|
رد: ** ليبيا زين علي زين ليبيا ورد وياسمين ** تجمع الليبيات
اقتباس:
معليش هذا حالهم الرجالة يطلعو ماعتش يعرفو يجو وانا حالي باهي والعيال حال القراية والامتحانات.. وجونا اليوم مشمس بس اليومين اللي فاتو امطار الله يبارك ويزيد |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمه الله وبركاته
|
رد: ** ليبيا زين علي زين ليبيا ورد وياسمين ** تجمع الليبيات
كيف حالكم جمييعا ياغاليات
يارب اتكونووا بخير مشغوووووله طول اليوم فراغي بسيط نقضيه نلعب في صغاري او نتمشي عالسير نتمني انرد علي كل وحده حنيت ودرت الحلوه ورنو روحت بيها خالتها باتت مع صغارها من امجيبتي قعدت عندها فبدت اتحب تمشي وخصوصا ان صغارها من عمرها بديت في المراجعه ولله الحمد وتو بنبدا نمشي كل سبت نراجع عند ابلتي وبنسمع في نفس الوقت نبي انكمل الخمسه السور اللي مازالي الابله امتاع الانجليزي وقتها ضيق وانا نبي ناخد راحتي في الدرس فقالت خلي النهار يطوال شوي ونبدوا غدوه راجلي عازم صاحبه عالعشي جهزت الدجاج كيف نقعته في ليم وميه ورشه ملح بنوض انتبله لغدوه باذن الله قررت اندير فاصوليا ورز لانه ماياكلش في المسقي وبوريك الجبده عندي مفروم وطني مجهزاته وطاجين وبيتزا وخبيزات مشكله وافخاد الدجاج وسلاكات مشويه والكريكشيه ولله الحمد من غير العصائر والشاي وتوابعه |
رد: ** ليبيا زين علي زين ليبيا ورد وياسمين ** تجمع الليبيات
جنوده كيف حالك ياحلوه ربي يوفقك في قرايتكم والقفاطين رووووووعه وذوقي نفس ذوق فروسه
ام فراس شن اخبارك والعصافير العسولين وبوهم ومبارك ماشريتي ربي يهنيكم ويزيدكم سوسو شلوووونك ياقمر وشن امدايره مع الصغار في هالصقع وصحيحتين العصبان احني السبت بنديروه ان شاء الله اثوره كيف حالك وحال السنافر والحمد لله علي سلامة اميمتك ربي يطول في عمرها هدهد ربي يصبرك غربه وضياقة خلوق وبيبي صغير ربي يعينك وترجعوا بالف خير شن آخر اخبار السكره سما الشيطونه ربي يحفظها اوشي يااوشي شن جو العرس صحصحي وتعالي هذرزيلنا ويارب اتكوني بخير انتي والصغار شموووووووووووسه فاقدينك هلللللبه امول هيا تعالي وطمنينا عليك وعلي فاتي ويارب متكونش زي جموني طول الوقت نايضه لا ليل لانهار ترقد اللي يشوفني يزبطني طول اقصه نوم وراحه ومع جدول جديد درته لكن بنستمر وربي يسهل خوله اهلا وسهلا بيك بين وخياتك تعالي وعرفينا عليك وماتقطعيناش وان شاء الله معرفه خير |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاته
أهلالالالالالالالالالالالالالالالالا بالغوالي ~~~~ حمدا لله على سلامة الغايبين ومنورين الموجودين وإن شاء الله يسامحوني المختفيين بالك اشتدت لهجة العتـــــــــــــــــــــاب لكن ما ينشد عليك إلا اللي يحبــــــــــــــــــــــــــــك ~~~~~ أموري معقولــــــــــــــــــــــة الريجيم مستمرة ومكافحة مع بعض العفسات غدا نصكر شهـــــــــــــــــــــــــــــــــــر في الوزن حوالي 5 كيلو نقصت لكن في المقاييس أكثرررررر بديت أكثر ثقة في نفسي وحوايجي بدي شكلهم انيق هلبة علي ~~~ شعوور مش عادي علما بأن الغالبية يقولولي مجنونة حارمة روحك جسمك متناسق جدا لكن أثري مو راضية عنه وهذا هو المهم بنظــــــــــــــــــــــــري وإن شاء الله نخفف كيلواتي بالصحة والعافية مش عارفة شكون سألني عليه ريجيمي ومش متذكرة أجبت ولا لا !!! عموما بمساعدة مستر قوقل ابحثي عن "" الأتكوتين """ سبيلك إلى الرشاقة مع عدم حرمان مفجععععععععععع |
رد: ** ليبيا زين علي زين ليبيا ورد وياسمين ** تجمع الليبيات
تجارب حول الفطاااااااااااااااااام
رعاكم الله جنودة الفساتين في مارية اللي في السياحية مش في أبو ذراع ممكن نمشي نشوف اليومين الجايات خولة مرحبتين بيك آنستي وشرفتي منو قالك هذا تجمع جديــــــــــــــــــــد ؟؟؟ |
رد: ** ليبيا زين علي زين ليبيا ورد وياسمين ** تجمع الليبيات
اهلا بالحبوبه اثري
كيف حالك حتي اني انفكر في الرجيم المهم يناسب الرضاعه مع انها مش هداكا الرضاعه تحب الصناعي اكثر بديت نلبس 42 وحتي الاربعين ايجيني لكن واضح الفرق وحاليا اندير في اكل صحي |
رد: ** ليبيا زين علي زين ليبيا ورد وياسمين ** تجمع الليبيات
الفطام وآآآآآه منه
رنوده رضعت سنتين الا خمسه ايام هههههه لكن قبلها باسبوع كل مابترضع انهديها وانرقدها وفي النهار لصقه شفافه عريضه خخخخخ تحاول ترضع ماتقدرش طبعا قبلها حاول نفطمها نقعد نبكي معاها ونرجع انرضعها حتي لما فطمتها راجلي ايركز فيا ايخاف انرضعها هههههه قريب متت عليها مع انها كبيررررره ماشاء الله والحمد لله بسرعه منستها وبدت ترقد في سريرها طول الليل والفرحان اكثر بوها ههههه |
رد: ** ليبيا زين علي زين ليبيا ورد وياسمين ** تجمع الليبيات
اثري ويييييييييييينك
تصبحوا علي خير |
رد: ** ليبيا زين علي زين ليبيا ورد وياسمين ** تجمع الليبيات
بسم الله الرحمن الرحيم السلام عليكم ورحمة الله وبركاته أخواتي العزيزات كيف حالكم ان شاءالله تكونو بخير يا رب الرجاء حابه اطلب مساعدتكم فيما يخص موضوعي هدا اني حامل توا في الشهر السابع وبصراحه انا مغتربه وفي نفس الوقت حابه جدا اعمل عزومه بعد ما اولد ان شاءالله لان سبق وجبت بنت وبصراحة كان جديد علي الجو فكنت صعب اعمل عزومه ولكن توا حابه اعمل عزومه وبصراحه حابه جدا انكم تساعدوني بخصوص هدا الشي من ناحيه الاكلات التي ممكن اني انقدمها وهل يمكن اني انحضرها قبل العزومه بيوم او يومين وخاصة وحابه اشوف واعرف تجارب الي عملو عزايم وايضا يا ريت بالصور ادا امكن ومشكورات حبيباتي والله لا يحرمني منكم ............... |
رد: ** ليبيا زين علي زين ليبيا ورد وياسمين ** تجمع الليبيات
اهلين بيك اختي العزيزة وبارك الله فيك أم فراس |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
بارك الله فيك وفي كل اخواتي الموجودات وان شاءالله ربي ما يحرمني منكم |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
ربي ما يحرمني منكم وان شاءالله ديمة ملمومين عالخير وتسلمي اوخيتي هدا من ذوقك |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاته ...
ام معاذ صحيتي علي السؤال والله مزالت الكحة ماثرة فيا امس مامشيتش للمدرسة حتي انا عاجبني الأكحل اللي عجبكم يابنات اكيد ام فراس نبوا الصور من غير نقاش ولو عجبك القفطان ام فراس موجود منه علي الأمازن وانا شايفتهم في محل جنبنا الخامة روعة فدورته علي الامازون القيته ارخص بس الجودة نفسها او لا مش عارفة ... سوسو شن اخبارك واخبار الاطفال ايه مجربة لما يطلع الراجل وتقعدي مكسدة اوشي والله شكلك تاعبة هلبة احكيلنا لما تجي بالتفصيل جيجي سهفتيني في الحنة هدية وينك |
رد: ** ليبيا زين علي زين ليبيا ورد وياسمين ** تجمع الليبيات
ام فراس في موقع للجلابيب يشكروا فيه وحلووو لو تبي نبعثهلوك
ساكحوني لو نسيت اي وحدة فيكم |
رد: ** ليبيا زين علي زين ليبيا ورد وياسمين ** تجمع الليبيات
انا خديت بوتيل ب 33
واعطوني معاه كندة هدية سعرها 27 والله مش فاهمة انا ليش يديروا هكي |
رد: ** ليبيا زين علي زين ليبيا ورد وياسمين ** تجمع الليبيات
هلا خولة شرفيتينا
ان شاء الله علي خير يارب انتي وين بديري عزومتك في ليبيا او وين لانك قلتي مغتربة |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
بارك الله فيك اختي ام اجنادين اني بنديرها في الغربه اني توا عايشه في كندا وعندي صديقات وحابه بعد ما انجيب اندير لمه ونبي افكار عالاكل |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاته
|
رد: ** ليبيا زين علي زين ليبيا ورد وياسمين ** تجمع الليبيات
اقتباس:
والله تمام كلنا تسلمي يارب وسوما باهية شن منحكي وشن منخلي بالله خليني ساكته أحسن سلامتها زايده دلع هالايام وما تبي كان بوها وتعلمت السهر والنوضان كل ساعة في الليل تعيط ووووو .........ربي يهديها وخلاص وزوجي ماخداش عطلة لأنه مشغول هلبه وكل دقيقة مهمة بالنسبه ليه في الأول خدي يومين وقال منجرب نقراء في الحوش لكن لقاه صعب مقدرش عدا للجامعه وخلاص |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
عندك حق يا سوسو اللقطة توجع وحارة لكن أني هذا طبعي منقدرش نلوم ونعاتب نتحشم حتي راجلي ما بينتلاش إني عاتبه عليهم حكيتلكم انتم وخلاص |
رد: ** ليبيا زين علي زين ليبيا ورد وياسمين ** تجمع الليبيات
اهلين خوله انستي كيف حالك وشن أخبار الحمل ربي يسهل عليك ويعاونك
حتي أني في كندا إنتي وين بالضبط في أي مدينة أني في فانكوفر وبالنسبه للعزومه والله ماعندي أفكار الحق صح جبت اهني لكن معنديش معارف نساء هلبه ممكن اتنين بس درت عزومة لرجاله بس |
رد: ** ليبيا زين علي زين ليبيا ورد وياسمين ** تجمع الليبيات
أوشي مرحبتين شن اخبارك واخبار الصغار وشن جو العرس
وشن جو العروسه الجديده جيجي صحة الحنه والحلوة وربي يعاونك علي عزومتك ويحفظ بنياتك سلمك سوما باهية قاعدة حال الشيطانه سلامتها أتري ماشاء الله إنجاز 5كيلو في شهر ربي يعاونك لين توصلي للوزن اللي تبيه صعب الريجيم في الشتاء صقع وجوع وربي يعاونك علي فطام دودي أني معنديش خبرة الحق فطمت بنتي بكري وكانت مش متعلقة بيه زايد ناقص بالنسبه ليها لأنها متعوده عالشيشه جنوده لابأس ربي يشفيك |
رد: ** ليبيا زين علي زين ليبيا ورد وياسمين ** تجمع الليبيات
السﻻم عليكم
|
رد: ** ليبيا زين علي زين ليبيا ورد وياسمين ** تجمع الليبيات
اتري حتي اني ما شية علي الاتكوتين ونقصت خمسة كيلو في الشهر طبعا والله ماني سمينة لكن مش مقتنعة بجسمي الحق .لكن وين نمشي عند اهلي ناكل خخخخ.
|
رد: ** ليبيا زين علي زين ليبيا ورد وياسمين ** تجمع الليبيات
هد هد حهد هد كيف حالك وحال سوما نوضان الليل ماتحكيش عليه ﻻكن انحصل انصلي من وراه كل شي فيه خيرة
|
رد: ** ليبيا زين علي زين ليبيا ورد وياسمين ** تجمع الليبيات
حنرجع في اﻷيل بعح ما يمشي زوجي باش ناخد راحتي في الكتيبة الصحيحة
|
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاته
كيف حالكن اليوم خياتي ان شاء الله اموركن تمام وانتن وعويلتكن وهلكن بصحة وهناء |
رد: ** ليبيا زين علي زين ليبيا ورد وياسمين ** تجمع الليبيات
[color="rgb(255, 0, 255)"]خولة انستينا ..
ومرحبا بيك بين خياتك وان شاء الله تشوفي بيبك علي خير وسلامة واديري احلى عزومة[/color] |
رد: ** ليبيا زين علي زين ليبيا ورد وياسمين ** تجمع الليبيات
صدقتن يافروستي وهدهد تعب مانحكيلكم عليه
اولا بدينا العرس وكل ماهو علي هامش العرس من يوم جت العروس فرشت شقتها اللي هو الخميس وقعدنا يومك وثانيك ماشيين لحوش عمي للمساعدة في كل الامور والصراحة ما نمتش عندهم الا يوم الجمعة اللي يصبح السبت العرس.. المهم كان يوم الاربعاء طبعا اللي بعد الخميس اللي فرشت فيه العروس يوم الاربعاء هذا جتنا الكوافيرة في الحوش انا وصبياتي فتلة وقص وصبغ وكل شي ماعدا سلفتي القديمة قالت لا عندها كوافيرة خاصة بتمشيلها وقسمنا كل مجموعة تحني في يوم انا طبعا اخترت الخميس عشان حنتي تكون مازال طازة ويستمتع بيها ابو الشباب خخخخخخ حنيت انا ودودو ورويتا دودو حنيتها الخطيفة وانا حنيت والحنة الله يبارك جت اتهبل طبعا جتني الحناية في الحوش بصراحة الحنايه هذي مضمونة وبنت ناس نعرفها وديما تجيني وتحني فيا وفي الصبح الجمعة اخذيت شناطينا ومشينا لاننا بنباتو في حوش عمي .. ويوم الجمعة كان الرمو .. درنا العشاء كسكو العرس وطلع ايهبللللللللل مع محشي وامسير وسلاطة واللحم امدخن بالفحمة وطبعا سواية وغسالة الماعين بالاجرة لذلك ماتمش الا اشياء بسيطة فبل العشا اللي هي العصير والشكلاطة والحلويات والكابتشينو وقسموهم البنات الشبابات الصغار ونحنا يلي بنمشو في الزفة كنا بالداخل نجهزو في روحنا طبعا انا لبست الزي الشعبي القديم الفوطة الحمرا وفيها لون اصفر مع الفضة والميك اب طلع ايهبل دارته لي الكوافيرة حاجة من الاخر وسلفتي لبست زي تونسي وصبيتي لبست طرابلسي وبنت عم زوجي لبست شرقاوي كامل والعزايز كلهم لبسو شرقاوي بسيط ودودو قصت شعرها كاروه او كاريه لان شعرها الله يبارك ويزيد غزير وناعم وجبت لها لبسة حلوة بكل فيزون رمادي نقشته طالعة مع فالينة طويلة للركبة زي الجلد لماعة تايقر لونها ابيض في الاسود في الرمادي وجبت لها كندرة رمادي سبيدرو ورويتا فستان جلد بني مع سير ذهبي وجاكة فرو تايقر بلون بيج واسود ورمينا عالعروس والجو كان امطار متواصلة بس عبارة عن رذاذ والجو ايهبل ولما توأم روحي حقني قالي كنك اتقول طايحة من معرض تراثنا الجميل غـــــــــــــــــــــــــزل عــــــــــــــــــــــــــذري وجينا قعدنا انحوسو في الحوش انا وصبياتي اللي هنا خوات زوجي لان سلفتي عدت لحوشها المهم مارقدنا الا وكل شي جاهز للغد وشلنا صناديق الامية والمشروبات والعصائر وكل شي وحطيناه قريب من الباب عشان بكرة يشيلوه للصالة ومارقدنا الا الساعة 4 وكنا تالفين للاخر وننضنا عالعشرة وتينا ارواحنا وشلنا حاجتنا ومشينا للصاله للحديث بقية ساعود ... فاصل للصلاة وامور اخرى |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
السلام عليكم ورحمة الله وبركاته كيف حالك يا هدية ان شاءالله بخير وصحه انتي واهل بيتك والله بالنسبه ليا الحمد لله امور الحمل ماشيه واني توا قاعدة في منتريال والله خاطري اندير عزومه لكن نبي اكلات حلوة وتستر لاني بندير بوفيه ان شاءالله ....... وبارك الله فيك عالاهتمام |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
ماشاء اللله ماشاء الله .. دام توأم روحك قالك هكــي معناها طلعتي سقــع بس اللبسه ماتخيلتهش زين قصدكـ العبـــــــــــــروووق؟؟؟؟ ومأجوره ع التعــب إن شاء الله .. ودودي ورويتا حتى هنا شكلهن أنيقااات كيف مامتهن عااااد الحاجة هذه بالوراثه راه خخخخ حلو جو الافراح في الشتاء نحبه .. بصراحه لاشعر يتعبك ويسخنك هههههههه كان طلقتيه ولا ميكاج يخرب من الحموووو hwaml9hwaml9 ولا دبش يحميك جو م الاخــير احكيلنا ع العروسه واستايلها في المره القادمه.. |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
ياريت والله ... انا ع اي بي لقيت جلابيات وعيايات خليجيه ومن دبي يجني لعندي بس الحق حــرت واااجد قت مرات القياااس مايزبطش لان مرات تختاري رقمك وماتجيش كيف ماااتبي.. مع انهم دقيقين ويحطوا ف مقياس الصدر والكتوف والخصر وجو هذااا بس الحــق .. حتى في بنغازي فيه حلواااات يادوب نشري ساري هندي كااامل خصيصا متاع الفستان المطرز لي معاه سروال حاجة من الاخــير بم ان هنا باكستان وااجد ممكن نشري منها الخاصه بالعرايس عندهم ومكلفه شويه وماشاء الله ع بوت عطوك معاه هديه نحن هنا ايام البوكسنق ديز مخفضين صح بس مش هذكا التخفيض والحق زي ما حكيتلكن استغليناه ف هداااايا كلفنا 3 الالف باوند تقريبا 6 الاف ليبي وفووووق ......... ومازالhwaml9 يعني لغينا مخطط رحلة فرنسا..هولندا..اسبانيا لي قبل بنعدولها في العطله عشانها بعد جينا حسبنا قلنا مايصير شئ خصيصا مازلنا بنمشوا لنـــــــــــدن ان شاء الله في شهر 4 وتبي ميزانيه بروحهااا.. بصراحه فرصه انكم في يونايتد ستيتت صدقن صاحباتي ارخــــــــص بواجد بالنسبه للفستاااان اذا كان نفس المااااركة خوديه م الامازون عادي لان الامازون اصلا يجيبوا في بضاعتهم من اشهر المحلات والمصممين خديت منهم شنطة من كريستيان ديور ... وجت حاجة م الاخير غل حطيناها ف صناديق مع هدايا وخديت منهم الات زي ايس كريم ميكر ( صانعة الجولاطي) من كيننوود وشوااايه صحــية ماركة جورج فورمااان.. وقلاية تيفاال متاع ملعقة زيت والة الميلك شيك لان ماعنديش معاه روووح وع فكرة الة الكابتشينووو لقيتها ارخص من برة بعشرة باوند شريتها بي 110 من ديبنهامز مع ان وقتها ع اساس فرصه هي وعصارة برتقال من كيننود مازلتي الماستر شيف كيننود .. هذه كل ما بناخدها نحير اي وااات ناخدها هههههههههه 800 او 1000 مازال محتاره في الخبازه اي ماركة ناخد وحاجات واجد وعلاقات الاكسسوارات خديت ليا ولخواتي لانهن نادرات ف ليبيا وحتي بعض عطور زي فيرساتشــي وجاني من الستور متاعه والعاب الاطفال حتي هنا وبعض من الهدايا |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
صحيح مرات الدراسه ف الحوش مايصيرش منها بكل نفس ماصارلي في ثانية ورابعه جامعه كانت مكتبة الجامعه أنسب مكان نحط راسي ف بوكس ونبدا فيها تجعيب خخخخخخخخ يييييييه ع السهر حتى نحن بكل نعانو منه باقيته باتهم مسكين فرصه يسهر للواحد او 2 بم ان عطله تعلمووو السهور حتى نا وتلخبط نومهم... رغم ان اخر فترة نطلعوا يوميآآ للسيتي سويرقدوا ف كرووسه بس مع ذلك سهوور |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
مرحبا اختي خوووله ... بم انك ان شاء الله بتديري بوفــيه اكيد ح يشمل سلطات ومقبلات وحلويات والوجبه كلهن .. في تخرج اختي السنتين لي فاتوا درناله أوبـــن بوفــيه وبصراحه اريح كل واحد ياخد حاجته ولي يبيهااا .. يعني افضل من تعب التطبيس والمد وبم انك مغتربه .. يمكن الحاجات حيتعبنك وااجد لو انتي بتديري برووحك او بتشري جاهز بعض الاشياء مش عارفه ...؟ وبم انها عزومه او لمة جياب .. حنقولك افكاري لكي اتديري طبعآ السلطات أقل شئ نوعين .. ننصحك بالتبوله لان لها رونق خااااص في اوبن بوفيه .. وسلطة اخري تكووون فيها الباذنجااال وتزينهن طبعآ .. عشان المنظر العام له دوور وبم اني نعشق التزين وجو سلطاااات في بالي افكار واجد ههههههه بس مش حنسكت لو بديت نجو للمقبلآت .. كان بتديري وجبة في البوفــيه خلي مقبلاتك خفيفة مثلآ سمبوسه او بوريك ...مع بطاطس ودجز ,, اقراص بيتزا معجنات بسيطة .. وكفتة دجاج ..او امبطن وجو اللي انتي تحسيه اخف لو كانت مواالح او حار بس تقدري تزيدي وتنوعي مابين حاجات باللحم او مفرومه .. حاجات بالدجاح ... معجنااااات حاجة بالخضرواااات نجو للحلووو ... اكيد بتقدمي القهوة او النسكافيه مع الحلويات لذلك الحلو ف اوبن بوفيه ممكن تحطي بقلاوه وكنافه ..لو متوفره ف المونتريال نحن هنا ف بريطانياااا متوفرات اكثر من ليبيا ههههههه من المغتربين اللبنانين او جاتوه .. في تخرج اختي حطينا تورته ع 3 ادوااار مع شاميات (بلح الشام وكنافه عثمليه و زنوود الست) طبعآآ الفواكه حتديري تشكيله حتي هناااا |
رد: ** ليبيا زين علي زين ليبيا ورد وياسمين ** تجمع الليبيات
وجمعتلك بعض الصور ..
شوفي التبوله ما احلاها ( ههههه لا تقاوم ما اغلاها عليا) درتها نا ف تخرج اختي مع سلطة ملكيه خاصه بيا اختراعاتي وكول سلو وخالتي دارت 3 اخري ( اليونانيه .. ومكرونة ملونه ..وفورسيزون هذه افكار سلطااات ف اوبن بوفيه http://forum.hwaml.com/imgcache2/hwa...384856_500.jpg http://ts2.mm.bing.net/th?id=H.4576112805088273&pid=1.7 |
رد: ** ليبيا زين علي زين ليبيا ورد وياسمين ** تجمع الليبيات
الحلووو اللي يمكن ينضاف ل البوفيه
http://forum.hwaml.com/imgcache2/hwa...383494_631.jpg http://www.mexat.com/vb/attachment.p...0&d=1250443280 افكااار اخري http://ts3.mm.bing.net/th?id=H.4603364376314726&pid=1.7 http://bentalemarat.files.wordpress....g?w=1024&h=511 http://ts3.mm.bing.net/th?id=H.5007623849902822&pid=1.7 |
رد: ** ليبيا زين علي زين ليبيا ورد وياسمين ** تجمع الليبيات
بالنسبه للمغتربات
عندي جارتي جابت ومادرتش عزومه لي يجيها تحطلها عصير وشوكولاته .. وقهوه وحلويااات وفي وحده اخري جابت من القروب داروا لمة اسبوع رجاله وصبايا داروا رز بالبصله وسلطة وامسير وقازوزه ... وفي وحده لها اربع سنوات مقيمه زوجها صديق زوجي هذه جابت اول ماجت هنا وجيبتها هذه دارت عزومه .. لمة ودارت فيها طبق لكل وحده وعاونتها صاحبتها الاثنين حتي هي دارتها لانها تحشمت اقامت هنا وعندها معااارف ورفقتها من الدفعه كانو يديروا ف لمات انا ماحضرتش بس حكتلي عنها دارت نسكافيه و كب كيك خاص بالمواليد طلباته من محل خاص بهن انجليزي عليه جملة اتز بووي.. بم ان ولد ودارت عصير ومعاه كيس فيه حلوي وشوكلاته وملبس ودارت طبق فيه رز بالخلطه وطرف عصبان وامبطن وبيتزا وكفته مع بيبسي وفواكه ( تفاح وموز) ان شاء الله انكون افدتك اختـــــــــــي خولـــه واي مساعده اخري بخصوص هالموضوع تفضــلي |
رد: ** ليبيا زين علي زين ليبيا ورد وياسمين ** تجمع الليبيات
اوووه يا اوخيتي ربي يخليك ليا وما يحرمني منك يا غاليه بالله بنطلب منك طلب لو ما نثقلش ونتعبك معاي بالله نبي الطرق بما انك مجربه واحلي حاجات واني باش انقولك اني بندير رز بلاو ومعاه معجنات يا رب سهلي والله خاطري لين خلاص بندير لمة وان شاءالله ربي يوفقني ويسهللي |
رد: ** ليبيا زين علي زين ليبيا ورد وياسمين ** تجمع الليبيات
صباح الحب والود لأغلى الناس
كيف حالكم ياحلوات... وشن أخباركم.. بالنسبة لينا ,,,, ريم مريضة.. |
| الساعة الآن 06:23 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .