|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
اقتباس:
حتى انا زيك جنودة كل شىء جاهز على الصبان هههههه إلا لو كان الوقت مايكفيش لجية غفلة ويالله ياحلوة احكيلنا بالنفاصيل شنو درتو وشم هدرزتو وشن كليتو وشن حطيتو وحتى شنو جابو معاهم ههههههههههههههه بالتفصيل الممل ههههه نبصر عليك |
رد: حبيباتى سيدات ليبيا تفضلو لأعرف ما حالكم
شن جوكم يابنات وشن أألأخبار
قبل شوية روحت من حوش عيالى وحتى ريم رقدت خليتها غادى وغدانا درت بكبوكة ماهو على خاطر بابا لما يمشى للصحراء يمل من الجاف والمسقى ويبدمستاحش المكرونة وطبعا هو غدوة مولى (حالة طوارئ ومش موعد عمله) يعنى مش ملحق على ماما وحتى فى المشى لما مشت كان هو مش موجود المهم احنا بالعادة عند امتعينى الغداء الجمعة بازين أو كسكسى |
رد: حبيباتى سيدات ليبيا تفضلو لأعرف ما حالكم
لا إله إلا الله محمد رسول الله
|
رد: حبيباتى سيدات ليبيا تفضلو لأعرف ما حالكم
أمس عاأساس بنمشو لسوق الجمعة مع بابا(سق شعبى كبير فى صبراته)
مشى مشينا مشينا مشينا طبعا الطريق الطويلة وفى طريقنا مرينا بمحل (مركز القناعة للتسوق) فظييييييييييييييييييييع ورخيييييييييييص يعنى نفس أسعار لسوق الشعبى طبعا على المسموع مشى قلت لبابا الوقت بدى موخر وتبيلنا امتى نوصلو السوق هيا ننزلو لهذا وخلاصوبصراحة يهبلللللللل طحت فى الشرى طيحة باهية وخصوصا لريم قفاطين العشرين فى الزاوية لقيت ماشاء الله أسعار غادى تهبللللللللللللل خديت قفطان ب6 وقفطان ثانى بشورته حتى هو 6 وواحد ثانى قماشه غليط شوى كتان بس صيفى ومعاه فرعة صغيرونة ب 10 وقفطان يهبلللللللل كتان حلو وفوقه مشبك على البرتقالى الياجورى ومعاه لقطة الجاكيت الصغيرون ب 18 وجورب صغيرون فرفار وكاناتيرا القماش حاجة خياااااااال مش قلتلكم طحت طيحة باهية وهى الحق ماعندهاش اللبس الحلو متع طلوع يعنى لبس أنيق عادى مش متع طلوع وعاد توا باش حتى تقابل بيه لما جداها تروح من العمرة إن شاء الله ااااااااااه المهم وشورت لحد وقفطان قماشه فظيييييييييييييييييييييع يعنى بين باصمة وكتان رطببببببببببببببببببببببببب ب15 طبعا هو وواحد ثانى بسيط ب 5 خديتهم لماما باش لما تروح تلبسهم بإذن الله ووووووووووو وبس الحمد لله |
رد: حبيباتى سيدات ليبيا تفضلو لأعرف ما حالكم
ماشاء الله جنودة لمة حلوة
لكن من هما يللى إعتذرو على الجيان حماواتك وريتى كيف صاحبتكم حنينة وقلبها أبيض كانه حد ثانى راهو طلع الف سبلة وعلة وأكي فرحتى انهم جو وارتحتى وشنو قولينا انسجمو ولا لا |
رد: حبيباتى سيدات ليبيا تفضلو لأعرف ما حالكم
مساء الخير ياحلوات
كيف حالكم اليوم انا قاعدة بروحي راجلي وسلفي وامهم امشوا للحوازة من بعد الفجر ربي يحفظهم تعرفوا اليوم الساعه قداش نضت اذان الظهر نضت مصعوقه مش عارفة خيرني شكلي بنبدا اندير المنبه صح رقدنا البارح مع 2 ونضنا الفجر وسقدت راجلي لكن مش لهدرجة حتي راسي صداع من كثره النوم سبحان الله حملي ببنوتي هادي عكس ريناد مستحيل كنت نرقد اكثر من اربع ساعات تخيلووووووا |
رد: حبيباتى سيدات ليبيا تفضلو لأعرف ما حالكم
جنودة الحمد لله العزومة فاتت علي خير ربي يعطيك صحيحتك
وان شاء الله الفرح دايم عامر في حوشك يااااااارب وربي يرزقك ماتتمني |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
الحمد لله انسجموا هما اكيد بينسجموا بس انا ديمة مانحبش ندمج الضيوف نعرف كل نوع شن هدرزته فهمتي بس هكي انا بنتعب علي قولت اثري ينسجموا كيف ماينسجموا |
رد: حبيباتى سيدات ليبيا تفضلو لأعرف ما حالكم
بابا خاطره بيمشى لعمتى بنتها ناجحة فى الشهادة الاعدادية
وبنمشو العشية إن شاء الله بس....... خايفة حد يعقبنى |
رد: حبيباتى سيدات ليبيا تفضلو لأعرف ما حالكم
اثري
ضحكتني عزوزتك فعلا اصعب قرايه ربي يحفظها ويطول في عمرها وتفرح بصغارك عويتي زحمه وضيق كيف تمشيلة<<مش بعيد علي حوشي في سوق في بدايه عين زاره ايقولوله الغزاوي فيه كل شئ ومش زحمة هلبه لكن الاسبوع اللي فات قالتلي خالت راجلي ولا زحمة فتحوا جنبه هلبه محلات بزيادة وفعلا حتي العام اللي فات كان زحمة المشكله لازم نلقي امكان انقنع بيه زوجي مش زحمة يكره الزحمة <<<ومني يحبها هههههه |
رد: حبيباتى سيدات ليبيا تفضلو لأعرف ما حالكم
جيجي ليش مامشيتي غيرتي جو معاهم
انا من الساعة 8 بديت نتقلب رغم اني تعبانة تعابنة قعدت الي 10 ونص درت فطور خفيف راجلي قالي شبعان من البارح درت زميتة وبسيسة جايبتها عمتي وبعدها مشينا لحوش عمي طيبت الغداء مكرونة امسقية بالبصلة وبطاطا مقلية حلوة بس متعبة جدا مكرونة سبقيتي رقم 1 وتوا قالي عمي تمشي معانا لحوازة عمهم اول مرة ترددت وقلت يلا تغييرة جو وبعدين انقوله ينزلي عند حوش بوي ويجيني راجلي بعد الكورة |
رد: حبيباتى سيدات ليبيا تفضلو لأعرف ما حالكم
كل الرجال يكرهوا الزحمة
|
رد: حبيباتى سيدات ليبيا تفضلو لأعرف ما حالكم
سوسو دوم هاللمه الحلوة
نتمني نمشي لهالاماكن اتحمست هلبه لحاجات ريوم تبيدهم بالهناء ياارب واضح حلوات ونازكات وحتي اتصيرلهم حاجة ماتحرقيش دمك عليهم بنفكر انقنع زوجي نمشوا هو يعرف في الاماكن |
رد: حبيباتى سيدات ليبيا تفضلو لأعرف ما حالكم
سلامتك جنودة من التعب
حبيبتي انا مختمرة مانقابلش سلفي عمرة ماشاف حتي كفوف يديا صعب مانقدرش انقيدة في دار او يقعد برا حتي سلفتي ماتمشيش احيانا نقعد في الحوش بروحي وحتي سلفتي في حوش بوها نقعد للليل ومانقدرش نمشي نتحشم انقيده انفكر نمشي غدوة انا وراجلي ورنو من الصبح كان الجو حلو انا انموت في الشروق انحب نطلع نحضرة وفي الحوازة او عالبحر شئ تاني |
رد: حبيباتى سيدات ليبيا تفضلو لأعرف ما حالكم
ماشاء الله غبت عليكم دقيقة أهلين ياحلوت شنججججججج
جنودة اكيد امتعين عمتك انصدمو بالضيوف الثانيين |
رد: حبيباتى سيدات ليبيا تفضلو لأعرف ما حالكم
مادرتش غدا
سفهتني سوسو في المكرونة وكان انا بنديرها ماناكلهاش ههههههه عندي شرائح همبرجر دجاج صنع ايدي طبعا بندير همبرقر طلعت توه الخبزة وبشوي الشرايح في طنجرة البورديم مع الجبنة والسلاطة الخضراء الورق وشريحة طماطم وهريسه وكتشب فقط منحبش الدحي مجرد انشمه حشاكم انرجع |
رد: حبيباتى سيدات ليبيا تفضلو لأعرف ما حالكم
ايهههههههىىىىىىىىىىىىىىىىىىىىىهىىىىىىىى مهبولة جيجي كيف ماتاكلي شالدحى
بالعكش اهو انقولك ديريه سفنزة لو عشان الريحة دير معاه كمون حوت وكثرى هريسة بس مش هلبة جنودة قصدك توا تتكلمى من الحوازة |
رد: حبيباتى سيدات ليبيا تفضلو لأعرف ما حالكم
بنات شوفو شن صار
قلت بما انه ضيوفى نفسهم ضيوف امى مانببش ناخذ حلويات من مرة خالى ووصيت جارة عمتى يللى ماشينيلها اليوم على أصابع الكنافة والمقروض جيجى حلو المحل بجد بس ممكن انتى مايعجبكش متعلمة بالمحلات تكون أسعارها ناار مش قصدى حاجة بس مرات مايمشيش معاك بس بجد حلو ورخييييييص وعاى قولتك على ألأقل الحوايج متع الطلوعانت العادية بس فيه حتى الراقيات يعنى كل ألأذواق |
رد: حبيباتى سيدات ليبيا تفضلو لأعرف ما حالكم
انا كنت بنعزم مرت صاحب راجلي العروسه وعزوزتها <<مرت عم راجلي
وانساوين اصحابه علي اساس الاحد لكن في آخر معاينة الدكتورة طلبت عليا الراحة راجلي قالي خلاص مافيش عزومة عارفينك حامل وهي اليوم ليها22يوم بس بنخليها سحور في رمضان وخلاص مع اني الحمد لله ماعنديش مشكله صح تعب لكن متعودة لما انهدرز مع خواتي وانقول جايني ضيوف غدوة يصدموا كيف عاديي مش انفكر وحارقه دمي عادي الحوش والحمد لله انضيف ومرتب بضيف او بخيرهم مجرد لفه عاديه علية والتطيب الساعه 2 ل4 انكمل وساعة تجهيز السفر وتبخير الحوش وساعة ليا ولبنتي وبس الساعه 6 انمون متفرغه للضيف وانا مرتاحة وقايمة بالواجب والزايد حتي خواتي لما انقوللهم تعالولي غدوة ايقولولي فكينا منك اتعبي في روحك كانا ضيوف وعلي قد منفهمهم اني مانتعبش شئ تعرفوا من شهر 3 ماحد جاني الا مرة اختي جتني فجاة ساعة وروحت |
رد: حبيباتى سيدات ليبيا تفضلو لأعرف ما حالكم
جيجى حلو المحل بجد بس ممكن انتى مايعجبكش متعلمة بالمحلات تكون أسعارها ناار
مش قصدى حاجة بس مرات مايمشيش معاك بس بجد حلو ورخييييييص وعاى قولتك على ألأقل الحوايج متع الطلوعانت العادية بس فيه حتى الراقيات يعنى كل ألأذواق بالعكس ياسوسو مش كل غالي حلو ممكن ايعيش واغسل والبس لكن النزاكة والتفصيل مش ديما تلقيه وحلو التنويع مره هكي ومره هكي |
رد: حبيباتى سيدات ليبيا تفضلو لأعرف ما حالكم
صليت وجيت
وضربت رنودة سلامتها تلات مرات ماما نبي ميه ونعطي فيه وكل مره تبزع فيها عالبورسلين تالت مرة ضربتها بس وجعتني مش متعودة نضرب فيه ضربتها علي يدها وشمالها ههههه مش بالقوه غير هي دلوعة ربي يحفظهالي |
رد: حبيباتى سيدات ليبيا تفضلو لأعرف ما حالكم
وين مشيتوا ياعسولات
|
رد: حبيباتى سيدات ليبيا تفضلو لأعرف ما حالكم
البارح بابا لما روح بيا فات خذى كبدة
وقال ديرينا بيها عشانا فى حوشى وجى هو وخوتى ونقالى قعد فى الشنطة وانا نجرى بين كياس المشتريات وبين اقطيع الكبدة وبين وقت على العشاء ورن النقال وماسمعه حد ولحظات واحنا كيف خلصنا عشاء وقاعدة السفرة قدامنا طق خالى ورته وامها وطبعا هما اقربنا ومن نفس العيلة دخلتهم للدار وقعد بابا وراجلى وخالى وخوتى فى الصة وطبعا ممكن تتخيلو الموقف الكوجينا ماتنشبحش ومعاش حتى عرفت نظم ولا نقعمز موقف لايحسد عليه بس الحمد لله مش مشكلى مر على خير وهدانى خالى سلسة فضة نااااعمة وحلوة وتهبل بنات شنو عناها نازكة |
رد: حبيباتى سيدات ليبيا تفضلو لأعرف ما حالكم
بنات شوفو اللقطة
كان عندى ضيوف فجأة ومامشيتش لعمتى خلينى نحكيلكم كنت نجهز فى نفسى عاساس زوجى يوصلنى لحوش عيالى باش بابا يرفعنا لعمتى وفجأة رن الهاتف وقالتلى حماتى خوالى كلهم جايينك اااااه ولله تضايقت وقريب تفجرت يعنى بابا يستنى وهما المفروض متكلمين قبلها قلت لراجلى ناقصينى حاجات يالله مش مهم مش كاتب ونظمت الحوش ووتيت الصفر وحطيت الشاهى على النار وعطرت الدنيا ولبست وجو وهدرزو ومستعجلين كله حكم جبته فى مرة وحدة وبس وتوا روحو كلمت بابا قلتله نمشو توا قال مرات نبطلو قلتله على راحتك |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
رايفت ع اوشــــي وشموسه
|
رد: حبيباتى سيدات ليبيا تفضلو لأعرف ما حالكم
أنت الذي خلق الله أصلك من صلصال من حمإ مسنون أنت الذي خلقك الله من ماء مهين أنت الذي خلقك الله في أحسن تقويم أنت الذي صورك الله في رحم أمك كيف يشاء. أنت الذي نزلت من بطن أمك باكيا والناس حولك يضحكون سرورا . أنت الذي كرمك الله وفضلك على كثير ممن خلق تفضيلا. أنت الذي بعث الله إليك رسله. أنت الذي خلقك الله لعبادته. أنت الذي تحداك الله بالمجيء بمثل هدا القرآن فعجزت. أنت الذي علمك الله ما لم تكن تعلم. أنت الذي علمك الله القلم. أنت الذي خلقك الله ضعيفا. أنت الذي إذا مسك الضر دعوت الله لجنبك أو قاعدا أو قائما. أنت الذي إذا أذاقك الله رحمة منه ثم نزعها يئست وقنطت. أنت الذي تدعو بالشر دعاءك بالخير. أنت الذي خلقت من عجل. أنت الذي تكثر الجدل. أنت الذي وصاك الله بوالديك حسنا. أنت الذي حملتك أمك وهنا على وهن. أنت الذي لا تسأم من دعاء الخير. أنت الذي تفر ح إذا أذاقك الله رحمة. أنت الذي يعلم الله ما توسوس به نفسك. أنت الذي تريد أن تفجر أمامك. أنت الذي تنبأ يوم القيامة بما قدمت وما أخرت. أنت الذي أتى عليك حين من الدهر لم تكن شيئا مدكورا. أنت الذي أمرت با لنظر ممّ خُلقت. أنت الذي تطغى إذا استغنيت. أنت الذي سخر الله لك الأنعام. أنت الذي أنزل لك الله من السماء ماءاً طهورا. أنت الذي سخر الله لك الليل والنهار والشمس والقمر. أنت الذي أنبت الله لك الزرع والزيتون والنخيل الأعناب. انت الذي جعل الله لك الليل لباسا والنهار معاشا. أنت الذي سخر الله لك البحر لتأكل منه لحما طريا. أنت الذي إن تعد نعمة الله عليك لا تحصيها. أنت الذي يعلم الله ما تسر وما تعلن. فاتق الله في سرك وعلنك. |
رد: حبيباتى سيدات ليبيا تفضلو لأعرف ما حالكم
مبارك ماشريتي سوسو لريومة تبيدهم بالهنا ان شالله
|
رد: حبيباتى سيدات ليبيا تفضلو لأعرف ما حالكم
السلام عليكم
لا مش من الحوازة كنت نتكلم قبل مانطلع ومشينا وطبعا جنبهم حياش عمهم جدد مزالوا ماسكونش فيهم كملوا الزواق القيتهم ينظفوا ويسيقوا عاونتهم رغم اني تعبانة والله في الاخير بدوا ينظفوا في الجنان معادش قدرت قعمزت وبديت ننعس |
رد: حبيباتى سيدات ليبيا تفضلو لأعرف ما حالكم
مبارك ماشريتي سوسو
وانتي شن خديتي حلوة الصالة فيها هلبة اختيارات واسعار مناسبة |
رد: حبيباتى سيدات ليبيا تفضلو لأعرف ما حالكم
نـــازكة معناها حلوة او أنيقة
لما يكون شي بسيط وحلو ربي يعطيك صحتك بس ضروري من التعب جيجي ومش قصة تعود اكيد الحركة وتطيبك اليومي ليك ولزوجك مش زي لما اطيب كمية كبيرة او لمجموعة وخصوصا انك بتسايري وبتقدميلهم المشاريب والحلويات فيها حركة وتبي تقدير كويس حتي اتقدمي كل شي قبل مايروحوا |
رد: حبيباتى سيدات ليبيا تفضلو لأعرف ما حالكم
توه درت حمام زيت لشعري موصيه عليه من تونس هو زيت صبار بخاخ روعة
لان شعري مع الحمل راح حاله ونتمني انقص منه حتي شوي لكن راجلي رافض زي ماقلتلكم شعري طويل ونعومته متوسطه يعني عادي مش اميه علي قولتنا ورنودة وبوها رفعها للدكان ناقصيني حاجات وممكن نمشوا للحوازه بكري بعد الفجر صعب نلقوا محل فاتح |
رد: حبيباتى سيدات ليبيا تفضلو لأعرف ما حالكم
اتتني اللمه اليوم في حوش بوي خواتي السته المتزوجات غادي
انا بس غياب آآآآهي عندي اختي اللي اكبر مني اتصلت بيا تتشمت قالتلي اقعدي بروحك امدايرين رشده بكبوكي وانا جايبه سفرة تقعيد عصبان امعبيه <<<تو شن انديرلها هادي هي تعرفوا علاش اديرلي هكي لانها هي ديما غياب في حوازتها وانا ديما نتصل ونسفه فيها علي لمتنا الحلوة <<<معناها تستاهلي ربي يحفظلي اميمتي من لما سمعتها اتكلم فيا كلمتني قالتلي دسيتلك حصتك في الفريز وماتعدليش عليها من لما حطينا العشا وهي اتقول خلو لخوخة <<<سلملي وخياتي يااااااربي جتني سلفتي بعد العصر كيف بنشوي الهمبرقر وامجهزه كل شئ وقليت حتي من الشرائح بالدحي والخبزه المرحية وعندي دلاع وتفاح وكوي ومشروب ومع الهمبرقر اتغدوا معانا هي وولادها وهدرزنا بعدها بساعه روحت |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
السلام عليكم
كيف روحو من ضيوف اااااااااه والله عياااااااااانه جيجي جيتى عالجرح انا ماعنديش خوات اهىءءءءءءءءءءءءءءءءءء الحمد لله |
رد: حبيباتى سيدات ليبيا تفضلو لأعرف ما حالكم
كيف حالك سوسو
|
رد: حبيباتى سيدات ليبيا تفضلو لأعرف ما حالكم
جيجي ماتمشيش لحوش اهل زوجك ؟؟؟؟؟؟
|
رد: حبيباتى سيدات ليبيا تفضلو لأعرف ما حالكم
أهلين نودة
عيونى بيتغمضو جنودة وامتعينك مش بانين فى الحوازة |
| الساعة الآن 01:51 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .