|
رد: 【ツ】أحلى تجمع لأحلى حوامل التوائم 【ツ】 الجزء الثالث
تسلمون حبيباتي ، وانتي ريماسوه لج تحية خاصة فديتج ، والله هالتجمع وناسة والواحد ينسى همومه مع البنات الطيبة امثالكم، ربي يوفق كل وحدة ومنكم ويرزقها شوفة عيالها معافين ، والله ودي اسوي توقيع بس مدري شلون ؟؟؟ يكفي يالغالية تذكروني بدعوة .
|
رد: 【ツ】أحلى تجمع لأحلى حوامل التوائم 【ツ】 الجزء الثالث
السلام
عذروني مارديت ع احد منكم لاني مضايقه شوي بس قريت كل اخباركم يارب يشفي ويعافي ويحفظ لكم توينزك وتوصلون التاسع وتقر وتفرح عيونكم بشوفتهم سالمين يارب انا اخباري دخلت التاسع لك الحمد الشي الثاني :( الدكتور حدد لي عملية ااسبوع القادم وماحدد اي يوم ع حسب وضع الاجنه موعدي الثلاثاء وقبل الموعد موعد سونار ع ان صار الراسين تحت بس قال عملية افضل طبعا انصدمت ان صار الراس الاول تحت لانه من الخامس لين اخر الثامن وهو فوق فسبحان الله تغير ع التاسع من جد خايفه كثيررررررررررر صدمني الدكتور >>وانا كل اتلقى صدمات منه خخخخخخ تخيلو الى هالحظه محد يدري عن وضعي لا اهلي ولا ام زوجي اني بولد بعملية تخيلو طول الطريق وانا اتلقى الاتصلات علشان يطمنون عليهم ربي لا يحرمني منهم يارب خاااايفه وربي احس الف شغله براسي افكر بنفسي ولا بنتي متعلقه فيني كثير ومدري كيف بتركه 5 ايام قلبي يالمني :( وخايفه من العملية ادعوا لي ربي يقوي قلبي واقدر ع البنج النصفي لاني ما ابغى كلي ابغى احس فيهم غير كذا ماني مصدقه الى هاللحظه اني حامل بتوينز واني بولد وبجيب 2 بيبي انا بنتي وبالموت استوعبت انه بنتي وهالحين تجين لحظات اكذب فيه ههه لاحد يضحك علي بس عقلي ينفر هالشغلات يعن يصدق ويكذب في نفس الوقت مالي غيركم بعد الله اقول اللي بخاطري طبعا انا ما قلت لكم قصتي حملي بتضحكون علي ^ـ^ بس بخليه لولدت انشاء الله وبشوف حلمي بيصدق بكل شي وبيكون اللي بطني ولد وبنت او ولادين ولا لا ولا ربي استجاب دعوتي وبيكون بنات تفهمون السالفه لا ولدت بالسلامة قلتها لكم تكفون كل اللي ولدوا بعملية بنج نصفي ولا كلي تقولي نصايحها وتقولي كيف جو العملية كل شي بالتفاصيل ما ابغى اروح واشوف اي شي وانصدم ونصايحكم بعد العملية ومشكورين احبكم وربي الشاهد الله يسر كل اموركم ويكتب لكم الخير وتفرحوني بولادتكم ^ـ^ |
رد: 【ツ】أحلى تجمع لأحلى حوامل التوائم 【ツ】 الجزء الثالث
تذكرت شي ^ـ^
ايش الاغراض اللي اخذه معي المستشفى لي ولتونزي ؟؟ |
رد: 【ツ】أحلى تجمع لأحلى حوامل التوائم 【ツ】 الجزء الثالث
ااالسلام عليكم
ابيكم تدعولي وتدعوا لامي بالشفاء انا راح اغيب عنكم يمكن اسبوعين نازلة لبنان لانه امي وااااااااااااااااايد تعبانة ولازم انزل اجوفها دعواتكم لها بالشفاء ااااااااااااااااااااااحبكم وااااااااااااااااايد استودعكم الله الذي لاتضيع ودائعه |
رد: 【ツ】أحلى تجمع لأحلى حوامل التوائم 【ツ】 الجزء الثالث
اقتباس:
ثانيا الله يقومك بالسلامه وتفرحين وتقر عينك باحلى كتكوتين او كتكوتتين يارب انا بالنسبه لي جربت القيصري قبل ثمان سنوات<عجوزه عطاني الدكتور موعد ورحت قبله بيوم تنومت اخذت معايا اغراض بنتي بس انا مااخذت شي لي تعرفين بكريه وماكان عندي خبره بس اساسا ماراح تحتاجينها لانك يدوب في اليوم الخامس حتحسي براحه وقدر ه على انك تقومي وتغيري وتهتمي بنفسك مو معناها انك الاربعه الايام ماتقدري الا بس حيكون فيه اهتمام كبير من النيرس حقك حتى اكرمك الله دورة المياه هي توديك وتجيبك وتغير لك بعد<اسفه بس بقول كل شي بالنسبه للعمليه والله شي عادي جدا سبحان الله انتي بس عدي لحظه لمايقولولك يالله غيري لبسك حنزلك العمليه وبعدين حتلاقي كل شي ميسر والله صدق هم راح يهتمون فيك بعد الله يدوب تنامي يجي طبيب التخدير عند راسك يسولف معاكي طبعا يعني اني بلهيك يحط الكمامه انا بالنسبه لي قالي عدي الين عشره<داخله روضه وانا مدري والله يدووب مدري كم وصلت الا وانا غاطه بعدها فقت ونقلوني غرفة خاصه للي يسوون عمليات كل دقيقه وهما على راسك قياس ضغط وحراره ولازم تقومين اليوم الثاني تمشين انا بصراحه ذا اللي تعبني بس تهون ويجيبولك توينزك وتلميهم وتنسي كل اللي راح ووووبس اسفه ادري طولت بس هاذي تجربتي مع القيصري والله ولي التوفيق الله معاك حبيبتي ويطمن بالك تذكري ذا الشي<يالا باايhwaml7 |
رد: 【ツ】أحلى تجمع لأحلى حوامل التوائم 【ツ】 الجزء الثالث
أم عائشه الله يشافيلك امك يارب ويخليها لك ويشفي امي كمان ويخليها لي ايوه روحي كلو ولا الامهات لبى قلوبهم
|
رد: 【ツ】أحلى تجمع لأحلى حوامل التوائم 【ツ】 الجزء الثالث
ام منذر
العفوو خيوتي و لو سديم و رنين الحمد لله طبيعي لا منشطات و لا معالجة أنا عندي في العائلة من الجهتين حالات وايد ٍتوأم يعني خالي و خالتي و بنت عمتي لان ابوي يصير ولد عم أمي فيعني كلش قويييه بالنسبة لزوجي خاله و بنت عمته عرفتي شلون أنا حتى لما سألتني الدكتورة و قلت لها قالت لي علشان جذي لان الوراثة عندي قوية و مو من بعيد |
رد: 【ツ】أحلى تجمع لأحلى حوامل التوائم 【ツ】 الجزء الثالث
صغيرة بالعمر الله يسهل امرك ويهون عليك وتولدي وتقومي بالسلامة
انتي وتوينزاتك يارب ام عائشة الله يشفي لك الوالدة ويحفظها |
رد: 【ツ】أحلى تجمع لأحلى حوامل التوائم 【ツ】 الجزء الثالث
صباح الورد يا الغاليات
شحالكم عساكم في خير ونعمه وصحه رجواي بالله ماتشوفين شر يالغاليه وربي يطمن قليبج على عيالج كلهم واتكلي على الله والحمد لله من توكل على الله ماخاب ام رفا يا قلبي انتي ربي يتمم لج على خير يالله شدي حيلج وكمن يوم وتبشرينا ان شاء الله فطوش بالسلامه ياقلبي تولدين وتفرحين بعيالج ربي يفرح قليبج عزتي بايماني ياقمر انتي تسلمين على السؤال عني حبيبتي مع اني ماعاشرتج كثر الخوات اللي قبل لكن دخلتي قلبي والله ربي يتمم لج على خير احلا ايام العمر ربي يتمم حملج يالغاليه وايسر امرج صغيييييره بالعمر الف الف مبروك الحمد لله تعرفين الحين بقولج شي من زمان انا كنت خايفه عليج لانج انتي وعواشه كنتوا في نفس الشهور وكنت ادعي لج ربي يثبت حملج ويتممه وتوصلين للتاسع ولله الحمد وصلتي ويعل ربي يتممه بالسلامه وتولدين وتضمين كتاكيتج بالفرحه ان شاء الله ريماس يا حلوة الجلاس الحمد لله انا متوكله على ربي وان شاء الله خير والوحام لو تشوفيني مستويه مثل القرده ههههه كله اكل موز قريت انه يخفف وفعلا تحسين انه يخفف اشوي رضاك ربي حبيبتي تسلمين ربي يحفظ لج بنوتاتج فديتهن ام عمر صديقتي الله يسهل الامتحانات على عيالنا ويوفقهم ان شاء الله ام عاشه فديت قلبج ماتشوف شر الوالده ربي يخليها لكم ان شاء الله وتروحين وتردين بالسلامه مع انه بنشتاق لج غنو حياتي وين حبيبتي طمنينا عنج ياقلبي شنتوره الحمد لله ربي يعدي الاسابيع اليايه على خير ويتمم لج بالسلامه يا عيوني وباقي حواملنا ربي يتمم عليكم بالخير |
رد: 【ツ】أحلى تجمع لأحلى حوامل التوائم 【ツ】 الجزء الثالث
صبااااااااااااااااااااااااااااااااااحو ما عندي وقت اقرأ تعليقاتكم حبيت اصبح عليكم واتمنى لكم الخييييييييييييييير
ابشركم بناتي صاروا قويات ومو سهلات ممنوع اغادر الغرفة اللي هم فيها وممنوع اضل ساكتة لازم اتم اناغي وممنوع اتأخر بالحليب والا بياخذون عخاطرهم واقعد ساعة اراضيهم باختصار انتصروا علي وحكموني وماحكمتهم هههههههههههه |
| الساعة الآن 01:12 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .