المشاركة الأصلية كتبت بواسطة ام كوتي (المشاركة 1750453)

انا هون ياحبيبات قلبي hwaml7 بعدني صامده يا ريت اولد و ارتاح من هالهم بس يالله خليه ينصحلو شوي مشان يجي كربوج

شيرين
يا حرامك ليش ما تدلليهم عالقليلة شوي بس مو كتير عشان ما تخربي طبعهم و بعدين البنت بتساعد امها و بتستاهل تتدلل بالمعقول
وسلامتك من الوجع انا كمان رجلي ورمت و نومي معاناه و بعدين شو هادا دمك كتير نازل حرام هيك ديري بالك وتغذي منيح شو رح يصير فيكي بس تولدي ما انتي رح ينزل منك دم كتير عنجد انتبهي لحالك منيح والله خوفتيني عليكي القصة اللي حكتيها عنجد رائعه دمعت عيني سبحان الله رحمته وسعت كل شئ

الله يهون ولادتنا يا رب كنت ناويه اخود ابرة الظهر بس حكولي بالاردن مو زي الخليج و سعودية و الاجانب بيعطوها دكاترة مقيمين وصارت اخطاء كتيره و رجعت احترت وين بدي اولد؟؟دكتورتي نصحتني بالتخصصي

بنت جبل الصنديان كيفك و شو اخبارك انشالله تكوني بلشتي تجهزي للولد (شكلو بين معك انو صبيhwaml11) الله ينتعك بالسلامة عقولة امي و تشوفيه بين ايديكي انشالله غير ادعيلك لمن اولد و لكل الصبايا الحوامل و يجعل ولادتك سهلة و ميسره عشان تشجعي وتضلي حامل بعدها بالتاني عطوول hwaml7 و الله انا لاني وحيده رحت حملت بالتاني بسرعه مشان بنتي ما تظل وحيده متلي انشالله الحمل الجاي اجيبلها اخت .نيالك عندك 6 خوات و الله الاخوات نعمه وبيساعدو كتير عالحياة


ايه الخطيب حياكي الله بينا و انشالله تقومي بالسلامه هاي صرنا تلاته بالتاسع انا و ياكي و شرين لنشوف مين بدها تولد ابكر hwaml7 ترا انا بحملي الاول ولدت بعد اسبوعين من التاسع من كتر الخوفhwaml03 ههههههههههه

المشاركة الأصلية كتبت بواسطة ام كوتي (المشاركة 1750453)

ايه الخطيب حياكي الله بينا و انشالله تقومي بالسلامه هاي صرنا تلاته بالتاسع انا و ياكي و شرين لنشوف مين بدها تولد ابكر hwaml7 ترا انا بحملي الاول ولدت بعد اسبوعين من التاسع من كتر الخوفhwaml03 ههههههههههه

المشاركة الأصلية كتبت بواسطة shireen (المشاركة 1750855)

بنت جبل الصنديان واية الخطيب طمنونا عنكم

المشاركة الأصلية كتبت بواسطة shireen (المشاركة 1750782)

هو مو اني مابدلل بالمرة بس يعني عل الخفيف والله وكمان مع الحمل اخلاقي ضيقة ومبطل استحمل حد وبعصب على اتفه شي ياريت عنجد اولد واخلص انا لسه دمي هيك تعدل شوي اول الحمل كان 6ونص وبعدين طلع لل 9 وبعدين هيو رجع نزل لل 7ونص مش عارفه ليش هيك عم يطلع وينزل معي والمشكله انه انا بوئت الولادة بيصيبني نزيف وبولاداتي اللي قبل ماكنت اهتم بحالي بالنفاس لاني كنت ادرس بالجامعه لهيك دمي بضل طول الوئت نازل

انا سمعت انه بالاردن اللي بيعطو ابرة الضهر مو شاطرين فيها كتير لانه مو الكل بياخدها ومش كل الناس بتعرفها بعكس اللي بالخليج انه كل وحده بتطلبها بتعرفي انا ببنتي ولدت بالاسراء بس ماحبيت تعاملهم بالمرة زفت عل الاخر الممرضة بتكون تصرخ عليكي ليش بتصرخي وانتي بتولدي اما ولادي التنين ولدتهم بالاستقلال دلاااال عل الاخر والممرضات روعه واللي بالغرف بيكونو فلبينيات كل شوي بيطلو عليكي كتير ارتحت عندهم بس هالمرة رح اولد بقطر هي اول مرة بولد بالدوحه وخايفة كتير بس الله يهونها

طيب نيالك اللي مابتاخدي التاسع كله انا لازم اخد اسبوع من العاشر معناته رح تولدي ئبلي (سباق مهوhwaml7)
الله يئومنا كلنا بالسلامة )))))كتيرة حكي بعرف بس استحملونيhwaml17

المشاركة الأصلية كتبت بواسطة آية الخطيب (المشاركة 1751324)

هلا ام كوتي تشرفت بمعرفتكم والله
ان شالله كلنا بنقوم بالسلامة
ما بتتخيلو بنات صارت الولادة عندي كابوس كل يوم بحلم فيها
الله يسهل عالجميع

المشاركة الأصلية كتبت بواسطة ام كوتي (المشاركة 1754185)

مين اللي سمعكhwaml5 ما انا بحس حالي لمن اكتب هون كاني بالعه راديو بس يالله مهينا بندردش و بنفضفض و بالنسبه لاولادك بكفي انك امهم هاد احسن دلالhwaml7hwaml60 و بعدين ما شاء الله عنك والله انك مثابرة دراسه وبيت و اولاد عنجد برافو عليكي اللي عرفتي تزبطي امورك بس حرام صحتك اهم من كل شي لانه اذا انتي منيحه رح تعرفي تديري كل شي منيح و على اكمل وجه هيك امي بتحكيلي
و شو كان تخصصك و باي جامعه بلكي طلعتي من نفس جامعتي بما انو احنا نفس العمر hwaml63

بتعرفي انا نفسي اشتغل رح اموت مشان اشتغل hwaml79لاني حاسه حالي نسيت دراستي و ضيعت سنين من عمري هيك بس لمن اطلع عبنتي و عالبيبي الجاي hwaml42و بقول وين بدي اتركهم و مين رح يعرف يربيهم متل ما بدي بصير خايفه اضيعهم و بحس حالي انانيه hwaml93

يا رب اولد و ارتاح من هالرعب اللي عايشته اصلا مشان هيك ما بكمل التاسع موعارفه فيه ليش هيك الاردن ما بتقدري تثقي باشي كل ما اقرر اخود الابره بتطلعي مليون نكشه و الولاده العاديه بتعرفيها طلوع الروح اهون منها عنجد اشي بقهرhwaml15 وكمان لسه مو عارفه وين بدي اولد كل ما اقرر مستشفى بسمع عنو قصص رعب فببطل شكلي رح اولد بالبيت هههههhwaml7

بنت جبل الصنديان مو مبينه هاليومين انشالله تكون منيحه والله اشتقنالها

المشاركة الأصلية كتبت بواسطة shireen (المشاركة 1755071)

يا هلا بام كوتي وتسلمي ياربي على هالمجامله هاد من زوءك

بالنسبة للدراسة والله كنت مشيتها بصعوبة وبطلوووووووووع الروح لخلصت بس الحمدلله انا دارسة شريعه بالجامعه الاردنية وانتي وين درستي وشو تخصصك
بس بتعرفي المعاناه اللي شفتها بدراستي وانا عندي ولاد بتخليني اشل فكرة الشغل نهائيا من بالي ولا يمكن افكر اشتغل عل الاقل بالوقت الحالي

عند مين بتراجعي اي دكتورة انا كنت عند الدكتورة خوله دعنا كانت اكتر اكتر من رائعه هالدكتورةhwaml7

وبالنسبة للراديو اللي بالعتو الله وكيلك من القرررف والملل بعيد عنك
لانه بتعرفي عايشة بقطر وماالي صاحبات كتير كل بنات الجامعه اللي كانو معي بالاردن ونادرا مانتواصل بس الله بعينhwaml4

المشاركة الأصلية كتبت بواسطة ام كوتي (المشاركة 1760495)

ابدا مو مجاملة اصلا ما بحب اجامل hwaml5 انا حكيت احساسي
و الدراسة بدها تعب و خصوصا مع المسؤؤليه اصلا لازم تفتخري بانجازك اي انا كنت اخر فصل بالجامعه لمن انخطبت و بالمووووووت لعرفت انجح بالمواد ههههههه والشريعه كتييييييير تخصص حلو بكفي رح تربي اولادك عالمسطرة انا خريجة اليرموك تخصص هندسة كهرباثية و دايما مكهربة الدنياhwaml9 بيني و بينك الوحده مو لازم تتزوج قبل ما تكون تخرجت و اشتغلت لانه كتير صعب بعدها تزبط امورها مع البيت و الاولاد و الشغل و بالذات لمن يتعودو عوجودك معهم عطول

انا براجع عند الدكتورة اميرة رشدي اذا بتعرفيها كمان ممتازه جدا و بتفش القلب و بتخاف ربنا كتير

تخيلي انا بالاردن و محرومه من صاحباتي ما في مجال اشوفهم ولا حتى بفضى احكي معهم كل وحده بمكان و عندها اشغال و ما بسترجي ازور حدا لانو بنتي لسه صغيرة وبسن الاكتشاف و كل شي بدها تبلكش فيه و تعرفه و يا عيني عند الناس محلا هالحركاتhwaml15 مشان هيك لا بطلع و لا بنزل الا عند دار اهلي بالاسبوع مره او حتى كل اسبوعين