انا حملت على طول بعدها جلست 5 سنوات وتوه ربي يكتب اتذكر الدكتوره تقولي انتي لاتفكرين كثير بالموضوع لانه ياأثر على النفسيه وفعلن يوم صرت مافكر بالموضوع واشغل وقتي واسافر واغير جو ربي كتبلي احمل والحمدالله hwaml5اتمنى تفهمين كلامي ولا تزعلين مني hwaml13وربي يكتبلك الصالح ,,,,,,,,,,,,,,,,,,,,,,,,,,,,,,,,,,,,,,,,,,,,,,,,, |
رد: هنا تجمع حوامل القصيــــــــــــــــــم0000
السلام عليكم
حبيباتي انا اختكم من بريده وعضوه جديده هنا امس مريت الصيدليه واخذت تحليل للحمل وطلعت النتيجه ايجابيه ادعو ربي يتمم لي على خير ويرزقني الذريه الصالحه |
| الساعة الآن 08:24 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .