|
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
اقتباس:
مشكووره على ردك .. |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
سلام كروشات ..
كيفكــــم اليوم .؟؟ كروشات أنآ أستغرب من البكريآت يفكرو بالتجميليه وهم والله ماراح يحتاجو .. يكفيكم الخياطه لانو التجميليه فيها قص و و و .. وليش هالتعب كلو وانتو اول مولود لكم .؟؟ |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
ام لمآر - العفووو عيوني يسعدك دوم .
لا احسن انهم يهتموا حتى لو بكريات - لانه لو تغيّر خلاص ماعاد يعجب شيخ الشباب ههههه بس الخياطه التجميليه ما يخيطوا من جوا و من برا و العاديه بس من برا الي هو الشق اما الي فيها قص دي ( عمليه تجميليه ) و يصعب بعدها الولاده . |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
فلك مين الدكتورة اللي في باشراحيل سوت لك تجميلي
|
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
اخواتي كيفكم
ابغى اعرف الفرق بين الخياطة العادية والتجميليه ؟ وهل فيها بنج ؟ انا الخياطة العادية سويتها 3 مرات واحس الم الابرة وماتحمل تكمل الدكتوره من شدة التعب والبرد....طبعا كله في حراء وكيف التجميليه يحطوا بنج ؟ وتطول الدكتوره في الخياطة؟ وهل لازم اطلبها من بدري ؟ وهل لها فلوس زياده ولا لا ؟<<<سامحوني كثرت اسئلة بس لاتطنشوني : ) انا بولد في بخش باذن الله رابع ولاده ونفسي تولدني ميرفت حسيتها طيبه في المراجعات بس ماعندي خبر عنها مين ولدتها ميرفت ؟ اما المشي مره مقصره وكله من زوجي الله يهديه بس مشغول ولاهمه... الله يرحم في احمالي الاولانيه كيف يهتم ويلف بي لف !!! والله يقومنا بالسلامة |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
الدكتوره فطيمه كبيره في السن - و مرا تانيه كنت رح اولد عند بسمه خان بس الله ما اراد لآخر لحظه .
|
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
اقتباس:
الفرق بينهم ان العاديه بس الخيوط تكون من برا الجرح نفسه - اما التجميليه من جوا و برا يعني يخيطوا التوسعه الي صارت وقت الطلق بالنسبه للبنج على حسب الدكتوره و المستشفى - انا الي اعرفه ان في الحكومي بنجهم خفيف و احيانا ما يكون في - اما الخاص لازم عندهم بنج بالابر انا ولدت في بخش من قبل و دحين ادعي ربي ان ييسرلي ولادتي برضه في بخش لاني ارتحت عندهم كثير و تعاملهم ممتاز . بصراحه انا حسيت بالخياطه بس ادوخ و ارجع احس شوي لكن الشهاده لله ان خياطتهم ممتاااازه لاني رحت بعد اسبوعين من ولادتي عند دكتوره كنت ارجع عندها ماهي في بخش و تأكدت منها انها تجميلي ممتازه و الحمدلله . |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
تسلمي فلك فطيمة ولدت عندها المرة الاولى بس ماطلبتها تجميلي بس بصراحة ارتحت معاها طيبة عسل
دحين رحت لاروى وطلبتها من بدري تجميلي قالت ابشري وان شاء الله تسويها ليا كويسة بس بسألك لو اطلب دكتورتي يكلموها والا اي وحدة موجودة تولدني زي بخش نسيم تطلبن التجميلي من دكتورتك قبل الولادة تتفقي معاها على كل شيء وفي باشراحيل ماحسيت بالخياطة حطتلي بنج موضعي |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
اقتباس:
طيب فيها فلوس زيادة ولا هي نفسها ؟ |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
اقتباس:
انا بولد في بخش يعني لازم اقولهم من بدري اني ابغى خياطة تجميلية وكمام ؟ وهل فيها فلوس زيادة عشان استعد من بدري !! |
| الساعة الآن 01:28 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .