|
رد: تجمع حوامل ليبيا
كيفك بوسي وكيفك ميراس
تعرفوا كل وحدة تخش في وقت فياريت كل وحدة تكتب امتى تخش على الاقل نهدرزوا مع بعض خير من الواحد يبدا يهدرز بروحه |
رد: تجمع حوامل ليبيا
اهلين ام وسونة ايه تعرفي هكي احسن تعرفي خير ما الواحد يبدا يستنى اني انخش في الصبح يعني ديمة مع الساعة 10 الصبح وبعدين اندير دورة ثانية مع الساعة 6
|
رد: تجمع حوامل ليبيا
والله حقا حتى انا من رايك والله انخش ونبدا انهبرط ابروحى
|
رد: تجمع حوامل ليبيا
ام وسونة سامحيني بنستأذن منك جتني حماتي اول ما تروح انخش ثاني وانشاء الله نلقاك هيا تواء في امان الله
|
رد: تجمع حوامل ليبيا
انا المشكلة راجلى وولدى ديمة يبوه مش معروف امتى انحصله
|
رد: تجمع حوامل ليبيا
السلام عليكم ورحمة الله
كيف حالكم كلكم وحالك يا ميراس ويقين والله يسمعكم خبر التحرير اليوم قبل غدوة يارب ايه الحلوة بالله كيف حال ايوب واسيل وشن مدايرة مع تعب زوز صغار ربي يعاونك مع اني واتقه انك قدها انا وزوجي قبل الاحداث فكرنا انبيعوا ارضنا في سوق الجمعه ونشروا فيلا في السراج جنبكم بس اصحابه يقولوله لاتبني بروحك خير الشري واتي يباتلك اغلى ب200الف دينار احيانا وانا حوشي بروحي جنب عزوزتي بس صغير هلبه ومليت من الانتظار وماعنديش خلوق نستنى البني وتشحويره بنتي كبرت وقعدة ترقد في دار الصالون وولدي معاي لان حوشي دارين وصاله وطبعا كوجينه وحمام دار الصالون في الليل حجرة نوم والصبح لضيوف واننا نبنوا ما نكدبش اعليك ما عندناش مبلغ ال300الف او 250 الف لحوش حلو وكبير زي ما نبي وخاصة مليت من الضيق ونبي حوش كبير ما يقلش عن 300متر وفيه 4ديار نوم او 5 وكوجينه كبيررررررررررررررة ههههههههههه متعقدة من كوجينتي الصغيرونه وحاليا مافيش امل في ظل هالظروف انهم يخمموا يعطوا قروض اسلاميه لمساعده الشباب في البني وارضنا تجيب سعر كويس فكرنا نبيعوها ونشروا في مكان هادئ ومريح واخترنا السراج وانا بعد ما دهشتك معاي نبي رايك نشروا فيلا واتيه خير ولا نبنوا وفيه فيلات كبار بسعر 450الف دينار ولا لا مش مهم عندي الجنان يكون كبير المهم اجنين اصغير للعلب الصغار وكراج ومخزن نتشرط صح |
رد: تجمع حوامل ليبيا
ام قصي ؟؟؟كيف حال بوك ( باتك ) ان شاءالله كويس
وشن اخبار خوتك في الجبهه وكيف حال بنياتك وهيا احملي جيبي ولي العهد وكثري الزريعه زريعتكم طيبه وعيلتكم محرارين وابطال ما شاءالله وربي يسمعنا على الكل الكل ومنهم اخ ايه كل الخير |
رد: تجمع حوامل ليبيا
اسمعو ا يابنات اعتدال عندها راى ومعتررضة على تنزيل اللغة الفرنسية فى المنهج مش عارفة ليش على عكسى انا لما اسمعت بيها افرحت بيها عالاخر ياسر احنا اللى انحرمنا من دراسة اللغات وقعدنا جاهلين عالاقل حتى الواحد يمشى يطلع برا لاى ظرف يعرف كيف يتفاهم البشر اللى ماشيلها والا يصير فينا زى يقين هى والكندية
|
رد: تجمع حوامل ليبيا
اعيون خوديلك فيلا واتية احسن اتكون واتية وفكك من تشحوير البنى وربى اينولك اللى بالك
|
رد: تجمع حوامل ليبيا
ايه...كيف حال ميمونه ونسرينا وشن صاير فيهم ربي يسمعنا خبر حملهم قريبا
|
| الساعة الآن 08:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .