|
رد: دردشة حوامل أهل جدة - دردشة بنات جدة - تجمع حوامل مدينة جدة
سلام صبايا كيفكم وشو اخباركم؟؟
المخملية انا كاش ماعندي تامين عشان كذا ابغى مستشفى سعره حلو وردة الدنيا كم ميزانيتك اللي حاطتها لانه في دكتورات ممتازات بس اسعارهم نااار>>بالنسبة لي على الاقل الله يسهلكم ويتمم لكم حملكم على خير |
رد: دردشة حوامل أهل جدة - دردشة بنات جدة - تجمع حوامل مدينة جدة
وأنا زيك عنقوودة أبغى مستشفى سعرها حلو لاني كاش مو تأمين
وللأن مقررة على أسماء شحرور تكلفتها 6500 للغرفة المشتركة و7500 للغرفة خاصه.. هذا للطبيعي أما القيصري فلا أغلى وأن أشاء الله طبيعي مانحتااج للقيصري |
رد: دردشة حوامل أهل جدة - دردشة بنات جدة - تجمع حوامل مدينة جدة
سلام ع الجميع :)
اكتشفت المنتدى من شهر تقريبا وحبيته كنت اقرأ بصمت بس قررت اسجل واشاركم عشان استفيد من تجاربكم وخبراتكم وافيدكم كمان |
رد: دردشة حوامل أهل جدة - دردشة بنات جدة - تجمع حوامل مدينة جدة
السلام عليكم حبيباتي
انا حامل بالشهر الثامن ومني عارفه اولد فين خايفه والله لاني ولدت المره اللي فاتت في عرفان وما عجبني كشك الولاده بدائي والدكتوره عصبيه مره مع اني رحت لهم والرحم مفتوح سبعه سنتي بس ما تحملتني الله يسامحها هذا غير الكفتيريا بغيت اموت من الجوع بعد ما ولدت كل ما طلبت وجبه جابولي سندوتش جبن بارد مع شبس تخيلوا ؟؟؟ جلست ابكي من التعب والجوع وكمان كسروا رجل بنتي اثناء الولاده وطلعت بيها من المستشفى بالجبيره على رجلها ودحين خايفه مره مدري وين اروح قولولي الله يسعدكم وانا عندي تأمين الحمدلله بس مدري وين اروح :( |
رد: دردشة حوامل أهل جدة - دردشة بنات جدة - تجمع حوامل مدينة جدة
سلام عليكم عزيزاتي..
ارين.. انا انصحك بالاطباء المتحدون او فقيه او الطبي الدولي فقط لاغير.. كلهم يقبلوا تامين بس علي حسب الدكتورك و علي حسب نوع التامين. انا عن نفسي بتابع عند دكتورة خديجة عباس في فقيه سمعت انها كويسة و لكن ممكن اغيرها. بس صراحة ذووووق واخلااااق ماشاء الله تبارك الله. |
رد: دردشة حوامل أهل جدة - دردشة بنات جدة - تجمع حوامل مدينة جدة
جزاك الله خير اخت مارلين
بس نفسي اولد عند دكتوره شاطره وصبوره دكتورتي اللي كنت اتابع حملي عندها في عرفان كانت قمة الاخلاق وزي العسل وكنت فرحانه بيها بس وقت الولاده انصدمت منها تخاصمني ومتنرفزه وشويه وتظربني استغفرالله ياليت تدلوني على وحده شاطره وحنونه |
رد: دردشة حوامل أهل جدة - دردشة بنات جدة - تجمع حوامل مدينة جدة
سما ناظر بالطبي الدولي بس ما تقبل تامين..
ماشالله شاطرة و صبورة لابعد الحدود و تقرا عليك و تحصنك و تدعيلك و انتي بتولدي. |
رد: دردشة حوامل أهل جدة - دردشة بنات جدة - تجمع حوامل مدينة جدة
صبــــــآآح الخير لحوامل جده خخخخ ^.^
|
رد: دردشة حوامل أهل جدة - دردشة بنات جدة - تجمع حوامل مدينة جدة
عنقودة
انا ودي بمستشفى تكاليفه معقولة بس انا خايفه عشان اول ولاده ومن اول الحمل تعبانه تقلصات ونزول مشيمه ونزيف ماابغى اتعب بالولاده كمان وابغى طفلي باذن الله يكون سليم تعرفين نزول المشيمه يسبب مشاكل ويمكن قيصري عشان كذا ابغى دكتورة كويسه للي زي حالتي وياليت تقولين لي الاسعار لاني الحين مبدئيا مفكره بفقية والالماني وماادري كم اسعارهم بس وحده مجربه د عفاف بالالماني للقيصري مره ممتازه واسماء شحرور بفقيه وافكر اروح افتح ملف قريب عندهم مخملية شكرا ع المعلومة |
رد: دردشة حوامل أهل جدة - دردشة بنات جدة - تجمع حوامل مدينة جدة
مساء الخير ياأحلى كروشات
وردة الدنيا انا عانيت مثلك بحملي الأول من أنفصال جزئي للمشيمة ونزيف وحالة ونوموني طبعاً بفقيه والحمد لله ولدت فيه بس للأسف دكتورتي ألحين ماهي فيه وحالياً أراجع عند الدكتوره دلال بوقس وهي كاش ماهي تبع المستشفى . وكمان سحر مالودي زوجة أخوي ماتولد غير عندها تقول عسل وصبورة وقت الولادة وشاطره هي ماعليها كلام وماشاء الله اللي بفقيه كلهم شاطرين . والولادة بخمسة الآف وثمان مية والدكتورة إذا ماهي تبع المستشفى تأخذ ثلاث الآف للولادة وبصراحة الألماني مايمدحونه بالولادة مدري انتي استخيري والله يقدملك اللي فيه الخير ويقومنا جميعاً بالسلامة . |
| الساعة الآن 08:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .