 |
|
| أم عويضة |
09-21-2011 01:18 AM |
رد: تجمع حوامل ليبيا
اقتباس:
المشاركة الأصلية كتبت بواسطة عيون زوجي
(المشاركة 1453562)
السلام عليكم
كيف حالكم اليوم وان شاءالله يومكم طيب والاخبار تكون طيبه وساره
ميراس .....كيف حالك وشن اخبار ناسكم يلي في بني وليد طمنينا
يقين ....شغلتينا اعليك شن صار معاك كلمت اهلك ولا لا ربي يطمن قلبك
ام قصي .....ربي يفرج عليكم وعلى هالبلاد وربي يردلك بوك وخوتك سالمين وهم وكل الثوار استودعيه عند الله وادعيلهم بالحفظ والنصر يارب
ام عويضة .....فسريلنا اسمك عندك ولد اسمه عويضة والصورة يلي حاطيتيها بنتك ولا ولدك ماشاءالله عليه او عليها وشن اسماءهم صغيورتك وانتي حامل ولا لا
ام سعد ....وين هالغيبه كيف حالك ياجارتي وشن اخبارك
ام وسونه ....انتي اكثر وحدة منورة التجمع ماشاءالله
ايه ....كيف حالك وشن اخبار خوك يكلم فيكم ولا لا
هاتو .....شن جو بنغازي احكيلنا بالتفصيل اخر اخباركم غادي
بوسي ....وسعي بالك مشكلتك زي مشكلتي وبنتي اكبر من روان بشهرين وسعي بالك
ام اسيل ...يا احبيبه وين غطستي شدي اسيل من ودنها ونوضيها من على النت وخشي هدرزي معانا استاحشناك
ميرنا .....انتي شفرتي من يوم ما خشيت وين مشيتي طمنينا على عموري وبوه
ميمونه ....امس شكلك عند اهلك شفتي الدكاء كيف حالك وحال نسرينا وشن اخر التطورات مع طبيبه النساء متاعتك
ام روفيدة ....والاخت اعتدال..... وينكم؟؟؟؟؟ تخشوا زي هلال العيد
ان شاءالله ما نسيت حد لاني نكتب ونخمم عالغدي شن انطيب ما تقولوش اماخر اصلا راجلي يروح ال 5 العشية مازال الوقت معاي
|
اهلين عيون زوجي كيف حالك بالنسبة لأسمي واضح ياخيتي عندي وليد اسمه عوض ربي يسلمه والصورة له
والبنيات البكرية مسميتها على امي الله يرحمها امي توفت بعد عرسي بشهر اسمها نورية
والثانية نسيبة والثالثة فاطمة الزهراء
بالنسبة للحمل انا رامية في شهر 10 اللي فات يعني قريب سنة ونفكر في الحمل مرة اخيرة بأذن الله وان شاء الله يجيني وليد اخرى يكون سند لأخيه
وجعت لكن روسكن قصة طويلة |
| أم عويضة |
09-21-2011 01:35 AM |
رد: تجمع حوامل ليبيا
اقتباس:
المشاركة الأصلية كتبت بواسطة ام وسونة
(المشاركة 1453905)
هذه قوية شارعي ومسقط راسي وخوتي الولاد ال9 ثوار فشلوم من 17 فبراير
|
الله يحفظك انت وخوتك الثوار يا أم وسونة
ووسونة كم عمرها حتى هي مسقط راسها فشلوم
نبي نسألك فشلوم منطقة والا شارع |
| أم عويضة |
09-21-2011 01:48 AM |
رد: تجمع حوامل ليبيا
اقتباس:
المشاركة الأصلية كتبت بواسطة يقين
(المشاركة 1454072)
السلام عليكم يا بنات حبيت انطمنكم اماليا امبارح اتصلوا بيا طلعوا من البلاد وخلوا خوتي الزوز في بني وليد علشان يردوا بالهم من الحوش والحمد لله اطمنت
وان شالله ربي يطمن كل مشغول
|
الحمد لله على سلامتهم
وان شاء الله يردوا وهما مجبورين الخاطر وربي يحفظ خوتك من كل سوء |
| أم عويضة |
09-21-2011 02:14 AM |
رد: تجمع حوامل ليبيا
اقتباس:
المشاركة الأصلية كتبت بواسطة ميراس
(المشاركة 1454434)
والله ياعيون هدا تشويه لسمعة ورفلى وورفلى زيها زى اى منطقة فيها مع وفيها ضد وبعدين ورفلى محاصرة فى من ناس ماقدرتش تطلع من الخوف والتهديد وقاعدين ايدورا الكتايب فى سيارات عليها علم الاستقلال وين تطلع الناس فرحانة يحسابوا التوار جوا بيحرروهم يتفاجوا بيهم ويلقوهم الكتائب ويبدوا يعتقلوا ويقتلو فى شبابهم للاسف مازال ماجد يفهم الموقف اللى فيه ورفلى لين تتحرر وبعدين ورفلى اصبح فيها الناس المتورطة من كل مكان فى ليبيا هاربين فيها وهلبا كان بنحكيلك لغدوة مانكملش
|
ان شاء الله ياأختي الله قادر على ان يظهر الحق واسأل الله ان يكون قريب جدا
والله شاغلينه الناس أسم الله عليهم |
| أم عويضة |
09-21-2011 02:21 AM |
رد: تجمع حوامل ليبيا
اقتباس:
المشاركة الأصلية كتبت بواسطة ميراس
(المشاركة 1454562)
انا ياميمونة عندى ارتفاع قوى بهرمون الحليب امسبب لى ورم حميدى فى الغدة النخامية وعندى ولدين
|
ان مازلت نقرا في اللي فاتني من تعليقات
ألف ألف لابأس عليك وبعيد السوء عنك باهي وانت توا شن حالك وفيه علاج لحالتك أتمنى لك الصخة والعافية يارب وان شاء الله تفرحي بعويلتك |
| أم عويضة |
09-21-2011 02:25 AM |
رد: تجمع حوامل ليبيا
اقتباس:
المشاركة الأصلية كتبت بواسطة ميراس
(المشاركة 1454596)
75 عزيز المنتدى
|
ياصغنونة انا عزوز اكبر
معليش
شكلي فارضة روحي بالغصب
تبو والا ماتبوش ههههههه |
| ميمونة |
09-21-2011 02:35 AM |
رد: تجمع حوامل ليبيا
هلا ام عوض شرفتي والله
|
| أم عويضة |
09-21-2011 02:36 AM |
رد: تجمع حوامل ليبيا
اقتباس:
المشاركة الأصلية كتبت بواسطة ام روفيدة
(المشاركة 1455052)
بالجودة يا ميراس وربي ينصر اهل ورفلى الاحرار على الطاغية واعوانه
|
ان شاء الله يتقبل دعائكم ياخوت الجد
ويتحرر كل ليبيا شبر شبر |
| ميمونة |
09-21-2011 02:37 AM |
رد: تجمع حوامل ليبيا
من غرائب العرب أنّ:
مدمر ليبيا اسمه معمّر
وقبيح تونس اسمه زين
وناهب مصر اسمه مبارك
وفاسد اليمن اسمه صالح
وجبان سوريا اسمه الأسد
|
| أم عويضة |
09-21-2011 02:40 AM |
رد: تجمع حوامل ليبيا
اقتباس:
المشاركة الأصلية كتبت بواسطة ميمونة
(المشاركة 1455948)
هلا ام عوض شرفتي والله
|
الله ايسلمك ويزيدك شرف كيف حالك ؟ |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
Privacy Policy - copyright
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .