أغنية من تأليفي أنا و ابني

[sweet mama]

مرحبا بكل الحوامل - و غير الحوامل-
أنا حامل بالشهر الثالث (ربي يتملي و يتملكم على خير)
و قلت لابني (عمره سبع سنين)
hwaml13
و كثير فرحان و يحب يجلس جنبي و يغني للبيبي
و في مرة بدأ يألف أغنية, و كملناها مع بعض (تقدروا تعتبروها قصيدة)
بس بالعاميّة
و هاي هي الأغنية:
ماما..شو عندك هون؟
ماما.. شو بتخبي؟
مين نايم جوا؟
قوليله..يسلم عليه قلبي

جوا عندي baby صغير
بيشبهك كتير كتير
بيحبك, و رح تحبه
و راح تضل دايماً جنبه
و رح تحكيله, و تغنيله
و تنيمة بالسرير

ماما.. طيب قوليلي
آمتى رح يجي عندي؟
و لو حاكيته
بيسمعني؟ بيفهمني؟
و لو قربت منه خدي
فيه إنه يغنيلي
أو يحكيلي
حتى أنام؟
رح أشوفه بالأحلام؟
يلا يلا جاوبيني
امتى رح يجي لعندي؟

لازم تصبر
تنطر أكتر
و بعد كم شهر رح يكون
عندك هون
بتشيله و تحكيله أحلى الحكايات
و تلاعبه كل الأوقات
و تعلم أختك كيف تعتني فيه
إنت رح تحميها و كمان رح تحميه
لإنك إنت الأخ الأكبر
إنت الأقوى إنت الأشطر
رح تشاركهم ألعابك
و عليهم ما رح تتكبر

رح أجهز غرفتي و ألعابي
و قرب تخته من تختي
و أكتب لوحة ترحيب على بابي
و أنطره أنا و أختي

و قول لبابا ما يخاف علينا
إنت رجال البيت
و إنت رح تحمينا
صار يغنيها لللبيبي دايماً
و يحاول يعلمها لأخته
أتمنى تكـــــhwaml13ــــون عجبتكم

[ياربي ارحمنا]

ماشاء الله كتيييييييير روعة
ربنا يخليلك ولادك يارب وتفرحي فيهم وتقومي سالمة غانمة
تحياتنا

[sweet mama]

شكراً.. الله يخايكِ

[ريري وميمي]

ماشاء الله تبارك الله
الله يحرسه

[سيدة عالمها]

مررررره حلوه الله يحفظهم ليكي ويقومك بالسلامة حياتي

[~قموووره~]

ياحياتي عليه بس من جد حلو تأليفكم عقبال ماتشوفوا البيبي بخير وتغنوها له مباشرة ههههه

[احساس أنثى]

ياقلبي عليهم ... بري يخليلك يااهم يارب ويوقمك بالسلامة

[sweet mama]

شكراً إلكم كثير.. فرحتوا قلبي.. و حتى ابني كثير فرح لما قرأتله ردودكم

[حرم طويل العمر]

ههههههههه حلوووه
الله يهون عليك وتقر عيونكم بشوفته

[ام شوووق]

ماشاء الله عليه
احلى هديه للبيبي
واضح ان ابنك موهوب
الله يخليه لك ويفرح بشوفت البيبي

[سموة الشوق]

ماشاء الله تبارك الرحمن

الله يتمم عليك اختي وتفرحون بشوفة البيبي وتقومي بالف الف سلامة

[ماﺀ السماء]

ههههههههههه روووووووووووعه من جد

ما شاء الله عجبتني

ربي يحفظلك عيالك ويقومك بالسلااامه

اسلوب تعليمي رااااائع من جد

اهنيكي اختي

[sweet mama]

الله يخليكم
شكراً كثيييييييير
كل الأطفال عندهم مواهب بس إذا عرفنا نكتشفها و نشجعها
و كمان حلو لما نوثق العلاقة بين أطفالنا تجنباً للغيرة أو أي مشاكل أخرى

[princess hush]

اجمل شي جلوس الام مع اطفالها وانت ام روعه ومثاليه
الله يخليهم لك ويخليك لهم وتقومي لهم بالسلامه
والاغنيه كتييييييييير حلوه وفيها احساس الطفوله

[sweet mama]

اجمل شي جلوس الام مع اطفالها وانت ام روعه ومثاليه
الله يخليهم لك ويخليك لهم وتقومي لهم بالسلامه
والاغنيه كتييييييييير حلوه وفيها احساس الطفوله
شكراً حبيبتي.. والله رفعتي معنوياتي كثير

[اشراقة الم]

يسلمو والله حلوه الله يخليه لك ان شاء الله

[أم ننومي]

ههههههه والله حلوووه

[صحفية المستقبل]

تجنن الاغنيه
الله يخليه لك ويحفظه يا رب

[3miao]

من أروع ما يكون ربي يخليه لك ولأبوه وأخته وربي يتمملك بخير يا رب

[أنـــ غير ـــا]

ماشاء الله عليه وربي يقومك بالسلامه

[sweet mama]

الله يخليكم
شكراً لكم