|
رد: دردشة بنات فلسطين , دردشة حوامل فلسطين , تجمع بنات فلسطين
صباااح الخير صبايا كيفكم
وشو الاخبار مشتقالكم والله بس تعبانة هالكم يوم البيبي ضاغط على بطني بالعرض وحاسة بطني عيد الشر رح يتمزع ومش مرتاااااااااحة ولا باي شي نهائيا بس كل ما ضاقت فيني بقول الحمدلله موكلة اموري لرب العالمين وشكله عمورة هيك مرتاح ، الله يسهلها يارب ماما قربت تيجي بدها شي اسبوعين او اقل شوي وانا ماجلة كتير اشيا لتيجي والله يستر والحق لانه هلا مالي نفس اعمل شي ان شاء الله كلكم بخير جميعاااااا بدون ذكر اسماء طمنوني عنكم وعن بيبياتكم والحوامل عن حملكم |
رد: دردشة بنات فلسطين , دردشة حوامل فلسطين , تجمع بنات فلسطين
حبيبتي يا دودو يسعد صباحك يا رب
اشتقتلك كتييير ولكلامك الحلو ... سلامة قلبك من التعب أكيد بيزيد من تقل الحمل بس يلا هانت وكرمال عموورة أكيد بتتحملي ... وكلي أمورك لله والي كاتبو ربك هو الي فيه الخير أكييييد وتوصل بالسلامة أمك .. يعني خلص هانت وأكيد رح تتحسن النفسية مع وجود الوالدة الله يخليلك إياها |
رد: دردشة بنات فلسطين , دردشة حوامل فلسطين , تجمع بنات فلسطين
تسلميلي ياااارب ام خليل
هانت ان شاء الله الله كريم كل سنة وحلا سالمة ياااارب والعمر كله الها طمنيني عنك وعن البيبي والحمل بلشتي تجهزي اشيا ، يمكن ما تكتري لانه اكيد عندك |
رد: دردشة بنات فلسطين , دردشة حوامل فلسطين , تجمع بنات فلسطين
الله يسلمك ويسعد قلبك .. فرفشي يا بنت وفكي شوية
حاسة في كشرة على وجهك ... سلمي أمورك لربك واتوكلي عليه لا اله إلا هو بالنسبة للتجهيز لا والله لسه ما بديت ومتل ما حكيتي مش رح أجيب كتير لأنو في عندي طقمين او 3 جداد بيكفي وحرام جديد وخلص بدي اطلع الي عندي وأشوف أزا في نواقص وأجيبها وخلص .... يعني كلو بمشوار واحد للسوق بيخلص بدي أسالك شو بتأخدي مقويات للحمل ؟؟ |
رد: دردشة بنات فلسطين , دردشة حوامل فلسطين , تجمع بنات فلسطين
يسعـــــــــــد صباحكـــــــــــــم
كيفكم اليوم امبارح رحت عالدكتور واتطمنت ع بنتي بالشهر الخامس والحمدلله كل شي تمام انا بدي اعمل كوسا محشي ع لبن للغدا |
رد: دردشة بنات فلسطين , دردشة حوامل فلسطين , تجمع بنات فلسطين
حلا
لا والله عادي بس قلق وتوتر يعني بتعرفي لما تطلعلك قصص مش حاسبة حسابها بس الحمدلله راضية شو بدي اعمل يلا حلو اذا عندك جديد حرام ، وبكرا بس يكبر بتجدديلو ان شاء الله بالنسبة للمقويات انا عالرابع وقفت الفوليك اسيد وصرت اخد حديد وفيتامينات بنفس الحبة وكالسيوم وفيتامين د لانه عندي ناقص ولهلا مداومة عليهم طبعا ، بس بفكر اوقف الكالسيوم اول التاسع مع انه دكتورتي قالت لا بس انا قرات انه لازم عالتاسع يتوقف ، والحديد بتضلي تاخديه حتى بعد الولادة ما بيضر |
رد: دردشة بنات فلسطين , دردشة حوامل فلسطين , تجمع بنات فلسطين
فوفو
صحتين يا قلبي عالكوسا وربنا يتمملك على خير وسلامة يااارب وتفرحي بشوفة رزان بصحة وعافية :) |
رد: دردشة بنات فلسطين , دردشة حوامل فلسطين , تجمع بنات فلسطين
يسعد صباحك يا فوفو
منيح انك اتطمني على رزونة ربي يفرحك بضمتها على خير يا رب وصحتييين عال كوسا لزيز كتييير شو يا صبايا وييييييينكم ؟؟؟ لولو .. حيفا .. ام عبد الله .. دموع .. أية .. وكلكم كلكم ويييييييينكم ؟؟؟ |
رد: دردشة بنات فلسطين , دردشة حوامل فلسطين , تجمع بنات فلسطين
الله يكتبلك الخير يا رب بس انتي ما تقلقي كتييير ولا تتعبي حالك بالتفكير ... منشان مزاجك ما ينعكس على البيبي خليكي ريلاكس
ال العبد بالتفكير والرب بالتدبير ... وكليها لله وما عليكي انا وقفت الفوليك أسيد بعد التالت وصرت أخد حديد وكالسيوم وحبوب أسبرين وبعد السادس ضافتلي عليهم حبوب اوميغا 3 والكالسيوم يوم باخدو. و3 لا ... لأنو الله يكرمك بيعملي إمساك :( يعني لهلأ ما كملت علبة خخخ الأسبرين بدي اوقفو بعد اول أسبوع بالتامن بس الحديد والاوميغا 3 حكتلي أضل مستمرة عليهم للولادة والكالسيوم انا ناوية أكمل الي عندي وخلص إلا أزا الدكتورة إلها رأي تاني |
رد: دردشة بنات فلسطين , دردشة حوامل فلسطين , تجمع بنات فلسطين
صباح الخير يا صبايا
حواء واحساس وحلا الله يسعد صباحكم وشكرا لتعاونكم بس والله انا بداوم عند دكتورة وحدة بس امبارح بطني كان يوجعني ودكتورتي بتسكر بعد 3 يعمي ع 8 باليل روحت ع دكتور عام وطبعا عندو سونار الحمد لله حكى وجع البطن عادي بس الي بضحك ههههههه ال انو البيبي عمرو 30 بس اليوم ان شاء الله بدي اروح ع دكنور اخصائي عير دكتورتي واشوف القصة دودو يسعدصباحك حبيبتي الله يقومك بالسلامة يارب |
رد: دردشة بنات فلسطين , دردشة حوامل فلسطين , تجمع بنات فلسطين
يسعد صباحكم ياصبايا
دودو حبيبتي وكليها لله اها كيف بده يكون غالى على الماما عمورة لازم يغلبها نونا بس جربي نصيحتي يمكن غريبة صلى وطولى بالسجدة وادعى ربنا يقدملك اللى فيه الخير واحكى مع الاستاذ عمورة لانه هلا بسمعك وبحس فيك انا مجربة هالشي لما كان بيبو ببطنى كنت احكى معه طول الوقت لدرجة لما انولد كنت احكيله هلا بدنا ننزل عند تاتا ماتعيط وفعلا مايعيط والله مابكذب عليك والله يقدملك الى فيه الخير يارب حلا يسعدلى هالصباح بيبو افندى تمام الحمدلله بس مطلع عيني بالزززن ماببطل نكد شكلو هالسن الذهبي مغلبو ههههه فوفو صحتين على الكوسا وانا عاملة اليوم كبة ولبن وشوربة فريكة |
رد: دردشة بنات فلسطين , دردشة حوامل فلسطين , تجمع بنات فلسطين
تسلموو دودو وحلا
صحة ع قلبكم يارب حلا انتي مثلي كنت اخذ بيبي اسبرين قبل الحمل ولما حملت كتبلي الدكتور على مميع للدم اسمه "كارتيا" |
رد: دردشة بنات فلسطين , دردشة حوامل فلسطين , تجمع بنات فلسطين
حبيبتي يا ام عبد الله يسعد صباحك ويطمنك عن عبودي يا رب ... هاد أزا طبيب عام ما تأخذي على كلامو كتير
روحي على أخصائي وطمنينا شو بيصير معك ... بس وقليلي متى آخر دورة الك ؟؟ بيبو الله يسعد هالطلة يا رب سلامتو بيبو الله يكون بعونو وبعونك فترة وبتعدي ... لو كان منكد كتير أعطيه أكامول أطفال مسكن بيهدا شوي صحتيين على قلبكم الكبة انا بدي صحن ما خصني !! |
رد: دردشة بنات فلسطين , دردشة حوامل فلسطين , تجمع بنات فلسطين
تسلمي بيبو
صحة ع الكبة يا عسل |
رد: دردشة بنات فلسطين , دردشة حوامل فلسطين , تجمع بنات فلسطين
يسعد صباح الحاضرين
منورين يا حلوات يا الله يا بنات انا مش قادرة راسي رح بنفجر من كتر التفكبر و قلقانة و خايفة امبارح بالليل كنت فاعدة في التحت و حاملة كتابي و بدرس و فجأة عطست و بعدها تنزل عليه ميه و لما شفت لقيت تحتي بقعة مية يعني حوالي فنجان الله يكرمكم و بللت شرشف التخت يعني يعني لولا اني كنت بالحمام قبلها بخمس دقايق كان حكيت اني عملتها على حالي و انتو بكرامة بعرف انو اشي بقلب المعدة ههه بس و الله مش عارفة لمين بدي احكي و سألت امي و امي بتخاف من هالقصص عليه امتر من ما انا بخاف عشان هيك ما استفدت و بعد شوي زوجي بده يتصل عالدكتور و بنشوف ان شاء الله خير انتو شو اخباركو |
رد: دردشة بنات فلسطين , دردشة حوامل فلسطين , تجمع بنات فلسطين
فوفو انا ما عمري اخدت المميع إلا بحملي هاد بس لأنو بعيد عنك صاير عندي تورم بالمنطقة من تحت ومنفوخة بشكل مش طبيعي وكلو من تقل الحمل
كان يصير هيك بحملي السابق بس ولا عمري حكيت للدكتورة وبعد الولادة كلو بيروح وبيرجع طبيعي لولو يسعد صباحك حبيبتي يا ريت لو بقدر أفيدك بأي اشي ... روحي عالدكتور وطمنينا شو بيصير معك |
رد: دردشة بنات فلسطين , دردشة حوامل فلسطين , تجمع بنات فلسطين
حلا
انا الدكتور كتبلي المميع بعد ما اجهضت حملي الاول ،، لانه تبيين سبب الاجهاض تخثر في الشرايين الي بتغذي الجنين وبعد ما عرفنا السبب كتبلي المميع للدم وضليت اخذه قبل وبعد الحمل بس ما بعرف متى رح يوقفه امبارح الدكتور حكالي استمر بأخذ حبوب الفيتامينات اسمها "سوبرادين" وكالسيوم فوار ومميع الدم الله يتمملنا ع خير يارب |
رد: دردشة بنات فلسطين , دردشة حوامل فلسطين , تجمع بنات فلسطين
لولو ضحكتيني شو هالوصف هاد ههههههههههههههه
الله يجعله خير يارب بس انتي لازم تشوفي دكتور عشان المي الي بتنزل عليكي افضل وطمنينا شو بصير معك |
رد: دردشة بنات فلسطين , دردشة حوامل فلسطين , تجمع بنات فلسطين
الله يتمملك حملك على خير يا رب وتفرحي برزونة في حضنك سالمة معافاة
كل حبوب المميع والإبر وظيفتها نفس الأشي وهي تسهيل سيولة الدم بالجسم انا بدي أقوم اقتحم المطبخ وأبدا كمان شوي بالطبيخ بس متابعتكم :) |
رد: دردشة بنات فلسطين , دردشة حوامل فلسطين , تجمع بنات فلسطين
حلا
كويس كل اللي بتاخديه متهيالي ضروري بس لقدام يمكن توقفي منه شوية اشياء ام عبد الله يسعد صباحك حبيبتي مستحيل الفرق كون اكتر من خمس اسابيع صعب يعني انا بقول روحي وتابعي عند دكتور واحد ولا تغيري عشان ما تتشتتي وطمنينا بيبو صباح الورد والله اللي قلتيه بعمله وبعمل اكتر منه سجود بسجد بالصلاه وبطول وبدعي كتيييير غير السجود اللي بدون صلاة وبحبي ع ايدي رجلي وبنام ع ضهري وبرفع ضهري والمؤخرة متل ما قالت الدكتورة بس مش حاسة باي نتيجة الحمدلله على كل حال الله يقدم اللي فيه الخير وربك كريم :) لولو يسعد صباحك حاولي اليوم تروحي للدكتور وما تاجلي لانه لا سمح الله احتمال كبير تكون مية البيبي حسب الوصف اللي وصفتيه ، وطمنينا عنك وما تقلقي لو صار ما صار البيبي هلا وضعه ممتاز وما بيصير اي مضاعفات لو لا سمح الله ربنا كتبلك تولدي قريب بنستناكي ضروري تطمني وطمنينا فوفو ربنا يتمملك على خير ويعوضك عن اللي راح يارب :) |
رد: دردشة بنات فلسطين , دردشة حوامل فلسطين , تجمع بنات فلسطين
انا رايحة عالمستشفى
دعواتكم |
رد: دردشة بنات فلسطين , دردشة حوامل فلسطين , تجمع بنات فلسطين
الله يسر امرك يالولو ان شاء الله ربنا ما بجيبلك الا الخير يارب وتكوني بافضل حال
دودو وحلا تسلمو حبيباتي والله وانا ضايجة كثير بستنى بجوزي تايجي وارح ع دكتور تاني انا قبل اسبوع كان موعدي ودكتورتي حكتلي كل شي تمام حتى انو طلبنا نعمل 3 الابعاد حكت مالو لزوم البيبي كثير كويس بفضل الله وحمد وشكر لله مش عارفة ممكن انو حمل قبل الدورة والله مو عارفة شي |
رد: دردشة بنات فلسطين , دردشة حوامل فلسطين , تجمع بنات فلسطين
لولو حبيبتي الله يطمنا عليك ياعسل طمنينا اول ماتروحي ان شاء الله خير قلبي معك ياقمرة ربنا معاكي
حلا بعين الله الله يعينه على هالمرحلة ويعينا معاه، تكرم عيونك حبيبتي احلى صحن كبة لعيونك دودو حبيبتي باذن الله ماراح يصير الا الى كاتبه ربنا وانت اكتر وحدة بتعرفي هالشي وانا قلبي حاسسني ان شاء الله انه راح تولدى طبيعي وحتكون من اسهل الولادات بس اهم شي تدعيلنا ياعسولة وحتقولى ام بيبو قالت>> حلوة ام بيبو هادي حسيت حالى نسوانة هههههههههههه حتقولى ندى قالت اه هيك الطف ههههههه باقى الصبايا شو طبختكم لانى بدي اروح اجهز لفريكة وارجعلكم |
رد: دردشة بنات فلسطين , دردشة حوامل فلسطين , تجمع بنات فلسطين
صباح الخير صبايا
كيفكم حبايب قلبي |
رد: دردشة بنات فلسطين , دردشة حوامل فلسطين , تجمع بنات فلسطين
لولو
ان شاء الله خير الله يسهل امورك يارب وترجعي تطمنينا انه كله تمام بيبو حبيبتي يارب له يسمع منك عادي اللي كاتبه ربنا بدو يصير واحلى دعوات الك وانا بطلق ازا ولدت طبيعي هههههههه بوسيلي بيبو وصحة عالفريكة ام عبد الله ان شاء الله خير يا قلبي لا تقلقي وطمنينا كمان اية يا هلا كيفك اليوم وكيف اولادك ؟ والحمل كيف ؟ بلش وحام ؟ |
رد: دردشة بنات فلسطين , دردشة حوامل فلسطين , تجمع بنات فلسطين
اية
هلا ياعسل كيف الحمل معك ان شاء الله مايكون الك وحام صعب دودو حبيبتي الله كريم هيك يكون باب السما مفتوح وربنا قبل دعوتي ودعوتك |
رد: دردشة بنات فلسطين , دردشة حوامل فلسطين , تجمع بنات فلسطين
انا دايما وحامي صعب
بس الحمدلله لهلاء بس قلبان معدة خفيف بعيدا عنكم مافي تقئ ومتوحمة على شمندر بالسكر مع انو مابحبو ههههههههه ومتوحمة عمشمش مجفف وفواكة كجففة عصبية بشكل كبيررررررررررررر وامبارح كنت شوية مكتئبة لانو اول 3 شهور من حملي بتجي قرينة الحمل وبحلك كوابيس مو طبيعية بس الحمدلله وحدة هون امبارح بالمنتدى اعطتني حل انو افتح القراءان عصورة يس تاني صفحة واجلتن القراءان بنايلون شفاف واحطو باعلى مكان بالغرفة حطيتو على شنتة كبيرة فوق خزانة غرفة نومي والحمدلله ماشفت اي اشي وقايمة من النوم مبسوطة وبدها تجي عندي مرت عمي وسلفي العزابي ويمكن اخوتي وبدي اطبخلهم يخنية بامية مع دجاج ولحمة مفرومة بقليها مع خضرة |
رد: دردشة بنات فلسطين , دردشة حوامل فلسطين , تجمع بنات فلسطين
مسا الخير با بنات
تسلمو حبيباتي الله يخليكم انا لما حكيت عالدكتور طلب اروحلو على المستشفى و لسا هلأ روحت المهم عمللي سونار و حكا انو المية حولين الجنين كتير كويسة بس الراس ناااااااااااازل و هو الي بحسسني بضغط زااااايد و وخز من تحت و كمان عمللي تخطيط لقلب الجنين و الحمد لله كلش تمام و المراجعة صارت كل اسبوع مش كل اسبوعين يعني الحمد لله الوضع منيح بس شكلها بنتي بدها تحرقلي اعصابي قبل ما تيجي الله يجيبها بالسلامة يسعد مساكم جميعا |
رد: دردشة بنات فلسطين , دردشة حوامل فلسطين , تجمع بنات فلسطين
يســـعد مســـاكم
لولو الحمدلله ان البنوته بخير الله يطمنك عليها ام عبدالله احسبى من اول يوم لأخر دوره ورح تعرفى باى اسبوع انتى حلا كيفك اليوم؟ بيبو ،، دودو،،احساس،، ايه،،فوفو منورين |
رد: دردشة بنات فلسطين , دردشة حوامل فلسطين , تجمع بنات فلسطين
|
رد: دردشة بنات فلسطين , دردشة حوامل فلسطين , تجمع بنات فلسطين
تسلمي دموع
انتي كيفك و كيف البوبو ؟؟ |
رد: دردشة بنات فلسطين , دردشة حوامل فلسطين , تجمع بنات فلسطين
الحمدلله هينى صرت بنص السادس
شو قررتى تسمى البنوته؟؟ |
رد: دردشة بنات فلسطين , دردشة حوامل فلسطين , تجمع بنات فلسطين
لولو
الحمدلله على السلااامة ومنيح انه تطمنتي يلا على خير يااااارب معلش الله يعينك ان شاء الله ربنا بسهلك امورك يااارب وبيتمملك على خير دموع تسلمي ان شاء الله تكوني بخير :) |
رد: دردشة بنات فلسطين , دردشة حوامل فلسطين , تجمع بنات فلسطين
دودو شو صار معك؟
|
رد: دردشة بنات فلسطين , دردشة حوامل فلسطين , تجمع بنات فلسطين
لولو
يلا منيح انك اتطمنتي ع البيبي اهم شي سلامتك يارب انتي من وين ؟ شو قررتي تسميها ؟ |
رد: دردشة بنات فلسطين , دردشة حوامل فلسطين , تجمع بنات فلسطين
يسعد مساااااكم بناااااات
مساء فاشل زي صحبيتو لم افلح بامتحان المزاوله وااااااع عسوله تعي احكيلي كيف قدمتي ؟ |
رد: دردشة بنات فلسطين , دردشة حوامل فلسطين , تجمع بنات فلسطين
يسعد مساكن يا حلوات
مممم إحساس في امتحان بشهر 10 برضو مزاولة قدمي وان شاء الله بتنجحي الحمد لله أنا نجحت بامتحان المزاولة |
رد: دردشة بنات فلسطين , دردشة حوامل فلسطين , تجمع بنات فلسطين
ام مروان انتي من غزه
كل علمي انك من الضفه يالله ميروك حبيبتي مش اكيد اقدم لاني حكون متلله ومش مهتمه للوظيفه كتير ام مروان شو تخصصك انتي؟ |
رد: دردشة بنات فلسطين , دردشة حوامل فلسطين , تجمع بنات فلسطين
كيفكم بنات طبعا لسا انا لسآ عم بعمل في الاكل خخخ
عاملة محشي كوسا وبتنجان حيفآآآآآ حبيبة البي ربي يسسسسسعدك الله يبارك فيييييييييكي والله انبسطت كتير كتير لما شفتك فايتة وكاتبة والحمدلله انك فرفشتي وطلعتي من حالة الهبل اللي كنتي فيها هههههه ايوا هيك بدنا ياكي ان شاء الله عن قريب يختي تلحقيني بالحمل ونصير نتشكون انا وياكي ^^ لولو حمادة ،، والله انا الدكتورة بتحكيلي ازا بدك تاخدي البيبي اسبرين مرة بالاسبوع وبنصحك ما تاخديه مش عارفة انا هيني اليوم رح احدد موعد مع دكتوري الخاص ورح أسألو كمان عن الحبوب تاعت الفوليك هيا الحبوب النسبة الكبيرة فيها فوليك والحديد نسبة بسيطة كتير انا بعرف انهم بمنعوه اول تلات شهور لانه حبوب الحديد بتعمل غثيان واستفراغ اصلا والحامل هيك والا هيك بوحامها بتكون ماكلة هوا ف لهيك بمنعوه بس مش كل الدكاترة تقريبا الاجانب بيعطوا الحديد من اول يوم حمل انا بكرا بستفسر وبحكيلك هما الدكتور والدكتورة شاطرين هيا بتعملي السونار وهوا بناقشني بالشغلات التانية لانهم شغالين مع بعض ان شاء الله خير بااقي الصبآيآ شو اخباركو اليوم كتبت عالسريع عشان قاعدة بعمل بالمحشي |
رد: دردشة بنات فلسطين , دردشة حوامل فلسطين , تجمع بنات فلسطين
صحاين ع المحشي غمووووض
|
| الساعة الآن 10:31 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .