انا وعوار ظهري

[علووويه]

بنااات الحقووني وربي مو قادرة انام ولا ارتاح من عوار ظهري
انا اليوم لي17 يوم من الابره التفجيريه و15 يوم من التلقيح
بس مشكلتي بعوار ظهري مايبي يفارقني جم يوم ومن امس وصل حده بالالم
ومو عافه شسوي
ومن ناحيه التحليل انا رافضته ومقرره اني انسى سالفة الحمل بس هالظهر خرب علي
مع اني كل ما اخذ الابرة التفجيريه تنزل علي الدوره باليوم 16 مجربتها كذا مره
المهم ابيكم تنصحووني بوضع اسويه او اي شي يخفف الالم
جزاكم الله خيرر

[سليل الجود]

ان شاء تكوني حامل

[ريم2009]

ان شاااااااء الله حاااامل افحصي بالبيت وراح يبان ان شاااء الله .

[علووويه]

تسلمووون حبيباتي على رفع معنوياتي
بس انا حالفه ما احلل الا بعدها باسبووع

اوكي انا نفسكم حاسه ان في حمل لان صدري ذابحني
واذا نمت على بطني عشان يرتاح ظهري احس بعوار تحت السرة

جد خايفه لا يكون انذار من اجهاض
قلت لزوجي بعد المسكين متعقد يقولي ما تحللين الحين
يدري لو ما طلعت حامل بسوي افلام بجي

[غيآبك حيل دمرني]

ي رب حمل حاولي ترتاحي

[علووويه]

تسلمين اختي غيابك عالدعاء الله يتمم لج حملج يارب

وانا من باب الاحتياط مقلله الحركه ومتوكله على ربي من بداية هالشهر

[غيآبك حيل دمرني]

الله يسلمك غناتي
دعواتك ليآ ان الله يخفف عني الوحام هلكني
وي رب تبشرينا بحملك قريب

[نور منوره]

الظهري ولله نفسي حييييل تاعبني

والدوره متاخره بس أنا متأكده مافي حمل لان حركه عند زوجي صفر



بس اشرب الحوار ارتاح


انتي خلي املك بالله واستغفري

يارب ياحي ياقيوم يارحيم لايحرمك فرحه خبر حملك


ياررررررب

[همسات ام]

انا اتفق معاكي اختي اجلي التحليل شويه بعد
بالنسبه لظهرك لاتحاولي تاخذي مسكنات ولاتحاولي تخلي شي حار على ظهرك لتقليل الالم
اصبري واتحملي وانا حاسه فيكي جدا معليش تحملي حبيبتي وانشاء الله يعوض صبرك خير
ربي يرزقك الحمل هالشهر ويفرح قلبك

[أسيرة زوجي]

حاولي تريحي حالك و بعد مرور موعد الدورة بأيام حللي و إن شاء الله حامل يا رب
لأن أعراض الحمل تشبه أعراض الدورة
يا رب تكونين حامل و تبشرينا

[علووويه]

ثانكس بنات عالردود
اند همسات صج معاج حق لاني قبل شوي اخذت شور بماي حار حيل ابي ارتاح
بالدورة اسوي جذي اصير ما احس بشي
بس تو والماي ينزل على ظهري يزيد العوار لدرجة ما قدرت اكمل
وربي حتى نوم ما نمت عدل
دعواتكم بنااات الله يكتب اللي فيه خير

[غربة]

اختي ربي يتمم عليكي وتكوني حامل يااارب انتي لاتاخدي اي ادوية وداري حالك هل يومين وان شاء الله خير
حبيبتي اللي بدو اولاد بدو يتحمل وممكن وجع ظهرك يرافقك كل اشهر حملك لاسمح الله
انتي طولي بالك وانسي الوجع وفكري انو كرمال البيبي رح تتحملي كل شي وان شاء الله خير يااارب

[علووويه]

تسلمين غربة وكلامج مثل اللي اقوله اتحمل اي شي بس اشوف بيبي يترس علي دنيتي ويفرح فيه ابوه
بس اخاف بعد كل هالتعب ماااكو حمل

الله كريم يارب يارب نسالك الفرج ورفع البلاء عني وعن اخواتي في المنتدى

[عاشقة الأمل]

إصبري حبيبتي وإن شاء الله حامل وسوي الحمل مثل ماحلفتي بعد أسبوع أحسن