للأخواات الحسااااااااويات وووووووينكم؟؟؟ [الأرشيف]

حساوية دلع

01-10-2010, 04:35 AM

هلا وغلا بيكم حبايبي من اللي تعرف أفضل مستشفى في الاحساء للنساء والولادة دكتورة تعالج كويس ابغى دكتورة تعطيني معلومات أنا ماعرفها وتسئلني أسئلة؟؟
لان أنا أتعالج عند دكتورة في مستشفى الموسى أدخل عندها وأطلع نفس الشي بس تقول فيك شي اقول لها نعم او لا بس أو إذا بتسوي لي تحاليل بس واجد عليها وتعطيني هالحبوب يعني لو ماروح المستشفى افضل لي ماحس استفيد شي منها....

ايلاف

01-10-2010, 05:34 PM

ان شاء الله بنات الاحساء يشوفون موضوعك ويفيدونك
تقبلي مروري

كوثرية

01-10-2010, 06:59 PM

هلا والله عزيزتي حساوية دلع

أنا من أهل الحسا بس اللي أعرفه أن الحامل في وضعها الطبيعي ما تحتاج شيء
يعني أنا حملاتي الأولية كان وضعي طبيعي وراجعت في مستشفى النساء والولادة عند أخصائية ونفس الشيء ما تسأل أسئلة كثيرة تحسي وكأن مافي فايدة من المراجعة لكن الواقع من خلال هالأسئلةو البسيطة تعرف في شيء استثنائي غير طبيعي أولا

اللي تستفيد من الأخصائية الشاطرة هي اللي عندها حالة استثنائية، وإذا وضعك طبيعي ماراح تستفيدي شيء إلا المخاسير....

جربت مرة من المرات راجعت عند أخصائية معروفة ولما حست أني أبي تفاصيل كتبت لي أمور أنا ما احتاجها من قبيل أنواع أشعة ومنظار مهبلي وما ادري شنو وكل اللي جنيته خسارة فلوس قربت الألف والنتيجة نفس المستوصف الصحي اللي عندنا ولما قلت للدكتورة اللي في النساء والولادة قالت لي ماكان في داعي لهذا كله لو كنتي تحتاجي كتبنا لك

حساوية دلع

01-12-2010, 12:43 AM

مشكورة كوثرية على الرد وتشرفت بمعرفتك أنك من الحسا ياهلا وغلا بيك
أنا أبغى أخصائية لأن أتعالج على حساب شركة زوجي يعني أنا ماخسر اي شي لكذا ماأبغى مستوصف وأنا الحمدلله في وضع طبيعي..

كوثرية

01-12-2010, 10:35 AM

أنا ما قصدت المخاسير بس
اللي قصدته إذا وضعك طبيعي ماراح تستفيدين من الأخصائية شيء غير عن اللي تستفيدينه من المستوصف الصحي .

على كل حال مستوصف الموسى مشهور كثير ومعروف بالتميز، وإذا ماعجبك أنا سمعت كثير يمدحون في دكتورة مستوصف حسين العلي ( مستوصف الزهراء سابقاً ) كانت مصرية . أسمع يقولون عنها شاطرة لكنها تكتب لك أشياء واجد ما تحتاجينها عشان تربح المستوصف، وإذا انتي تتعالجين على حساب زوجك ما يضرك خل تكتب لك اللي تبي . hwaml7

زهرة اللوتس

01-12-2010, 02:32 PM

معليش يابنات الحسا بطلع عن الموضوع بس بسالكم كيف الحسا وكيف العيشه فيه ؟؟؟وحده من قريباتي بتتزوج في الصيف وزوجها يشتغل عندكم وهي خايفه عشان ماتعرف احد

كوثرية

01-12-2010, 02:56 PM

معليش يابنات الحسا بطلع عن الموضوع بس بسالكم كيف الحسا وكيف العيشه فيه ؟؟؟وحده من قريباتي بتتزوج في الصيف وزوجها يشتغل عندكم وهي خايفه عشان ماتعرف احد

ياربي على أهل الحسا

يجننون ماعندهم شر

قولي الها لاتصدق الخرافات عن أهل الحسا تراهم اندماجيين وخدومين وبسرعة يصيرون أهل وحبايب بالخصوص من يعرفونك غريبة hwaml29

معروفين بالإجتماعية كثير

وعندهم تمر واجد ونخيل الحسا تروح الهم hwaml72

بس هي وين بتسكن من مناطق الأحساء ؟

حساوية دلع

01-13-2010, 04:19 AM

مشكورة اختي كوثرية على مشاركتك في موضوعي وأنا عرفت انك ماتقصدي الخساير وأنا معك في كل اللي تقولينه يعني لو الوحده على حسابها ولا فيها شي حرام تروح عندهم المستوصف افضل لها والله يوفقك وأن شاءالله اخدمك في الأفراح...
وزهرة اللوتس ...هلا بيها أختي في الحسا بس بصراحه الحسا حلوة وماتخوف والعيشة فيها مثل اي مكان ثاني لاتخاف من شي وعلى حسب المنطقة اللي بتسكن فيها هي تحدد وانتي قولي المنطقة وحنا نقولك راينا فيها ؟؟

حساوية دلع

01-14-2010, 01:34 PM

الله في هذا المنتدى الطويل العريض مافي الا أنا وكوثرية حساااويات ماصدق؟؟

أم عبدالله

01-14-2010, 07:16 PM

hwaml16حيااااااااااااااااااااااااااااااالله بناااات الاحساء كلهم
لافرق الله شملهم..ولايهنون البااااقين
على راسي..
انا حساويه والحمدلله اتعالج في المانع عند دكتوره اسمهاااا
منال جمال..والحمد لله احسها مريحتني كتيييير...hwaml13
وانا اتابع معها من بداية زواجي يعني قيل احمل...

وبالتوفييييييق الله يسهل علينااااا...

ساجده

01-15-2010, 04:19 PM

وانا بعد من الاحساء بس اتعالج بالحكومه
من بعد ارامكو والمانع والموسى صرت حكومه بعدين
بس احس حلوين لابأس فيهم يعني تسالني وتعطيني نصائح
وتقولي اكلي سوي كذ1 تعلمني بكل شي وتحط علي الصوت حق النبض
وتشوف الوزن والظغط يعني عجبني وضعهم من بعد الرفض لهذي المستشفيات
تحياتي غلاي

زهرة اللوتس

01-15-2010, 05:52 PM

حي الخالديه كيف يابنات

حساوية دلع

01-18-2010, 04:25 AM

مشكورة أم عبدالله يسلموووووووووووو

عطر كل الورود

04-16-2010, 10:00 PM

هلا بنات انا انضم اليكم انا حساويه بس للا سف عايش برياض

منى المحبين

04-17-2010, 01:41 AM

انا اتعالج في ستوصف حسين العلي المسمى بالزهراء

عند دكتوره نانيس صلاح الدين

يعني اي مشكله اشتكي منها تفيدني وتعالجني

كوثرية

04-17-2010, 05:59 AM

حي الخالديه كيف يابنات

للأسف حبيبتي زهرة اللوتس

بالنسبة لي صحيح أحسائية لكن ما أعرف عن الأحساء ومناطقها كثير

لأني يوم كنت عزوبية ما كنت أحب أطلع من البيت أصصصصصصلاً

ويوم تزوجت سافرت على طول وإلى يومك هذا وأنا ما استقريت في الأحساء، لذلك ماعندي خبرة عن مناطقها hwaml5

جاوبوها يا حساويات hwaml4

فيونكهـ فوشيهـ

04-17-2010, 01:01 PM

هلا بيك اختي حساويه دلع
أنا من الحسا بس والله مادري عن مستشفياتهم الصراحه
لأني ساكنه في نيوزلندا بس انشااء الله البنات يفيدونك

يارب عفوك

04-17-2010, 01:45 PM

انا في عيادة الدكتور جميل خطاب..

عند الدكتوره رجااااااااء..ممتازه مره

dana_dana

04-18-2010, 12:12 AM

مرحبا
الخالدية حي حلوووو سكانه طيبين وطمنيها بانها راح تنبسط كثير فيهاااا والله يوفقها ويسعدها

طال العنا

04-18-2010, 01:45 AM

سؤال للأخوات الحساويات

هل أهل الأحساء شيعه؟؟؟

ا

فيونكهـ فوشيهـ

04-18-2010, 11:38 AM

سؤال للأخوات الحساويات

هل أهل الأحساء شيعه؟؟؟

ا

هلا بيك اختي الصراحه مو كلهم شيعه بس اكثرهم شيعه وحتى اذا انهم سنه ماراح تلاقين كثير سنه
بس الصراحه الحسا روعه مشتاقه لها ولأهلها

بنوته حايل

04-18-2010, 11:47 AM

مرحبا والله فيكي انا من اهل حايل بس ساكنه الاحساء وصراحه مره رروعه ماتوقعتها ..
وبخصوص المستوصف تسالين عنه انا ارجع من مستوصف منبر الهدى عن د/عفت .مره روووعه صراحه...

كوثرية

04-18-2010, 01:56 PM

سؤال للأخوات الحساويات

هل أهل الأحساء شيعه؟؟؟

في نسبة كبيرة منهم شيعة وتعتبر الأحساء أكبر تجمع شيعي في المملكة، لكن بعد فيها سنة

وبعدين ترى في كثير صور غلط عن طوائف المسلمين الشيعة يخافون من السنة والسنة يخافون من الشيعة والسبب هذرة فاضية

وإذا اجتمعوا كل واحد فيهم شاف الثاني طبيعي ولا فيه ما يقال !!

غنوجة خالد

04-18-2010, 03:09 PM

لالالالالالا حبيبتي مش كلهم شيعه فيهم سنه وبعدين ايش الفرق بين السنه والشيعه

حساوية دلع

04-19-2010, 01:09 AM

مشكوررررررررين كل من شاركني في موضوعي يسلموووووووووووووو....

انا الحين استغريت في مستشفى الموسى لاني سمعت انه كثيرر ممتاز باقي لي كم يوم وادخل السابع
ادعو لي الله يتمم علي حملي ويرزقني الذرية الصالحه بنت او ولد عادي اهم شي اشوفه بصحة وسلامة
وبالنسبه للاخت اللي تسئل عن السنه والشيعه فيها سنه وشيعه وفي اماكن يسكنوها شيعه واماكن السنه واماكن الاثنين عندك الصالحيه كلها سنه وعتقد الخالديه بعد اما القرى كلها شيعه..

احبك ماما

04-19-2010, 05:08 PM

يااااااااااااااااااا حلو الحساء واهلهاااااااااااااا وربي اموت فيهم
ناس مسالمين وطيبين وحبوبين ...
والي تسال عن الشيعه ؟؟ اي فيهاا كثير شيعه بس في حالهم وعايشين حياتهم ماعليهم من احد ..
وهم فيهاا سنه ...لكن مو مختلطين في منطقه وحده لا في مناطق شيعيه وفي مناطق سنيه ...
..............................
ومستشفيات الاحساء كلهم تمااااااااااام وروعه الا النساء والولاده والله معاناه وماساه ...ماحبيته ولا ارتحت فيه ....

غروب

04-19-2010, 06:54 PM

انا من الاحساء اي والله مشتاقة لها جدااااالكن للاسف عايشة بالدمام

دنيتى غريبه

04-19-2010, 11:05 PM

عندك مستفى الحرس الوطنى اخت زوجى توها من اسبوعين والد عندهم تقول حلوين ماعليهم كلام
اذا انتى تتعالجين على حساب زوجك تامين شوفى اذا الحرس الوطنى شامل علاج روحى عندهم

فدي تاهل الحساء وانا بعد حساويه ولافرق بين عربي واعجمى الا بتقوى منطقه اللى انا عايشه فيها مختلطين سنه مع شيعه ولا يفرقون بعض عداى عندهم كانهم اهل بس احين الله يهدى الجميع صارت تفرقه وهذره على فاضيه حياه الله اختك قولى لها اهل الحساء يرحبون فيك

ولاااء

04-23-2010, 01:40 AM

أنا اراجع في مستوصف المواساة عند دكتورة ماجدة عاشور

تمشي على البرنامج وتسوي اللي فيه وماتتكلم كثير واذا سألتيها تجاوبك وبس

حامل نعومه

04-23-2010, 01:50 AM

انا من الحساا واراجع في مستوصف جميل خطااب الدكتوره غاده
مره نايس

أسرار جورية

04-28-2010, 06:47 AM

أنا مش من الأحساء بس ساكنة في الأحساء، وأراجع عند الموسى، ما عليهم أي كلام

وبالنسبة للي تسأل عن أهل الحسا ترى من جد يجننون من سنتهم ومن شيعتهم
أنا ساكنة في حي خليط من سنة وشيعة بس يا محلانا إذا التمينا يوم الخميس العصر أو يوم الجمعة العصر، قلوبنا على بعضنا ولا تحسين بأي فرق

جارتي اللي ساكنة حدي بالضبط شيعية وهي مرة كبيرة وعندها بنات من عمري، تخاف عليي من نسمة الهوا لما قلت الها اني غريبة في الحسا

ما تتصورين حتى إذا سافر زوجي العمل تقول لا تبقي في بيتك تعالي عندي ونامي مع بناتي، وصحيح إذا سافر زوجي أنام عندها لأن بيتي كبير وأخاف لوحدي فيه .

ولما ولدت ببنتي أخذوني عندهم فترة 7 أيام واعتنوا فيني وماقصروا لا هي ولا بناتها إلى أن جات أمي من الحج وأخذتني وجلست معي في البيت الله يجزاها خير

في الفترة اللي كنت في بيت جارتي كانوا جاراتي كلهم يتعاونون عَلَي، يعني مرات تشوفين وحدة تجيب لي الغدا ـ وطبعاً بيت جارتي كله محسوب معانا ـ ووحدة تجيب لي العشا، ووحدة تجيب النا أطباق الحلو للضيوف، وهذا كله كان من سنة وشيعة .

من جد بكيت فَرَح في نفاسي لما شفت وقفتهم معاي، وكنت أول ما تعيّن زوجي في الحسا أحن عليه أبيه ينقل، الآن لااااا

أم فاطمة

04-28-2010, 08:46 AM

الحمد لله واخيرا جا من يعترف بكرمنا وعدم تفرقتنا لبعض
والله يدوم المحبة بين الاهل والجيران

غنوجة خالد

04-28-2010, 01:49 PM

الحساء حساك لو الزمن نساك

غنوجة خالد

04-28-2010, 01:50 PM

بنات نبي نعرف كم وحدة حساويه في المنتدى يا الله رفعو الرقم انا

1
1
1
من بعدي

منى المحبين

04-28-2010, 02:55 PM

انا بعد 2
2
2

كوثرية

04-28-2010, 03:12 PM

أنا
3
3
3

M!Ss p!nk

04-28-2010, 03:30 PM

انا
4
4
4
4
hwaml7
بس حاليا ساكنه بالدمام

غنوجة خالد

04-28-2010, 03:46 PM

بس الاصل حساوووووووووويه فديت اهل الحساء

يا الله بس وين الباقي

يارب عفوك

04-28-2010, 09:20 PM

انا

5
5
5
5
5

سماء الاحساء

06-05-2010, 11:34 PM

هلا وغلا فيكم حبايب قلبي وبنات ديرتي انا من الاحساء اتمنى منكم تدعولي لاني في شهري التاسع وعديت متوقع الولادة واحس الاام تجيني بس مادري شنو اسوي اروح المستشفى او انتظردعواتتكم لي

احساس أُم

06-06-2010, 01:18 AM

انا الحساويه رقم 666666666

...انا جديدة بالمنتدى كنت ادور عن مستوصف زين بالاحساء ولقيت المنتدى واسجل فيه
وكنت ناويه اكتب موضوع بسلقيت هنا نفس مشكلتي <<<<<بتقص قصه حياتها

المهم حبيباتي الحساويات ولا يهونون الباقيات ...

اعرفكم بنفسي ....

انا اختكم حساويه ... من اهل السنه والحمد لله ....

وبالنسبه للي تسال عن السنه والشيعه.. الحساء فيها وفيها ماتقولين اكثرها سنه ولا تقولين اكثرها شيعه

واحنا عايشين مع بعض مثل العسل وانا عن نفسي اعرف بنات شيعيات وعلاقتي فيهم روعه

وبعدين ياقلبي الدين المعامله ..

والي تسال عن العيشه في الحساء.. اقولك الاحساء يكفيني هواها ويشفي علتي شربي لمها

وانا يشرفني انضم لكم ...

وبالنسبه للغاليه صاحبه الموضوع ...

بالنسبه للمراجعه اذا ماتعانين من اي شي .. الحمدلله تروحين علشان تسوين سونار وتطمنين وخلاص

انا كذا شهريا لازم اسوي سونار واتطمن

واذا فيه شي اقوله للدكتورة ...

والله يعينك على الموسى .... بصراحه رحت له يومين ورى بعض نظامهم ززززززززززززززززززززفت واسمحو لي على الكلمه

نجي لقصتي ...

انا اتابع في مستشفى عبيد عند الدكتورة اسماء انا الحمدلله مرتاحه لها

لكن هالمرة تفاجئت انهم غيرو دوامها صار من الساعه 6 الى الساعه 10

والناس تجي وتحجز من الساعه 4 وتجي متاخرة

والي يجي الساعه 5 ينتظر رقمه للساعه 9 ونص و10

وانا وحدة ما احب اتاخر كنت متعودة يدوب ساعه بالكثير او ساعه ونص

والتحاليل اسويها واطلع ساعه وارجع لكن مع هالوضع صعب مررررررررررة اني انتضر للساعه 10

وصعبه اني اطلع مشوار نص ساعه علشان احجز وارجع

فانا هنا افكر في مستوصف المغلوث والا مستشفى علاج الي عند الحكير

اذا تعرفون شي عنهم ...

ما بي زحمه وابي دكتورة زينه

انتظركم ..

قمر وتدلع

06-06-2010, 01:44 AM

انا مثلك من الاحساء انصحك تروحين مستشفى الهفوف الوطني عند الدكتوره سلوى

احساس أُم

06-07-2010, 12:12 AM

تسلمين ياقلبي على الرد

بس هذا بعييييييييييييييييييد

خلاص ان شاء الله بروح مستوصف المغلوث

الحق المبين

06-07-2010, 01:21 PM

انا رقم77777777
بالنسبه للمستوصفات انا ما اتابع الا عند الحكومه بس اذا حسيت بشي اروح اي مستشفي خاص هالمره رحت عند دكتوره نانيس في مستوصف حسين العلي واحسها زينه وبنسبه ان الحساء كلهم شيعه اقولك انها تشمل الاثنين السنه والشيعه وكلنا واحد الله لايفرق علينا كلآ في حاله بس لاني ربه بيتماعندي احتكاك واجد مع اخوانى السنه مادري عنهم شي 0000

يارب عفوك

06-07-2010, 01:23 PM

بنات مقهوره اللي اراجع عندها بتسافر في رجب
ومن اروح عند وحده تقول بسافر

كلن بهج مصر واحنا وش نسوي اهئ

حبيبي

06-07-2010, 03:28 PM

يارب عفوك انا نفس حالتك واخر شي حولوني على دكتور ههههههههههه وشكله الي بتولد بلجازه بيولدونها الي ينظفون بلمستشفى لانه كل المصريات الدكاتره تسافر

اميرة بدنيتي

06-07-2010, 03:49 PM

افضل دكتورة عندي دكتورة ماجده

بمستوصف المواساة عليها اخلاق عاليه

وبالنسبه لاهل الحسا شيعه وسنه مافي فرق بينهم

الله يدوم هالنعمه علينا

بالنسبه لزهرة اللوتس

حي الخالديه

حي راقي جدا ومطور مره وسكانه من السنه

انا حساويه رقم 8888888888888888

ادعو الله

06-29-2010, 11:43 PM

في مستشفى الاحساء الدكتوره غاده روعه بس بعد اقولك لا تفكرين كثير تتعبين علا جك رب العالمين صدقيني وحده مجربه

فـجر

07-19-2010, 04:56 PM

هلا والله

أعرف مستوصف أسمه الملحم عندهم دكتورهـ أسمها سميه حييييييييييييييل ممتازهـ

أمي طول فترهـ الحمل كانت عندها ، أنصحج فيها :)

نور عيني

07-19-2010, 06:39 PM

هلا وغلا حساويه وافتخر انا اختي تتابع بمستشفى المانع بس عند دكتور مادري وش اسمه لانه شاطر مرة والله يسهل علينا يااارب

ليدي1

07-20-2010, 06:36 PM

انا مقيمة بلاحساء
والله موعارفه وين اولد
منهم قالو لي مشفى خاص افضل ومنهم قالو المستشفى الولاده لان اكبر
وخصوصا انا قيصريه بدي اولد لان عندي مشاكل من قبل بسقط ومرة توفى ابني بعد ماجبته ومره توفى بطني بشهر الخامس

لهيك حددو لي قيصريه

بس اخاف من مشفى الولاده ناس تذمه وناس تمدحو
وومشفى الخاص يقولو مافي غير دكتورة نسائيه ودكتور التخدير
مومتل الولاده

طيب شورايكم انتو الولاده او مشفى العبيد
اتمنى تدعو لي معي يومين كي اولد

حبة السكر

01-25-2011, 03:31 AM

انا الحساويه رقم 9... سنيه ..
واللي تساهل عن اهل الحسا ترى اطيب منهم ماااااااافي ... اجتماعيين كثيير وواصلين ببعض .. ومره طيبين ...
لو احكيلك من اليوم لبكره مايكفي الكلام ...
وبالنسبه للسنه والشيعه .. انا سنيه ... وجاتني وظيفه مؤقته في منطقه كلهم شيعه ..درستهم .. اقسم بالله طيباااات وخلووقاااات ومحترمات جدا جدا جدا لا طالبات ولا معلمات...

بحكي لكم قصتي...
انا متزوجه من سنه بالضبط... ولين الحين ماحملت ..
بديت من الشهر السادس بعد الزواج بعمل الفحوصات انا وزوجي ... كل شي سليم الحمدلله..
تابعت الست شهور اللي راحت عند الدكتور عبدالفتاح بمستوصف النعيم... الكل مدحه .. والكل يقول انه افضل دكتور وخبره اكثر من 20 سنه..
المهم في البدايه تابعت عنده التبويض ولا ربي كتب لي الحمل..وبعده عطاني كلوميد شهرين ورا بعض ولا ربي كتب لي الحمل .. والشهر اللي بعده ماعطاني شي.. الشهر اللي عقبه عطاني ابره منشطه وحده وابره تفجيريه ولا ربي كتب.. الشهر اللي بعده اللي هو الشهر اللي راح قرر انه يعطيني 4ابر منشطه بس ترددت كثير وخفت اخذها ولا لا.. استخرت ولا اخذتها قلت بتكل على رب العالمين ولا حملت هالشهر ...نزلت الدوره بعد تاخرها 3 ايام تقريبا
من جد ضايق صدري وافكر كثير بالموضوع... ومتابعه تبويضي الحمدلله كويس..
ولا يصير حمل ...
الحمدلله على كل حال
بنات ايش رايكم اغير الدكتور ؟؟ولا تنصحوني بشي اسويه وماسويته؟؟؟
انا ودي اسوي اشعة الصبغه ماسويتها بس زوجي يقول لاتسوينها الحين اصبري
انا على وشك اخلص من الدوره ومره محتاره ... وش اسوي سااااااااااعدووووني

حساويه عسل

01-25-2011, 04:20 AM

انا اتابع بمستشفى الاحساء عند الاستشاري محمود

ابي اسأل حد جرب الولاده الطبيعيه بمستشفى الاحساء

او يعرف حد ولد بالمستشفى هذا كيف عنايتهم

انا جربت الاطفال مررره عنايتهم حلوه ونظافه ولا اروع

غلآ

05-12-2011, 05:46 AM

آنـآ حسـآويـه.رررقم 10 .شيعيه

بالنسبـه لي آهل الاحساء طيبيين مره

ربي يحفظهـآ ومآعندنآ فرق شيعه ولاسنه

حمدالله كلللنا اخوان عايشن مع بعض ندرس مع بعض

نااكل من نفس الاكل ونشرب من نفس المااي

حمدالله

وبالنسبه للي تسـأل آنـآ آفضل الولاده في مستشفى الولاده آمي تمدح ولادتهم كثير

ووووآمـآ آمـآ لسى مآ آلله كتب لي

دعوآتكم

*قلب(H)حبيبي*

05-12-2011, 01:27 PM

أنا حساوية رقم 11 .. شيعية
و ما عندنا فرق بين سنه وشيعة

و أنا أتابع عند الدكتورة غادة بالمانع
بالنسبة لي تماام

هدوء انثى

05-12-2011, 05:57 PM

دكتوره رجاء في مستوصف النسائي بالمبرز..شارع النجاح
رووووووووووووووووووووووووووووووعه عسلللللللل تعطيك معلومات ونصايح بابتسامه
واذا حبيتي تساليها تجاوبك بصدر رحب
بصراحه هي وجه خير علي ومرتاحه معها ومعظم البنات حولوا عندها بسبب سمعتها الطيبه
انصحك بها
فتح الملف ب45 ريال

هدوء انثى

05-12-2011, 06:03 PM

طال العنا

وين الموضوع ووين سؤالك...وش دخل اهل الاحساء شيعه في السؤال عن افضل دكتوره
هل لابد من الفتنه في هالمنتدى؟؟
عموما الاحساء مزيج بين سنه وشيعه
والحمدلله احباب...واللي يحقد يحقد على حاله ورب يحمي الجميع
من جد مااحب هالنوعيه من الاسئله..الله يعينكم ع انفسكم

ام الشقرا

05-22-2011, 08:00 AM

ياحلاتكم بنات تهبلووون

يارب على طول قلووبنا ع بعض سنه وشيعه الحمدلله رب العالميين

انا بلثاامن ومحتاره اولد بالاطفال والا الاحسااء

وحابه اسالكم بكم ابرة الظهر كم سعرهاا وهل هي شامله مع سعر الولاده ولا لحالها

ومين فيكم تعرف دكتوره نجوى بالادريسي شرايكم فيها وهل هى شاطره في تحديد جنس المولوود