الفرق بين الطلق الطبيعي والطلق الصناعي

[زوجي هو حياتي]

السلام عليكم بنات
موضوعي هو هل صحيح ان الطلق الطبيعي نفس الصناعي ولا الصناعي يكون مؤلم اكثر امنى الردود منكم وبالاخص من الي جربت الاثنين

[نور العيوووووون]

اممممم من تجربتي الطبيعي ابرد من الصناعي ويطوول اما الصناعي حار وسريع يعني ماتطولين بالطلق
الطبيعي ياخذ وقت بالنسبه لي يعني جاني الطلق ابظهر ولدت اخر الليل الصناعي اخذته مرتين بالكثير 3 ساعات وتولدين والله يهون علينا ياارب

[أم رزاان]

من تجربتي الطبيعي يتحملة الجسم مهما حار الطلق حار
اما الصناعي كان بصراحة كان فوق طاقة تحملي
ومع هذا ضليت ساعات طويلة وبالأخر مافتح الرحم !!
والنهااااية عملية قيصرية

ترى من وحدة لوحدة يختلف
على حسب تقبل الجسم وتساهيل رب العالمين

[أم القمر فيصل]

من تجربتي الطبيعي يتحملة الجسم مهما حار الطلق حار
اما الصناعي كان بصراحة كان فوق طاقة تحملي
ومع هذا ضليت ساعات طويلة وبالأخر مافتح الرحم !!
والنهااااية عملية قيصرية

ترى من وحدة لوحدة يختلف
على حسب تقبل الجسم وتساهيل رب العالمين

ريى يبارك لكى ببنتك ويقر عينك بيها بالدنيا والاخرة يا ام رزان

ويجزاكى خير على ولادتك وتعبك فيها
بالنسبه لى انا ولدت بالطلق الصناعى صدق حار لدرجة انى طلبت منهم يريحونى ويسوو قيصرى لاكن الحمد لله جاء فيصل طبيعى يعنى صبرو عليا الاطباء
بس الطلق الصناعى استمرو يعطونى تحاميل لمدة يومين كل 6 ساعات
بالاخير نزلت غرفة الولادة وجلست من 9 مساءا الين 3 الفجر بالطلق الصناعى بالمحاليل
يعنى طولت معهم هههههههههههههههههههه
بس كله بذكر الله يهون والله ييسر على الجميع

[na3ooma]

يمكن حبيبتي يعتمد على الجسم ,,
انا جربت الاثنين وكلهم زي بعض بالنسبة لي مالاحظت فرق ..الا انه الصناعي اسرع
على العموم الدكتورة قالت انه مافي شي اسمه طلق صناعي ....هو عبارة عن ابرة هرمون شبيه لهرمون الانقباضات يحقنوه علشان ينشط الهرمون الموجود بالجسم لكنه بطيء وبارد .
ولاحظت انه طلقي الطبيعي كان حار وموجود بولدي
وطلقي البارد اللي احتجت له ابرة الصناعي او المحفز كان طلق بناتي الاثنين ,,
حاليا حامل ببنت اللي يجيبها بصحه وعافية ... قلت كويس خلي طلقها بارد ويفتح الرحم براحته وبعدين اخذ لي الابرة وتسرعه واخلص بسرعه ..الله ييسر لي وييسر لكم ويسهل ولاداتنا

[شهرزاااد]

انا جربت الاثنين
الصناعي كان قوي وفوق تحملي وانا اخذته 3 مرات وكل مرة نفس الالم بس المدة تختلف
الطبيعي اهون بكثير وقدرت اتحمله

[زوجي هو حياتي]

انشاء الله اروح الاربعاء 7/3/2012 واعمل ولادة اصطناعية ادعولي يابنات

[قمر بعيون زوجي]

اهلين حبيبتي الله يسهل عليك وعلينا

بقولك بصراحه انا جربتهم اثنينهم اكيد الطلق الطبيعي احسن

بس يكون مره بطيئي يعني يبيلك يوم كامل ونتي تتولدين

بس الصناعي كل اللي اعرفهم ماياخذ اربع ساعات باذن الله وتلدي

اذاسهل ربي انا مافاد الصناعي معي لان الراس مو متجه صح للحوض

توكلي ع الله والله يسهل عليك وتقومين بالسلامه كذا ولاكذا كله تعب بتعب

[ياورد]

انا اشوف الطبيعي ارحم واسهل وبسرعه تولدين لاكن الصناعي والله انه تعب وقلق ومايفتح الرحم بسرعه
انا اخذت 7 تحميلات في ولادتي هاذي و3 ايام اثنين ونص الرحم مفتوح واخر شي سوت لي توسعه بالرحم بيدهااا لحد مافتح 4 سم بس والله تعب الطلق الصناعي

[النوري84]

انااااا حسسسيت اني مينوووونه بكر كنت وقالو لي طلقج بااارد بس من الصناعي تميييت اضرب نفسي واتحرك ابى اقووم اخلص بس صح سريع 4 ساعات وربيت