|
رد: تجمع اللي بيولدون في شهر ذو الحجه
الله يسهلك امورك يارب
انا شكلي رح اولد بامريكا بس لازم احد يجيني لسا ما اعرف مين :( |
رد: تجمع اللي بيولدون في شهر ذو الحجه
الله كريم الله يسهل عليكي يارب وعلينا اجمعين
امتى ناويه تبدي تجهيز للنونو برايك في اشياء اخذها منا مو موجوده عدنه ؟؟؟ |
رد: تجمع اللي بيولدون في شهر ذو الحجه
بنات بنااااااااااااااااااااات عندي سؤال مهمممممممممممممممم وخصوصاا للي جربوا الولاده قبل
امتى نبدي ندهن بطنا علشان التشققات وهل زيت الزيتون كاااااافي ياربي خايفه بطني تخرب لان طبيعه جسمي يتشقق بسرعه |
رد: تجمع اللي بيولدون في شهر ذو الحجه
انا سمعت على نهاية الشهر التالت تبدأي
وفي كريم الكل يمدحو اسمو بالمرز اللي بزبده الكاكاو انا اشتريت منو بس متكاسله ابدأ اسوي شي |
رد: تجمع اللي بيولدون في شهر ذو الحجه
اها فهمت ان شاء الله الحين ابدي بزيت الزيتون ومن ارجع اشتري زبده الكاكاو
وتعرفي انا مثلك متكسله من كل شي |
رد: تجمع اللي بيولدون في شهر ذو الحجه
صباح الخير على كل الاخوات اللي هنا ..
اشتقت لكم كثير .. كيف احوالكم .. أنا هالاسبوع كنت بالرياض اجهز لعيالي الله يحفظهم ملابس للصيف ..ومنها اغير لهم جو .. والحمد لله استفدت بس متطلبات السوق ما تنتهي ابد .. اخذت لي كم بلوزة للحمل يعني تنلبس الشهور الجايه من الرابع وطالع ..بس ما تصلح أتوقع في الشهور الاخيره لانها مو واسعه كثير .. وأشتهيت اجهز للبيبي .. بس فضلت اصبر إلى شعبان إن شاء الله .. تحيااااااااااتي .. |
رد: تجمع اللي بيولدون في شهر ذو الحجه
هلا بالكروشاااااات الغوالي
كيفكم والله اشتقتلكم كثيررررر انا غطست هذا الاسبوع في تنظيف البيت واهتميت بزوجي شوووي والله لو فترة وهو كل شي من برى وفرح كثير لمن طبخت والوحااااام هذا جالس يلعب بيه يومين تمام ويومين مررررميه في الارض استفغر الله طفشت متى اخلص الثالث عشان يرووووح الله يتمم علينا بخير.......... |
رد: تجمع اللي بيولدون في شهر ذو الحجه
بنات ابغى اقولكم مين كأنت حاطه في التوقيع صوره النونو اللي من موقع رنين
انا كنت حطيته بس اتلغى لوحده مين زيي |
رد: تجمع اللي بيولدون في شهر ذو الحجه
صفاء قلب الحمدلله عالسلامه وتغير الجو كويس والله
عطر المكان زيي امس شويه اهتميت بالبيت عشان ولد عم زوجي حيزورنا.. انا قلت بامريكا محد يجيني بس هدا اللي صار لوووووووول وبرضو كويس عطاني طاقه ارتب البيت لانو مررره كان سيء وزوجي ساعدني وهو مو مقتنع يقللي ولد عمي واخويا مافي داعي لكل دا( طبعا لانو الكلام ماحيجي عليه حيقولو مرتو معفنه ) اما الوحام هدا مالو حل..انا صرت اخاف لما اصحى كويسه اخاف اليوم اللي بعدو اترمي بالارض كابوس صار بالنسبه لنا الله يعيننا اما تجهيزات النونو شي تاني , انا مره متحمسه بس برضو احس مره بدري قلت يمكن استنى لما اوصل الخامس امس سألت الدكتوره متى اعرف جنس البيبي قالتلي بالاسبوع العشرين؟؟ بنات ماتحسو انو مره بعيد؟ سمعت في بنات من الاسبوع 14 و16 يعرفو ؟ |
رد: تجمع اللي بيولدون في شهر ذو الحجه
كيفكم بنات؟؟
فيونكه,,Dadu,, لازم تبدا من الحين تدهنوا ومرتين يوميا انا من زمان بديت وكنت استخدم كريم سميييك خاص بتشققات الحمل ,,بس اليوم الدكتور وصف لي كريم ثاني قالي انشاءلله لو داومتي عليه ماراح يتغير جلدك كثير بس قالي ادهن من الصدر الى الركبه وتدلييييك.. بنات انا رحت الدكتور وشفت البيبي يحرك يدينو ورجولو يجننننن ماشاءلله ,,كمان عملي اشعة رباعيه قال عشان لو في تشوهات لاسمح الله بس الحمدلله طلع سليييم وكمان قالوا في اشعه رباعيه ثانيه عشان الشرايين والمخ بس بعد شهر :) كمان الدكتور وصف لي حديد واسبرين وقاللي اوقف الفوليك,, وابشركم مازدت بالعكس نقصت نص كيلو كمان زياده عالكيلو اللي قبل الحمدلله ياااااااااارب ,, وبس طولت عليكم ,, |
رد: تجمع اللي بيولدون في شهر ذو الحجه
حبيبتي اجوان فرحتلك والله ... ماشالله الله يحفظو ويارب تشوفيه بعد كم شهر بين يدينك وبكامل صحته وعافيته يارب
انا مشكلتي متكاسله ابدأ اسوي تعرفي حتى الفوليك لما رحت كنت بالاسبوع السادس قالتلي ماحينفعك دحين متأخره والفيتامينات وقفتها لانو زادتلي الغثيان بزياده.. الله يعيننا يارب |
رد: تجمع اللي بيولدون في شهر ذو الحجه
Dadu,,
مشكوره ياقلبي :))) بس لازم تاخذي حبوبك مره ضروري كيف كذا؟؟ انا والله مره اخاف عالجنين اخذها عشانو ولا انا من النوع اللي مايلتزم بالادويه ابدا بس خوف عليه لازم تاخذيها نصيحه .. |
رد: تجمع اللي بيولدون في شهر ذو الحجه
اجوان الله يفرحك بشوفته وانتي طيبه بس هل ضروري ان الوحده تسوي هدي الاشعه الرباعيه ولا؟؟ بنات انا موقادره اخد حبوب الكالسيوم مرااااا كبيره حاولت كدا مرا ماعرفت تجيب الغثيان الله يكرمكم قماري يعني اللي فهمتو منكم من دحينا نبدا بزيت الزيتون ندهن ؟؟ |
رد: تجمع اللي بيولدون في شهر ذو الحجه
عسله ,,
بالنسبه للاشعه انا قاللي الدكتور ر اح نعملها مرتين مره الحين عشان لو سمح الله في تشوه يبين ومره ثانيه بعد شهر نتاكد من سلامة المخ والشرايين والاعصاب.. بالنسبه للدهن لاتدهني زيت زيتون ريحتو مو حلوه راح ينفر زوجك منك شوفي في كريمات خاصه حقت الحوامل ريحتها خفيفه وتجي سميكه ترطب بعمق وادهني مرتين باليوم :) |
رد: تجمع اللي بيولدون في شهر ذو الحجه
و الله يا اجوان زوجي مره معصب مني عشان ماباخد الحبوب
كل ماراح مكان رجعلي بنوع عشان يقنعني فيه وجبلي فيتاميات زي الحلاوه وبرضو ماعجبتني المشكله اني بحاول وهدا الموضوع شاغلي بالي بس لانو الغثيان هادني هد ما اقدر اخد شي يزودو عسله جربي بالمرز مرره كويس موجود منو بالسعوديه كمان وعلى حبوب الكالسيوم منجد مره كبيره حتى اللي عندي وقالولي مره تجيب غثيان لحد الان ماقربت ناحيتها بس لا تسوي زيي وخديها |
رد: تجمع اللي بيولدون في شهر ذو الحجه
غريبه الدكتور مااعطاني كالسيوم بس اعطاني حديد واسبرين ,,تتوقعوا ليش؟؟؟
|
رد: تجمع اللي بيولدون في شهر ذو الحجه
حبيبتي انا كمان ماعطوني شي.. عطوني بس كيس ملياااااان انواع فيتامينات وكانت عينات وقالتلي جربيها واللي يناسبك نعطيكي منو ونصحتني وقتها ما اخدها لو عندي غثيان قوي قالت بس يخف ابدأي خديها.. ما اعرف بامريكا غريبين مررره
الكالسيوم صاحب زوجي دكتور قلو خليها تاخد كالسيوم وحديد عشان كدا جابهازوجي وسالنا الدكتوره عنها قالت ايوا تقدري تاخديها |
رد: تجمع اللي بيولدون في شهر ذو الحجه
Dadu,,
اها ,,الله يعينك على الغربه والله كمان احس هناك طريقتهم في الطب تختلف بس كويس انو تعرفوا دكتور عربي يفهم لك وتفهموا لو تقدروا تستفسروا منو ,, |
رد: تجمع اللي بيولدون في شهر ذو الحجه
اي والله ... الله يعينا ويسهلنا يارب
|
رد: تجمع اللي بيولدون في شهر ذو الحجه
اجوان حبوب الكالسيوم لازم منها عشان البيبي عظامه ولايجيه كساح بعيد الشر قماري وربي تعبااااااااااانه اقول لاختي خلاص تعبت تقولي بدري ليسا وراكي تربيه بس قالولي في الشهر الرابع ترتاحي الا زاد ماكان يجيني غثيان دحينا بقوه ودوخه وطفشااااااااااااااااااانه مو طايقه نفسي واكتر من كدا مو طايقه ريحة زوجي مدري كيف قولتلو والله مااستحي ههههههههههه قال اوديكي عند اهلك لين ترتاحي مارضيت ودحينا احاول اخلي الوضع عادي بس احيانا مااقدر وماما تقولي الا ولد اخويا ياويلك لو تزعليه او تقوليله اقولها انا بنتك ههههههههههه اهم منو حتى اول كنت اقدراسوي شغل البيت دحينا ولاشي اهمال عيني عينك ههههههه وربي مدري ايش اسوي |
رد: تجمع اللي بيولدون في شهر ذو الحجه
صباحكم سكر ..
الله يعين على الوحم بنات بس شده وتزول إن شاء الله على الاشهر الجايه نفتك منه ونروق أكثر بالنسبة للوزن هذي أول حمله لي أحس ان وزني زاد من البدايه لانو اللي قبل ما عندي خدامة الحين حركتي قلت .. عاد والله ما ودي بحاول أنظم أكلي وأمشي على الخفيف في البيت .. الله يسهل على الجميع .. |
رد: تجمع اللي بيولدون في شهر ذو الحجه
مرحبا كروشات
فيونكه بلون الفراولة , ساره , دادو , عسله , جوريa , أجوان , أم عبدالله86 , صفاء قلب , عطر المكان وحشتووووووووووووووووووووووووووووووووووووووووني صارلي حوالي أسبوع ما كتبت بالمنتدى بس والله أتابعكم وأتابع أخباركم أول بأول وأشكر الي سألوا عني فيونكه بلون الفراولة وساره وأوعدكم إن شاء الله إني ما أغيب أكثر من كذا |
رد: تجمع اللي بيولدون في شهر ذو الحجه
هلا كليجه
كيفك وش اخبارك ليه ماتتواصلي معانا وين غطستي المهم خليكي معانا لاتروحي هووون ولا هووون |
رد: تجمع اللي بيولدون في شهر ذو الحجه
الله يعينك ويخفف عليكي ياعسله
صفاء لاتقولي على الوزن انا زاد من اول شهر معن الحمل اللي قبله ما أزيد في الشهور الاولى الله يستر على الجسم روووووح |
رد: تجمع اللي بيولدون في شهر ذو الحجه
هههههههههههههههههههه عطر المكان ضحكتيني يوم تقولي الجسم رووووح شوفي انا كنت خايفه لااسمن ويوم شوفت كدا وحده حامل وزايد وزنهم ماشالله قولت الحمدلله مو بس انا كليجه منوره قلبو .,. |
رد: تجمع اللي بيولدون في شهر ذو الحجه
ولكم بااااااك كليجه
صفاء القلب تعبت وانا اسمع انو حيخف الوحام والله دوبي عصبت على زوجي لما قللي يلا قريب وتخفي صرلي شهر ونص وانا اسمع دا الكلام مليييييييييييييييييييييت عالاخر وتعبت خاصه مع الدراسه الوضع صاير اليييييم بس بالاخير مالنا غير الصبر والدعاء وربنا كريم |
رد: تجمع اللي بيولدون في شهر ذو الحجه
داااادو
توكلي على الله الوحام انا ويااااه اعداء اصلا ما بيخلص هذا الشهر الا واحنا فااااتحين فمنا من القرف يارب يصبرنا قولواااااا أمين انا من دحين تعبت |
رد: تجمع اللي بيولدون في شهر ذو الحجه
ههههههههههههههههه ضحكتيني والله
منجد شي متعب صاحباتي اللي عندهم اطفال قالولي احملي الحمل مو متعب وترا ماتحسيه فيه وكلو نوم بنوووووووووم ودحين نفسي اخنقهم وحده وحده ضحكو عليا ماكنت ادري انو الوضع كدا :( :( :( |
رد: تجمع اللي بيولدون في شهر ذو الحجه
هلااااااا بنات
دادو انا مثلك ما اخذ فيتامينات لاني اذا اخذ اضل طووووووووووول اليوم استفرغ حتى زوجي قال خلاص اتركيها لان فعلا احسا تأذيني اجوان مبروك يا قلبي ان شاء الله يوم الي تشوفيه بين اديكي كليييييييجه منوووووووره قلبو وين هالغيبه قوليلي وصلك جهاز فحص جنس الجنين من امريكا ولهه لسه وصحيح انتي ليش ما طلبتي منو من الامارات او لبنان ؟؟؟ |
رد: تجمع اللي بيولدون في شهر ذو الحجه
هلا فيونكه منوره
حالنا واحد بس والله بالي مشغول خايفه اجيب بيبي تعبان وكمان انا اسناني ولله الحمد معدووووووووووووووووووووووووووووومه زوجي هداك اليوم بيوصف للدكتور وضع اسناني فقلو كأنك حطيت قنبله بفمها اتفجرت لووووووووووووول بس الحمدلله شكليا مو باين اي شي لكن لو فتحت فمي ينفجعو الناس عشان كدا مفكره ابدأ عالاقل بالكالسيوم مع انو اكتر شي يجيب الغثيان |
رد: تجمع اللي بيولدون في شهر ذو الحجه
هلا يا حلوين hwaml60
طبعا أنتو فرحانين للأنه من زمان ماحد قالكم حلوين من أشكالكم الي تفجعhwaml77 وحده هدها الوحمhwaml76 والثانيه طالع لها كرش والثالثة قضى عليها الكلف والرابعه آآآآآآآه منها صارلها أسبوع ما تروشت وإذا سألها زوجها قالت متوحمه عالصابونhwaml15 هههههههههههههههههههههههههههه وترى أنا معاكم معاكم إن شاء الله تكونوا في غرفة الولاده (تخيلوا)hwaml82 اليومين هذي لما حسيت الوحم خف شويه شديت حيلي ونظفت البيت مع شغالة أمي .. وزوجي لما دخل قال أنا آسف شكلي غلطت في العنوان من جد البيت كان له شكل ودحين شكل ثااااااني فيونكه بلون الفراولة إن شاء الله حبيبتي حيوصل الجهاز خلال يومين hwaml16لأني طلبته من الموقع نفسه وتراه مو مثل الموجود بالأسواق لأن الموجود يعتمد على التفاعل مع محلول كيميائي وتميزي لون المحلول الناتج لكن جهازي مثل التحليل المنزلي بالضبط بسيط جدا ونتيجته 99% أما الكيميائي كأنك في معمل وإذا ما زبطتي الطريقه النتايج تطلع غلط |
رد: تجمع اللي بيولدون في شهر ذو الحجه
فيونكه,,
الله يبارك فيكي ,,امين يارب كلنا نفرح فيهم بين ايدينا ,, كليجه,, ولكم باك hwaml7 ماشاءلله شكلو االوحم بدا يخف عليكي عالبركككه,,, على فكره جنس الجنين خلاص قرب يبين صح؟؟؟ الدكتور قالي انشاءلله الموعد الجاي راح يبين يعني بعد شهر الله يصبرني مرررره متحمسسسسه hwaml03 |
رد: تجمع اللي بيولدون في شهر ذو الحجه
صبااااااااحو
بنات انا اليوم مرررره تعبانه عندي صدااااع وعيني تدمع يابنات كل يوم اقرا قران وادعيه قبل النوم وانام ومجرد ما اغمض عيوني راسي يشتغل زي المكينه والله مررره ما خليت احد الا جاء في تفكيري بس انا نايمه ولمن اصحى اقوم مررره تعبانه وراسي بينفجر يابنات وش الحل ابغى اهدى شوي ؟؟؟؟؟؟؟؟؟؟ |
رد: تجمع اللي بيولدون في شهر ذو الحجه
دادو اما وصف زوجك رهيب :)
بس اذا على كلامك فعلا لازم تاخذي الكالسيوم طيب ليه ما تطلبي من االدكتورة تحليلات علشان تشوفي اذا عندك نقص فيتامين او اشي ثاني ؟؟؟؟ وممكن تااخذي ابر بدل الحبوب كليجه هههههههههههههههههههههههاي انا بالنسبه ليه من مجموعه الوحام وتعرفي انا مثلك البارحه خف عندي الوحاااااااااااام الحمد والشكر ياربي قمت لمعت البيت ^.^ زوجي المسكين فرح من شاف البيت نظيف يقولي كانما كنا قاعدين بمعركه ههههههاي وبالنسبه للجهاز الي تتكلمي عليه ما عندي علم اول مرة اسمع في على العموم بشرينا ولد لو بنت اجواان انا كمان الطبيبه قالتلي الموعد الجاي نشوف جنس النونو بعد شهر الله يصبرني ويصبرك ههههههه متحمممممممممممسه مررررررررررررره عطر المكان سلامتك يا قلبي جربي تشربي لبن قبل النوم |
رد: تجمع اللي بيولدون في شهر ذو الحجه
عطر المكان سلامتك ماتشوفي شر
انا زيك مرات يجيني صداع قوي .. لدرجه ما اقدر انام واضطر اخد دوا كليجه مبروك تنظيف البيت عقبالي اللي قدرت عليه بس الحمام الله يكرمكم خلصتو وفطست قبل كم يوم كنت بالصيدليه وشفت الجهاز حق كشف جنس البيبي بس ترددت اخدو مدري ليش ولما رجعت قلت ما اهبلني ليش ماجبتو لوووول قيونكه مبروك تنظيف البيت انتي كمان وعقبال مايختفي وحامنا كلنا يارب ونرتاااااااااااااح بنات قولولي انتو ايش متمنيين بنت ولا ولد؟؟ دكتورتي قالتلي رح نعرف بالاسبوع العشرين انشالله زوجي نفسو ببنت وانا نفسي بولد وكل شي من ربنا حلو اهم شي الصحه والعافيه قرقرت كتير يلا تصبحو على خير رايحه اندفس انام :) |
رد: تجمع اللي بيولدون في شهر ذو الحجه
صبح صبح ياعم الحج ههههه اخبار القماري .,.hwaml7hwaml7 كليجه ههههههههههههههههههههههههههههه اما عليكي وصف ع حالنا عطر المكان والله قلبي يوجعني عليكي طيب حاولي تخرجي تغيري جو فيونكه واجوان انتم زي متحمسين بس انا من دحينا زوجي يقولي انتي حتجيبي بنت لان هو يبغا بنت, الفلبينيات اللي عنده في المستشفى يقولوله عشان الشباصات هههههههه قولت خلاص بسميها رودان Dado والله انا زيك نفسي في ولد وزوجي بنت قولتلو اهم شي تمام الخلق والصحه والعافيه |
رد: تجمع اللي بيولدون في شهر ذو الحجه
بنات نسيت اقولكم لقيت حل لحبوب الكالسيوم للي حالتها زي ماتعرف تاخد حبوب
الله يسعدها الغاليه ماما قالتلي اكسريها بنص وسويتها والحمدلله جات معايا |
رد: تجمع اللي بيولدون في شهر ذو الحجه
عطر المكان,,
والله انا جتني فتره زيك على قولك احس براسي ماكينه تشتغل ولا بنادول ولا شي يفيد,,بس صرت استغفر قبل النوم وانام والحمدلله هالفتره خف علي مره,,الله يعينك , ياحليلكم اجل كلكم متحمسين تعرفوا جنس الجنين ههههههههه,, بصراحه انا اول كان عندي عادي مايفرق بنت ولا ولد بس الناس من عرفت اني حامل وكل من شافني قال انتي شكلك ولد شكلك ولد صرت اتمنى اجيب ولد منهم هههههههه,, حتى زوجي صرت احسو متحمس للولد اكثر مع انو الحمدلله ماعندو عنصرية البنت والولد بس احس نفسو يجيه ولد يسميه على ابوه ,,مع ذلك الحمدلله انا وهوا راضين ببنت ولا ولد . بس بجد احس الدكتور لو قالي بنت راح انصدم لاني تهيأت نفسيا انو ولد من كلام الناس هههههههههه مدري مكتوب على جبهتي ولد ولا ايش p: عموما بنت ولا ولد مره متحمسه اشوف شكل خلفتي كيف راح تكون يارب يصيروا حلوييين وطعمين.. |
رد: تجمع اللي بيولدون في شهر ذو الحجه
مساء الخيرات قماري كيفكم؟؟؟hwaml7hwaml7 اليوم كرفت كرف مو طبيعي من يوم دخلت الرابع ماقدرت اسوي شي في البيت ولان بنروح انا وزوجي عند ماما من الجمعه ان شاءالله وحنطول اخد اجازه من دوامه عنده اختبارات قولت خلاص لمن ارجع اجيب شغاله وننظف الاhwaml4hwaml4 حبكت اهل زوجي بيجو يتعشو دي اليومين والله فاتحه فمي ع الاخر ههههههههههههه قولت لماما ابغا اجي عندك اخرج سوق , شوفولنا استراحه كم يوم ابغا اغير جوhwaml16 و نفسي في قهوة نانخه لاجيت سويها ليا الله يسعدك وابغا اكل جاوي ههههههههه وسلامتكم hwaml7 معليه هرجت كتير من قوة التعععععععععععععععب |
رد: تجمع اللي بيولدون في شهر ذو الحجه
انا مشتركه جديده في المنتدى وانا اللحين في الشهر الثالث وحابه انضم معاكمhwaml84
|
| الساعة الآن 01:25 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .