|
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
كوين الله يسهل عليكي ويعطيكي ساعة السلامة.
ان شاء الله البنات يساعدوكي لأني ما اعرف عنهم شئ بس كأني مرة قريت وحدة قالت تهاني حبوبة مرة وولادتها رائعة بس خياطتها عادية مو تجميلية انا اللي سمعت عنها خياطتها في التوب روعة مرة هي إيمان الشاذلي في مستوصف الصاعدي. حتى مرة رحت الصاعدي عشان اشوف الوضع هناك لقيت زحمة وقرف مو طبيعي المكان خنقة ويجيب الهم وع بس كل اللي في الاستراحة يمدحوا فيها ويقولوا انها على مستوى مكة كلها اللي في با شراحيل ما دري عنها |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
بنات جايبة لكم اخبار حلوة يمكن تفيد بعضكم
توي مكلمة صحبتي وآخذة منها تفاصيل ولادتها. طبعا احنا مرة قريبين من بعض ومانخبي شئ على بعض طيب? قالت الله يسلمكم انها ولدت في حراء. طبعا جلست تمدح فيهم تقول وقت الولادة ما اعطوها طلق صناعي يعني اعطوها فرصتها بس كان في عيب ان النيرس اللي واقفة عندها ما قعدت طول الوقت عندها لأ كانت تيجي كل بعد فترة تشيك عليها وتروح .وتقول كان جنبها وحدة بكرية كانوا حاطين اهتمامهم كله فيها صحبتي هاذي ثالث ولادة طيب? وقت لما مرة حست نفسها أتألمت ضغطت على زر الاستدعاء وهي تحس ان شئ قوي يدف على بره .وخافت تدف قبل لا تيجي النيرس ويطلع البيبي. المهم جات النيرس قالت مدام خلاص فيه ولادة وجات الدكتورة قالولها خلاص ادفعي ودفعت بكللللللل قوتها وخرجت بنتها بالسلامة طبعا الغريب ماشاء الله انهم ماعملوا لها توسيع او شق طلعوها غرفتها تقول نظافة واهتمام ورعاية كأني في خاص .تقول تمنيت اني اطول اكثر من يوم في المستشفى علشان انام. الغرفة روعة والنيرس مرة طيبين لانها من يوم جاها طلق في البيت صارت تمشي تمشي في البيت وتاخذ ملعقة عسل واشياء حارة ولها فترة مانامت. تقول انها لما تدخل الحمام الله يكرمكم تحس ان فيه جروح تحرقها في المكان وكذا خلصت اخبار حراء.وهيا وحدة شاطرة ماشاء الله عليها .خرجت من المستشفى وعلى طول على مستوصف القرشي اللي بالشرايع عند الدكتورة رحاب مصرية قالت لها انها ولدت وما خيطوها وانها تبغاها تسوي لها عملية تجميلية .قامت الدكتورة كشفت عليها وقالت لها تعاليلي بعد اسبوع وانا اعملك العملية راحت بعد اسبوع وسوت لها العملية من جوا ومن برا .وتقول قصت زوايد الله يكرمكم وشدت المنطقة خلصت نفاس وبعد النفاس كمان اسبوعين وبعدها صارت الدخلة. على قولتها الرجال انصدم يقولها ماكان كذا شكله .يقولها الله يفشله كان شكله مشرشح على كل جهة كأنه عجوز أما ذلحين مرتب ههههههههه هيا عانت بعد ماجابت بنتها الثانية انها توسعت كثير وقت الولادة وما سولها شد بس سووا غرزتين فعلشان كذا كان عندها الوضع مرة مزري وطبعا تقولي كلفتني العملية الف وخمسمية ريال ولو اني ودي اعطيها ثلاث آلاف على شغلها مرتب ودقيق وبس يا حبايبي هاذي العلوم عندي وعساها تفيد احد فيكم اول شئ اطمن كراميلا اللي بتولد في حراء علشانك بكرية ان شاء الله راح يهتموا بيكي كثييييير |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
اهلين اميرة
ايمان الشاذلي كانت دكتورتي وبتروح معايا باشراحيل بس ربنا ماكتب سافرت الاسبوع اللي فات وقالتلي ارشح لك الدكتورة اروى كويسة وخياطتها حلوة اطلبيها تجميلي وتسويلك وقوليلها اني انا اللي رسلتك لها تهاني رحت عندها اليوم وقلتلها ابغى تجميلي قالت طيب بس قريت في منتدى ثاني انها لو لاقدر الله جا للوحدة نزيف ماتعرف تتصرف وانا عندي فقر دم وخااايفة ومحتاارة دمي 10 تقول نازل الطبيعي 12 |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
السلام عليكم ..
كيف حالكم ياتعمات ؟؟ إن شاء الله تكونو كلكم بخير وصحه وعافيه يارب .. معنى ياقلبو ( الله يشفى ولودي لكم يارب وتشوفيه بصحه ويبعد الشر عنو حصنيه وطمنينا عليه ) منال يارب الكروشات يفدوكي لاني مابعرف دا الصالون .. ربنا يسعدك اميرة ..والله ماما تقولي بس انا ماارضى ومره خايفه من كشف تحت بس ربنا يساعدني .. وغير كدا رحت الاسبوع الفات والنونه راسها تحت والمويا مره كويسه والمشيمه كمان كويسه الحمدلله.. وإن شاء الله اروح لانو بجد باقي كم يوم واخلص شهري .. وربنا كريم كوين الحمدلله ربنا طمنك وريحك .. واكيد لازم اروح كمان اطمن ياعسل .. كوكب يسعدلي طلتك .. انا بخير طمنينا عنك ؟؟ ربنا يسعدك ويفرحك مامي .. وصح كلامك بس اكتر شهر يخوف وتحسي نفسك ماتبغي المستشفى دا الشهر هههههه.. بس انا الاسبوعين الاولى ماطمنت ع الاسبوع التالت اطمنت وكان وضعي كلو تمام ودحين لازم اطمن دا الاسبوع.. |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
أميرة ربنا يسعدك ويسر ولادتك يارب وتفرحي بعيالك ويحققلك آمنياتك .. تسلميلي والله على الخبر الحلو .. وانا كنت مترددة بين الحرس وحراء بس حراء اقرب لنا .. والحمدلله دحين ارتحت من كلامك واصلا مجهزة ملفي وإن شاء الله اروح بكره او بعدو واطمنكم ..
والخياطه التجميلة سهلة مو زي العملية التجميلة .. بس الافضل الوحده ماتفكر فيها إلا لو حست نفسها مو تمام .. لكن سبحان الله مع تمارين والاهتمام كل حاجه ترجع لطبيعتها .. بس حبيت اسألك اخدت بنج كامل ولا نصفي << سؤال فضولي بس هههه |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
ماشاء الله ياكروشات الحرم دحين مره حلو وفاضي ..
انا رحتو ع الساعه 10 وطفت وصليت ودعيت لنا كلنا ربنا يسهلها علينا يارب وحلصت ع الساعه 11 .. فرحت شكلي كل يوم بروح امشي في الحرم =) |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
كراميلا ياعمري هي سوت خياطة تجميلية ببنج موضعي بس المكان نفسه ،
هيا والله مرة تهتم تمارين واعشاب وكل شئ حتى تحاميل المرة والملح تسويها .وكانت قبل كل جماع تغسل بصابونة فرجنتي اللي في الصيدلية عشان المنطقة تنشد .بس الشكل من بره تقول مرة مو تمام عرفتي كيف وبعدين اي وحدة بعد الثالث لازم تسوي شد وتضييق اما البكرية صح مجرد اهتمام ورياضة كيجل وترجع زي العروسة ياقلبي الله يسهل عليكي ولادتك وتشوفي بنتك في افضل واجمل صورة |
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
اقتباس:
|
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
اقتباس:
|
رد: دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة
كوين الله يعينك حبيبتي يمكن هاذي خيره من الله ان شاء الله تكون اروى زي ايمان.واحسن
فقر الدم والله مشكلة انا كمان عندي .الله يسهلك والله من جد حيرة |
| الساعة الآن 05:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .