|
رد: تجمع حوامل التوائم
اقتباس:
دموع الشوق تو اخدت بالي احنا سوا في نفس اليوم انا برضه 13 اسبوع و5 ايام |
رد: تجمع حــوامل التوائم
السلام عليكم
أخباركم؟ مشكورين حبيباتي على الرد طمنتوني وأن شالله بكره موعدي واتطمن أكثر |
رد: تجمع حــوامل التوائم
صحيح اختي عشمانه ماتوقعت في احد معاي فرحتيني الله يتمم علينا يارب
|
رد: تجمع حوامل التوائم
الله يبارك بأعماركم مشكوريين كلكم دون اسثناء
قصة ولادتي يوم الاربعاء اللي طاف بالليل جتني طلوق وحطولي التخطيط بعدها بين بالجهاز ان الطلوق قويه قالت الممرضه راح اخلي الدكتور يشوفه المهم اني طول الليل مانمت من ألم الطلوق حاولت انام ماقدرت فجأه ولا الدكتور داخل علي قالي راح اشوف الرحم اذا انفتح اكثر لان كان مفتوح 3سم لما شاف طلع الرحم مفتوح 4 المهم قالي اخذي الحبوب الحين وعطاني نوع ثاني ونشوف شيصير بكره .. حاولت انام غفيت شوي وكان النوم متقطع ماحسيت بالوقت الا الساعه 9 الصبح جت الممرضه وشافت الضغط وحطتلي التخطيط وهم نفس الشي طلوق قويه لما خلصت شوي ولا دخل الدكتور قالي ابشوف الرحم زاد ووصل 5 بعدها قال لازم نولدك اليوم لاني شفت ايده فيها دم لما شاف الرحم قالي البيبيات روسهم تحت ونزل دم خايفين تولدين بفراشك وراح تولدين طبيعي قلت متى دكتور الحين قال اي 10 دقايق الحين ينزلونك العمليات المهم دخلت وبدلت وتجهزت وانا قلبي يرجف نزلوني لتحت وكل شوي اقول لزوجي لاتخليني قال ماعليك انا ابدخل الغرفه معك لاني بكريه وحدي خايفه الدكتور رد وشاف الرحم لما نزلت للعمليات زاد وصار 6 عطوني ابرة الظهر وقياس الضغط بأيدي واجهزة من وراي الغرفه تخوف ودكتوره داشه ودكتوره طالعه انا تقريبا دخلت العمليات 11 الصبح اخر مره شاف فيها الدكتور الرحم الساعه 2 ونص الظهر صار مفتوح 9 سم قالي 10 دقايق واولدك عاد اهني لا تشوفوني مع دوخة الابرة والخوف من الولادة مت خوووووووووووف دخل الدكتور ومعاه دكاتره وممرضات يمه يمه يمه احساس مادري شلون اوصفه من جد رعب الساعه 3 العصر بدت الولاده مع البووووووش الاول طلع ياقلبي قلبه لما شفته قدام عيني وسمعت صياحه بكيت لفوه و اخذوه على طول لغرفة ثانيه وزدت البوووووش بعد 5 دقايق تقريبا طلع حبيبي الثاني جابوهم لي بعد ربع ساعه تقريبا ياحياتي صغار شفتهم شوي ولمستهم بعدها اخذوهم عشان ينزلونهم للحضانه .. اوزانهم واحد كيلو و300 والثاني كيلو و400 وان شاء الله بأقرب وقت يطلعون بالسلامه يارب واشيلهم واضمهم .. وسلامتكم .. |
رد: تجمع حــوامل التوائم
الحمد الله على سلامتك بنوته مغتربه ومبروك ما جاك يتربون في عزكم ... والله فرحة لك ولله يعينك على الغربه حبيبتي
وعقبلنا يارب ما نقوم بالسلامه ونفرح بيهم يارب والله يكتب لنا ساعة السلامه يارب ... * |
رد: تجمع حــوامل التوائم
الف الف مبروك اختي بنوته والحمدلله على السلامه ويتربو في عزك
عقبالنا كلنا يارب |
رد: تجمع حــوامل التوائم
اختي محجبة والله ما عندي فكرة البنات يفيدونك ان شاء الله تراني خايبة ما بعرف اربط ولا احل خخخخخخخخخخخخخخ
بنوتة مغتربة الف حمد لله علي السلامة وان شاء الله تضمينهم في حضنك عن قريب طمنينا وتابعينا بالاخبار |
رد: تجمع حــوامل التوائم
كيفكم اتمنى ان تكونوا بخير ابسال سوال رحت سويت سونار قالت الاتنين روسهم تحت هل تتغير والمشيمة واحدة هل يتشابهو شاكرة لكم
|
رد: تجمع حــوامل التوائم
ساره روحي ياقلبي لمستشفى خاص و تطمني عليهم .. واقطعي الشك باليقين ... لاتخلين نفسك مع الوسواس ... عشمانه في ربنا اخبارك ...؟! من زمان عنك.. وش اخبار الدوخه معك ...؟! انا دخلت السادس وللحين احس بدوخه ...!! بس ارحم من الاول بكثيييير ... |
رد: تجمع حــوامل التوائم
ام الحلوه
مرحبا اختي انا مثلك مشيمه وحده ويوم سالت الدكتوره قالت مو شرط يكون الشبه بينهم كبير ... هذا كلامها والله اعلم ... |
| الساعة الآن 01:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .