|
رد: تجمع حوامل ليبيا
السلام عليكم ورحمة الله وبركاته آيـــــــة البقاء لله عز وجل وتقبل الله زوج اختك بالرحمة والمغفرة واسكنه فسيح الجنان بلغي تعازينا لاختك ربي يكون في عونها ويصبرها ويثبتها |
رد: تجمع حوامل ليبيا
الاسم اللى حاطيتيه فى منه الف شن الصورة اللى حاطيتيها
|
رد: تجمع حوامل ليبيا
اهلا اعتدال كيفك وينك غيبتى
|
رد: تجمع حوامل ليبيا
ميمونة هل فى صورة معينة امنزلتيها مع الاسم
|
رد: تجمع حوامل ليبيا
شكرا لكل البنات اللي ردوا عليا وخذوا بخاطري مشكورات على اسلوبكم الراقي وعدم تجاهلكم لسؤالي مانبيش نحكي في الموضوع هذا ثاني لان مش هذا مكانه ولا هذا وقته لكن حبيت نرد على البنات اللي شرحولي الوضع لان فيه سوء فهم بخصوص اللغة يا ام قصي انا ماتكلمتش على الانجليزية انا قلت مع انها مهمة لكن مش مرغوبة من قبل الطلبة انا حاليا طالبة ماجستير ويعلم ربي بالصعوبات اللي واجهتها في اللغة الانجليزية قعدت نقرا في اللغة اكثر من سنة والله قريب هبلت باش رضيت على وضعي وحسيت اني مؤهلة للدراسة الاكاديمية انا تكلمت على الفرنسية فرض الفرنسية على الطالب الليبي ((في الظروف هذي وفي الوقت هذا)) حسيت فيه اهانة لليبيين علاش احنا نتقربولهم ونبوهم يرضوا علينا علاش الضعف والاحساس بالنقص يعني شوي ثاني ويفرضوا اللغة الايطالية واشبح شن بعدها!! الفرنسية والا الايطالية اللي يحبها ويبيها يتخصصها في الجامعة اما تنفرض اجباري في المدارس للمجاملة والإرضاء فقط هذا كلام فارغ وهي اصلا لغة مش مهمة الانجليزية هي اللغة المهمة والضرورية وبعدين قولولي خير هم مايتعلموا العربية ياسيدي من هذا كله هم غير يحترموا العرب اصلا الغرب يشوفوا للعرب اغبياء و طحالب واحنا نزيدوا نواطوا في روسنا بصراحة حركة بايخة جدا (( وخصوصا في الظروف الراهنة)) |
رد: تجمع حوامل ليبيا
اهلين ميراس انا زعلااااانة منك واستغربت من كلامك لما قلتي اللي يده في النار مش كيف اللي يده في المية على اساس انا يدي في المية ياميراس انا فاقدة من اقاربي وعايلتي سبعة اشخاص من ضمنهم ولد خالتي اللي هو سلفي خو زوجي شاب عمره 32 سنة توفى في الزاوية وخالي الغالي توفى في الزنتان وعقب 5 اطفال يقطعوا القلب وحالي يعلم بيه الا ربي وهذا كله صار وانا نعاني في الامتحانات والنفاس والغربة الحرفة وكان اللي برا البلاد مايحسش قصدك انت بعد ما طلعتي لتونس نسيتي اهلك وارتحتي؟؟ شوفي يقين مسكينة قريب تهبل والله متاكدة لو انها في ليبيا هذا مايصير فيها لان اللي في البلاد على الاقل فاهم الوضع انا نشوف الاخبار بشكل وكلام اهلي شكل ثاني والله من الخوف اهلي معادش نصدق فيهم انحسهم يدسوا عليا كان اهل راجلي كلموه نقول وووووووووه اهلي اكيد فيهم حاجة وكان اهلي كلموني هو مسكين يقعد خايف خصوصا بعد وفاة خوه حاله مسكين يقطع الكبد ومع هذا قعدة مش مقتنعة باللي صاير ونحس الخسارة اكثر من الربح نحس في ليبيا قعدت عزايز وشيابين بس الرجال الشباب تموا ربي يلطف وخلاص انا مش راضية بكل بكل بكل |
رد: تجمع حوامل ليبيا
بالسلامة انا عندي امتحان يوم الجمعة وعيوني من السهر والتعب ذابوا ياهمي كرهت القراية نشوف في البنات يحكوا على المزينات (ربي يدوم النعمة عليكم) سهفوني انا في القراية والعياط وخلاص الحمد لله على كل حال ولدي يعيط ماباش يقبل الحليب الصناعي ودارله اسهال (حاشاكم) وانا ناااااشفة والله كان هذا قعد حالي ولدي يموت من الجوع قولولي كيف اندير قولولي تربحوا
|
رد: تجمع حوامل ليبيا
السلام عليكم
أهلين اعتدال ربي يعينك ... وعظم الله أجركم في موتاكم بالنسبة للحليب غيريله نوع تاني ... وانتي تغدي كويس ... شوفي الحاجات اللي تنزل في الحليب وكوليها حرام العيل .... |
رد: تجمع حوامل ليبيا
السلام عليكم
كيفكم يا حلوات مبروك البشارة يا ام سعد وعقبال ما تشوفيها بين ايديك من توا فكري باسم للبنوته لانه اصعب من اسم الولد وايحير ندكر لما صورتيلنا حوايج سعد قبل ولادتك الايام فيسع فيسع وتوا ان شاءالله بعد ما تكملي شري كل شي صوري حوايج الصبيه |
رد: تجمع حوامل ليبيا
مشيت درت دورة في سوق المهاري قبل المغرب ماشاءالله اليوم جايبين بضاعه والسوق متنوع خير الف مرة من المدة يلي فاتت نحسه كلها اسابيع وترجع البضاعه والاسواق والاسعار زي قبل
|
| الساعة الآن 09:54 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .