المشاركة الأصلية كتبت بواسطة الوردة النرجسية (المشاركة 1665199)

أم عائشة هلا وغلا الحمد الله أنك قررتي اتسوي الربط هذا أفضل لك وانا سمعت ناس كثير بيعالجوا في مركز البركة قولو لهم الدكاتره هناك لازم يعملو عملية الربط .
أنت دكتورك في الخاص حاتم وفي السلمانية بتابعي ومع من ؟ أنا كنت أتابع في السلمانية عند دكتور أسمه عبدالله عيسى واجد ممتاز وهو برفسور أصله أوردني ومازلت معاه أتعالج عن مشكلة الاكياس وقرر أني لازم من هل الشهر أني أحاول أحمل لان الأكياس نزلت والرحم اوكي وانا وكلت أمري الى الله على رغم أني تعبانه من التوأم إلى عندي وبعدهم صغار وبنسبة لحكه أنا صار معي مثلك قالت الدكتورة فطريات الجلد وعطتني كريم حاولي تروحي لدكتور أفضل تأكد بن لا يوجد ألتهاب إذا في لا سمح الله ماراح تقدري أتسوي عملية الربط.
.

.

المشاركة الأصلية كتبت بواسطة ام رفا (المشاركة 1665860)

استودعتك الله ياام عايشه والله يحفظك

وبشرينا عنك بكرة

)

المشاركة الأصلية كتبت بواسطة ( غلآ ) (المشاركة 1666036)

ام عائشه : الله يقومك بالسلامه وماتشوفي شر ان شاءالله
طمنينا عنك وان شاءالله خير ..

..

..

المشاركة الأصلية كتبت بواسطة احساس روعه (المشاركة 1666123)

ام عائشه
الله يسهل لك يااارب والله معاك

المشاركة الأصلية كتبت بواسطة عزتي بايماني (المشاركة 1666231)

ام عائشة الله يسهل عليك

المشاركة الأصلية كتبت بواسطة reemas (المشاركة 1666308)

ام عائشه الله يسهل عليك وتقومين بالسلامة ان شالله

المشاركة الأصلية كتبت بواسطة دلـــوعــه عـــــبوديـ (المشاركة 1666626)

السلام عليكم اخباررررررررررررركم كلكم والله مرررره تعباااانه الله يهديهم بس
انا سميت ابراهيم ع ابو زوجي وعبدالرحمن ع بابا
ام عائشه الله يكون معك يارب

المشاركة الأصلية كتبت بواسطة آهاات22 (المشاركة 1666819)

الله يسهل عليك ويحفظك ياام عائشة .
.

المشاركة الأصلية كتبت بواسطة صغيره بالعمر (المشاركة 1667552)

الله يسهل ويتمم لك ع خير يارب

طمنييناا عنك

المشاركة الأصلية كتبت بواسطة صغيره بالعمر (المشاركة 1667613)

بقول لكم شي

اهتميت بموضوعي عن نوعهم بس محد اهتم واطمني ع وزنهم :(


انا مو هامني النوع كثر مو هامني هم يكون بخير

طمنوني ع الاوزان ايش الفرق اللي يكون خطر بينهم

اليوم موعدي بالحرس وبشوف الدكتور وش يقول عن السونار دعواتكم لي وربي خايفهاااا

المشاركة الأصلية كتبت بواسطة رضاك ربي (المشاركة 1669183)

السلام عليكم

اخييييييييييييييييييييييرا فرجت وقدرت اشارك كنت متابعتكم وانقهر لاني مو قادرة اشارك وارد على كل وحدة تبي نصيحة او دعاء او غيره

مشكورين اللي سألوا عني ماقصرتوا شنتورة وام رفا والوردة النرجسية والسموحة لو نسيت احد
عواشة ربي يفرحك بطلعتهم سالمين وتزفيهم للبيت لاتنسي تعزمينا ههههههه
ام عائشة ربي يكتب لك الخير
البقية ربي يطمنك ويسهل اموركم ويهونها عليييييييييكم السموحة لو نسيت ابارك لاحد او ارد على احد عنده احداث جديدة ومميزة لان بسلامتهم بناتي ماتركوا فيني عقل المهم انتو بخير وعافية يقولون اصبري كل ما كبروا يهدوا اكثر وينتظم امورهم تاري العكس صايرين يعاندوا وصرت انقهر من نفسي لاني بديت بدون قصد اضرب لاتقولون مجنونة بس يستفزوني لما يخرجوا عن السيطرة الله يهديهم اخر اكشن لهم بسلامتهم صار لهم ثلاث ايام وانتو بكرامة مايخرجون وهبلوني معهم يجوعوا وما يشربوا حليب كفاية يصيبهم المغص ولو شربوا يشربوا بانفعال وصياح لانهم جوعانين وبنفس الوقت الضغط يزيد عليهم بالمعدة والامعاء واخيرا ولله الحمد فرجت عليهم اليوم الشي اللي قاهرني لحد البكاء اكتشفت انه عندي اسلوب الضرب وهالشي ما احبه ابدا واتمنى تكون شي صار وانتهى وما يتكرر لان بعد الضرب انقهر عليهم ومن نفسي اكيد ما اضربهم ضرب قوي لكن ابكيهم لو وصلت حدي من الاستفزاز

المشاركة الأصلية كتبت بواسطة الوردة النرجسية (المشاركة 1669433)

السلام عليكم ورحمة الله وبركاته

وشخباركم أخوات وحدة وحدة؟

أم رفا أنا كان حملي طبيعي بدون منشطات كنت أبغي أحمل خصوصا كنت أعاني من مشكلة الأكياس والدكتورة كانت تقول لي ماراح تقدري تحملي طبيعي لازم طفل أنابيب وتركته كلامها وراي ولا أهتميت وتوكلت على الله و داومت على قرأة سورة البقرة ولزمت الآستغفار قدرت الله أني أحمل طبيعي ولا توأم لك الحمد والمنه.
وهدا دكتوري الثاني خبرني أني لازم أحمل قبل لا تتفاقم المشكلة وقال لي إن لا توجد أي عوائق لحمل وإلا رب العالمين بيعطيني توأم وبيعطني واحد أنا راضيه فيه أهم شيء سليم ومعافي.

صغيرة بالعمر أنا يوم كنت حامل كان الفرق في الوزن تقول لي الدكتورة 100غرام قالت أوكي ما يأثر قبل الولادة ب5أيام قالوا لي الأولى كيلوين 500غرام والثانية كيلوين و400 غرام وعند الولادة كانت الصدمة إن الأولى كيلوين و400 غرام والثانية كيلو و900غرام سونار مثل ما قلت ليش يعطي تقدري للوزن.
بالنسبه للعملية لان في الشهر الثامن كانت الاولى مقعدية والثانية بالعرض فقررت لي العملية وبداية التاسع تغيرت الوضعية صارو الرؤس تحت بس كل يوم بنتي الثانية تغير الوضعية مرة بالعرض مرة تحت ومرة فوق قالت لي أختي وهي تعمل قابلة ولادة لا تجازفين لان هي شافت حالات ان البيبي الثاني ما يقدر أغير وضعيته ويتعب التنفس والنبض ويطرون يعملو عملية قيصرية لأم لأنقاذ البيبي.
الله يبعد عنك كل شر أن شاء الله.

أم عائشة طمنيني عليك وش قرروا لك عملية بكرا الله أقومك بالسلامة.

رضاك أنا بناتي كبرو صار أعمارهم 10 أشهر بس تعالي شوف الحركة وشطانه بجنوني أحيانا أقعد أصرخ عليهم وأنفعل بضرب وحده منهم بس امسك أعصابي زين .
بنتي فاطمة بتمسك شعر أختها بتشدة وتضربها لما بتكون نايمه بس علشان تقعد وتلعب معاها وبعملو عفايس بغرفتهم وحركين ومتعبين الله يعينك ويعيني وأمي يوميا تاخذهم منى لين أروح الدوام تاخذهم 8 ساعات ولا عندي شغالة ولا هي بس أختي موجوده معاها بتحلفني يوميا أني ما أصرخ عليهم ولا أضربهم الله يهديهم ويهدي بيبياتك وأنا قلت لدلوعة عبودي ترى ما شفتي شيء للحين من التعب الله أعين الجميع.
اسموحة منك أخوات طولت عليكم بكلامي جني كاتبة قصة.hwaml5

أم منصور الله يعطيك العافية وينك طلي علينا .

وباقي الأخوات دون أسثناء شخباركم ؟

المشاركة الأصلية كتبت بواسطة رجواي بالله (المشاركة 1670198)

سلااام
كيفكم كروشات ومو كروشات
رضااااك نورررتي التجمع كيفك وكيف البنوتاات،، التعب لابد منه حبيبتي لازم تهدي اعصابك وتبردي على قلبك
الورده النرجسيه يعطيك الف عافيه ،، انبسط لما اشوف ردودك تبردي القلب
ام رفااا كيفك ياقلبووو
كلكم بدون تحديد اخبااركم
انا اليوم رحت موعد التصوير والاستشاري ،، التصوير الحمد لله كل شي اوكي ووضعهم زين واوزانهم زينه وحبيت اتاكد من الجنس تقول صعب احدد مرره صعب ويحتاج وقت ولازم عند اخصائي السونار
وبعدها دخلت ع الاستشاري ومرررره ارتحت له بصراحه احسن من الطاقم النسائي ،، يجاوب على كل الاسئله بالتفصيل ومايمل وكل استفساراتي يفهمني اياها باسلوب مرح وحلوو
طبعا خلاااص الحين بدينا شغل الجد،،، يقول من الاسبوع الجاي ابدا اخذ ابر الرئه لاني احتمال اي وقت اتعرض للولاده لاسمح الله،، الربط الحين مايفيد،، لو بيسوونه لي على طول بولد بس قال لي انه مايوقف الولاده المبكره يعني مابينفعني اصلا،، وكلامه اللي خوفني انه يقول هدفه الحالي انه يوصلني للشهر الثامن يعني احتمال كبير مااوصل،، قلت له مايصير اوصل للتاسع قال لا مايتحمل الرحم اكيد قبل بس اذا وصلت للثامن يقول انتي محظوظه وكل ماتاخرتي بيكون احسن ،، ووصاني بعدم الحركه والمشي الكثير والاكل الصحي واني اهم شي اتجنب التهابات البول لانها تسبب ولاده مبكره
بنااات انا خايفه حسيت الدكتور قرب لي الولاده وانا مبعدتها عن بالي
الى الان ماجهزت ولا شي للبيبيز يقول لي بلاش حركات الاسواق والحوسه روحي مكان واحد واتركي عنك التخفيضات،، ادفعي وامشي هههههههههههه
بنات اللي جربت ابر الرئه ايش اعراضها؟ هل صحيح ترفع السكر؟
اسفه على الهذره بس لازم كل موعد نعطي التفاصيل هههههههه

المشاركة الأصلية كتبت بواسطة احساس روعه (المشاركة 1670329)

السلام عليكم
اخباركم فرد فرد
ان شاء الله الكل بخيــــــــــر

اليوم كان موعدي ولما دخلت على بالي زي دايم تكون دكتوره ولما دخلت الغرفه تفاجئت لقيت دكتور وانقهرت المهم النيرس اخذت الوزن والظغط وبعدين قلي الدكتور اطلعي فوق السرير واكشف على بس احس مو فاااااااااهم شي اقوله كم بينهم فرق يقول ايش كم بينهم مو فاهم ! استغرت وسكت وقلت طيب مايبان جنسهم الحين قاااعد يضحك على لسه بدري الحين مررره صغار ومايبان الجنس وقال سوي تحليل الهيموجلبين وبعدين اعطني ابر تثبت وفتامين ونزلت الحمد لله اني تطمنئت عليهم بس احس الدكتور مايفهم شي

بنات ابي اسالكم متى يبان جنس البيبهاااات؟؟

المشاركة الأصلية كتبت بواسطة مها نجد (المشاركة 1670431)

الف شكر لك للي رحبووو واللي موجودين كلهم

كيف الصبايا مع الحمل

بنات بسالكم اللي حامل بتوائم ومشيمه وحده يطلعون نفس الشبه او لا

المشاركة الأصلية كتبت بواسطة شنتوره (المشاركة 1670760)

بنااااااااااااااااااات مره بدا التعب تصدقون اني اذا نمت وانسدحت وجيت ابي اقوم معاااناااه اتسند ثم اتكي ثم اوقف ثم اتواااازن لين اوقف على رجولي هههههههههههههه

زالسجود الله يعفو عني ويتووووووب علي ما اعرف اسجد خلاااااص اذا سجدت احس التونز بيطلعون مع حلقي هههههههههه شر البليه ما يضحك
كيف بالثااامن كيف بالتااااسع اذا الله كتب اوصل له يااارب انك المعين تعينني

المشاركة الأصلية كتبت بواسطة آهاات22 (المشاركة 1671859)

السلام عليكم . كيفكم يابطات .
انا توي بالاسبوع الخامس ولسا الوحم بس احس ثقل اسفل بطني زي ثقل الشهر السابع .عادي يابنات ولا بدري . واش رايكم اعلم امي دحين انهم توام ولا لا ؟ والله خايفة تهاوشني عشان عندي اربع قيصريات .ادعولي ان الله يتمم لي ......

المشاركة الأصلية كتبت بواسطة awasha (المشاركة 1672851)

أم عايشه طمنينا عليج وان شاء الله تربطي بيسر يا رب

المشاركة الأصلية كتبت بواسطة reemas (المشاركة 1673030)

السلام عليكم توني راجعه من الموعد واول ما دخلت خت وزني وكان نازل نص كيلو وبعدين قاست ضغطي وقالت شوي مرتفع مب وايد وبعدين دخلت عالدكتورة وبدينه الالتراسوند وشفنا الجنين الاول وقاست عمرةوكان 11 اسبوع بالضبط وقاست سماكه الرقبه وقالت أوكي ورحنا للثاني وقالت عمرة 11 اسبوع ويوم بس ما قدرت تقيس الرقبه لانه كان معطينه ويها والحمدلله قاست طول عنق الرحم وكان الحمدلله أوكي بس قالت لازم متابعه كل اسبوع علشان اذا لا سمح الله قصر على طول ربط وبس هاذا كان يومي
بنات بسالكم أنتو لما قستو سماكه الرقبه كم كانت (اشتغل الوسواس)ههههههه*

المشاركة الأصلية كتبت بواسطة شنتوره (المشاركة 1673331)

بنات لا تقولون لي اتحمللي الطعم عشان صحتك وكذا ما اقدر انا لو اشرب اي شي بااارد او حار شي سااايل عالريق استفرغ ولو ماااااااااااااااااء وش اسوي

هل فيه حل يكتشف سكر الحمل غير هالفكره هااااااااااااااه
\

المشاركة الأصلية كتبت بواسطة reemas (المشاركة 1674130)

رجواي اهو سماكه الرقبه اللي بعيد الشر عن طريقه يعرفون اذا الجنين عنده متلازمه داون او منغولي وهي تبان من. الاسبوع 11 الى14
بنات بسالكم متى أوقف حبوب اللوعه وهل لها تأثير لو طولت عليها انا الحين باديه العلبه الثالثة جربت الاسبوع اللي طاف وقلتها يوم ورجعت لي اللوعه واللي كانت تأخذها متى وقلتها
صغيرة بالعمر ما طمنتينا على موعدج شصار
ام عائشه. بس دخلي طمنينا
الجوجوي أخبارك ومتى موعدك *