|
رد: دردشة اهل القطيف والي حواليها اتمنى اثبيث
اللهم صل على محمد وآل محمد الطيبين الطاهرين
كيفكم حوامل وكيف النونوات ياااااااااارب تكونوا بخير وصحة وسلامة الله يبعد عنكم الشر والتعب والمرض وتكونوا دايما بصحة وعافية حبيبتي أم فطوم ببدأ بالسوالف معاج لأن لاحظت تعانين من الحكة مثلي بقولج بعد شوي خلاصة اللي أعرفه من تجربة أول شي بالنسبة لحركة الجنين تصدقين حركته مرة خفيفة لدرجة اني أشك انه يتحرك عكس حملي السابق عموما حركتهم توضح أكثر في الشهر السادس والسابع أم فاطمة الحكة طبيعية وتصيب معظم الحوامل اذا مو كلهم أنا صابتني الحكة أثناء حملي السابق والحين بنسبة خفيفة جدا مرة حسيت بها واتخذت اللازم وعادة بشرة الحامل تكون حساسة بشكل كبير عارفة ليش ؟ السبب ارتفاع الهرمونات في الجسم لكن أنا عن نفسي ماأحب العلاجات الطبية في مثل هذي الحالة لأن الدكتورة بتوصف لج مضادات الهستامين او بتكون المعالجة بأدوية فيها كورتيزون وهذي وان كانت بنسبة بسيطة لكنها خطيرة على الجنين عشان كدة لو لاحظتي أكثر الأطباء يوصفوا هذي الأدوية اذا كان مافيه خيار أو حل خاصة اذا زادت الحكة عن المعقول في كل الأحوال الأدوية نتجنبها أفضل لصحة البيبي أحسن أحب دايما تكون العلاجات في فترة الحمل تكون طبيعية وأكثر أمان بنسبة 100% من تبدأ الحكة عندج في هذي الحالة يجب ترطيب البشرة بسرعة ولاتستخدمين مرطبات وكريمات من الصيدلية تذكري انك حامل وفيه بعض المرطبات مواد ماتصلح للحامل وتأثر عليها اول شي حبيبتي أم فطوم اشربي ماي بكثرة واذا مليتي كلي فواكه تحتوي على نسبة كبيرة من الماء مثل البطيخ مثلا هذا علاج داخلي يمنع الجفاف وابعدي عن المأكولات الشديدة الملوحة مثل المخللات مثلا والشيبسات المالحة بعدها حاولي كل يوم تدهني مكان الحكة بزيت زيتون طبيعي مرتين أو 3 مرات في اليوم أو استخدمي يت طبيعي مثل زيت اللوز مثلا انتبهي للصابون اللي تستخدميه أثناء الإستحمام لأن بعض الصابونات تجفف الجسم أنا كتبت لي الدكتورة صابون طبي سائل ارتحت عليه وهو معقم ومطهر في نفس الوقت ولما تغسلين المواعين البسي قفازات أحسن ترى كثرة الماي مع صابون الغسيل يأثر مهما كان واذا تحسين بحكة في مكان ثاني في الجسم انتبهي لملابسج لبسج حاولي دايما تلبسين الملابس القطنية المريحة واذا غسلتي ملابسج حاولي ماتغسليها بالصابون العادي المخصص للغسيل مثل تايد وغيره لأن فيه مادة تزيد من الحكة ومثل ماقلت لج الحامل بشرتها تكون حساسة بشكل كبير لأي شي يعني بشرتها مثل البيبي الصغير محتاجة لإهتمام وعناية أكثر أتمنى أكون أفدتك واذا تذكرت شي بكتبه لج وماتشوفين شر يالغاليه كثرت عليج كلام |
رد: دردشة اهل القطيف والي حواليها اتمنى اثبيث
أم فطوم غناتي نسيت أقول لج انتبهي لفيتامين كي ( Vitamin K ) حاولي ماينقص عندج في فترة الحمل لأن نقصه يسبب الحكة وأحيانا نقصه يسبب أكزيما والحامل عادة تكون معرضة لنقص الفيتامينات اذا ماتنتبه لأكلها فيتامين كي موجود في الخضار الورقية الخضراء مثل السبانخ والملفوف وموجود بعد في القرنبيط اللي نسميه الزهرة وموجود بعد في الباميةوموجود في بعض الفواكه مثل الكيوي والعنب والفراولة والعنب أقصد الأسود مو الأخضر والأصفر وموجود بعد في بعض المكسرات
وتقبلي تحياتي وبوووووسه لفطوم الغالية قولي لها خالتج نوارنيه تحبج وتسلم عليج بلغيها سلامي .... أشوفكم الليلة على خير ان شاء الله .. |
رد: دردشة اهل القطيف والي حواليها اتمنى اثبيث
تسلمي حبيبتي نورانيه .. تصدقي من كثر الحكة قلت لزوجي خلاص وديني المستشفى وهو مو راضي على سالفة الكريمات اللي كلها كورتيزون .. شكلي باجرب زيت الزيتون ..والحكة والحساسية موجودة بس في ايدي وصرت البس قفاز لما استخدم الصابون ولما اغسل مواعين .. هي صارت اشوه بس الحكه احيانا تخيلني مرة متألمة ..اذا ماعليش كلافه امبى اسم الصابون الطبي اللي عندش كان يفيد وياحالتي .. وكلامش نفس كلام زوجي يقول لي اذا ماترطبي جسمش من داخل مافيه فايدة لما ترطبيه بس من بره يبغى لي اشرب ماي زياده واللحين باقوم باسوي لي كيوي ..وشو بعد تسلمي ماقصرتي نورانيه الله يعطيش العافيه ويقومش بالسلامة .. وفطوم بعد تسلم عليش وتبوسش .. تسلمي عن جد أختي الله يعطيش ألف عافيه ..
|
رد: دردشة اهل القطيف والي حواليها اتمنى اثبيث
الله يسلمج غناتي ترى ماسويت الا الواجب وهذا أقل شي ممكن أسويه انتم خواتي ..... انت تآمرين أمر أي شي أمانة لايردكم الا لسانكم
أي شي أعرفه بكتبه بس لاتنسونا من دعائكم أنا كنت بكتب لج اسم الغسول بدون ماتقولين اسمه (ليوكريما) leocrema هذا الغسول ممتاز مرة الدكتورة قالت لي استخدمه حتى في الأماكن الحساسة لأنه مو بس منظف بعد مطهر اتركي كل الصوابين أثناء الإستحمام استخدميه لوحده (مرة في اليوم ) وماتشوفين شر يالغاليه انت بس اصبري شوي واهتمي في أكلج ورطبي جسمك من داخل وبره واصبري ولاتستعجلي النتيجة في حفظ الرحمن ودوما ان شاء الله تحت أمركم وخدمتكم أي شي أعرفه ماببخل عليكم فيه ..... |
رد: دردشة اهل القطيف والي حواليها اتمنى اثبيث
الله يعطيش العافيه نانا خلاص ان شاء الله هالمرة باسوي طبختش ..
|
رد: دردشة اهل القطيف والي حواليها اتمنى اثبيث
اقتباس:
مشكوره عزيزتي نورانيه الله يسعدش ان شاءالله اقتباس:
اقتباس:
الله يحييش اختي نانا ، ماشاءالله تدرين اني ماقدر اشم ريحة الطبخ بالمره،، يارب تروح عني النساة والله راحمني بعمتي الله يحفظها من رمضان واحنا ناكل عندها.. اقتباس:
اني الحمدلله حامل في الشهر الثالث ماشيه في الاسبوع 12 موعد ولادتي بالميلادي 10/4/2011 وبالهجري 6/5/1432 من بتولد وياي؟ عندي بنت 5 سنوات و3 اشهر وولد سنتين و 3 اشهر.. نساتي ببنتي كانت فظيعه وماتنسيت بولدي لانه ناسبتني حبوب الغثيان،، بس هالمره شفت الموت، غير النساة الدوخه اللي تتعبني بعد الاكل بالذات، شيكت سكر طلع طبيعي واخذ الفيتامينات.. ماقول غير نسألكم الدعاء....والله يسهل علينا جميع إن شاءالله.. |
رد: دردشة اهل القطيف والي حواليها اتمنى اثبيث
حيا الله ام خليل
الله يعينش على النساه والله وعلى الطبخ الحمدلله الله رحم بحالي لاني اكره المطاعم او اعتمد على احد في اكل انا نساتي ياطويله العمر من البدايه عاديه تالي الله يهديه ريلي يقولي قصه وكانت مره تلوع الشبد ومنها اكره اشوف شعره يقلب مزاجي تلوع شبدي وعلى الاغلب ارجع الين اليووم هالشي والترجيع ماوقف عندي كل صباح عذراً لو لوعت شبد احد |
رد: دردشة اهل القطيف والي حواليها اتمنى اثبيث
اقتباس:
بقولكم بخرج عن الموضوع شوي عندكم شيخ دين اقدر اتصل عليه يعالج المس؟ امي تعاني من المس :( دعواتكم لها سنه على هالحال :( |
رد: دردشة اهل القطيف والي حواليها اتمنى اثبيث
مــرحبا =)
كيفكم ان شاء الله طيبين انتو والبيبيات =)؟ بس حبيت اسئلكم من جربت تولد في مستشفى الزهراء العام بالقطيف ؟؟ تقول تجربتها الله لايهينها .! وبعد بغيت اسئلكم وش رايكم بـ اسم ( حنين) ؟؟ |
رد: دردشة اهل القطيف والي حواليها اتمنى اثبيث
كروشاااات بسألكم
شنو اعراض سكر الحمل ؟؟ |
| الساعة الآن 03:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .