|
رد: تجمع حوامل ليبيا
والله مانعرف قداش لى نخش ومنلقى فى حد شن قصتكم امتى اتخشوا مخولتونىىىىىىىىىىىىىىىىىىىىىىىىىىىىىىىىىىىىىىىىىىى ىىىىىىىىىىىىىىىىىىىىىىىىىىىىى
|
رد: تجمع حوامل ليبيا
سلام ياحلوين
|
رد: تجمع حوامل ليبيا
السلام عليكم
كيفك وخياتي اني اموري الحمدلله بس الواي مكس مايفتحش توا خاشه من الموبايل شكرا وخيتي عيون كيف حالك تصدقي نحسابك تتوحمي هذا علاش مغيبة ههههههه ام قصي ربي يطمنكم علي عويلتكم ويرجعهم سالمين يقين كيفك ياحلوة وكيفا فروتي وكيف حال وخيتنا هاتو وام سعد ربي يطمنا عليهم |
رد: تجمع حوامل ليبيا
اهلين بنات وينك يايقين كنك معش رديتي عليا؟؟؟؟؟؟؟
|
رد: تجمع حوامل ليبيا
اهلين ميراس انا توا كيف خشيت بعد يأست ان في وحدة تبي اتخش اليوم
اليوم نضت بدري بعد سقدت الينات وبوهن للمدرسة قلت يلا طلعي اللي تبي اتديريه احسن من الكسل طبعا خشيت شوية للنت وبعد مالقيتش حد مشيت لحوستي وبعد كملتها درت الغداء وتغدينا وتوا جاني الباشا زوجي يبيني نمشي معاه للمزرعة مع اني تعبانة لكن ما نقدرش انقوله لا بعيد عنكن يزعل |
رد: تجمع حوامل ليبيا
ياريت في حاجة يخترعوها لما تخش وحدة للصفحة الجهاز يزغرت والا ايدير عوايه والا اي نوع من انواع التبيهات
|
رد: تجمع حوامل ليبيا
يابنات اللي عندها حساب في الفيس انا اسمي فيه مجد الخالدية اللي تبي تضيفني وبعد انروح من المزرعة توا انشوفكن بأذن الله
استودعتكن الله الذي لاتضيع ودائعه |
رد: تجمع حوامل ليبيا
هههههه ضحكتيني ياام عويضة يعطيك السلامة
|
رد: تجمع حوامل ليبيا
خلاص توا نضيفك ياام عويضة اني مدايراته باسمي
|
رد: تجمع حوامل ليبيا
السلام عليكم ورحمة الله وبركاته
كيف حالكم ياأحلي بنات شكرا لكل من رد علي استفساري شكرا يقين ... بارك الله فيك ام روفيدة انا كلامك هدا عارفاته (لا يحل لإمراة تؤمن بالله واليوم الاخر ان تحد على ميت فوق ثلاث إلا على زوج أربعة أشهر وعشرا). ومقتنعه بيه بس انت عارفة مجتمعنا الليبي خايفه انحني ام زوجي تزعل مني او ياخدوا مني موقف ,, بالرغم ان زوجي ماعنداش مانع حتي لو نمشي لفرح ,, والمشكلة صار حديث بيني وبين حماتي وقالتلي احنا قبيلتنا مرتبطه هلبة ببعض لدرجة انهم مايدخلوش لفرح لمدة سنه كاملة لو عندهم حالة وفاة ,,, والله مش عارفة شن بندير وبعدين حتي زوجي عنده حق عليا لازم نتزين ونهتم بنفسي والحنه زينه المرأة لزوجها ,, سامحوني لو طولت عليكم وفضفضت هلبة . اختي اعتدال والله كلامك زينه العقل أنا اول وحده شاركت في المنتدي للأسباب يلي قلتيها نبي لما تكون عندنا مشاكل او استفسارات نكونوا متعاونين مع بعض ونحاولوا نساعدوا بعض .. سواء كان اجتماعيا او علميا او دينيا واكيد لاننا ليبيات ومن نفس البيئة وتقاليد وعادات وحدة حنفيدوا بعض هلبة لان مرات الوحدة منا عندها مشكلة حتي مع زوجها مثلا وماتقدرش تحكيها لاختها لامها ولا لصاحبتها تحكيها هنايا بكل راحه وبكل صراحة بدون ماتكون عندها اسباب تخاف منها لانها شاركتنا مشكلتها ,, او نقدموا نصائح لبعض سواء كانت عن الحياة الزوجية او التعامل مع الناس او غيرها ونستفيدوا من خبرات بعض اكيد فينا الدكتورة والمهندسة واالمعلمة وغيرها من التخصصات معليش لو دردشنا شوية حتي نكسروا الروتين بس ضروري نكونوا اكثر ايجابية سامحوني طولت عليكم |
| الساعة الآن 06:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .