انا في حاله صعبه محتاجه لأهل الشرقيه عامه وبنات الحسا خاصه

[حياتي زوجي]

السلام عليكم خواتي
بدخل في الموضوع على طووول
انا تعبانه لدرجه لاتوصف محتاجه مساعدتكم

صار لي سنه ونص ماحملت وكل التحالييل سليمه لي وانا وزوجي واستخدمت كولوميد وابر وهم مافي فايده الحمد لله على كل حال
اخيرا بعد الخوف والعذاب قررت اسوي اشعه صبغه قلت يمكن لاقدر الله المشكله عندي في الانابيب واخذت موعد ورحت امس ومتجهزة وقبل لاادخل الا اسمع صوت هالي تصارخ كأنها بتموت ولما دخلت الغرفه وشفت السرير والاجهزة ودكتورتين وممرضتين قمت اصيح اتخيلت الوضع جنب الامه لا ومافي بنج كامل يعطووني ابرة ترخي عضلاتي في الوريد على قولتهم شالفايده انا مابي اتألم لأني اعرف روحي ماتحمل قالت لي الدكتورة شوفي هذي الي قبلك تألمت وعادي قلت لهاا هذي امي وانا بنتها يعني المرأة كان عمرها عالاغلب بنهايه الثلاثينات وانا توي 20 قمت اصييييييح وماسككتت وانا انفظ من الخوف وبعدين كتبت تعهد اني انا اجلت الموعد من الخووف

ارجوكم مين الي سوتها ببنج وشنو صار بعد البنج وفي اي مستشفى ؟؟ يفضل بالحسا او الدمام او الخبرر

ارجووكم جاوبوني مالي غيرركم بعد الله تعبت

[حياتي زوجي]

ابي اعرف شنو اسم المستشفى والطيببه واهم شي شلون حالتك بعد البنج كل شي تفصيليااً والاسعاار واللخ خاايفه حدي

[برّو !]

ياريت اقدر افيدك
بس ماعندي خلفيه عن المووضوع والله

الله يرزقك يارب 

[لحظة إحسآس]

والله ماعندي فكره عن اشعة الصبغة
\
الله يرزقك الذريه الصالحه والسليمه
خلي املك بالله قووي ..
،
آعرف وحده تزوجت ولها 5 سنين ماجابت عيال وهي تموت شيء اسمه اطفال
.. وربي صبرت لين الله اعطاها وعوضها
..
الله يسهل لك وتحملين في القريب العاجل ياربَ

[حياتي زوجي]

مشكوورين ؟

بس والباقي ؟؟

[*قلب(H)حبيبي*]

الله يعوض صبرك خير بس و الله ما عندي فكرة عن أشعة الصبغة الله يرزقك الذرية الصالحة حبيبتي

[ام الحبيب]

حبيبتي انا سويت أشعة صبغة بس صدقيني مو لدرجه هاذي توجع صح انك تحسي بالالم بس بسيط جدا" وصدقيني لاتسمعي كلام فلانه وعلانه كل وحده وحسب تحمله في بعض الحريم الله يهديهم كل شي يخافو منه بعدين حطي ابالك ان كل شي يهون علشان اشوف ضناي واضغط على نفسى واتحمل بعدين حبيبتي قبل لاتعملينها يعطونك مسكن وفيه حريم سواه وماحسوباي شي هذا معناه ان الانابيب مسدودة والي تتالم معناه انابيبه سليمه كلام دكتورة اتوكلي على الله وسويها تحملي ساعه بس وربي يرزقك انشاء الله .

[همسات ام]

يا اختي هي شنو تجي اشعة الصبغه جنب الطلق والولاده؟؟؟ ولاقطره في بحر اللي تخاف ماتحمل واللي تحمل ماتخاف ياقلبي
شوفي انا لما اولد ما اصرخ مهما حصل لما يعصرني الم الطلق اظل ابكي بدون صوت ماتشوفين بس دموعي وفي نسوان يقلبو الدنيا بالصريخ هي كلها ولاده وطلق ومافيها الم اكثر والم اقل بس في نسوان الله شاهرهم
وبعدين هي كلها ربع ساعه حتى لو كانت مؤلمه تخلص ثقي بالله والم ساعه والا الم دوم يا اختي وفعلا مابقالك غير اشعة الصبغه لان اللي ماعدها مشاكل تمنع الحمل ولا تحمل يشكون بالانابيب ممكن يكون فيها انسداد
وهذي الابر فعلا تهون الالم وفي كثير بنات يقولون المها مثل الم الدورة ولا اكثر انتي بس قوي قلبك واستعيني بالصبر واعمليها وربي يجعل فيها شفاكي ويكتبلك الحمل انشاء الله*

[الجنة تحت اقدام الامهات]

حبيبتي انا سويت الاشعه في مستشفى الروضه في الدمام وهي مؤلمه بس مو لهذه الدرجه المها مقدور عليه وبعدين هي علاجيه اكثر من انها تشخصيه توكلي على الله وسويها ربما تكون سبب في حملك ومدتها اقل من خمس دقائق يعني لاتخافي وكمان مايستاهل انك تاخذي بنج ابدا

[حياتي زوجي]

مشكوورين

بس ابي تجاارب اكثر واسماء مستشفيات ودكتوورة زينه خايفه

[غلاهم]

هلا والله ياقلبي

انا فلم مع اشعة الصبغه استمر تقريباً ثلاث شهور بس واخيرا جات الحلقه الاخيره وان شاء الله تكون سعيده ههههههههههه
ادري بتقولين راااقيه بس والله ياقلبي ان اهم شي في العلاج الراحه النفسيه ثم الراحه ثم الراحه

وانا قريت موضوعك وتوني مريت بنفسسسس تجربتك وخوف وحاله مايعلم فيها الا ربك

انا كنت اعالج عند مستوصف جميل خطاب تقريبا قبل شهرين وكشفت لي وقالت كل شي سليم سألتني سويتي اشعة الصبغه قلت لها لا مع العلم اني
كنت ارجع عند كذا مستوصف قبل ولا دكتوره طلبت هالاشعه مني الموووهم يوم قالت لي وادخل ع النت واقرا عنها وعن تجارب اللي عملوووها اللي تطمنك واللي تخوفك توكلت ع الله وعملتها بالمستوصف قالت لي تعالي قبل بساعه علشان نعطيك مسكنات وجيت عطوني ابرتين في الورك وحبه تحت اللسان مدري وش فايدتها
ورحت غرفة الاشعه وجات الدكتوره انا اللي قريته ان هالاشعه ماتأخذ الا 20 دقيقه الى نص ساعه والدكتوره جلست تحوس تحوس ساعه كامله وانا بموت من الالم وفي النهاية قالت لي بكل بساطه عنق الرحم عنك ضيق ولازم تروحين مستشفى بنج كامل ومنظار علشان عملية توسيع لعنق الرحم
انا طلعت من المستوصف بصياحي وضاق صدري وقلت خلاص ماابي شي ولا مسويه شي

بعد شهرين وطبعا في هالشهرين تركت المستوصفات وارتحت من الادويه والتحاليل واشتقت لطفل اضمه واحضنه قلت بروح المستشفى واقوي قلبي
رحت مستشفى المانع بالاحساء قلت بروح للدكتوره غاده اذا كنتي سمعتي فيها وطلعت مسافره اجازه رحت للدكتوره حنان اسألتني اساله وقلت لها عن اشعة الصبغه قالت خلاص حجزي موعد عند الاشعه واذا خلصت الدوره تعالي وطبعا في هالاسبوع لا ليلي ليل ولا نهاري نهار حتى النوم ماقمت انام مثل الناس وليلة اليوم الي بسوي فيه الاشعه مانمت الابعد الفجر وطلعا كانت الاشعه الساعه 10 الصباح وقالت تعال 9.30 ورحت لقسم الاشعه بالمستشفى طبعا غرفة الاشعه مايدخل معك احد حتى زوجك توكلت ع ربي وفوضت امري له وقسم بالله حسيت اني يوم القيامه وانا بلحالي مع ان في ممرضه مصريه في قسم الاشعه عسسسسل حليوووه تسولف وتضحك وتحاول تزيل التوتر اللي انا فيه وانا بموت من الخوف اسألتني اول مره تسوينها قلت لها اانا كنت قبل بسويها في مستوصف بس قالو عنق الرحم عندك ضيق قالت من الخوف تتقلص عضلات اللرحم لازم تسترخين عطتني ابره في الورك بعد ربع ساعه جات الدكتوره وبدت في حقن الصبغه اكذب عليك اذا قلت مافي الم بس مثل الم الدوره يعني مو جديد عليك و الالم لازم ولازم تستحملين لاجل تشوفين طفلك وتضمينه كل شي يهون وهذا اللي كان تفكيري في ذيك اللحظه وهي فتره بسيييييييطه تقريبا 20 دقيقه تحقن الصبغه وتاخذ كم صوره للرحم وخلتني عشر دقايق وقالت بجي اخذ صوره مره ثانيه طبعا اشوى في هالعشر الدقايق اسمحو لزوجي يدخل علي وهدأت اعصابي اشوي ..

قالت لي النتيجه بكره وجيت اليوم الثاني ودخلت ع الدكتوره وقالت لي عندك انبوب من الانابيب مسكر بس هذا مايمنع الحمل وانا الحين لي اسبوع من سويتها والحين في فترة التبويض دعووووووووواتك لي بالحمل هالشهر يااااااااارب وانتي لاتحاتين ولا تشيلين هم وكلي امرك لربك وسويها ويارب بعدها ماتشوفين الدوره الا في نفاسك يااااااااااااارب

ادري قصييييت لك قصة حياتي هههههههههههههههه

دعوووووووواتك لي بالذريه الصالحه والحمل هالشهر ياااااااارب ولا اشوف الدوره الا بعد تسع شهور ياااااااااارب

[مثايل]

السلام عليكم انا بتكلم عن تجربتي انا سويت اشعه الصبغه وصدقيني مثل ماقالوا اخواتي كل وحده وتحملها انا سويتها بمستشفى الولادة وصدقيني مافي اخوف مني ,,,هع ... انا مجرد ماشفت السرير خفت بس توكلت على الله وقلت لادامني ابي اشوف ضناي اتحمل واضحي عشانه سويتها تخيلي وهم يسونها لي استغفر واسبح واذكر الله والحمدالله زال الالم عني مااقولج انا طلعت غطوتي بجهه ونقابي بجهه))))هع بس طلعت بنتيجه حلوة سليمه والله الحمد ماعليج من كلام حد وكثري من لاستغفار واقري سورة البقرة كامله قبل تسوينها
وان شاء الله ياربي تقر عيووننا بطفل يفرحنا بهالدنيا احنا وكل محرومه يارب

[سماح واكد]

حبيبتي انا من فلسطين وحالتي مثل حالتك بضبط وقررت اني اعمل اشعة الصبغة وكنت كثير خايفة منها ب الحمد الله عدت على خير ما بتوجع كير وجعها مثل الدورة الشهرية بضبط اتوكلي على اللهى وعمليها وان اشا الله خير وطمنينا عنك وبشرينا انا و الحمد لله ما طلع عندي شي ب بنتظر الحمل بعد اذن رب العباد ان شاء الله

[سماح واكد]

حبيبتي انا سويتها ما بتوجع لهذة الدرجة اتوكلي على الله وسويها

[امل4]

بسم الله الرحمن الرحيم
غاليتي وانا اضم صوتي وكلمتي لاخواتي اللي سبقنني فاقول لك
وانا لما مشيت اسويها ماكنت اعرف عنها شيئ ودخلت وانا مش عارفة ايه هي ولا اعرف كيف تتعمل ودخلت بكل هدوء مستغفرة الله وسويتها وبكل بساطة واقولك وجعتني لكن فتلك اللحظة كنت افكر بالحمل وبطفلي ولم افكر بالالم مطلقا نزلت دومي وانا اسويها لكن عدا الامر في لحظات بسيطة جدا
تقبلي مروري اموووله