|
رد: تجمع حوامل ليبيا
اميييييييييييييييييييييييييييييييييييييييييييييييي ييييييييييييين يااميسر
|
رد: تجمع حوامل ليبيا
غمضواااااااا عيونكم بنقوووووووول وزني على خاطر ام اسيل ما تحرجش
في حملي في بنتي للشهر الرابع وزني 60 وفجاءة وصل 80 والدكتورة خوفتني وقالت سكر حمل لكن الحمدلله النتيجه طلعت سلبيه كل الناس طمنوني قالوا بعد الولادة رح تنزلي وزنك بعد الاربعين مشيت لدكتور اخصائي تغديه اسمه عبدالقادر المصري ودارلي تحاليل وقالي هرموناتك مازال ماتعدلتش وديري ريجيم ولكن النتيجه رح تبان بعد 6شهور لان جسم المرأة يحتاج 6شهور بعد الولادة باش يتعدل درت ريجيم شهر نقصت 6كيلو وبعدها جي عرس خوي وسفرتي لالمانيا وما نحكيلكم على الاكل قلت نستنى ل6شهور بعدين نعذب روحي بعد 6شهور كنت في المانيا وزوجي قال بري لطبيب كويس هنا ومع المشي والجو الحلو رح تتضعفي في نفس الاسبوع طلعت حامل ولله الحمد وتوا مأجله مسئلة الوزن الى مابعد الولادة انا حاليا ماوزنتش لكن احساسي اني فوق 90 وزني زايد مع الحمل |
رد: تجمع حوامل ليبيا
ارتحتي يا ام اسيل بعد ما كشفتي المستوووووور
|
رد: تجمع حوامل ليبيا
انا عرفت قصة حب وزواج ميرنا وام اسيل وحبل الوصل لكن نبي نعرف قصص البنااااااات التانيات وخصوصا هنديه شن جابك عندنا لطرابلس يا اوخيتي
|
رد: تجمع حوامل ليبيا
بخصوص الشغل انا ربة بيت وسعيدة جدا جدا بانني ربه بيت
انا معي بكالوريوس صيدله ولما تخرجت كنت مخطوبه اشتغلت صيدلانيه 6شهور في مستشفى تابع المخازن واتفقت انا وخطيبي يلي هو زوجي وحبيبي توا اني انسيب الخدمه وتنازلت عن التعيين بقراري واتفرغت لنفسي ومن بعدها لزوجي وبيتي وبعدها لزوجي وبنتي حبيبتي وحملي وارتحت لاعاد نعرف خدمه ولاقرايه عرض اعليا زوجي نكمل ماستر هنا في المانيا رفضت اعييت من التعب سادني ما عندي من مسئوليات اميسر انشاءالله اوليد قالولي اوليد ويارب انشوفه بصحه وسلامه وعقبال الكل ميرنا وام اسيل وحبل الوصل وراجيه |
رد: تجمع حوامل ليبيا
طبعا هكي ارتحت امالا نقعد انا الوحيدة الرشيقة وحبل الوصل تضحك عليا كلنا نقعدو في الهوا سوا وبعدين اول ماتجيبي ديري رجيم والله اختي سمنت في حملها 15 كيلو وبعد الجياب باسبوعين سكرت راسها ودارت رجيم وهي ترضع لكن رجيم صحي ما في حاجة وما فيه لحم خضرة وفاكهة والله ماطقت ثلاث شهور الا وهي رادة احسن من قبل ما تحمل ومازالت ترضع وبنتها ماشاء الله عليها لكن هي عندها عزيمة وارادة انا العزيمة والارادة نسيتهم في حوش هلي لما اتزوجت ومعش لقيتهن شكلهم طوحوهم
|
رد: تجمع حوامل ليبيا
باهي احكينا انت عن قصة زواجك ياعيون شكاه الحب بيناتكم مقطع بعضه اللهم لا حسدhwaml02
|
رد: تجمع حوامل ليبيا
عيون زوجي ماشاء الله تبارك الله
ربي يهنيك يا بنات شن اخر اخبار صابره |
رد: تجمع حوامل ليبيا
انا كنت دبوسة قراية لا نعرف لاحب ولا علاقات بعد ماكملت اخر امتحان في سنة خامسة كان صاحب النصيب في الكليه يتمشى ويتفرج عالبنات وتلاقينا في كفي نت الكليه وسئلني عن الكفي وحاجات تافهة مش اكثر من5دقايق
بعدها بشهر كنت في الكلية نكمل في مشروع التخرج تلاقيت معاه وكان جاي باش يشوفني وانا كنت امبهدله لاني جايه عالسريع ومروحه سئلني عالنتيجه وخلاص بعدها باسبوع كنت حاسة اني بنشوفه كان مهندس وحليوة وعمره مناسب لبست احلى ماعندي وقلت لصاحبتي كان جي ووقف اعلينا بري وخلينا بروحنا وفعلا جي وكان يوم النتيجه ونجحت وبعدها تتطورت الحكايه بالتليفون وجاني يوم مناقشة المشروع وجابلي خاتم ايجنن هديه وكنا خلاص متفقين على كل شي واولهم ان الخطبه مازال لانه ماعنداش حوش ويلي صار جاني صاحب خوي يخطب فيا والعيلة وافقت ومازال رايي قعدت نبكي مش عارفه شن انقول خفت نحكي يدبحوني دبح يقولوا من وين تعرفيه اتصلت بيه وفعلا شاور امه قتله مانمشيش نخطب وانت ماعندكش حوش قعدت انا في حيرة وبديت نماطل وجاني صاحب خوي للشغل يبي يتعرف ويبي رايي وكنت جافه وبايخه معاه وفي نفس الوقت ما قلتش لا بعد 3اسابيع بدي حبيبي يبني على خاطري وجاب امه بالسيف وجو يخطبوا والعيله فضحت القصه بس لما لقوه راجل امقوم وافقوا وقعدت مخطوبه 3سنوات ونص ثم تزوجنا ومشينا شهر عسل لسوريا وحملت بعد 3شهور وبعد الولادة مشيت للاردن ادهورت وهادي قصتي بالتفصيل الممل |
رد: تجمع حوامل ليبيا
مساء الخير على الحلوات الدبدوبات والرقيقات
|
| الساعة الآن 12:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .