|
رد: تجمع حوامل ليبيا
ام قصي حمدلله علي سلامه بوك ان شالله بسيطه ويبرا بسرعه
|
رد: تجمع حوامل ليبيا
ها فى حد والله متنيه نسهرى مع وحده منكم
|
رد: تجمع حوامل ليبيا
انا نمشى
اليوم نفسيتى تحت السفر ما سويت الغدا قتله جيب جاهز وتوا اهو جا نمشى نحط الغدا عن اذنكم هههههههههههه على اساس فى حد نحكى معاه |
رد: تجمع حوامل ليبيا
السلام عيكم ورحمة الله وبركاته
كيف حالكم يابنات انا ليبية وحاليا عايشة في الصين عمري 25 سنة وعندي ولد عمره 4 شهور ونفسيتي تعباااااانة وجايتكم نبيكم تساعدوني لاني فعلا تعبت |
رد: تجمع حوامل ليبيا
مرااااااااااااحب ام قصي
الف الحمد لله على سلامة اوبيك وربي يطمنك على وخيينك يارب .. انامتزوجة من 4 سنين مواليد 87 عندي ولد وبنية ايوب سنتين و6 شهور واسيل قريب ادير 8 شهور... .. وانتي شن عندك من صغار.. |
رد: تجمع حوامل ليبيا
اهلا بيك اعتدال نورتي
فضفضي شن متعبك انتي بين وخياتك |
رد: تجمع حوامل ليبيا
انا اللي متعبني وضع البلاد تعرفوا من كثر التفكير والبكاء مرضت حتى الحليب في صدري جف وولدي ماتقبلش الحليب الا من صدري والله شوي وننجن وانتم لازم توضحولي وتجاوبوني على اسئلتي انا لما نشوف من بداية الاحداث لليوم لاحظت ان البلاد بدت خرابة وحطام وهي عاد من قبل ما شاء الله تبي الف سنة باش ترجع زي ماكانت والطلبة ضيعوا سنة دراسية يعني سنة من اعمارهم عالفاضي والليبيين جزء منهم توفى الله يرحمهم ويدخلهم الجنة وجزء مصاب باعاقات وعاهات مستديمة شي والله يقطع الكبد قولولي علاااااااااااااااش معقولة الفرنسيين والامريكان يقصفوا في الليبيين ويقتلوا فيهم واحنا فرحانين نقولوا كتائب القذافي وازلامه!!!!! يعني هم مش ليبيين ياناااااس انا اولكم كنت نتمنى القذافي يتنحى لان البلاد ماشافت في ايامه فرح لكن للاسف تنحى القذافي وجاء في مكانه ساركوزي وبرلسكوني وكاميرون وأوباما يعني رؤوس الكفر في العالم واعداء الاسلام والمسلمين معقول سلمنا لهم بلادنا على طبق من ذهب وفرحانين!!! يعني احنا مكتوب علينا الذل والهم ياربي قولولي فهموني اعضاء المجلس الانتقالي من قبل ماسكين مناصب في الدولة كان يبوا يغيروا البلاد راهم غيروها من قبل يعني توا طلعوا وطنيين وابطال وقلبهم علينا !! كل واحد يفكر في نفسه بس ومن تو بدوا يتعاركوا عالحكم ويتقاتلوا في بعض وحق ربي بنهبل فهموني واشرحولي شن اللي صاير وقولولي فوائد ثورة 17 فبراير كلكم ردوا عليا قلبي معصور عصر |
رد: تجمع حوامل ليبيا
للعلم انا اهلي وقبيلتي كلهم مع الثوار قلبا وقالبا وعندي من اقاربي ماتوا ربي يرحمهم لكن وللاسف ما لقيتش عندهم اجابة شافية ولا قدروا يقنعوني لان الرسول صلى الله عليه وسلم قال (اذا تقاتل مسلمان فالقاتل والمقتول فى النار) يعني معقول يجي واحد من انصار عبدالجليل يقتل واحد من انصار معمر نقولوا الاول شهيد في الجنة والثاني خاين في النار!! هذي هي الديمقراطية؟ يا تحب عبد الجليل يا انت خاين ودمك حلال!!!!! باهي انا مش من انصار معمر ولا انصار عبدالجليل لكن ضد التدخل الاجنبي يعني امران احلاهما مر لكن لما نقارن نقول يقعد القذافي ابرك عالاقل كنا نقدروا نقولوا طز في امريكا وطز في اعداء الاسلام تو للاسف رافعين العلم الفرنسي والمريكي وما نقدروش نواطوهم
معقول منزلين للطلبة مادة اللغة الفرنسية وهذي بداية لعبة الاستعمار الفرنسي الخبيث انه يطمس معالم الاسلام والعروبة واقرب مثال تونس والجزائر يعني احنا خلاص العلم كملناه ما قعدتش الا الفرنسية! لاباس هذا قرار من؟؟؟؟ الشعب قال نبوا الفرنسية!! ما اعتقدش هي الانجليزية والناس بيهبلوا منها ويبوا يلغاها مع انها فعلا مهمة- خلونا واقعيين نحس في روحي عايشة كابوس مش قادرة نطلع منه وما حدش يبي يساعدني ويطمني حتى بكلمة تخفف عليا وينكم -آية-عيون زوجي-يقين- ميراس- هاتو وام قصي وكلكم قولوا كلمة وريحوني |
رد: تجمع حوامل ليبيا
السلام عليكم وخياتي
الحمدلله علي سلامة حبيبك ياام قصي وربي يرجع وخينك بالسلامة * وشكرا لكل من اسالني علي ولد خوي والحمدلله روح بس مسكين اصحابه كلهم استشهدو |
رد: تجمع حوامل ليبيا
اختي اعتدال ربي يطمنك وردي بالك من روحك ووليدك وصدقيني خليها علي ربي
واللي فيه الخير ربي يجيبه وبعدين المستشار الناس كلها تشهدله بالاخلاق والالتزام |
| الساعة الآن 04:59 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .