|
رد: تجمع بنات الجزائر الحوامل
السلام عليكم بنات دزاير وين راكم واقيلا جماعة راهي تولد وجماعة تتوحم ربي يجيب اللي فيه الخير
|
رد: تجمع بنات الجزائر الحوامل
بسمة واش راكي رحتي لطبيب ولا مزال ؟؟؟؟؟؟؟؟؟؟؟؟؟؟
|
رد: تجمع بنات الجزائر الحوامل
هههههههه
بسمة والله ضحكتيني... رانا هنا برك.. |
رد: تجمع بنات الجزائر الحوامل
لونااااااااا مبروك التاسع حنونة ان شاء الله الولادة السهلة
شو عجبوك التوزيعات حتى حنا راهم يديرهم على شكل بيبرونات ... |
رد: تجمع بنات الجزائر الحوامل
الله يبارك فيك تورية حبيبتي..
ربي ان شاء الله يسهللنا ... والله عجبوني هدوك الاولين سخفوني..ههههه حنا هنا مايديروهش في سكيكدة... اصلا ما نديروش السبوع ...لي يجييبارك يجي... ونتوما كيفاش تديرو????? |
رد: تجمع بنات الجزائر الحوامل
اقتباس:
|
رد: تجمع بنات الجزائر الحوامل
وينكم لبناااااااات
و الله بسومة قتلتيني بالضحك |
رد: تجمع بنات الجزائر الحوامل
السلام عليكن
حبيباتي حيت نسال اللي راهم في التاسع والا اللي حملن من قبل انا درك في الاسبوع 31 واربع ايام مشكلتي البيبي هابط ومتخد الوضعية الصحيحة للولادة والكول محلول 2 اصابع راني عندي وحد السطر ما يتحملش من الجيهة اليسرى للرحم لتحت خلاص تقريب بين الرحم والرجل اليسرى ساعات ما نقدرش نمشي و ساعات كي نكون جالسة ونوض تصعابلي و المشكل حتى كي نكون طالقة روحي طي نجي نغير الوضعي ما نقدرش خلاص هل هدا عادي؟؟؟ 2/ البيبي نحسو كي يتحرك بصح راجلي ما يلاحظش هاد الشيء كيما نشوفو في اليوتوب نلقاو الكرش تزعزع تاعي لالا بصح الطبيب قالي البيبي راه داير للظهر 3/ عود ولالي الحريق بالاخص في الليل يقتلني هل عادي الحريق يدير في هاد الشهر لاني قرات انو يدير في الشهر 6 مع العلم دارلي شوية برك في 6 و حبس جاوبوني من فظلكم راني تقلقت |
رد: تجمع بنات الجزائر الحوامل
اقتباس:
لازمك شوية الراحة على الاقل تفوتي 34 اسبوع لاكتمال الجهاز التنفسي رجلي هذاك من الثقل نتاع البيبي ضرك تزيد عليك شوفي كي تحبي تبدلي حركة مثلا باه وقفي و الا في السرير تتقلبي اجلسي و من بعد بدلي الوضعية احسن حل نقصي من الوقفة بزاف و القعدة بزاف ارقدي على الجانب الايسر البيبي يتحرك نورمال ساعات يرفس ماشي محتم زي الي في اليوتوب انا بنتي كانت دايرة للظهر عادي الحريق اشربي الحليب او كلي الجزر دايما هذا حجم البيبي كي يكبر حجم الرحم يضغط على الحجاب الحاجز و المعدة و بذلك تولي تدير الحريق انا بقاتلي حتى ولدت ربي يسلك وحلك ووحل كل البنات على خير ياااارب كسرتلك راسك بالهدرة الله غالب غضتيني hwaml13 |
رد: تجمع بنات الجزائر الحوامل
اقتباس:
يعطيك الصحة حبيبتي |
رد: تجمع بنات الجزائر الحوامل
ثورية انا ثاني درت توزيعات
شريت بيبرونات قصدي رضاعات و درت فيهم 2حبات مرشملو و 2 حبات دراجي جاو تحفة |
رد: تجمع بنات الجزائر الحوامل
اقتباس:
|
رد: تجمع بنات الجزائر الحوامل
اقتباس:
كي تولدي ان شاء الله انا لما ولدت بليلك درت الحلاوات و الطمينة طبعا مع العصائر و القهو و الحليب او الشاي الاخضر و اخر المطاف تقدمي للذكرى توزيعات انا درت بيبرونات وردي على خاطر طفلة درت فيهم 2حبات حلو المارشملو و2دراجي هذه مجرد اقتراح يعني اللبرستيج ماهيش محتمة |
رد: تجمع بنات الجزائر الحوامل
اقتباس:
و ادا على السابع حنا الام تجيبوا لبنتها بصح انا حلفت لماما قتلها ما نسحقش السابع على خاطر عجوزتي هبلتي و كسرتلي راسي قتلها ما تجيبش و على خاطر نهار السابع تاعي تاع التعرويس ما عرضوش ماما |
رد: تجمع بنات الجزائر الحوامل
اقتباس:
ما نكذبش عليك درت الحوايج في النفاس عجوزتي خرجتلها قلبها و هي قاعدة غير اه هذا القاطو حبته صغيرة هذاك طري شوية هذا ...... المهم الفم الحارك و الذراع البارك يارب سامحني خلاتني نقرض بالسيف المهم انا كانو يجوني كل شوية اذا تشفاي كنت في دارنا غضبانة مادريش السابع من عند ماماك ماتغلطيش غلطتي عجوزتي ماما الله يحفظها دارت كلشي و هي قاعدة كي الشاف يروحو يقودو لما تولدي ارتاحي 2ايام و يبداو العباد يجيوك ديري الاستقبال عادي و لما ترتاحي و تشدي روحك مليييح ديري العقيقة و اشيفي عليها ما تحطيش امك في موقف محرج صدقيني راكي كي تولدي ضرك تشوفي تغزلك اي هدرة فمابالك الهدرة السمية |
رد: تجمع بنات الجزائر الحوامل
شوفي انا ناس ملاح بصح و قت الصح فني فم محامي هههههههههههه عند الصرف و بكل العملات و ادا هلى السابع كون تجيبلي ماما ما نعيطلهاش انا راني خارجة في داري خاطر ماما خدامة و هي قاتلي ما نهزكش بصح راني حالفة كون تعاودها نعفص على قلبي و كي نخرج من السبيطار نهبط عندها طول ناكل نشرب و نرقد ههههههههههههههههه نعتلها شكون انا و زيد ادا على الهدرة السمية ما تقدرليش ديجا لارح بدات ترمي في الهدرة على الخدمة راهي تحسب بلي نوالد من نحبس الخدمة من مي قتلها 40 يوم و نولي و كون ما نديرهاش ما نسماش مريم غير ربي يقومني بالسلامة
|
رد: تجمع بنات الجزائر الحوامل
اقتباس:
انا ثاني خرجت روحت لداري و كنت ماشاء الله من الغزول و التعب رجع عليا قريب دارلي انهيار عصبي جات ثما لما ما عجبتهاش هدرتي هزت بنتها و روحت راجلي ثار على جالها قتلو اقعد فيها روحت لدارنا و نفست كيما يقول الخاطر ربي يحفظ امي و خوتاتي المهم في الخر ولى رجع يسحلل واش نقولك لا يستقيم الظل و العود اعووج |
رد: تجمع بنات الجزائر الحوامل
اقتباس:
مريومة راه عبير الله يبارك مخلاتلي منقولك كل كلامها فالصواب هدا الاعراض عادي متقلقيش روحك برك ريحي روحك حتى يكمل الثامن الحريق انا ران فالتاسع و مزال فيا حنونة |
رد: تجمع بنات الجزائر الحوامل
اقتباس:
عبير مليح يسما نديرهم ماشي على الناس ندير الهمة لروحي وعلى خاطر ولدي ربي يجيبه على خير hwaml02 |
رد: تجمع بنات الجزائر الحوامل
عبير واش تحتاج النفسة للملابس كي تزيد انا ران شريت بجامات و ملابس داخلية بصح تجور نحس خصوني حواج معرفتش واش هوااااااا وزيد واش ديتي لبيبي باش خرجتيه واش يصحقو باش يبدلولو ران وجدت الفليزا بصح نخاف ننسى كاش حاجة ؟؟؟؟
|
رد: تجمع بنات الجزائر الحوامل
اقتباس:
|
رد: تجمع بنات الجزائر الحوامل
اوكي ثورية نقولك الفليزة نتاعك واش فيها ونتاع البيبي واش فيها
الفليزة نتاعك راكي تولدي في الشتاء غطي مليييييح ملييييييح كومينو مقطن بيجاما و الا زوج تبدلي احتياطي فيزو تقاشر بابوش شال او خمار صوف محرمة تعصبي بيها خاطر راسك رايح يوجعك خلاص من الحس حاشاك سليبات جوتابل في الصيدلية او عادي فوطة صحية من النوع الكبير انا شريت كوش للكبار نقصد كيما كوش بيبي وهو اديلت 2 درتهم حتى خرجت يلم كل شئ و يستر مليح خلاص 2دراوات نتاع السرير و غطاء المخدة كاين في السبيطار نتاعنا جديد بالصح انا عفيتهم صاك دو تواليت فيه منشفة الوجه صابون ديودرون بروس للشعر بروس للفم مع المعجون و بارفان و بابي ايجنيك الولد خذيلو زاورة درا صغير 2تريكوات دو بو تريكو نورمال مع السروال تقاشر بونية قماط و قماش قطعة او قطعتين يمسحو بيهم الدم من البيبي كوش بيبي لانجات و اللوندو يجيبو باباه كيما تكوني خارجة |
رد: تجمع بنات الجزائر الحوامل
اقتباس:
|
رد: تجمع بنات الجزائر الحوامل
لبنات ما تلبسوش لاقان حتى ثالث يوم لما يرجع الرحم الى مكانه
|
رد: تجمع بنات الجزائر الحوامل
سلام حنونات..
ان شاء الله راكم بخير.. شوفو انا واش وجدت باش ندي و قولولي رايكم كاش ما يخص... اديت شوميز دو نوي نزيد بيها و غوب دو شومبر معاها وما تنساوش الجوارب على خاطرش يقولو تبردو مع المخاض.. وديت بيجاما نلبسها كي نزيج ونكمل ... و بيجاما اخرى نلبسها ثاني نهار في لا فيسيت...مع غوب دو شومبر اخرى قلت اون سي جامي تتوسخلي الاولى شوفو ادو بيجامات سراول...وادا اديتو دي غوب ماتنساوش الفيزو... على الهوا مالازمش يدخلك... بالنسبة للي كوش انا اوسي اديت وحدة اديلث نصحتني بيها الفارماسيان .. وعطاتني وحدين كبار مي مكتوب فيهم تاع لي بيبي ما فهمت والو.. هههههه اديت بوات لانجات ليا بزااف مفيد ويحلك..تمسحي بيه كل شي... والمنشفة تاع الوجه.. هادا واش وجدت هتد الساعة... |
رد: تجمع بنات الجزائر الحوامل
اقتباس:
بسيف ننوض نحس بالوجع في الحوض تاعي بزاف.. والحريق ما عندي ما نقلك قتلني.. نبات ناكل في الياغورت ونشرب في الحليب بارد... الحركة ماش كما هديك تاع اليوتوب صح الكرش تتحرك بصح شوية برك... لازم تقعدي تعسيها بزااف باش تبان... بالنسبة للالم والله ما علابالي ... ان شاء الله باقي البنات ينفعوك.. |
رد: تجمع بنات الجزائر الحوامل
اقتباس:
اقتباس:
|
رد: تجمع بنات الجزائر الحوامل
اقتباس:
عبير شكراااااااااا كنت ناسية شحال من حاجة hwaml02 اقتباس:
اقتباس:
اه وانا كنت دايتها معايا حتى قلتلي ماما مدرهمش نهار لول |
رد: تجمع بنات الجزائر الحوامل
سلام حبيباتي...
ان شاء الله تكونو بالف خير مع الوحم والثقل... من يومين رحت للسبيطار عند واحد القابلة يعرفها صاحب بابا ووصاها علي.. على خاطرش تعرفو السبيطارات تاعنا الاحسن تكون موصية.. المهم درلي معاها موعد ورحت .. قالتلي بليدخلت في شهري في 30 اكتوبر وعطاتني موعد نهار الخميس باش تشوفلي لو كول وعطاتني سباسفون سيبو مرتين في النهار وقالتلي امشي بزااف .. وطلبت مني ندير ايكو باش تشوفلي ادا الحوض تاعي عريض ولا لا.. قاتلي ادا لقيناه ضيق مباشرة نديرو سيزاريان وادا عريض.. نزيد نشوفك في 14 نوفمبر.. وادا ما ولدتيش منا ل 18 نوفمبر نديرو تحريض للولادة... واش رايكم...????? |
رد: تجمع بنات الجزائر الحوامل
اقتباس:
السلام لبنات ه لونا دزاير كل بالمعريفة استغفر الله مازال غير الموت ما تدخلوش فيها لمصايب لونا حنونة اولا اذا تهدر على exploration du bassin هذه يكتشفوها بال toucher ماشي ليكو لانه هذا هو الي يدل على حجم الحوض و الا تهدر على حجم البيبي و راسه هذا يشوفوه بالايكو و اذا كان كبير تفوتي قيصرية سباسفون سيبو مليحة و ديري ثاني كولبوتروفين من قدام حشاك اذا عندك 37اسبوع تقدري تولدي تخافي بعد 40اسبوع و اربع او خمس ايام لانه الحمل 42 اسبوع كحد اقصى |
رد: تجمع بنات الجزائر الحوامل
السلااااااااااااام عليكم
|
رد: تجمع بنات الجزائر الحوامل
اهلااااا ثوريةhwaml13hwaml13
|
رد: تجمع بنات الجزائر الحوامل
وقتاش عبير تقدر تولد المرا يعني ابتداءا من اي اسبوع
|
رد: تجمع بنات الجزائر الحوامل
من الاسبوع 37
|
رد: تجمع بنات الجزائر الحوامل
حبيبتي انت في بنتك اما اسبوع ولدتيها
|
رد: تجمع بنات الجزائر الحوامل
كنت رايحة نكتبها لقيتك تسقسي عليها سبحان الله وليت نقرء الافكار ههههههههه
انا ولدت في الاسبوع 39 و 4ايام بداني التساهيل و الكول مفتوح 3cm متت من الخلعة خفت من الولادة فرررررررررررررررررريرة على دارنا و قعدة بعد ذلك 19يوم باه ولدت |
رد: تجمع بنات الجزائر الحوامل
كيما يقولو القلوب عند بعضاها
الحمد لله على كل شيء |
رد: تجمع بنات الجزائر الحوامل
علابالك راني نستنى تقول راني فوق الجمر حاب نولد نورمال و حابة نولد ليه ليه انتي تاني حسيتي هكدا
|
رد: تجمع بنات الجزائر الحوامل
اقتباس:
وبفيت و مرت خويا هي ولدت في 4فيفري تم وين كرهت لما دخلت 34 اسبوع ما وليتش نقدر نرقد خلااص و الا ناكل و الا نقعد كرهت حياتي وليت حابة غير نولد حتي ربي سهلها و الحمد لله ولدت في افريل |
رد: تجمع بنات الجزائر الحوامل
لما تولدي و تزيد المسؤوليات و يكثر الهرج و تصبح مسؤولة على وليدك تولي تقولي كون غير بقا في كرشي اضمن و اسهل
الاولاد صعاب كل يوم زي خاصة جيل ضركة فراجيل و يتعب في نومه في ماكلته في كل شئ و دايما مريض ربي يثبت اجرنا |
| الساعة الآن 09:43 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .