|
رد: تجمع رعاية المولود من حديثي الولادة إلى شهر 3
صباحو صابايا
كيفكم الكم وحشة والله يابنات محرم اليوم بطعم وليدي تطعيمة الشهرين يسعد قلبو ياناس ادعولنا تكون خفيفة عليه ومايتعب بعدها ان شاء الله وياهلا بتجمع صفر |
رد: تجمع رعاية المولود من حديثي الولادة إلى شهر 3
السلام عليكم نبات تجمع صفر ومحرم
كيف الحال ؟؟؟؟؟ ان شاء الله تكونو زينيين .. الف مبروك ام الوليد وحمدلله على سلامتك وعقبالك يا ماما نوف الله يقومك بالسلامه يارب بنات انا تعباااانة نفسيا ومحتااااارة لاني بموقف لا يحسد عليه .. تذكرون لما ولدت وسألتوني ايش سميته وقلت لكم ولدي مجهول الهوية؟؟؟؟ صارله اسبوع من ولادته بدون اسم!!! لان ابوه كان محتار بين اسمين والحمدلله بعد تفكير دام اسبوع سماه ابراهيم .. وانا تعلقت بالاسم ، ما اكذب عليكم اخذت وقت عشان اتعود عليه لانو تخيلو بيبي بدون اسم مدة اسبوع وفجأة يصيرله اسم ههههه المهم الحين صار عمره شهرين الله يحفظه لي ،، وامس والد زوجي توفى الله يرحمه ، كان مريض مدة شهرين وموته كان مفاجئ لان الاطباء آخر كلام قالو كان انه في تحسن وعطونا أمل ،، المهم زوجي انصدم بالخبر وتأثر كثييير واليوم جا لي وقال رح اغير اسم ابراهيم !!! وحسميه على الوالد !!! انا تفاجأت بس ما اعترضت بالعكس لقيت نفسي أأيده واجامله بس من جوا مصدومة ومش متقبلة الفكرة لاني تعلقت بالاسم ابراهيم ،، والأهل والناس كلهم تعودو على الاسم ،، بس شسوي مافي باليد حيله خلاص حطاني تحت امر الواقع :( الله يرحم ابوه ويتغمد روحه الجنة ،، امس واليوم كان البيت متروس ناس ، وظهري انكسر مرة اجلس ومرة اقوم واسوي شاي وقهوة الحمدلله على كل حال |
رد: تجمع رعاية المولود من حديثي الولادة إلى شهر 3
ام التوينز حبيبتي الله يخليلك التوينز ويسعدك :)
يارحيم بالنسبة للرضاعة لازم تعطيه صناعي بعدما ترضعيه من صدرك جهزي الصناعي وحطيه جنبك وبعدما تخلصي رضاعة اعطيه الصناعي عشان يشبع وينام فترة اطول |
رد: تجمع رعاية المولود من حديثي الولادة إلى شهر 3
هلا ستار23
بالتوفيق ان شاء الله مع التطعيمة الله يخليه لك يارب |
رد: تجمع رعاية المولود من حديثي الولادة إلى شهر 3
زينب عظم الله اجرك
انا ما ما اشوف لها داعي يغير الاسم لانه الحين شهرين ومتعودين علي الاسم تحصلينه مصدوم علشان كذا قرار ها القرار بعد يومين بيغير رايه الله يرحم موتتنا وجميع موتا المسلمين |
رد: تجمع رعاية المولود من حديثي الولادة إلى شهر 3
عظم الله اجركم زينب والله يعينك على ايام العزا انا اكرهها مررة..
لا تخافين زي ماتعودتي على ابراهيم بتتعودين على غيره مسألة وقت صدقيني.. اعرف ناس غيرو اسماء عيالهم واعمارهم 5 و 6 سنين وتعودو بعد فترة ونسو الاسم القديم.. |
رد: تجمع رعاية المولود من حديثي الولادة إلى شهر 3
عظم الله اجرك زينب قضا وقدر ومكتوب ان مو له اسم ابراهيم يمكن خيره ماتدرين
|
رد: تجمع رعاية المولود من حديثي الولادة إلى شهر 3
بنت انا كشفت امس من تحت وماصار شي والحين يوم قمت نزل معي دم مع لزوجه ووقف وش هذا خايفه |
رد: تجمع رعاية المولود من حديثي الولادة إلى شهر 3
صباح الخير بنات..........
كيفكم اليوم؟؟ زينب.....عظم الله اجركم..الله يرحمه ويسكنه فسيح جناته.... اما الاسم انا اشوف انه الفروض مايغيره..يمكن يغير رايه بعد فتره..واذا جاكم ولد ثاني بالعافية سموه باسم ابوه.. انتي اقترحي عليه يأجل الاسم شوي.... طيب سؤال محرج؟؟وش اسم ابوه؟؟يمكن حلو؟؟ الماما نوف........ان شاءالله تكون بداية ولادة..انا لماكشفت علي الدكتورة من تحت..على طول بدأ فيني الطلق وماكملت 24ساعة الا والرحم فاتح 7سم....... شكل اللي طلع منك السدادة..الله يسهل ولادتك يارب....... |
رد: تجمع رعاية المولود من حديثي الولادة إلى شهر 3
ال ماما نوف. .. ربي يسهل ولادتك وتقومي بالسلامه انتي والبيبي..
زينب عظم الله اجركم نصيحه لاتزعلي زوجك خليه يغير لو يبي صدقيني رح تتعودو عليه بس زوجك ذحين محتاج وقفتك معاه وانتي ان شاءالله ماتقصري ربي يصبر قلبكم. |
| الساعة الآن 08:06 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .