|
رد: تجمع حوامل ليبيا
اليوم هلبا عائلات طلعت وكل يوم نفس الشى
|
رد: تجمع حوامل ليبيا
يابنات خلينى نعطيكم اخر الاخبار اتصدقوا ان الكتائب ناصبة الراجمات فى وحدة من الشركات الصينية وتقصف فى الحياش ويقولوا ان التوار هم اللى يقصفوا فيكم لين مشوا الناس وتاكدوا من الكدب والقوهم هما اللى يقصفوا فبهم وخودا هادى اليوم الكتيبة اللى فى الجهة التانية انسحبت من الجه الجنوبية لانهم اغلبهم من مصراتة عارفين ليش لان قبيلة القدادفة امرت بقتل اى حد مصراتى قالوا دايرين فيهم مجزرة دبح ورمى بالرصاص سوا كان مع والا ضد باهى والكتيبة لما سمعوا مشوا لسرت اتصدقوا فى بنى وليد صارت كوارت حسب روايات الناس اللى اليوم طلعت اتصدقوا القدايف تنزل فى الاحياش وصارت كوارت
|
رد: تجمع حوامل ليبيا
مافيش حد شكله تصبحوا خير ام وسونة حمد عالسلامة ولد اخوك وسلامة راسه انشالله
|
رد: تجمع حوامل ليبيا
اعتدال وخيتي مرحبتين بيك بين اخواتك
والعبده لله تكلم فيك من طرابلس اكتر المناطق الي تظررت معنوين وخلينا نقولو مادين من هلقردافي ... وانا كنت نافس اول ماصارت الاحداث وحليبي انتشف وفطمت بنتي من تلات شهور... خوي الان في الجبها وفيه شباب من عائلتنا مش قراب استشهدو... هثورة قامت ضد الظلم ضد الاستبداد ضد الكفر ...والقردافي كان بيمسح بنغازي من على وجه الارض لولا تدخل حلف شمال الاطلسي....تصدقي لو قرار الحضر تاخر يوم او سعات كانت بنغازي انتهت.... ولا يوجد اي تحريم في الاستعانه بلغرب على الظلم..كتائبه عتت في الارض فساد ...ولما يقتتل مسلمان يقول الكتاب الحكيم فَأَصْلِحُوا بَيْنَهُمَا فَإِن بَغَتْ إِحْدَاهُمَا عَلَى الْأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ ... وهم لم يعدلو ومابوش يرجعو كتائبه عن قتل الي ما يبيش المدمر....وشن فيها لو درسنا اللغه الفرنسي والانجليزيه ...شن دخل هذا في مادة الاسلام مابدلوهاش بمادة الدين...وبعدين سامحيني انتي في الصين انقولهالك بصراحه وين انتي على الي صار فينا وحسيناه واسفه على الاطاله...ثورتنا على حق شاء من شاء وابى من ابى .. واجعاتك بنتك الي فطمتيها وفي ليبيا الصغار يموتو محروقين ومقطعين من كتائب القدافي..ياوخيتي حسي بشعبك الي نظلم ونقتل ...ما يوجعك دمار ليبيا الي بلاساس مدمرها وتو يبنوها ناسها ...روحي لي ليبيا وشوفي فرحت الناس والوجوه النايرة وشوفي علم الاستقلال تو تعرفي شن فوائد ثورة 17 فبراير .... |
رد: تجمع حوامل ليبيا
عيون ربي يسلمك حبيبتي تو نخلي راجلي يقرا مشاركتك الي شكرتي التاجوريات فيها
ياودي انتي الي فالحه والله ... بوسيلي صغيويرتك ... |
رد: تجمع حوامل ليبيا
والله وصلت لفراشي وماجاني النوم وانا
نفكر في كلام الاخت اعتدال ونفكر في ردي لاقيت نفسي ناسية امر مهم مدكرتاش حتى يطمئن قلبها للي قعد يصير في ليبيا.. اختي بنسالك انت مؤمنه بقيام الساعه؟ وتئمني ان ليها علامات تسبقها..علامات كبيرة وصغيرة الصغيرة صارت منذو عصر سيدنا محمد ولعلامات الكبيرة قعدة تصير اهمها وحدت الصف العربي ...وهل من الممكن ان العرب تتواحد في ظل حكامنا السابقين تالله ... وحدة صف المسلمين والمسيح ضد اليهود(علاقة المسيح بليهود بدئت تستاء وعلاقة المسيح بؤمة الاسلام في تحسن ملحوظ) مع العلم ان الساعه لن تُقوم الا على اشرارها والله سيعجل باخيارها وشوفي انتي اعداد الموتى في ليبيا وتونس ومصروسوريا في سبيل حرية الوطن الذين والله نحسبهم شهداء اخير عند الله... اختي ارجعي الي كتب علامات الساعه ورح تعرفي ان الي قعد يصير تمهيد للخير للوطن العربي ولتحرير فلسطين المحتله ..والله اعلم |
رد: تجمع حوامل ليبيا
اهليييييييين بنات
|
رد: تجمع حوامل ليبيا
صباح الخيرياحلوات هل في من موجود
|
رد: تجمع حوامل ليبيا
اية سلم فمك انا حبيت ان انقول لاعتدال اللى قلتيه وخفت ننفهم غلط وماعجبنيش كلامها بكل واللى ايدى بالنار مش زى اللى ايدى فى المية
|
رد: تجمع حوامل ليبيا
السلام عليكم ورحمة الله وبركاته
كيفحالكم اليوم ميراس شخبارك وشخبار اهلك انشاء الله منصورين |
| الساعة الآن 11:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .