|
رد: ديوانية البحرين - دردشة حوامل البحرين - البحرينيات
معنى الوفاء مسامحه على هالسؤال بس بسألج استخدمتي حبوب منع الحمل عقب ولادتج ببنتج ولا شنو؟ لان انا زوجي محلفني ماسوي شي ولا آكل حبوب والرياييل مامنهم امان ، يعني مابي اظلم بنتي توها ام شهور واحمل عليها صعبه شوي على الاقل سنتين جذي زين ، ياريت نستفيد من خبراتج بما ان عندج خبره سابقة
|
رد: ديوانية البحرين - دردشة حوامل البحرين - البحرينيات
أن شاء الله... الله يتمم لنا على خير
بنتي اكثر وحده فرحانه بهل الحمل... وما تبي الا أخت لها... الله يستر بتقلعنا اذا جاها اخو الله يعينج بنت الأياويد هانت ان شاء الله ماباقي شي |
رد: ديوانية البحرين - دردشة حوامل البحرين - البحرينيات
قلت باخذ لي بدله من مانقو او كمايو .. بس المشكله ماتحصلين جلابيه مفتوحة وانا احب البس جلابيه اول يوم عيد ... احس روحي هيلقيه اذا لبست بدله ههههههههههههه
|
رد: ديوانية البحرين - دردشة حوامل البحرين - البحرينيات
فصلي لج انزين جلابية في محل في بوكوارة اسمه فلاح حسن اعتقد عنده قطع حلوة وروحي المحل الي اتعامل وياه يسوي لج تطريز وعنده شكثر جلابيات حتى جاهزين يبيع وايد شغله فضيع انا كل مرة اسوي عنده يعني حتى لو عندج قطعه عادية سادة وديها له شوفي شلون يسويها لج وايد فنانين، انا حق صباحية عرسي سوالي جلابية فضيعه جنها ثوب نشل بس على جلابية الكل عجبته واسعاره زينة بعد حاولي تتحركين من الحين
|
رد: ديوانية البحرين - دردشة حوامل البحرين - البحرينيات
بنت الاياويد ... نفس الحاله .. زوجي مب راضي اخذ اي شي ولا حتى اركب لولب ... محتارة شسوي .. اختي تستخدم حبوب ياسمين .. وايد زين تقول وقريت عنه بالنت وايد يمدحونه
|
رد: ديوانية البحرين - دردشة حوامل البحرين - البحرينيات
بنت الأياويد
أنا أبداً ماستخدمت حبوب منع الحمل... يعني موانع طبيعية بس أهم شي تكونين متفقة مع الزوج ولازم اهو يحاسب لروحه>>> أحم أحم فاهمه علي؟؟ وبعد تقدرين تحسبين أيام الاباضة عشان تتحذرين اكثر |
رد: ديوانية البحرين - دردشة حوامل البحرين - البحرينيات
في وين يصير هالمحل ؟
|
رد: ديوانية البحرين - دردشة حوامل البحرين - البحرينيات
اي فاهمه بس ساعات مايصير عندهم كونترول على روحهم هذي مشكلة بعد ، بس بحاول افهمه على قولته يبي سبعه يقول مصدق روحه قلت له شعليك التعب مب عليك ولا الثقل عليك، اللولب مب ضمان اختي مركبه واحملت على بنتها خخخخ الحمدلله والشكر مابي اضحك لايضحكون علي بعدين
|
رد: ديوانية البحرين - دردشة حوامل البحرين - البحرينيات
انا ريلي لمح لي انه مابيرتاح بطريقه العزل الطبيعي ... مادري ليش احس الطريقه تضايق الريال يعني مايرتاح
|
رد: ديوانية البحرين - دردشة حوامل البحرين - البحرينيات
محل الجلابيات اسمه مياسين وانتي يايه بداية بوكوارة صوب الصديق مال الخلق اول لفة من عقب مكتبة اليقين تدشينها امشي شوي اهو على يسارج محلهم قديم بس دشي داخل وشوفي لج قبل لاتشترين خلق اخذي فره لان عندهم جلابيات للبيع بارزين يقولج في العيد يسوي 2000 جلابية ماشاء الله
|
رد: ديوانية البحرين - دردشة حوامل البحرين - البحرينيات
بروح اليوم بجوف ... مشكورة
|
رد: ديوانية البحرين - دردشة حوامل البحرين - البحرينيات
ام حماني عيل شكلج بتييبين اخو حق حماني ، يعني ريلج لاينقلي ولاينشوي مب راضي حبوب ولا شي وهم مب راضي العزل الطبيعي والحل يعني ؟ والله مشكلة الرياييل ، بقولج تدرين ليش مايرتاحون انا سمعت ان يأثر على ظهرهم يصيدهم ألم في ظهرهم ، انا اعرف وحده تقول زوجها يلبس ذي مادري شسمه العازل خخخخ جني بديت اخوره وماشاء الله الحين يمكن ست سنوات ميودين روحهم تقول مايبون الحين
|
رد: ديوانية البحرين - دردشة حوامل البحرين - البحرينيات
اذا تحسينة مايسيطر على روحه وبعد يبي يهال وايد
نصيحه ابلعي حبوب ترى حتى الموانع الطبيعية مو ضمان ولاحتى الحبوب يعني أنا هل المره ولله الحمد أن بنتي كبرت شوي حمل بالصدفة ولاكان فترة اباضة وكنه بعدنا على المانع... يعني حمل غير مخطط له " الحين تأكدت أن مافيه ضمان " أذا الله أراد شي يقول له كن فيكون |
رد: ديوانية البحرين - دردشة حوامل البحرين - البحرينيات
اي هاذي ع قولتج الي يلبسونه ... اقترح نستخدمه بعد ... الصراحه وايد شي يحير بس اهوة لازم يحدد موقفه اذا مب راضي اخذ حبوب عيل لازم يستحمل ويضحي << حلوة يضحي ههههههه
|
رد: ديوانية البحرين - دردشة حوامل البحرين - البحرينيات
اي والله سبحان الله ، بس انا بعد اخاف من الحبوب لان في ساعات حبوب مايناسب الوحده مثل وحده تقولج استخدمت حبوب وتمت ماتشوف نفس الي عمت تخيلي وماقرت الوصفة الي مع الحبوب كان مكتوب ان احتمال يسبب جذي وجذي
|
رد: ديوانية البحرين - دردشة حوامل البحرين - البحرينيات
أم حماني ماعليج منه
خله يشوف لروحه حل حماني صغير الله يحفظه لازم تتفاهمون على هل الشغلة من الحين |
رد: ديوانية البحرين - دردشة حوامل البحرين - البحرينيات
هههههههههههههههههههههه الله يعينج ام حماني والله
اي لازم يضحي خخخخخخخ ، اشتري له ذي لين رحتوا تاخذون اغراض من جيان ولا شي وقطيه في الجاري قوليله بدربك عليه في البيت خخخخخخخخخخخخخخ |
رد: ديوانية البحرين - دردشة حوامل البحرين - البحرينيات
عيل مالنا الا الطبيعي ونمشي على جدول الاباضه .. بس يعني عن تجربه اذا عندكم ياهل هاذي بروحه تقريبا مانع ... مايخليكم تاخذون راحتكم ... ههههههههههههههههه
|
رد: ديوانية البحرين - دردشة حوامل البحرين - البحرينيات
أم حماني
أنتي خلصت وقت النفاس؟؟ |
رد: ديوانية البحرين - دردشة حوامل البحرين - البحرينيات
والله الريال مايوده شي لاتقصين على روحج لاياهل ولا شي ، خخخخخخخخخ لين في راسه ابليس ماتقدرين عليه انا بعد خايفة من ريلي يقولي انا رايح في كبر اقوله الي يسمعك يقول شيبه
|
رد: ديوانية البحرين - دردشة حوامل البحرين - البحرينيات
ترى العازل مب مريح للزوجه
والحبوب اكثر شي تسبب مضاعفات يعني كلش كلش تمتن الوحده |
رد: ديوانية البحرين - دردشة حوامل البحرين - البحرينيات
