|
رد: دردشة بنات فلسطين , دردشة حوامل فلسطين , تجمع بنات فلسطين
ام عبدالله ::
اهلا وسهلاااااا ام عزمي:: هلا وغلا اشتئتلك ياااااااااااااا بنت .......كيف كنتي ديري بالك عليا |
رد: دردشة بنات فلسطين , دردشة حوامل فلسطين , تجمع بنات فلسطين
مسا الخير كيفكم
وشو اخر اخباركم مين هوون؟ |
رد: دردشة بنات فلسطين , دردشة حوامل فلسطين , تجمع بنات فلسطين
يسعد مساكم
منورين جميعا |
رد: دردشة بنات فلسطين , دردشة حوامل فلسطين , تجمع بنات فلسطين
مساكم جوري بنات
كيفكم اشتقتلكم كتير غبت عنكم والله فترة افراح عقبال عندكم يارب |
رد: دردشة بنات فلسطين , دردشة حوامل فلسطين , تجمع بنات فلسطين
اقتباس:
تحياتي الك ولحبيباتي لانا واسيل وادوم ،، ولعائلتك كلها بالقدس اقتباس:
كيفها البنوتة الامورة ؟؟ لسة ما قررتي شو تسميها ههههه وكيف استعدادك للامتحانات ؟؟ اقتباس:
اقتباس:
حبيبتي والله كل ما الاقي وقت افوت بفوت انتي بتعرفي مسؤولية بيت وطفل وحمل ودراسة يعني فترة صعبة شوي ،، بس الحمدلله بحس الوقت والايام بيعدوا بسرعة والسنةالي جاية سنة ثالثة يعني مو باقي كتير ان شاء الله ،، بس من عيوني هحاول كل يوم افوت وندردش لانه الشعور متبادل والله ،، بحب كتييير احكي معك يا دودو ،، ان شاء الله ماماتك قربت زيارتها لعندك ،، ربي يجمعك فيها على خير ،، شو خلصتي من اغراض عمورة كلها ولا ناقصك شي ؟؟ طمنيني على عمورة قلب راسه لتحت ؟؟ هلأ بلش التقل الجامد والتعب الله يعينك ويقومك بالسلامة ويفرحك بضمته هالحلو :) اقتباس:
|
رد: دردشة بنات فلسطين , دردشة حوامل فلسطين , تجمع بنات فلسطين
صباح الخير يا صبايا
يسعد هالصباح يا ام جودي شو اخبارك حبيبتي وابمك والحمل ان شاء الله كلو تمام |
رد: دردشة بنات فلسطين , دردشة حوامل فلسطين , تجمع بنات فلسطين
اقتباس:
اقتباس:
طبعا جميع الصبايا نهاركم سعيد ،، انا اليوم هزور اهلي وان شاء الله راح ابات لبكرة لانه معزومة معهم عالبحر ،، اشوفكم يوم السبت على خييير ،، تحياتي |
رد: دردشة بنات فلسطين , دردشة حوامل فلسطين , تجمع بنات فلسطين
هلااااا ام عبودي ،، يسعد صباحك يا قمر ،، انا الحمدلله تمااام وحمودي بيسلم عليكي وعلى عبودي :) ،، وحملي الحمدلله بخير ،، كيفك انتي ؟؟ وكيف عبودي ؟؟ ما شاء الله علينا نشيطات اليوم ههههه
|
رد: دردشة بنات فلسطين , دردشة حوامل فلسطين , تجمع بنات فلسطين
رحلة موفقة يا ام جودي الله يسعدك يارب انا الحمد لله بخير والبيبي بيسلم عليكي كثير ان شاء الله بتقضي يوم حلو مع اهلك اكيد حلو جو البحر هههههه والاكلات الزاكية عليه
|
رد: دردشة بنات فلسطين , دردشة حوامل فلسطين , تجمع بنات فلسطين
الله يسلمه حبيب قلبي ،، ربي يجيبه بالسلامة وتفرحي فيه ،، صحيح كلامك جو البحر هالايام راااائع خصوصا مع هالحر ،، والغدا عليه ولا اروووع هههههه
|
رد: دردشة بنات فلسطين , دردشة حوامل فلسطين , تجمع بنات فلسطين
اعتقد زوجك بيشتغل بالجامعة يا ام عبودي صح ؟؟
|
رد: دردشة بنات فلسطين , دردشة حوامل فلسطين , تجمع بنات فلسطين
تسلمي حبيبتي اكيد زاكي وخاصة ورق العنب هههههههه زاكية وكمان هيك اللمة مع الاهل والخوات والاقارب حلوة
زوجي استاز جامعة بس لا نو المسافة بعيدة بطلع بكير شوية شو ناوين تعملو اكلات |
رد: دردشة بنات فلسطين , دردشة حوامل فلسطين , تجمع بنات فلسطين
ام جودي باي شهر صرتي حبيبتي الله يقومك بالسلامة حكيتي اسم ابنك الله يخليلك اياه وتفرحي فيه وهو عريس محمد جودي اسم مين
|
رد: دردشة بنات فلسطين , دردشة حوامل فلسطين , تجمع بنات فلسطين
اسفة حبيبتي اتاخرت عليكي لانه رحت اعمل فطور لحمودي ،، الله يعينه زوجك بيزكرني بزوجي لما كان يدرس بمنطقة غير منطقتنا كان يصحى لصلاة الفجر ويبدأ يجهز للدوام ،،،
احلى شي عالبحر اللمة ،، طول الصيف بنقضيه يا عالبحر يا منتجعات او منتزهات او بنزور اماكن معينة بغزة ،، اهلي واعمامي بنروح كلنا جماعة بننبسط كتييير هناك ،، او كمان لما اخوات زوجي يزوروا غزة بنطلع بردو ،، السنة اخواته الي بالامارات هينزلوا زيارة بس الي بالسعودية لأ للاسف :( بخصوص الاكلات راح تكون مشاوي لحم ودجاج لانه مو الكل بيحب اللحم وورق عنب وتبولة ومقبلات وهيكون فيه بيتزا ومعجنات بأنواعها اذا حدا جاع لانه هنسهر هناك كمان وطبعا الشغلات الحلوة هتكون كيك بالشوكولا وكيك بالفواكه ومكسرات ومشروبات باردة وساخنة ،، بتعرفي دايما لما بنروح من البحر بيرجع معنا نص الشغلات هاي سبحان الله لما بنكون عالبحر بننسى الجوع هههههه ،، |
رد: دردشة بنات فلسطين , دردشة حوامل فلسطين , تجمع بنات فلسطين
الله يسلمك حبيبة قلبي ،، انا هلأ بالشهر الخامس ،، كل 25 من كل شهر بفوت بشهر جديد ،، جودي هاد اسم بنتي الله يرحمها توفت بعمر 7 شهور
|
رد: دردشة بنات فلسطين , دردشة حوامل فلسطين , تجمع بنات فلسطين
ريتو صحة وهنا ع قلبو للحلو تكيد حلو ودمو خفيف زي امو هههههه خدومي معكم غ البحر
اسفة حبيبتي الله يرحمها يارب ويجعل شفيعة اليك ولابواها .. بس يعني ليه اتوفيت ازا بتحبي تحكي واسفة مرة تانية لاني زكرتك فيه الله يرحمها |
رد: دردشة بنات فلسطين , دردشة حوامل فلسطين , تجمع بنات فلسطين
على قلبك يا قمر ،، هههههه حبيبة قلبي تسلميلي هو ما شاء الله عليه اموور بس مو طالع شبهي طالع على زوجي ،، جودي الله يرحمها كانت فيها شبه مني ،، راح انزل صورته باقرب فرصة ،، لانه حبيباتي عيون المها ودودو كتير حابين يتعرفوا على حمودي ،، يااااا ريت تيجي معنا يا مية اهلا وسهلا فيكي حبيبتي بنتسلى انا وانتي هههههه ،، والله يا ام عبودي الحمدلله على كل حال ،، لا حبيبتي ما زكرتيني فيها لأنها ما بتغيب عن بالي اصلا ،، قبل ما ييجي حمودي على الدنيا كانت الدموع ما توقف بعيوني بس هلأ الحمدلله اهون من قبل والايام مصيرها تخفف جروحنا ،، هي توفت فجاة ما بنعرف كيف لو بتحبي احكيلك شو الي صار معها بالزبط باخر اسبوع بحكي
|
رد: دردشة بنات فلسطين , دردشة حوامل فلسطين , تجمع بنات فلسطين
شوفي يا ام عبودي ،، هلأ قبل ما تتوفى باسبوع لما كنت اشربها عصير برتقال او اطعميها سيريلاك كانت الله يكرمك تستفرغه ،، يعني تقريبا مرة باليوم تستفرغ ،، انا كان ببالي انه برد لانه كان الجو شتا وقتها ،، تاني يوم نفس الشي تستفرغ بس السيريلاك او عصير البرتقال ما بعرف ليه ،، الحليب عادي ما تستفرغه ،، المهم اخدتها للدكتور على طول كتب الها على دواء واعطيتها منه يوم واحد بس الاستفراغ زاد بدل ما كانت مرة صارت مرتين وثلاث واربعة وبعدين صارت تستفرغ كل شي حتى المي ،، وراجعت الدكتور تاني يوم ع طول اعطاها ابرة هاد كان يوم اربعاء وحولها على المستشفى باتت ليلة بغرفة عادية وتاني يوم الخميس ع 11 صباحا دخلوها عالعناية المركزة لانه التنفس عندها تعب ،، ويوم الجمعة الصبح حكوا اتحسنت وهنرفع عنها التنفس الصناعي ورفعوه عنها ساعتين ورجع التنفس تعب تاني ورجعوه لالها تاني وحكوا انه يوم السبت هيصوروها ويعرفوا شو عندها بالزبط بس للاسف ما لحقوا يعرفوا شو الي عندها توفت يوم الجمعة العصر ،، الحمدلله نصيبها هيك راحت لشي احسن من الدنيا وما فيها الله يهنيها يااا رب ،، بتعرفي يا ام عبدالله لما ولدتها كان اذان العصر ،، اول ما المؤذن حكى الله اكبر جودي طلعت للدنيا ،، ولما توفت بردو توفت على اذان العصر بالزبط ،، توفت قدامي انا كنت عندها بغرفة العناية لما ربي اخد امانته ،، كنا انا وزوجي وماما وبابا ،، يا الله شو صعبة ،، ربي لا يحرم حدا من غالي
|
رد: دردشة بنات فلسطين , دردشة حوامل فلسطين , تجمع بنات فلسطين
صبااااااااااااح الخير
ام جودي وام عبد الله .. يا برامات على هالصبح ما في حد هون وعم تسرحوا وتمرحوا وتحكوا براحتكم اه !! يسعد صباحكم يا رب منورات كتير كتير ام عبد الله اشتقتلك يا دبة .. وما تعاودي اتغيبي حبيبي اوكي ؟؟ |
رد: دردشة بنات فلسطين , دردشة حوامل فلسطين , تجمع بنات فلسطين
شو يا صبايا .. انا جيت وانتوا رحتوا !! ازعل :(
ام جودي شميت ريحة رحلة عالبحر .. ان شاء الله بتتهنوا حبيبتي .. اتزكريني هناك لانو كتير مشتاقة للبحر انا ام عبد الله .. وين غطستي ؟؟ لولو .. ليش اليوم مش نشيطة انتي ؟؟ سبقناكي اليوم دودو .. وينك يا حلوة ؟؟ مما بنستغني عنك ولا عن كلامك العسل جارة .. حمد لله على السلامة .. وين كنتي غايبة ؟؟متى بدك تنزلي عالخليل تتسوقي ؟؟ ولا انزلتي !! فوفو .. شو اخبار المكبوس ؟؟ حيفا .. غموض .. دموع .. احساس .. حواء .. لولو حمادة .. بيبو .. اية .. وكل الصبايا يسعد كل اوقاتكم سؤال اليوم يتكرر : شو طابخين اليوم ؟؟ |
رد: دردشة بنات فلسطين , دردشة حوامل فلسطين , تجمع بنات فلسطين
يسعـــــــــــد صباحكـــــــــــم
كيفكم اليوم صباحوو حلا وام عبدالله وام جودي .. كيفكم يا حلوين حلا .. انو مكبوس قصدك ؟ ؟ شكلك مخربطة بالعنوان؟ :) انا اليوم بدي اعمل كوسا محشي للغدا |
رد: دردشة بنات فلسطين , دردشة حوامل فلسطين , تجمع بنات فلسطين
الله يرحمها والله يا ام جودي قطعتي قلبي الله يصبرك يارب ويرحمها ويغوضك خير يارب .. البركو بمحمد والي جاين يارب اسفة مرة تانية فتحت جروحك اسفة حبيبتي
حلا يسعد صباحك يا رب شو اخبارك واخبار الاولاد والبيبي .. كانو رجلي مورمين ههههه كنت عايفة حالي منهم بس الحمد لله خفو رحت للدكنورة من يومين حكت ثقل ارفعيهم ع شي بيخفو الحمد لله ع كل حال |
رد: دردشة بنات فلسطين , دردشة حوامل فلسطين , تجمع بنات فلسطين
هلا فوفو يسعد صباحك يا عسل شو اخبارك والببي ان شاء الله بخير
دودو يلا يا حلوة تعالي يارب تكوني بخير لولو بس شاطرة تحكي ووينك يا ام عبدلله هههههه ليه ما بتيجي الله يسعد صباحك يارب حلا انا اليوم بدي اعمل كبة وسلطة |
رد: دردشة بنات فلسطين , دردشة حوامل فلسطين , تجمع بنات فلسطين
تسلمي يا ام عبدالله
انا الحمدلله منيحه والبيبي كمان منيحه بتعرفي مع انو الدكتور بالشهر الرابع حكالي انها بنت ،، بس انا ما بعرف ليش بضل عندي احساس انو ولد مع انو انا مش فارقة عندي ولد او بنت الاثنين احلى من بعض ،،بس مجرد احساس.. وجوزي بدو بنت وانبسط لما عرف انها بنت هس انا بالشهر الخامس ، والاسبوع الجاي عندي مراجعه رح اشوف شو رح يحكي الدكتور والحمدلله ع كل حال |
رد: دردشة بنات فلسطين , دردشة حوامل فلسطين , تجمع بنات فلسطين
تسلمي فوفو زي ما حكيتي الاتنين احلا من بعض المهم الخلقة التامة بصير ممكن يكون ولد الله واعلم الله يتمللك على خير يارب
حيفا وينك متاخرة ههههه الله يسعدك يلا تعالي حلا وين روحتي طليتي ورحتي |
رد: دردشة بنات فلسطين , دردشة حوامل فلسطين , تجمع بنات فلسطين
صباح الخير صبايا
كيفكم جميييعا ؟ منورين الموجودين والغايبين انا تقلاااااااانة كتير من فوق ومن تحت جد الله يهونها وتعدي هالايام بسرعة مالي مزاج اطبخ اليوم قلت لزوجي يجيب اكل جاهز ام جودي يسعد صباحك يا قلبي مشتقالك والله انبسطي عند اهلاتك وعالبحر مشوار ولا احلى الله يهنيكم ياااارب وربي يرحمها جودي ويجعلها شفيعة الكم بالجنة حبيبتي ويخليلك حمود ويعوضك بيزن بالسلامة يارب ؛) ام عبد الله صباح الورد حبيبتي كيفك وكيف عبووود سلامتك وسلامة رجليكي اهم شي لما تقعدي دايما مديهم وارفعيهم واشربي مي منيح كمان طمنيني اشتريتي اغراض البيبي الاسبوع الي فات وانجزتي ؟ حلا يسعد صباحك ام خليل والله انتي الي ما فيه منك حبيبة قلبي كيف الاولاد والبيبي ان شاء اللهرمش تعبانة طمنيني عنك فوفو يسعد صباحك والف صحة عالمحشي ان شاء الله بتتطمني عالبيبي وبتطمنينا وكل خلقة الله يا محلاها الله يهونها علينا كلنا يارب |
رد: دردشة بنات فلسطين , دردشة حوامل فلسطين , تجمع بنات فلسطين
لا هيني يا ام عبد الله .. لم ازهب .. سلامتهم رجليكي .. ديري بالك وما تتعبي حالك كتير
قمت سلقت الورق بدي اعمل اليوم ورق عنب اخضر .. نزلت الصبح لقطتو من الارض صحتين يا قلبي على اكلتك .. فوفو .. لا مش مخربطة بالعنوان قصدي مخلل الخيار .. ههههههه صحتين عالكوسا بيجنن كتييير بحبو انا ♥ .. طمنيني كيفها رزونة ؟؟ دودو .. حبيبة قلبي ام عمر .. سلامتك من التقل يختي .. يلا هانت مش باقي الا القليل انا بخير ومشتاقتلك كتيييير .. مرات بس حالي نشيطة وفيني حيل لكل اشي .. ومرات بحس حالي تقيلة ومش قاردة اوصل الحمام الله يكرمك .. بس بيعين الله صحتين عالجاهز .. هيني هون بلف ورق وبتابعكم .. اتفضلوا |
رد: دردشة بنات فلسطين , دردشة حوامل فلسطين , تجمع بنات فلسطين
هلا دودو يسعد اوقاتك يا رب لا والله ما طلعت صحيت لقيت رجلي مورمين خفت ههههه حجزنا عند الدكتورة ورحنا حكتلي مشي كثير مش كويس علشان ما يويد الثقل والتعب وزي ما حكيا اظل رافعم وانا ئعدة الله يهونها علي وعليكي وعلى الجميغ يارب طمنيني عنك ان شاء الله حاسة راسو نزل للازعر انا الازعر الي عندي ما بخليني اعرف انام ع الشمال بحس حالي نايمة عليه ههههههه ةهيك ع اليمين وع ظهري ما بعرف انام مش متعودة ههههه
|
رد: دردشة بنات فلسطين , دردشة حوامل فلسطين , تجمع بنات فلسطين
يسعد صباح النشيطات
فوفو دودو حلا ام جودي ام عبد الله حلا احنا مبارح عملنا كفتة سمك وزاد منها لليوم صبايا انتو يوميا بتطبخو !؟ |
رد: دردشة بنات فلسطين , دردشة حوامل فلسطين , تجمع بنات فلسطين
صحة وهنا يا حلا اعزميني عندك بحبه كثيررررررر
|
رد: دردشة بنات فلسطين , دردشة حوامل فلسطين , تجمع بنات فلسطين
هلا دودو يسعد صباحك
كيفك اليوم الله يهونها عليكي وتقومي بالسلامة يارب حلا اها مكبوس مخلل ،، راح فكري للمكبوس الي بيعملو الخليجيين هههه المكبوس بيشهي طبعا من تحت ايدي ^__^ تعالي اتغدي معي كوسا وجيبي طبختك معك |
رد: دردشة بنات فلسطين , دردشة حوامل فلسطين , تجمع بنات فلسطين
هلا احساس كيفك وكيف زوزو زمان عنك وين هالغيبة هههههه ازا ع الطبيخ حسب ممكن يوم يوم وممكن يوم بعد يوم ازا بزيد الاكل بس ع الاغلب يوم يوم يعني اما يكون زوجك بروح من الشغل لازم يكون الغدا حاضر بس ايام العطل مو دائما ببطبخ لانو لتاخر بالفطور لهيك بنتغدى حواضر
|
رد: دردشة بنات فلسطين , دردشة حوامل فلسطين , تجمع بنات فلسطين
يسعد صباحك احساس
كيفك اليوم صحه ع الكفتة انا كل يوم بطبخ ،، لانه لا انا ولا جوزي بنحب الاكل االبايت |
رد: دردشة بنات فلسطين , دردشة حوامل فلسطين , تجمع بنات فلسطين
حلا
الله يعينك ويعينني ويعين كل الحوامل يلا الله كريم هاااااانت ، انا صرت مقيمة بالحمام هالكم يوم هههههههه وكل ما اقوم زوجي بيضحك علي صحتين عالورق ان شاء الله بالهنا يااااارب احساس يسعد صباحك كيفك وكيف زوزو والبيبي والحمل صحتيييييين فوفو يسعدك يااارب حبيبتي ام عبد الله بسيطة ملحقة ان شاء الله لسا معك وقت وسلامتك ريحي حالك وما توقفي كتير الله يسمع منك انا متفائلة يوم السبت بتطمن وبطمنكم ان شاء الله وانا ابني ملزق بالجهة اليسار يسلملي بجد بقوم وبنام وبتحرك وهو عاليسار مكوع ههههههه وبعدين صرت احس كزا كورة بتتحرك ببطني شكلو كبر وبطلت اميز شوواللي بيتحرك فوق وشو تحت ولا الزقزيقة هههههههههه بحزن عليه بتجيه باليوم شي 4 او 5 مرات وكل بطني بيرقص اخخخخخخ التفكير دبحني والله الله يطمني ياااارب السبت دعوااااتكم |
رد: دردشة بنات فلسطين , دردشة حوامل فلسطين , تجمع بنات فلسطين
دودو
الحامل بتحس بالجنين لما تصير معه زقزيقة .؟ اول مرة بعرف |
رد: دردشة بنات فلسطين , دردشة حوامل فلسطين , تجمع بنات فلسطين
فوفو
هههههه اه بس بالتامن والتاسع هاد الحكي انا قريته وسالت دكتورتي بتحسي متل نبضات كل 5 ثواني منتظمة متل بعض بتقعد شي 5 او 10 دقايق |
رد: دردشة بنات فلسطين , دردشة حوامل فلسطين , تجمع بنات فلسطين
هههههههههه
حلو والله البيبي بيزقزق يا حرام ان شاء الله بتشوفيه ع خير يارب |
رد: دردشة بنات فلسطين , دردشة حوامل فلسطين , تجمع بنات فلسطين
ان شاء الله بتحسي فيها
وبتيجي تقوليلي ههههه شفتي يا حرام مسكين |
رد: دردشة بنات فلسطين , دردشة حوامل فلسطين , تجمع بنات فلسطين
هههههه اه والله مسكين
ان شاء الله بحس فيها وبحكيلك ،، من جديد بلشت احس بحركة البيبي شو غداكي؟ |
رد: دردشة بنات فلسطين , دردشة حوامل فلسطين , تجمع بنات فلسطين
الله يتمملك على خير يا قلبي
هلا بتصيري كل شهر تحسي الحركة بتتغير عن الشهر اللي قبله اليوم زوجي بدو يجيب اكل جاهز ما رح اطبخ زهقت طبخ وبيني وبينك تعبانة شوي |
| الساعة الآن 07:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .