بنات ليبيا نبي مساعدتكم***افكار السبوع

[saly.me.91]

http://forum.hwaml.com/imgcache2/hwaml.com_1329059765_309.gif

http://forum.hwaml.com/imgcache2/hwaml.com_1329058958_456.gif (http://www.rooo7i.net/smiles)

كيف حالكم يا احلى بنات وكيف حال عويلتكم
مشكورين لدخولكم لموضوعيhttp://forum.hwaml.com/imgcache2/hwaml.com_1329058958_687.gif (http://www.rooo7i.net/smiles)


http://forum.hwaml.com/imgcache2/hwaml.com_1329058958_453.gif (http://www.rooo7i.net/smiles)

انا انفكر من توا في موضوع استقبال الضيوف بعد الولادة ان شاءالله على خير والسبوع ولا اللمة المهم مانيش عارفة شن اندير لاني بصراحة ماعنديش من واقف معاي فلهذا نبي نرتب افكاري من توا


نبي افكاركم للايامات الاولى بعد النفاس والزيارات اللي في الحوش وانا بنكون دايرة عملية ف شن نقدم وشن نلبس ووين نقعمز<<<<خخخخ مافاهمه شي


والسبوع مش شر ط بعد اسبوع المهم شن اندير فيه
مرات طاولات في خيمة ومرات نقول صحون في صالتي مع انها مش كبيرة هلبا خمسة في السبعه


http://forum.hwaml.com/imgcache2/hwaml.com_1329058958_518.gif (http://www.rooo7i.net/smiles)

اي استفسار يختص بموضوعي باش تساعدوني اسألوني وانا نجاوب
ونبي مساعداتكم الله يخليكم
ومشكورااات


http://forum.hwaml.com/imgcache2/hwaml.com_1329058958_422.gif (http://www.rooo7i.net/smiles)

[عيون زوجي]

السلام عليكم رح نكتبلك اقتراحاتي ويارب ما تمتسح مني ههههههههههههه
يارب يخلصك على خيررررررر

[عيون زوجي]

http://forum.hwaml.com/imgcache2/hwaml.com_1329065075_685.gif


انبشرك اني كتبت هالرد 5 مرااات ويارب يوصلك هالمرة تعبت بجد ...

الايام الاولى:

ويارب ترجعي لحوشك بالسلامة ليك وللنونوات
لازم تجهزي حجرة تستقبلي فيها العيله واتحطي فيها سرير فردي لانك رح تكوني تعبانه من الخياطة واختاري مفرش حلو وانيق من توا

http://forum.hwaml.com/imgcache2/hwaml.com_1329065070_592.jpg

وننصحك اتخلي صغويرتك في دار نومك ما يشوفهمش كل واحد لان العين حق اتسبلي قولي راجلي راقد معاهم او راقدين او الدكتور قال مناعتهم اضعيفه ومش لازم ايخش اعليهم حد الا امهم دبري راسك نصحتك لله في الله

- ولو انتي فاضيه هالايام ومكسدة خوذيلك فكرة من النت وزيني باب الدار

http://forum.hwaml.com/imgcache2/hwaml.com_1329065076_296.jpg


طبعا اتكون الشكلاطة من اول مرة جاهزة على الطاولة في علبه او سله او صندوق انتي واختيارك
واشري اي نوع اتحبيه انا انفضل جالكسي جواهر وميرسي

http://forum.hwaml.com/imgcache2/hwaml.com_1329065089_683.jpg


http://forum.hwaml.com/imgcache2/hwaml.com_1329065077_553.gif


http://forum.hwaml.com/imgcache2/hwaml.com_1329065067_607.jpg


وقدمي معهم عصير اي نوع ما يهمش لانهم مش برانيه

ومن اتخشي شهرك وقبل موعد عمليتك بايام بري اشري من مراه معروفه ومشكورة او معمل 3 انواع حلويااات
مثلا:
المقروض الليبي الرائع
http://forum.hwaml.com/imgcache2/hwaml.com_1329065090_972.jpg

وخوذي معاه نوعين تانيين للتقديم

http://forum.hwaml.com/imgcache2/hwaml.com_1329065074_540.jpg


وقدميهم مع الشاهي او القهوة

http://t3.gstatic.com/images?q=tbn:ANd9GcTJAZvPMokZs7qPZX2xEoY8tbVaSYxCK 7pk_jFt6uFwKUBDhj6kow&t=1


وبعدها انتم وعوايدكم احني لازم طبيخة الحلبه والعصيده
http://forum.hwaml.com/imgcache2/hwaml.com_1329065084_801.jpg


http://t0.gstatic.com/images?q=tbn:ANd9GcQpiSO1fbeCS0xUKnwQ-BVS1rGVdAjsMGCq4u5uhhqq6rPseIcC5Q&t=1


وانحطوا فاكهه

http://travel.maktoob.com/vb/picture.php?albumid=11714&pictureid=483724


وفي النهاية للعيلة انديروا طاسة شاهي باللوز
http://forum.hwaml.com/imgcache2/hwaml.com_1329065085_531.jpg



هذا للعيله ناسك وناسه
اما بخصوص السبوع رح نبدأ تاني:


يتبع
hwaml16

[عيون زوجي]

شيلوني بحنيه ....ترى ماما تعبت فيا

شيلوني بحنان ......انا عطية الرحمن

شيلوني بخفه..... ده انا لسه باللفه

[عيون زوجي]

وينك يا بت يا سالي hwaml03....ماعلقتيش عالاول باش نبدا في التاني hwaml7 ؟؟؟

[عيون زوجي]

http://forum.hwaml.com/imgcache2/hwaml.com_1329070804_766.jpg

[زهرة2000]

عيون ما شاء الله عليك ماخليتينش حاجه هههههههههههههههههه شوفى اللقطات حلوات

[عيون زوجي]

الله يسلمك يا زهرة نبي نعرف حتى اني عاداتكم انتم اهل بنغازي كيف بالتفصيل وانتي بالذات شنو ناويه اديري في خلاصك على خيرر يارب؟؟؟

[زهرة2000]

نحن ياستى لما تطلع الجايبه من المستشفى يفرشولها سرير حلو ويديرو العصيده والتمر والحويره لو تعرفوها ههههههه فى الاغلب تكون العائله موجوده يقدمو عصير وشوكلاته وبعده العصيده ويدبحو ويديرو رز ومحشي ولاحاجه مسقيه وخلاص وبعدين الى يجى فى الايام التانيات عصير وقهوه وخلاص ويسالى ع اللمه وطبعا اللمه ياسلام هههههههههههه
فى ناس يديرو فى رز بالخلطه طبعا فى سوانى وكم نوع موالح غير القهوه وكم نوع حلويات وعصير وشوكلاته تكون فخمه جلاكسي او فريرو روشي واو مرسي والفروت سلات والبونبيونيره يكون فيها لعبه وملبس وشوكلاطه والمكسرات وفى ناس تحط مترد مكسرات وخلاص
فى ناس يديرو فى الفتات (المتروده) بالمكسرات والعسل ومعها تمر معجون وحويره وكم نوع موالح والقهوه والحلويات وباقى الحاجات الى فوق

[يقين]

مشالله عيوووووون وفيتي وكفيتي
بس ليا رجعه نحكيلك علي اسبوع العيله عندنا لان في ورفله اللي هادا يدير فيه بشكل بس في عيلتنا في اسبار وحاجات يمكن يفيدوك

[زهرة2000]

انا ان شاء الله حندير عصير فرش ومعه فريرو روشيه وبعدها قهوه ومقروض لايعلاء عليه الصراحه ونوع بالمكسرات ونوع بالشوكلاوته وممكن نوع تانى بعده صوانى رز بالخلطه ومعه اسياخ دجاج بالبطاطا وكبه ونوعين تانين ممكن كباب وبقلاوه حاره معاهم مشروب غازى بعده مترد كبير مكسرات وتورته او اى نوع قاتو حلو وجديد ممكن كب كيك بعدها فروت سلات والبوبونيره حقه نحن نديرو فى لوبان وبخوره فى تحف اديرو فيهم انتم ولالا وخلاص هما طبعا يزلفولى نهاهم بعد هدا كله ما يزلفوش اقل شي 10 وير هكى مش حناخد هههههههههههههههههههههه يارب نولد بالسلامه والباقى كله ساهل

[عيون زوجي]

سالي رغم انك ما جيتيش لكن رح نكملوا قصة السبوع

انتي بديري في الحوش وانا ننصحك اديريه في خيمة وتجيبي شغالتين عالاقل وحدة لغسل الماعين والتانيه للتقديم ممكن الزوز يجوك ب 80 دينار مع بعض

اولا:

- لازم اتخممي شنو تلبسي انتي لانك انتي عروس الحدث والعين اعليك

-ننصحك تقري اذكارك واتحصني روحك وصغارك بالرقيه الشرعيه وما اطلعيش اصغارك نهائي حذرتك...

-في العادة في طرابلس النافس تلبس لبسه عربيه زي البدلة الصغيرة وتمشي للمزين لكن لا تحني ولا تلبس شنبير

http://t0.gstatic.com/images?q=tbn:ANd9GcTbG9iKMF4CFQI5EPG4y2hzBJjx5elMr VC5mG-rLxreYNAENvxd&t=1


او اللبسة الشرقاويه لكسر المعتاد والفجرة ( الفضه) :

http://forum.hwaml.com/imgcache2/hwaml.com_1329076824_701.jpg

وممكن ساعه بالكثير واتبدلي تلبسي شي واسع ومريح يساعدك عالحركة وانك ترحبي وتسلمي وتاخذي الرمي ( الفلوس) ههههههههههه

زي الجلابيات الخليجيه او المغربيه وخاصة انتي بطنك كبيرررررة ههههههه

http://forum.hwaml.com/imgcache2/hwaml.com_1329076834_207.gif


ويمشي معاك المغربي لانك قلتي انك طويله لونغو

http://forum.hwaml.com/imgcache2/hwaml.com_1329076835_748.png


اتحطي طاوله في باب الاستقبال اعليها مترد الشكلاتة ويحبذ لو تكون مغلفة ومفتلكه
http://forum.hwaml.com/imgcache2/hwaml.com_1329076831_477.jpg


http://forum.hwaml.com/imgcache2/hwaml.com_1297883287_436.jpg


التغليف شئ شكلي تقدري تستغني اعليه لانه مكلف اشوي صح حلوو بس مرات يوصل سعر التغليف بس لل 200 دينار

ولما يلتموا احبابك ومش بالضرورة كلهم كل مجموعه معينه توصل قدميلهم الروزاطة والعبمبر
ممكن تحسبيها كل لتر يطلع من 4 ل 5 اكواب وكيلو العبمبر حوالي 30 طرف لو ما انسيتش
http://forum.hwaml.com/imgcache2/hwaml.com_1329076836_945.jpg

وممكن اتقدمي عصير هافانا الطبيعي وما يستاهلش اتمدي معاه شي هو اغلى من الروزاطة متاع اللوز بشوي

http://forum.hwaml.com/imgcache2/hwaml.com_1329076830_879.jpghttp://t0.gstatic.com/images?q=tbn:ANd9GcSs_BWKqBXP9y0rmHOHddHJS1Os5kdrf m3RTA2Ip0AWjWD2N6vC&t=1

ونجوا للحلو متاع الشاهي او النسكافيه انتي شنو اتحبي بس في الحوش الشاهي اسهل

[عيون زوجي]

انا ان شاء الله حندير عصير فرش ومعه فريرو روشيه وبعدها قهوه ومقروض لايعلاء عليه الصراحه ونوع بالمكسرات ونوع بالشوكلاوته وممكن نوع تانى بعده صوانى رز بالخلطه ومعه اسياخ دجاج بالبطاطا وكبه ونوعين تانين ممكن كباب وبقلاوه حاره معاهم مشروب غازى بعده مترد كبير مكسرات وتورته او اى نوع قاتو حلو وجديد ممكن كب كيك بعدها فروت سلات والبوبونيره حقه نحن نديرو فى لوبان وبخوره فى تحف اديرو فيهم انتم ولالا وخلاص هما طبعا يزلفولى نهاهم بعد هدا كله ما يزلفوش اقل شي 10 وير هكى مش حناخد هههههههههههههههههههههه يارب نولد بالسلامه والباقى كله ساهل

يارب تولدي بالسلامة hwaml7 وبرنامجك حلو وراقي ويشبه لعاداتنا في طرابلس
بس ما قلتيش شنو تلبسوا وشنو تلبسوا البيبي

[saly.me.91]

اي عيون كمليلي شوقتيني حلوات افكارك
بس عصير الهافانا وين نلقاه

[عيون زوجي]

الحلووو جينا لمربط الفرس ههههههه لانه الشئ يلي عليه العين والبطن ههههههه

- ممكن اتقدمي مع النسكافه او الشاهي

http://forum.hwaml.com/imgcache2/hwaml.com_1329078565_121.png

باكو امغلف فيه 3 انواع حلويات راقيه بالمكسرات والشكلاطة ....

http://t0.gstatic.com/images?q=tbn:ANd9GcThq_naS8uxY_PnohRJirEFCCahsCl_W tghhvv3SXlbg-PQRXlc&t=1http://forum.hwaml.com/imgcache2/hwaml.com_1329078568_766.jpg



- او اتقدمي كب كيك لان منظره روعه للسبوع وهو موضه توا

http://t3.gstatic.com/images?q=tbn:ANd9GcTm_mxesV2GQe73IWMUn8wGO33FgOFzK qX8Y3MYOeWrv_8R4klyVw&t=1
http://forum.hwaml.com/imgcache2/hwaml.com_1329078561_563.jpg


- او كيكة موس الشكلاطة والكنافه بالقشطة ( موضه قديمه)

http://forum.hwaml.com/imgcache2/hwaml.com_1329078555_716.jpg


- بس الكنافه النابلسيه ايم يم يم اتجنن لو درتيها اعزميني هههههه

http://forum.hwaml.com/imgcache2/hwaml.com_1329078564_598.jpg


http://forum.hwaml.com/imgcache2/hwaml.com_1329078560_530.jpg


وتوا وصلنا للعشي الوجبه الرئيسيه والمهمه جدا جدا

[عيون زوجي]

اي عيون كمليلي شوقتيني حلوات افكارك
بس عصير الهافانا وين نلقاه

اخيرا شرفتي يا حلوة وين كنتي

العصير تلقيه في محل في قرقارش اسمه هافانا ويبعثوا معاك الماكينه ووحده عامله تصنعه فريش بس السعر تو نسئلك بنت حماتي داراته في حفلتها

[زهرة2000]

قصدى لوبان وسواك ههههههههههههه اديرو فيهن ولالالا بالنسبه للبس بدله حلوة قصيره متلا قفطان تيير او بنطلون وبدى حلو لكن مش عربي زيكم انا استربت وحده جايبه تلبس عربي صعب ولالالاههههههههه تحسيه يبي جهد والبيبي تلبسيه لبسه حلوى وخلاص

[زهرة2000]

شرفت الهانم سالى وسعو الطريق حولى من قدامها عيون وين وين ياماما

[عيون زوجي]

لو بتذبحي وبديري عقيقه صح مكلف ماشاءالله بس رح يكون عندك لحم هلبه وما اتخمميش في العشي
- في الحوش انفضل المسقي ( قعاد) لان الحار والصواني لو معازيمك فوق ال 100 صعب اتسخنيه وتقدميه اسخون في نفس الوقت في الصاله ساهل لان الافران متاعم كبيرة والتقديم ساهل

شن رايك اتقعدي وخلاص دري رز او اي شئ مسقي

http://forum.hwaml.com/imgcache2/hwaml.com_1329081274_258.jpg


ديري معاه مخللات وسلاطة وامبطن وشئ تاني زي طاجين اجبن او فلفل محشي او بوريك

http://forum.hwaml.com/imgcache2/hwaml.com_1329081276_273.jpg


-وممكن تلغي الاطباق الجانبيه وتخلي الرز او الكسكسي مع السلاطة والمخللات بس

والمشروب طبعا...

-بعد العشي خلاااص كملنا هههههه
اتجهزي باكوات المكسرات والكونفيتي
http://forum.hwaml.com/imgcache2/hwaml.com_1329081273_768.jpg

المكسرات تقدري من البدايه اديري على كل طاوله مترد فيه مكسرات يتسلوا فيها المعازيم

وتقدري تلغي الملبس وترتاحي من تكاليفه مش شئ اساسي
http://forum.hwaml.com/imgcache2/hwaml.com_1329081281_333.jpg


وما ننسوش باكو البقلاوة

http://forum.hwaml.com/imgcache2/hwaml.com_1329081277_378.png


فيه منو ايدير باكوات هدايا باكو فيه حصن المسلم وطرف شكلاطة مغلف ومزين وملبس وتحفه على شكل مولود وملبس ومرات مصاصات مزينه
لما تمشي لمحل الشكلاطة تحيري وتحتاري من الافكار يلي يعطيهالك
http://forum.hwaml.com/imgcache2/hwaml.com_1329081289_115.jpg

http://forum.hwaml.com/imgcache2/hwaml.com_1329081288_903.jpg
http://forum.hwaml.com/imgcache2/hwaml.com_1329081289_288.jpg

http://forum.hwaml.com/imgcache2/hwaml.com_1329081276_662.jpg


http://forum.hwaml.com/imgcache2/hwaml.com_1329081282_133.jpg

http://forum.hwaml.com/imgcache2/hwaml.com_1329081283_680.png

[عيون زوجي]

قصدى لوبان وسواك ههههههههههههه اديرو فيهن ولالالا بالنسبه للبس بدله حلوة قصيره متلا قفطان تيير او بنطلون وبدى حلو لكن مش عربي زيكم انا استربت وحده جايبه تلبس عربي صعب ولالالاههههههههه تحسيه يبي جهد والبيبي تلبسيه لبسه حلوى وخلاص

انديروا فيه بس مش كلنا ناس دون ناس والربي لبسته في السبوع من عاداتنا الحلوة ونحبوها

[عيون زوجي]

وماتنسيش الوشق كدسيه من توا لانه يشرح الصدر وشعار حوش كل نافس


http://t3.gstatic.com/images?q=tbn:ANd9GcTXEdLh4yvobN3yhBkz1MH1W1RgjcZlf e8zbJuUzdJdDuocuaxPDA&t=1

للعلم ليس له علاقه بالحمايه من العين هادي خرافه وشركيات انما للريحه وتوسيعه الصدر

[saly.me.91]

ايه الوشق نموووووووووت فيه ريحته اتهبل
ماشالله عليك يابنية اتهبلي انا نعرف الحاجات هذي
بس نبي من يرشدني شن اندير وشن انخلي
وانتى ماشالله كفيتي ووفيتي ربي يبارك فيك وفي صغارك
ونردهولك لما تجيبي انا نعطيك افكار خخخخخخخ<<<<لا فالحه
المهم مشكووووورة هلللبا وكان عندي استفسار تاني اكيد نتفضل
في اي وقت عارفاتك وخيتي ومش ح تبخلي عليا
الله يعطيك العافية على تعبك

[الواثقة بالله ..]

السلام عليكم ورحمة الله وبركاته ...

ساليتو ... كيف حالك ياحبيبة وكيف حال البيبيات ... طبعا كالعادة ... مواضيعك لازم يطيحوا بين ايديا .... هههه


آني حنقولك بالنسبة لعاداتنا كطرابلسية ... والبرنامج اللي ماشية عليه عيلتنا الفترة هادي ... ماهو كل فترة موضة ... ههه

برنامجنا ياستي كالتالي ...

طبعا اول ماتجيبي في العيادة لازم يكون عندك شكلاطة قنينة كواليتي ستريت او باتشي او فيريرو روشيه ... لأن كيف بتجيبي يعني لأنك نضتي والحمد لله بالسلامة اول حاجة توزعي شكلاطة على الممرضات اللي في القسم اللي جبتي فيه وكان في دكتورات ودكاترة موجودات وفي هادي الحالة اكثر حاجة اطيح كمية كبيرة كواليتي ستريت... وبعدين القراب منك هلبة اللي بيسمع بيجيك .. زي عماتك وخالاتك والخوات ... وامالي راجلك زي عزوزتك وحماواتك وكان عندك سلفات واماليك طبعا هما في الغالب اللي بيستلموا تقديم الشكلاطة للي بيجي في العيادة .. وبيكونوا القراب هلبا .... باهي ..

وبعدين كيف تطلع النافس من العيادة .... يبدوا الناس يسئلوا يقولوا شني بتدير اسبوع والا نلموا بعضنا وانجوا والا بتدير هيا لمات في الحوش وهادي كل حاجة وليها برنامجها... طبعا في حالة ان يسمعوا بيها انها بتدير اسبوع فكل واحد يشد مكانه لين تجيه عزومة السبوع ... لكن في الأسبوع الأول ... يجو في حوشك العمات والخالات وكان الحناني موجودين يعني مش شرط يعتمد على المقربين في العيلة ... وامها طبعا وكان عندها وخيات لازم للعوالة طبعا كله كله يوم والا يومين هادوا كان العمات يلموا بعضهم في هضاكا اليوم وهادي جية الأقارب هلبا يعني كمعزة خاصة انهم ماعتبروش روحهم برانية وبيقعدوا للصالة بس فيجوا ... والجية هادي اللي يندار فيها .. عصير وشكلاطة " مش روزاطة وعبمبر " بحكم ان في اسبوع بعدين ... وبعدين طويسة شاهي معاها حلويات .. وفي الغالب في الأيام هادي تكون الحلويات الزمنية يعني مقروض وغريبة وكعيكات ... وبعدبن ياحنة ... " العصيدة بالرب " " وعصيدة بالعسل والسمن " لازم يكونوا موجودين الخيارين .. بش اللي مايحبش حاجة ياخد الثانية ...
وبعدها على حسب في اللي يكتفوا بالحاجة هادي بس .. وفي اللي يدير فاكهة او فروت سلط .. وبعدين كان تبي تعطي كويسات مكسرات بما اني مانشوفش فيها لازمة ماداما بعدين في اسبوع او الأفضل عندي انها تندار المكسرات في متيرد كبير ومعاه صوينيات صغيرة وكلينكس ويلودوا بيه بعد الحلاوات والشاهي وقبل العصيدة آني انحب اللقطة هادي اكثر في الحوش احلى من الكويسات .. وهادوا ياحنا الأقارب هلبا ...

كويس ... وبعدين في اليوم السابع .. انديروا العقيقة .. اللي هوا ندبحوا ... وتصير عزومة رجالة ... عندنا اللي يديروا فيها في الصالة وعندنا اللي يديروا فيها في الحوش " كل قدير وقدره " .. يدبحوا ويديروا حاجة بصيلة " رز بالبصلة والا كسكسي " ومعاها سلاطة ومسير وزيتون ومعاها بوريك وامبطن او واحد منهم كان تبي وطبعا المشروب وبعدين الفاكهة ..... وفي اللي يقول للعمات وبنات العمات والخالات وبنات الخالات والقراب في هذا اليوم يجوا بش يحضروا ويعولوا في نفس الوقت البنيات ههه ويصير جو يهبببل في هادي الحالة كيف يعرفوا انهم يوم العقيقة بيجوا فمايجوش يوم قبلها يقعدوا ليوم العقيقة ..

وبعدين تحدد موعد اسبوعها آمتى ماتبي وتوتي برنامجها ...

وبش نضمن ان الرسالة ماتمتسحش وتكون طويلة هلبا توا انكمل الباقي في رد ثاني ...

[الواثقة بالله ..]

آآه ونسيت نقولك ان عندنا البيبي الأول للبنت اغلب حوايجه وحاجاته تشريهم ام النافس باهي يعني " اميمته " البيبي.. وفي يوم بعد ماتروح النافس لحوشها يجيبوا الحوايج هادوا ... طبعا وفي تفتليك في طريقة جيبة الحويجات وحاجات البيبي يعني يحطوهم في سويبيتات او كويتيات الهدايا الكبار او كل واحد وفكرته .. ويلفوهم لفة قنينة المهم يلتفوا وينحطوا بطريقة حلوة ونويزكة طبعا سويبيت فيه الشويشات والحاجات هادي وسويبيت في الكنيدرات والشخيشيرات وسويبيت فيه البديلات وسويبيت للكولونيا والشامبو والبودرة وعود تنظيف الوذان امتع البيبي وقصاص الظوافر وفرشة الشهر وووووو كل سويبيت وحاجاته .. المهم حتى هادي كل قدير وقدره في اللي يطلعوا بأفكار جديدة ويتفننوا في الحاجة هادي وفي اللي يجيبوهم بطريقة عادية جدا يعني كل واحد وقدرته وهادي بعض الأفكار من النت

http://forum.hwaml.com/imgcache2/hwaml.com_1329148103_684.jpg

http://forum.hwaml.com/imgcache2/hwaml.com_1329148106_753.jpg

http://forum.hwaml.com/imgcache2/hwaml.com_1329148104_370.jpg

http://forum.hwaml.com/imgcache2/hwaml.com_1329148108_177.jpg

http://forum.hwaml.com/imgcache2/hwaml.com_1329148107_465.jpg

http://forum.hwaml.com/imgcache2/hwaml.com_1329148102_520.jpg

http://forum.hwaml.com/imgcache2/hwaml.com_1329148104_620.jpg

http://forum.hwaml.com/imgcache2/hwaml.com_1329148107_397.jpg

http://forum.hwaml.com/imgcache2/hwaml.com_1329148105_895.jpg
وفي هلبا صور حلوة في النت تعطي افكار حلوة وينجابوا وتجيب معاهم اللي نتفكره رب وعسل ونسيت شنو ثاني ... ويجوا عاد عويلة الراجل وكان جاي حد هضاكا اليوم يتفرجوا على حويجات البيبي ولفتهم ..

[الواثقة بالله ..]

http://forum.hwaml.com/imgcache2/hwaml.com_1329148718_415.gifhttp://forum.hwaml.com/imgcache2/hwaml.com_1329148720_545.gif


http://forum.hwaml.com/imgcache2/hwaml.com_1329148718_809.gif

http://forum.hwaml.com/imgcache2/hwaml.com_1329148722_988.gif

http://forum.hwaml.com/imgcache2/hwaml.com_1329148720_549.gif

http://forum.hwaml.com/imgcache2/hwaml.com_1329148719_576.gif
http://forum.hwaml.com/imgcache2/hwaml.com_1329148723_482.gif

http://forum.hwaml.com/imgcache2/hwaml.com_1329148721_866.gif

http://forum.hwaml.com/imgcache2/hwaml.com_1329148723_615.gif

http://forum.hwaml.com/imgcache2/hwaml.com_1329148877_712.gif

http://forum.hwaml.com/imgcache2/hwaml.com_1329148877_649.gif

http://forum.hwaml.com/imgcache2/hwaml.com_1329148878_561.gif

[الواثقة بالله ..]

http://forum.hwaml.com/imgcache2/hwaml.com_1329149043_473.gif

http://forum.hwaml.com/imgcache2/hwaml.com_1329149042_492.gif

[الواثقة بالله ..]

وتوا ان شااء الله وصلنا للسبوع على خيييير ان شااء الله ياااااااااااااااااااارب ...

عنندك يوم السبوع ....

اول حاجة شني بتلبسي .... عاداتنا ان مولات السبوع تلبس مايسمى عندنا بالبدلة الصغيرة وفي الغالب هادي المتعارف عليه عندنا وفي امتع السبوع اديرهالها امها ... وفي اللي تلبس امتع عرسها كانها مش لابستها هلبا والا مش لابستها من قبل ..
باهي وبعدين كل واحد وبرنامجه .. في اللي تقعد بالبدلة للأخير لكن هادي اللقطة اصبحت نادرة .. لكن اللي كاتر توا انها تبدل بعدين جلابية خليجية نازكة او قفطان سواريه يكون خفيف بش تقدر تلود على ناسها بعدين وتسلم عليهم كيف بيروحوا بيراحتها ... اللقطة هادي تعجبني هلبا .... امتع اللبسة الخليجية .. حلوة .. وتساعدك انك تتحركي وكان بتشدي البيبي .. آني ننصحك انك من الأول تلبسي عربي وبعدين كان حصلتي لبسة خليجية حلوة تبدلي بيها ...

هذا عندنا الأساسي انها تلبس البدلة الصغيرة ... لكن توا في اللي بدوا يغيروا .. ويخيطوا في قفاطين بموديلات جديدة وتكون بقماش شبيه بقماش الحولي القماش الفوقي ويخلطوا معاه قماش مطروز المهم وصرعات يطلعوا بيها... اممممممممممممم ما تعجبنيش هلبة الفكرة هادي... وفي اللي ماعادش يحبوا يلبسوا العربي فمن الأول ادير قفطان سواري نازك وخلاص .. لكن هادي نادر ماتصير في اول بيبي ... في الغالب اديرها اللي يكونلها ثاني اسبوع وعندها صغيويرة من قبل ...




توا بنطلع ونروح ونكمل البقية بإذن الله ...

في حفظ الله توا

نستنا في تعليقاتكم وآرائكم ...

[عيون زوجي]

اختي الواثقه بالله...عوايدكم نفس عوايدنا يلي كتبتها في مشاركتي مافيش فرق بس نسيت لقطة ان الحاجات على اهل الام بس انحس مش كل الناس ايديروا فيها اللقطة هادي احني في سوق الجمعه اكتر وحديين متشبتين بيها ووصلت عندنا ان الاب لازم يجيب خروف ( كبش) وعوالة العشي الفلفل والبزار والحمص والمشروب والشكلاطة والبدله الصغيرة وكله نعرف وحدة جابت بعد 10 سنوات زواج مننا قريبتنا بوها يلي جاب الجمل حي ههههه وذبحوه والزوج مستريح عيل وقضيه الزوز هديه

[الواثقة بالله ..]

اختي الواثقه بالله...عوايدكم نفس عوايدنا يلي كتبتها في مشاركتي مافيش فرق بس نسيت لقطة ان الحاجات على اهل الام بس انحس مش كل الناس ايديروا فيها اللقطة هادي احني في سوق الجمعه اكتر وحديين متشبتين بيها ووصلت عندنا ان الاب لازم يجيب خروف ( كبش) وعوالة العشي الفلفل والبزار والحمص والمشروب والشكلاطة والبدله الصغيرة وكله نعرف وحدة جابت بعد 10 سنوات زواج مننا قريبتنا بوها يلي جاب الجمل حي ههههه وذبحوه والزوج مستريح عيل وقضيه الزوز هديه


ماشااء الله تبارك الرحمن " عيون " فعلا صح العادات قريبة هلبا من بعضها لكن لتوا آني ماشفتش اللي وصلوا للدباير والجمل .. لكن هادوا ما شااء الله من الفرحة حتى هما عشرة سنين تباارك الرحمن عليهم وربي يحفظ ان شاء الله لكن آني مش من سوق الجمعو آحني اصلنا من لمدينة "المدينة القديمة "

استمتعت هلبة بقراية اللي كتبتيه ... بالتفصيل وحلو .. وهذا اللي شجعني نكتب آني مشكلتي حتى كيف نكتب ننسى هلبة حاجات .. هه تريح مني ... وانتي ماشاء الله شكلك خاطم عليك من قبل اسبوعك يعني عندك خبرة اكثر بالتفاصيل ... آني الا اللي نشوف فيه بس وخواتي يعني مش خاطم عليا شخصيا ... مازال ان شاء الله على خير ياارب ..

[يقين]

hwaml78hwaml78hwaml78قعدت كان اني لا اسبوع لا ثمون اهئ اهئ اهئ

[الواثقة بالله ..]

السلام عليكم ورحمة الله وبركاته ..


يقونة حبيبتي معليشي ياحبيبة المهم انت تنوضي ومابيكش وصغيويرتك كويسين وتوا بإذن الله تروحي وكيف تروحي تكوني كيف جايبة بيبي جديد .. واديريه اسبوع باسماء صغيويرتك الثلاثة بإذن الله ... وبيبني وبينك افتكيتك من المصاريف الزايدة .... هههه


وتوا نكملوا باقي قصة السبوع ياحنة .... توا تكلمنا في لبسة ام البيبي ... وعندنا البيبي ليه حتى هوا لبسة خاصة يوم السبوع ... تكون مخصصة ليوم السبوع يااما تشريها واتية كان لقيتي حاجة قنينة او في اللي يخيطو فيها وهيا تكون لبسة زي قفطان على طويل وكله مخدوم بالراكام ويديه فيهم فرافر وحتى اللي يرقد عليه البيبي يعني يكون على فراشه حتى هوا يكون مخدوم نفس خدمة بدلة البيبي كله راكام ونويزك ... وفي الوان اللي ايديره ابيض او سكري يعني زي الوان الفيلو وهيا اللبسة وحدة للوليد والبنية ..

باهي وبعدين نجوا للحطان والتفريق ..

اول مايخشوا ياحنة يكون في مترد على طاولة اول مايخشوا الصالة وفيه شكلاطة نوع الشكلاطة اللي تفضليها ... وطبعا كل واحد وقدرته في طريقة تغليف الشكلاطة لكن تغليفها في الغالب على قولة " عيون " مكلف هلبة ... ولو واحد عنيده ويقدر يغلف ... تعجبني هلبة تغليفات باناش اللي في بن عاشور وعنده حتى العربات اللي تتستف عليها الشكلاطة ماتكونش على طاولة الصالة ... لكت لتوا قاعد مافتحش بعد الأحداث "باناش "... تغليفته صح حلوة لكن اسعارها غالية ... وحتى الشكلاطة امتاعه حلوة وقنينة وكان عنده هلبة خيارات ... آني من رايي ان الواحد يشري منه الشكلاطة ومن الأول يختار النوع زي اللون اللي يبيه سماوي والا بودرة والا لون محايد ... وما يخصرش على تغليفها .... وفي الأخير كل قدير وقدره ...

باهي وبعدين بعد مايلتموا الناس تتوزع " امية اللوز " او الروزاطه والعبمبر ... .. وبعدين انجوا للحلو .. وهنايا كل وحدة وشني تبي ... في اللي ايدير على كل طاولة تورتة دائرية والناس يقصوا وكل واحد ياخد طرفه .. لكن آني شخصيا الطريقة هادي مانحبدهاش هلبة لأن التورتات كلها تتلبز ويفضل منها لكنها ملبزة وما تقدريش تستفيدي منها والناس اللي مايقدرش يكملها مايقدرش يروح بيها فنفضل في الحالة هادي لو ان الوحدة بتدير تورتة ادير تورتات صغيرات يعني بحجم الباصطي الصغير اللي يبيعوا فيه لكنها تكون مزينة كأنها تورته من كل الجوانب وآني نعرف وحدة ادير فيها روعة وكل واحد يقدر يروح بالتورتة امتاعه لأنها تكون في كويتيات ... وآني الفكرة هادي درتها في عرسي وهلبة عجبتهم والتورته اللي ادير فيها بنتها رووعة... او تقدري اديري كويتيات وفيهم انواع مختلفة من الحلويات يعني حويجة مالحة وحويجة لوز وحويجة شكلاطة وتزيدي معاهم حويجة رابعة او خمسة حاجات ... او تقدري اديري من الأول على كل طاولة مترد يكون ملفوف من الأول على الطاولة وفيه 6 او 8 طروف من كل نوع ... ومع الشاهي يفتحوا المترد وكل واحد ياخد اللي يعجبه حتى الفكرة هادي حلوة ومش مكلفة يعني ماتحتاجش انك تصرفي على الكويتيات .. باهي وبعدين انجوا للعشي ... وهنايا زي ما انتي تحبي في اللي قاعد مايقتنعش الا بالحاجة الزمنية وحاجات قبل يعني مايقتنعش بالحاجات الغرييبة والجديدة ويحب ديما الصونية تكون عبارة عن " امبطنة ، وبوريكة ، وضولمة ، ورز خلوط او شعيرية ويدير معاها سلاطة مشوية وسلاطة ثانية اي نوع وضيف سكالوبة " وفي اللي يحب الحاجات الجدية اللي هيا حدثي ولا حرج اشكال وانواع وفي اللي حلو وفي اللي لا وفي اللي يخلط المبطنة والبوريكة ويدير معاها حاجات ثانية ....
او في فكرة ثانية حتى هيا حلوة .. .في اللي ايدير حاجة غليظة رشيتة كسكاس ومعاها امبطنة وبوريكة وكل واحد وصوينيته مسقية بروحها .. ومعاها صوينيتين مسير على كل طاولة .. هادي مرة حضرتها في اسبوع وعجبتني هلبا خواتي كانوا بيديروها غير ماصارش بعدين ...

وبعدين وهما مروحين ياخدوا البكلاوة و البونبونييري او الكنفيتي ... والبكلاوة يا اما تكون في كوتيها يا اما تكون في متيرد وفي جنبها كلينكس بتطبيقة حلوة وغريبة ... وهذا هوا ياحنة اللي تفكرته وكاني تفكرت حاجة ثانية نكتبهالك ....







وفي الأخير عندي لفتة بسيطة لازم نكتبها .... طبعا هذا اللي كتبته اللي متعارف عليه كويس ... وكويس ان الواحد يكون يبي السترة ويبي الحاجة الباهية .... لكن في نفس الوقت نتمنى ان نحاولوا ان انقصوا من الإسراف شوية حتى ولو كان الواحد مستزيد وعنده .... يعني الواحد يحاول يدير الحاجة اللي تفرحه واللي تستره لكن بالمعقول وبما يرضي الله ... لكن بصراحة التشقليع هلبة والصرف على حاجات تستاهل وما تستاهلش مش ضروري منه ... وصح صعب الواحد كيف يوصل في المناسبة يلقى روحه يدير ويدير وبيدير زي الناس .. لكن نتمنى ومن كل قلبي ان نبدوا بالشوية بالشوية نغيروا في العادات اللي فيها صرف هلبة ويصرف بما يرضي الله .... وان شااء الله ربي يقدرنا ان نفرحوا بنعمته علينا من غير مانغضبوه .... ياااارب ونحاولوا على قدر مانقدروا مانديروش معاصي في المناسبة ... وآني نقول الكلاك هذا لأني نتمنى ان نبدوا نحاولوا انديروا المعقول ... وربي يسترنا ديما بستره ويرزقنا ونعرفوا قدر نعمته علينا ياااارب



وفي النهاية ياساليتوا ياااارب ربي ينوضك بالسملامة وتنوضي لا سو لا سوية ياااارب والبيبيات كلهم بخير ياااااارب واديري زي مافي خاطرك ... وربي يكون معاك ..

وماتنسيش تدعيلي ..

[saly.me.91]

انستيني ياحبوبة في موضوعي وبارك الله فيك على مجهودك وتعبك ودعواتك
اتصدقي انا مش مقتنعه بالصرف الزايد عرفتي زي تغليف الشوكولا..صح لما نشوف وحدة مغلفة شكلاطتها بشكل حلو ومتفنن تعجبني بس انحس فيه نوع من الاسراف لان في الاخر كله بيتلوح فهمتيني ...غير احنى الليبيات ربي يهدينا فلانة دارت انا بندير اقوي منها خخخخخخخخ
مانقتنعش بيها الحاجة هدي..مهما كان الواحد متزيد مايبدرش على اشياء شكلية مغزاها الفخفخه والتباهي والاصل في الدين العقيقة وعادي بتضيفي ناسك بالمعروف مافيش مشكلة ..واللي فلوسه زايدات يتصدق بيهم في ناس مش لاقية تاكل

انا بندير انشالله ف الحوش وخديت افكارك للايام الاولى انتى وعيون وفي السبوع انشالله بنلبس صدرة وبعدها قفطان خليجي والصغار بادن الله مش مطلعتهم واندير اقعاد وحاجتين معاه ومسير وزيتون ومشروب وفواكه وشاهي وحلاوات وروزاطة وعبمبر وحبة شكلاطه هههههههه بالمقلوب وندير متيردات ع كل طاولة فيهم مكسرات وتمممت خخخخخخخخخخ

[الواثقة بالله ..]

انستيني ياحبوبة في موضوعي وبارك الله فيك على مجهودك وتعبك ودعواتك
اتصدقي انا مش مقتنعه بالصرف الزايد عرفتي زي تغليف الشوكولا..صح لما نشوف وحدة مغلفة شكلاطتها بشكل حلو ومتفنن تعجبني بس انحس فيه نوع من الاسراف لان في الاخر كله بيتلوح فهمتيني ...غير احنى الليبيات ربي يهدينا فلانة دارت انا بندير اقوي منها خخخخخخخخ
مانقتنعش بيها الحاجة هدي..مهما كان الواحد متزيد مايبدرش على اشياء شكلية مغزاها الفخفخه والتباهي والاصل في الدين العقيقة وعادي بتضيفي ناسك بالمعروف مافيش مشكلة ..واللي فلوسه زايدات يتصدق بيهم في ناس مش لاقية تاكل

انا بندير انشالله ف الحوش وخديت افكارك للايام الاولى انتى وعيون وفي السبوع انشالله بنلبس صدرة وبعدها قفطان خليجي والصغار بادن الله مش مطلعتهم واندير اقعاد وحاجتين معاه ومسير وزيتون ومشروب وفواكه وشاهي وحلاوات وروزاطة وعبمبر وحبة شكلاطه هههههههه بالمقلوب وندير متيردات ع كل طاولة فيهم مكسرات وتمممت خخخخخخخخخخ


والله زين العقل يا ساليتو ان شااء الله ربي يكملك بعقلك ... وآني زي ماقلتلك هذا اللي كتبته اللي نشوف فيه قدامي ..... وكتبتهولك كله بش تاخدي منه بعض الأفكار اللي تعجبك ولوحي الباقي ... فهمتيني ... ياحبيبة ؟؟

وفكرة كويسة فكرة متارد المكسرات وكان ترتحي روحي واديري على كل طاولة مترد مغلف في ه مكسرا ومترد فيه حلاوات ...

لكن تعرفي نتوقع ان المكسرات كيف اديري متارد تحتاجي كمية اكثر من كان توزعيهم توزيع ... هكي نتخيل ... وكان تحطي على كل طاولة مترد حيتلبزوا وبياخدوا انواع من المكسرات ويفضلوا انواع ...

[عيون زوجي]

الواثقه بالله....ماشاءالله اعليك كفيتي ووفيتي وكلامك انتي هو العقل كله وربي يفرحك بسبوعك يااارب
- بنسئلك: انتي في اي شهر؟؟
- واعلاش ما اتخشيش معانا التجمع؟؟؟
- ونبي رقم وعنوان المراه متاع التورتات الصغيره واسعارهم بالزبط وانتعبك تبعثيلي الرقم عالخاص
وحبيتك في الله ومن كلامك انك وحده ماشاءالله اعليها

[عيون زوجي]

يقونه ربي يهنيك انتي وراجلك ويكمل قرايته على خيررر وتروحي ليبيا والعيل الثالت اديريله احلى سبوع يااارب

[الواثقة بالله ..]

الواثقه بالله....ماشاءالله اعليك كفيتي ووفيتي وكلامك انتي هو العقل كله وربي يفرحك بسبوعك يااارب
- بنسئلك: انتي في اي شهر؟؟
- واعلاش ما اتخشيش معانا التجمع؟؟؟
- ونبي رقم وعنوان المراه متاع التورتات الصغيره واسعارهم بالزبط وانتعبك تبعثيلي الرقم عالخاص
وحبيتك في الله ومن كلامك انك وحده ماشاءالله اعليها


صحيتي يا " عيون " وان شااء الله نكون عند حسن ظنك وان شااء الله بإذن الله نبعتلك رقم امتع التورتات على الخاص بإذن الله وبالنسبة للأسعار مش متأكدة بالضبط بقداش الطرف والله نسيت .. لكن تقدري تكلميها وتسئليها وطبعا تورتاتها هيا واختها ماعليهمش منازع يعني اللي يضوقهم لازم يعجبوه وتقدري حتى تطلبي تروتة لحوشك او لو كان عندك اي مناسبة مرة مرة ناخدوا في الصغيرة ب 25 وتوا نبعتلك على الخاص صور ليها " للتورتة " ..

وبالنسبة ليا توا في الشهر الثالث بإذن الله ادعيلي ربي يكملي على خير ويكون سليم معافى ياارب العالمين ... ويجي على خير ياارب وأحبك الله الذي احببتني فيه ..

[مناير999]

ياحلو كلامكم رغم اني مافهمت ههههههه

بس حبيت ادعي لك ان تولدي بالسلامه

[saly.me.91]

مشكورة اخت مناير ع الدعوات انتى الاحلى نورتي الصفحة

[79nana]

يامشاء الله عليكم ياعويلة ان شاء الله ربي يتمملكم ويتمملي بخير ياربي
اني ليا في الغربة ستة سنين والحمد لله حسيت ماتغير عليا شي الا اسماء الدكاكين هههههههههه اني طرابلسية من باب بحر وسبحان الله طرابلس سبرها سبر واحد باختلاف الادواق في التقديم وعند الحق ياواتقة الواحد يبي يدير الحاجة القنينة ويدير الماير ولاكن عاد علاش التبدير والاسراف والله حتى اني مانحبش الي زايد علي حدة حتى من حلاوة الشي معادش تبدى فيها حلاوة لان في ناس تقدر وفي ناس ماتقدرش عليه غير نكدرو عليهم وخلاص الواحد يفكر بالعقل يقدر يدير حويجة نويزكة ومن غير مصروف ولاكن في حاجات بصراحة مافيهاش كيف لازم ابتتدبسي فيها ماعندك ما بتهربي
واني مش مع فكرة مترد المكسرات علي الطاولة زي ماقالت وخيتي الواتقة ولا عيون مش متاكدة ياخدو الي يبوه ويلوحو الباقي والشي التاني في ناس مع احترامي ماتعدلش مايهمهاش من خدي ومن ماخداش تلقي حد خدي بالكمشة وفي الي يتحشم يمد ايده فالاحسن الواحد يدير كويسات خير كل واحد ياخد نصيبه وهو حر يعطي لصغيورته ولا ياكلها ولا اي شي يبيه
والكويسات مش بالضروري تكون غالية ولا كرستال الواحد يقدر يدير حويجة رخيصة ومعبرة وعلي قد امكانياتك
والحاجة التانية مانعرفش ايديرو فيها ولا لا لاكن اني نحبها بصراحة هو سبوع بيبي يعني الموضوع فيها صغيويرة واكيد صغيورة العيلة ماننسوهمش بحويجة قنينة لعيبة ولا كويسة فيها حلوة مشكلة ولا بالونات تعرفو الصغويرة يفرحو باي حويجة يعني ماتكلفيش نفسك وفي نفس الوقت ارسمي ضحكة وبسمة في وجيه الصغيويرة وتريحي الام شوية لما العيل يلهى في اللعبة ولا ياكل من كويسته
والله هدا فكرتي وان شاء الله منكم نستفيد وادعولي ربي يسهلي ولادتي حتى اني ليا ستة سنين متاخرة في الحمل والحمد لله من عليا بالحمل بعد قرائي لسورة البقرة الحمد لله
تحياتي لكم

[saly.me.91]

سبحان الله يانانا الرد متاعك كان يوم ولادتي بالضبط