اي خلصت صار لي شهرين الحين من ولدت
|
رد: ديوانية البحرين - دردشة حوامل البحرين - البحرينيات
يعني المفروض خلاص تكونين متفاهمه وخالصة ويه ابو حماني
|
رد: ديوانية البحرين - دردشة حوامل البحرين - البحرينيات
ريلج نفس ريلي ... الود وده واحد فوق واحد ... هذاك اليوم تذكرت يوم اقولج ريلي مادري شلون بيكون مع ولده مايحب اليهال ... تعاااااااااالي جووووفيه هالحمني ماخذ قلبه وروحه .. يموووت عليه حتى انا صرت اغااااااار .. ماشاء الله عليه وايد يحبه وصاير يشاركني بالربى .. يسبح معاي ويبدل حفاظاته ويرقده في الليل
|
رد: ديوانية البحرين - دردشة حوامل البحرين - البحرينيات
انا سألت وحده قالت لي مانستخدمه من البداية الا لين جريب بيخلص يلبسه احس اوكي هالحركة بس اهم شي نسأل قبل ان مايسبب حساسيه او شي ، ماشاء الله ام حماني صج الايام تركض الله يحفظه ويخليه لج ، ام حماني صج يقولون عقب ماتخلصين من النفاس تخافين ترقدين ويا ريلج تحسين جنج توج معرسه وتخافين من الخياط؟ ولا عادي؟لان في ناس يكبرون السوالف قلت بسألج ، وعلى طاري الحليب اختي تقولي لاتعطينها صناعي طول فترة النفاس لاتعلمينها عليه تقولي بتشوفين مابتصيح من بطنها ولا شي وبترقد عدل وعقب استخدمي لها صناعي وطبيعي بس قللي من الصناعي
|
رد: ديوانية البحرين - دردشة حوامل البحرين - البحرينيات
الحين حاليا الجراحه االي فيني اهيه صايره المانع خخخ
|
رد: ديوانية البحرين - دردشة حوامل البحرين - البحرينيات
بييه يعني كلش ماجربتي؟ بالجراحة شلون الوضع ولا خايفة؟ انزين انا افكر شلون انظف تحت من عقب الجراحة احس بصيدني خوف؟
|
رد: ديوانية البحرين - دردشة حوامل البحرين - البحرينيات
اي تعور وايد .. انا جربت مره وتبت .. وبخصوص الحليب .. انا ماكنت افكر اعطيه بس ماكان فيني حليب والياهل يوعان .. وبعد ماتدرين شيصير يمكن تمرضين لاقدر الله او تحتاجين تطلعين مشوار .. اش بيسوي الياهل حزتها .. ويمكن بعد اذا تعودت كله على الطبيعي ترفض الصناعي ولد اختي جذي ماقبل الصناعي كلش .. انا دكتور يوسف اكبر قال لي .. لازم الام تعطيه 3 رضعات صناعي ع اساس انه يتعود عليه واذا اضطرت الام تخليه ماتتوهق
|
رد: ديوانية البحرين - دردشة حوامل البحرين - البحرينيات
أم حماني
الله يخلي لج حماني وأبو حماني لازم يحبه ويباريه حتى علاقتج مع بو حماني تصير أحسن وأجمل وأقرب بنت الأياويد بما انج تدرسين لازم بتعطينها صناعي بس بعد حاولي ترضيعنها من عندج أكثر أنا بنسبة لي كان اكثر شي متعب ومألم الرضاعه صادني تشققات وألم في صدري والصناعي يشبعها اكثر لين تركت الطبيعي وتمت على الصناعي |
رد: ديوانية البحرين - دردشة حوامل البحرين - البحرينيات
انا استخدمت فيت بس حاسبت مايصيد صوب الجراحه .. وجربت بس مره بس ماقدرت اواصل .. احس الجرح كأنه بيتبطل على اني كنت مستخدمه ملين ... امي واختي يقولون يبي لها الوحدة وقت ترجع طبيعيه لازم بيعور جم شهر
|
رد: ديوانية البحرين - دردشة حوامل البحرين - البحرينيات
ماشاء الله 3 رضعات؟!
ترى سمعت ان فيه كريم من الصيدليه تشترينه ملين حق هالسالفة عقب الولادة عشان مايألمج معنى الوفاء وين اختفيتي؟ لايفوتج اليوم بسوي سمج صالونة مطفيه وشيلاني من الصبح مطلعه الجنعده عشان تفج اول مرة بجرب السمج ان شاء الله يضبط لان ريلي يقولي خاطري في سمج قلت بتعصلب وبسوي |
رد: ديوانية البحرين - دردشة حوامل البحرين - البحرينيات
أم حماني
شلون لج شهرين من يبتي حماني وللحين الجراحة؟؟ جراحة غير السيم لو مسوية جراحه ثانية؟ |
رد: ديوانية البحرين - دردشة حوامل البحرين - البحرينيات
انا عانيت مع الرضاعه .. صدري ناشف مافيه حليب .. يعني رابع يوم من الولادة المفروض صدري متروس حليب وانا بالغصب تطلع نقطه ... بس ما ايست .. مابي احرم ولدي من منفعه الطبيعي .. واذا حملتي تشققت استخدم الشفاطة له .. اشغلها على اقل درجه وتشفط الحليب شوي شوي ...
|
رد: ديوانية البحرين - دردشة حوامل البحرين - البحرينيات
لا معنى ...اقصد مكان الجراحه .. الظاهر انا شقوني وايد لانه حزة الدفع انا كنت دايخه وايد ونص راقده ... كانوا بالغصب يصحصحوني
|
رد: ديوانية البحرين - دردشة حوامل البحرين - البحرينيات
موجوده مارحت مكان
ياسلاااام على الجنعد أنا اسوي بس مقلي وريلي الا يقليه بعد خخخخ بالعافية حبيبتي باجر بسوي لنا سمج |
رد: ديوانية البحرين - دردشة حوامل البحرين - البحرينيات
اي انا بقلي شوي والباقي بحطه وبسوي صالونة مطفية مع خضره ، الله يعافيج، شله ام حماني مايعور الطلق هههههههههههههههه نص راقدة تقولين؟
حسيتي انج نسيتي الام الطلق ولا للحين تتذكرين لان يقولون من تولد الوحده الله يمسح على قلبها |
رد: ديوانية البحرين - دردشة حوامل البحرين - البحرينيات
أم حماني
رحت فحص مابعد الولادة؟؟ مابخوفج بس اذا للحين ماتقدرين تقعدين وعندج ألم في الجرح روحي المستشفى أحسن لأن صادني جذي من قبل وتميت أعاني كل من يقول لي حتى لو الجرح وايد من تكملين الشهر يروح الالم ويتأم الجرح ولما رحت فحص مابعد الولادة حولوني على السلمانية.. بس انا رحت الفاتح بفلوس عند د. ساندو وقالت لي أن الجرح ملتهب وشالته لي في نفس الوقت (بس طلعت روحي) ويوم ثاني حسيت روحي تمام |
رد: ديوانية البحرين - دردشة حوامل البحرين - البحرينيات
من اول ماتيودين البيبي تنسين كل شي .. واقولج الطلق يعور بس على اخر شي وقت الياهل بيطل دوخت
|
رد: ديوانية البحرين - دردشة حوامل البحرين - البحرينيات
برب اختي متصله
|
رد: ديوانية البحرين - دردشة حوامل البحرين - البحرينيات
شنو اسباب التهاب الجرح؟معنى الوفاء ،،، بما انج يايبه بنيه شلون الطلق صج يقولون يروح وايي مو حامي نفس الولد والبنيه يضرب كله تحت جنه ألم الدورة بس اقوى؟
|
| الساعة الآن 10:57 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .