تجمع حبيباتي الكروشات اللي راح يولدون بشعبان

[king_ro7e]

بجججد في ناس ماتفككر يعني الحمل هديه من الله والي يجي من الله حيااه يعني اذا عندنا بنت ضروري نجيب ولد اوالعكس

بس في ناس ماتفكر الحمدالله بس

هذي امي جابت ولد بعدين اربع بنات بعدين ولد عادي ><

اخباااركم بسسس صبـآيآ واخبار النونوات

واخيرا بحسابي بكرا بدخل الثامن اما بحساب الدكتورة صار لي اسبوع ^^

[السامره]

السلام عليكم اخباركم
معليش يانعومه مادريت عن بنتك سلامتها الف سلامه
لاني كنت مره تعبانه سخونه وزكام والدم قالواولي نازل
وخليها على الله
وحمدالله سلامتك مس يويو

[الرحيق المختوم]

السلام عليكم كيفكم يوووووه احس بصعوبة بالتنفس الله يسهل

أنصحكم تشترون كتيب الإفادة فيما جاء في ورد الولادة اليوم شريته مرة حلو

[Fnoo]

مرحباا صبايا


كيفكم ان شاءلله كويسين والنونوات الله يجيبهم بالسلامه كيفهم والحركه كيف

نعومه الف سلامه على بنتك ياحياتي هي توكلي على الله وسويها لها ترتاح هي وانتي بعد

انا الحمدلله كويسه بس كأني انحست رحت امس من المستوصف اللي اراجع فيه للمستشفى اللي بولد فيه ان شاءلله ويوم حسبت لي الدكتوره قالت انتي بالاسبوع 34 وانا حسابي مع دكتورتي اللي قبل 35 ويوم حسبت لي بالسونار طلع عمر البيبي 36 يعني دخلت التاسع احس انحست مررره ما ادري وش امشي عليه

وش رايكم انتم اي حسبه ادق وامشي عليها

[عشقي الاطفال]

بنات اليوم روحت سنتر بوينت تخفيضات 70% و50% و20%

قضيت مررررره مع اني مقضيه كتير مررره بس مااقنع

خلصت كل شيء للنونو تقريبا بس باقيلي البانيو واللحاف وترمس المويا ,,

وبسئلكم عالهزازة والعربية للنونو متى اشتريها دحين ولا لما تكمل 3 شهور

قريت مقاله لدكتور يقول لاتحطو اطفالكم بهزازة او عربية الاسواق الا بعد 3 شهور لانو بياثر عالعمود الفقري وحيعانو الاطفال بعد مايكبرو

وانا محتاره استعملها بدري ولا لا ..؟

وبسئلكم ع الناموسيه كيف اخد سلة موسى ولا كيف بكريه ومحتاره .. اسمع بالناموسيه

وابغا اشكال حللوة ودلووعه فين القاها ..

[دمعة طفل]

اهلين كروشات كيف حالكم مشتااااااااااااقة لكم وايدhwaml7خلصة الاختبارات ورجعت لكم
مين خلصت من تجهيز البيبي انا شريت بس ملابس واشياء قليلة ومدري احس ناقصين انا بكرية وما اعرف الاشياء الضرورية للبيبي ارجوكم ساعدوني يعني باقي لي السرير مع طقم سرير الام بنات لا تقصرون معاي همتكم hwaml86

[بطة جدة]

كيفكم كروشات كيفكم مع الثقل خلاص الواحد واصل حدة الله يسهل علينا باقي الايام. مس يويو ماتشوفي شر الله يشفيكي ويقومك بالسلامة انتي والبيبي الله يحفظة اختي عشقي للاطفال بنسبه للكرسي الهزاز انا ماستخدمة غير في الشهر الثالث وما اخلية على وضعية الجلوس علشان الظهره مايتعب انا صراحة استغرب من الناس الي يحطوا المواليد فية وهما ماكولو الاربعين اقلهم حرام انتوا تستحملو تناموا كدة كيف هدول الصغار اما بنسبة لسلة موسي انا عني مااستغني عنها احسها شي ضروري من يوم ماخرج من المستشفي استخدمها الى 3شهور حتي لما اخرج عند احد اخذة معايا تحسي البيبي مرتاح وفي سريرة مو متغير علية شي وبس كلامي كتير حبيت افيدك عن تجربة وسلامتك ياحلوة

[ورد جوري82]

كيفكم كروووووووووووووووووووووووشات
فعلا محتاجات نعرف التجهزات الاسااسيه وليست الكماليات الي مالها داعي

[نسمة بحر]

كيفكم كروشات مع الثقل خلاص صرت إذ مشيت. شويه اتعب. ومغص. وظهري الم فظيع يارب نقوم بسلامه

[تحكمني قناعاتي]

والله انا كمان تعبانة كثييييييييييييييير من تعب ظهري وتحجر بطني
بنسبة للأغراض كل وحدة تمسك لها ورقة وقلم وتكتب شنو الأشياء الضرورية الي تحتاجها وتشتريهااا

[king_ro7e]

آهليييين كروشآت آخبآركم
بجد آتعبببببني آلتحجر يمسك معي لسآعآت طوووووويله آلله يعين وغير التنفس والدورآن آلي معآي آلله يعينإ ويقومنآ بآلسلآمه يآرب ونفرح بشوفتهو بين آحضآنآ صآحين معآفين يآرب

[دلوعة الشهري]

سلام عليكم


كيفكم

حبيباتي انا بكريه وماعرف كيف الطلق الكاااااذب


ولازم البكريه تخلص 9 شهور وتولد ؟؟؟

[na3ooma]

كيفكم كروووووووووووووووووووووووشات
فعلا محتاجات نعرف التجهزات الاسااسيه وليست الكماليات الي مالها داعي

ارجعي لاول 10 صفحات بالتجمع بتلقيها كاملة

[na3ooma]

سلام عليكم


كيفكم

حبيباتي انا بكريه وماعرف كيف الطلق الكاااااذب


ولازم البكريه تخلص 9 شهور وتولد ؟؟؟

مو شرط تخلصي 9 اشهر

كل وحده تدخل التاسع تبدا تجهز نفسها للولادة ووقت مايكتب ربي موعدها بتجي

الطلق الكاذب تقلصات في البطن وتحجر وكتمة بس بدون ألم وفي البطن بس

[na3ooma]

آهليييين كروشآت آخبآركم
بجد آتعبببببني آلتحجر يمسك معي لسآعآت طوووووويله آلله يعين وغير التنفس والدورآن آلي معآي آلله يعينإ ويقومنآ بآلسلآمه يآرب ونفرح بشوفتهو بين آحضآنآ صآحين معآفين يآرب

حتى انا زيك مررره لاحظت انه زايد معايا هاليومين ويهدا ويرجع ولما اتقلب على السرير يرجع
ربي يستجيب منك ومننا ويسهل ولاداتنا ونشوفهم في احضاننا على خير سليمين معافين يارب

[na3ooma]

بنات اليوم روحت سنتر بوينت تخفيضات 70% و50% و20%

قضيت مررررره مع اني مقضيه كتير مررره بس مااقنع

خلصت كل شيء للنونو تقريبا بس باقيلي البانيو واللحاف وترمس المويا ,,

وبسئلكم عالهزازة والعربية للنونو متى اشتريها دحين ولا لما تكمل 3 شهور

قريت مقاله لدكتور يقول لاتحطو اطفالكم بهزازة او عربية الاسواق الا بعد 3 شهور لانو بياثر عالعمود الفقري وحيعانو الاطفال بعد مايكبرو

وانا محتاره استعملها بدري ولا لا ..؟

وبسئلكم ع الناموسيه كيف اخد سلة موسى ولا كيف بكريه ومحتاره .. اسمع بالناموسيه

وابغا اشكال حللوة ودلووعه فين القاها ..

انا خلصت تجهيز بس ماجبت الهزازة ولا عربية السوق لانهم بالعاده يجوا هدايا
واصلا كلامك صح الهزازة خطر على العمود الفقري اول 3 اشهر
والعربية ممكن تجيبيها مسطحه مو كرسي ماتكون خطر بس لاتستعجلي يمكن تجي هدية

[تحكمني قناعاتي]

والله يا بنات ماني عارفة شسوي مع بنتي
قبل اسبوعين تقريبا جاها وانتو بكرامة اسهال وترجيع وارتفعت حرارتها
وانا معاها من مستشفى لمستشفى والحمدلله صارت طيبة وبخير
لكنها قلبت 180درررررررررجة تغيرت كثير بعد ما صارت طيبة
صارت لازقة فيني لزقة وحتى ابوها ماتبية واذا طلعت معاها اعظم واعظم كله بس تبكي
ولو بس احد من الاطفال يكلمها تعصب وتضرب تغيرت جدا جدا حتى نضرتها للاخرين
الكل يقول لانها حاسة انك خلاص قربتي تولدي وانا ابصراحة ماني عارفة اتعامل معاهاااااا

[دمعة طفل]

حبايبي من فيكم مثلي من دخلت الثامن كل تعب وتحجر البطن الظهر في المنتصف ونهاية حيل كل الم ومقدر حتى انام على ظهري والله تعبانة وكل دايخة وجسمي يألمني مرة هل هذا طبيعي وتقلصات في بطني hwaml5

[شوق وغرام]

السلام عليكم hwaml7
أنا جديدة في المنتدى طبعا كروشه حالي من حالكم وموعد ولادتي بإذن الله في شعبان
hwaml85hwaml85
تقبلوني معكم

[آوم جومآنا ~]

اكيد نقبلك ي الغاليه ..

حيآك بين اخوآتكم الكروووشآت ....

[Jood31]

السلام عليكم احلى حوامل ...... انا دايما متابعه لكم ولاخباركم ,,,,,,,,,,, من جهزت شنطة الولادة انا صراحة جهزت الاغراض بس محتارة في الشنطة هل الشنط السبورت الوسط تنفع واذا لا ? من وين اشتريها وكيف شكلها ?وبسالكم زوجي هذا الاسبوع بياخذ عمره ان شاء الله اش رايكم اروح والا خطر علي انا ذحين في نهاية الشهر الثامن

[سفن بارد]

صباح الخير ياكروشات

انا مثلكم ثقيله وتعبانه دايم وحركتي بطيئه وخلاااص ماعاد فيني حيييييل لشي يارب تسهلها علينا في وقتها ياااارب

[Fnoo]

بنات ردوو علي والله اني محتاره


انا دخلت التاسع والا لا :(


1432/10/0


ااخر دوره لي

الدكتوره والاشعه حيروني

[نكهة القهوة]

يسعد صباحكم يا كروشـــــات

كيفكم وايش أخبار الثقل والتعب والدوخة والآرق والتقلصات وألم الظهر الله يعيننا يارب ويهون علينا ويقومنا جميعاً بالسلامة .

صادقة يا سفونه والله ماعاد لنا خلق لشىء الله المستعاااااان .

[آوم جومآنا ~]

بنات ماتقولون سسلامااات >>> خخخ وش دراكم

البارح وانا اططبخ الغداااء وكان المطبخ جححححيم لان مكيفي عند المصصلح ومن كثر الحححر جتني دووخه وسودت الدنيا بعيووني وحسسيت بششي جالس يسحبني لتححت ططبعا انا م اتححمل الحر نهائيا اغمى علي ولان بطني فاضي لاني انا لي شهر كل م اكل او اششرب شي على طووول ارجعه حتى الموويه والدواء مرره تعبت وبس دووخه ولووعه لا راحه بااكل ولا بنووم ربي يهوون عليه هالشهرين الباقيه وحبوب الكالسيوم والحديد لي شهرين ماشربتها واتوقع نقص بالحديد اوو بالدم وربي يسستر زوجي اخذ مني عينه معاه للمستشفى يبى يحللي وربي يستر ...

[na3ooma]

كيفكم يا احلى كروشات
من جد خلااااااااااااااااااص الثامن كله ثقل وشد عضلي وألم وتقلصات وألم دورة ونفسييييييييييييية ماادري كيف
بس اعصب وأبكي وحالتي نيلة هههههههههه الله يعينهم علي في البيت
هذا غير سكر الحمل اللي مدري كيف نسبته طالعه نازلة كأنه تخطيط طلق هههههههههههه


تحكمني قناعاتي الله يعينك اكيد طبعا بنتك حاسة بالوضع والغيرة اشتغلت , لما تولدي خلي زوجك او احد يساعدك في البيبي واهتمي شوي في بنتك لحد ماتتعود على الضيف الجديد وبعدين حسسيها انها كبيرة وتساعدك وتجيب لك اغراض النونو اللي تطلبيها راح تحس انها الاهم والاكبر

دمعة طفل انا زيك وتقريبا كلنا زيك ترى الوضع للأسف طبيعي ومابيدنا نخففه , الثامن لاحظت فيه زيادة ألم وضغط على اعصاب الرجلين والفخذين وألم دورة وتحجرررررر زيادة وتقلصات ومغص ..حتى الحوض والله اسمع عظامه تطقطق اذا نمت على ظهري ثواني
الله يسهل ولاداتنا ويكون ألمنا بس بالحمل

شوق وغرام نورتي التجمع وحياكي معانا

جود ماتفرق اي شنطة تعجبك استخدميها المهم تكفي اغراضك واغراض البيبي ان شاء الله .
العمرة هذي لازم تسألي فيها الدكتورة علشان هي ادرى بحالتك ووضع جنينك

فنو طنشي حساب المستوصف ...حساب دكتورتك والسونار فرقهم بسيط انا زيك .. اسبوع فرق بين حساب الدكتورة حق الدورة والسونار .. وتقريبا السونار ادق ..وترى 35 او 36 كلهم تاسع .. اهتمي بنفسك وشوفي اذا تبدئي تمشي وتاكلي تمر وربي يسهل عليكي

ام جومانا الف الف سلامة عليكي ماتشوفي شر , لازم تهتمي بالفيتامينات اذا ماكنتي تقدري تاكلي علشان خاطر النونو لايطلع ضعيف وصغير .. وروحي اتطمني عند الدكتورة ولاتطبخي في الحر ..اتمددي وحطي رجل على رجل والاكل من بره اذا المكيف خرب hwaml7

نكهة القهوة وسفن باااارد الحال من بعضه والله , الاخلاق في النازل مع الصحة الله يعين

.

مس يويو طمنينا عنك وعن النونو
دندوشة ادخلي سجلي حضور hwaml7

نونييي وحشتينا وينك
ام حمادة
حواء مثالية
حرم الامير
ام لبنى
خوخه
ذكرى

[آوم جومآنا ~]

نعوووومه خخخخخخ اصصلا انا زوججي مدلعني مايخليني اططبخ بسس انا قرفت من اكل المطاعم ووطفششت يطبخولي الناس مايعجبني نفسسهم مو زي نفسسي صررت اشتهي طبخي بالمرررره .. ربي يعينني كلها كمن اسبووع وهابه عند الغاليه ان شاءالله

[خوخه بريه]

هلابكم كروشات
شخباركم
وحشتوني

اتابعكم بس طابه كآبه
مدري متى تخلص
هلا بالجدد
نعومه بنوتتك ماتشوف شر
وسهله يارب

صرت اتابع في خاص
حتى وقت الولادة
وتعطيني
اشاعاتي وتحاليلي

سويت اشاعه تقول في الاسبوع34

اسبوعين وشدي حيلك في المشي

ربنا يسهل

[king_ro7e]

آهلين صبآيآ آخبآركم

جومآنآ آنآ كل عندي دورة ودوخه وافقد الوعي ودمي مرآ نآزل وهذي آخذ آلحديد وآكل سلطة بس آلله يعين
وآخبإركم واخبار نونواتكم
مس يويو اخبارك واخبار النونو ان شالله آحسن طمنينآ عننننك

[ورد جوري82]

صبيااااايا ليوم تاكدت فيني بنوته فديتتتتتتتتتتتتتتتتتتتتتتتتتتتتتتتتتتتها فد وفد
خخخخخخخخخخخ وربي حماس وكانت معصبه حاطه ايدها ع عيونها هههههههههههههههههههههههههههههههه

[نونييييي]

[السلام عليكم يا حلوات وحشتونى كتير وسامحونى لانى ما بدخل بس النفسية صارت زفت وما لى خلق لاي شئ واى شئ اعصب منه بس الله يعينا ما بعرف الشهر التامن شهر الطفش والتعب يارب تمر الايام بسرعه وتهونها علينا وتسهلنا ولادتنا نعومه ربي يكرمك على سؤالك عنى حتى انتى وحشتينى والله وانا هحاول ادخل اطمئن عليكم بس مالى خلق ﻷكتابه ابد والله المستعانsize="5"][/size]

[الرحيق المختوم]

السلام عليكم ،،،،،،اليوم موعدي وقالت لي بنوته الحمد لله والشكر على أني متوقعه ولد ... حلو البكر بنت الله يحفظها ويقر عيني بصلاحها وشوفتها ,,


بنات الله يوفقكم ابغى رايكم بالأسماء هذي ،،،،


سما سنا وتين دره فجر لميس بيلسان حنين


ربي يوفقكم ويسعد كم ابغى رايكم بصراحه

[السامره]

السلام كيفكم جميع
خلاص بدات الالم عندنا الضيقه ومع الاختبارات العيال
الله يسرها معنا جميعا
وسلامي للجميع

[smsma333]

السلام عليكم اهلا كروشات
والله لي فتره اتابعكم ومهونين علي الشهر الثامن ولا كان طقيت الله يهون علي وعليكم يارب
من جد هالشهر اطول شهر بحياتي مع ان مابقي الا اسبوع واخلص الثامن الا اني مليت واحس الاسبوع ماقاعد يمشي
هذا وهو الثامن كيف التاسع ؟؟
الله يهونها علينا شوي اقول ودي اولد باول التاسع واخلص
وشوي اخاف واقول لا ان شاء الله اخلص التاسع ههههه
والنفسيه وقطعه النفس والمغص والم الظهر والدوالي والزكام ههههه عرس عرس ماشاء الله

الرحيق المختوم
انا اصوت لاسم لميس او حنين :)

[سفن بارد]

صباح الخير والنور والسرور لكل الكروشات الحلوات

سكر صلاله والرحيق المختوم مبرووووك على البنوتات ربي يحفظهم الرحيق المختوم انا اايد حنين وبيلسان والله يكتب لك اللي فيه الخير

ماشاء الله عليكم كلكم كذا ممتااااااز التجمع منتعش وكل اخباركم نسمعها جعل ربي مايحرمنا من بعض ويهون علينا في وقتها ياااارب

اليوم موعدي نصف الثامن الله يطمني ويريح قلبي مع اني تعبانه تعب وعندي ضغط على تحت هادني والنفسيه تعبانه وشبح الولاده يحوم حولي مع العد التنازلي يااارب ترحمنا برحمتك يااارب

[king_ro7e]

مآلوومك يآسفن آنتي بنص آلثآمن

آنآ توي ببدآية الثامن وشبح آلولآدة ملآحقننني وإلظغط آلي نهآية بطني وآلتحجر

مآقول آلآ آلله يعينإ ويسهل علينآ مآتبقى من حملنآ وولآدتنآ يآرب

[na3ooma]

صباح الفل ياحلوات
ماشاء الله منتعشين ,, ولسه بس تخلص الاختبارات وتبدا الصيفية محد بينام من التوتر وراح نسنتر هنا نهون على بعض

خوخة يلا هانت انا زيك 34 بالسونار لكن 33 على حساب الدورة واستنى متى امشي بجد واجتهاد << مع اول خطوتين اه يابطني ههههههههههه

سكر صلالة على البركة البنوتة وعقبال يارب نبارك بسلامتك وسلامتها باذن رب العالمين

نونيييي حبيبتي هونيها وتهون , امس بكيت الصبح لحد ماعيوني اتحسست بس ماباليد حيلة وصحيح متوكلين على الله بكل شي لكن تأثير الهرمونات قوي مررررره واحنا باقوى مرحلة تدفق هرمونات

الرحيق المختوم انا عاجبني سما وسنا

السامره احس الاختبارات مسوية جو هههههههههه لا جد بس راح تضيع وقت حلو ومانحس فيه ولا بنجلس نعد الساعات مو بس الايام

سمسمه ان شاء الله التاسع مو طويل وراح يكون لاخر استعدادات لو ناقص شي ويكون مراجعات اسبوعية , الله يعين

سفن طمنينا لما ترجعي باذن الله من الموعد ربي يسهلها عليكي

[السامره]

السلام عليكم
اليوم مره ماجاني نوم وتحجير ونزول الله المستعان
اخت رحيق سما اسم بنتي الى جايه في الطريق الله يجيبها
بسلامه الله يفرحنا بتعبنا

[ورد جوري82]

فديتكم ربي يسهل عليكم وعليناااااااااااااااااااااا
وانا ع الاسبو الجاي رايحه للخريف وصلاله اولد هناااااك خخخخخخخخخخخخخخخخخخخخخخخ

[آوم جومآنا ~]

بنااات الدم ناااااااااقص عندي دمي 9 تخيلوووا

والحديد برضضوا نااقص ي ررربي رحمتك شسسوي معدتي مو متقبله لا اكل ولا ششرب ولا اادووويه ربي يعينني بسس

[آوم جومآنا ~]

بنات عندي سؤال وبيني وبينكم منحححرجه منه بسس شسووي مالي غيركم بعد الله ...

طبعا احنا حوامل وكروشات ومن كبرت الكرششه اكيد توهقتوآ مع المنطقه المنسيه اللي تحت الكرش !! لآنها اصلا ماعاد تنشاف

وبكذآ انا عن نفسسي ماعاد عرفت اشيل بالحلاوه زي اوول لانها تتطوول وتتعبني آبغى اسالكم الححين وش تنصحوني اشيل بايش ؟

يعني شي سسهل وسريع ومايطلع الشعر بسرعه زي المووس !

بليز بنات لا تطنشون انا يالله تشجعت اسال لا تخلوني اهوون ..

[ورد جوري82]

وانا معااااااااااج بليز دلاونا انا من سابع ماقدرت وبطني تعورني تعب تعب بجد ههههههههههه

[شوق وغرام]

اكيد نقبلك ي الغاليه ..

حيآك بين اخوآتكم الكروووشآت ....

تسلمي حبيبتي والله يهون علينا

[king_ro7e]

آهلين صبآيآ آخبآركم وآخبآر نونوأتكم


لآ آنآ بعدي آشيل بحلآوةلآنه مستحيل اخاطر اشي بشي ثآني ومع لمرآيه تسإعدنآ آشوي

[na3ooma]

بالعكس مافيها شي تسألي
انا شايلتها بالليزر من قبل يمكن مسوية 6 جلسات والحين لما حملت ووقفت مافي الا شي خفيييف وماطلع وماراح اسوي فيه شي الا بالتاسع بالموس لانه ممنوع العب بالحلاوة اذا مسوية ليزر علشان لا تروح الجلسات على الفاضي .
بعد ماتولدي بالسلامة انصحك بالليزر تفتكي من تعب الموس والحلاوة وتنسيهم

[تحكمني قناعاتي]

هلا بنات
والله البارح رحت المستشفى والحمدلله كل شي اوك

[عشقي الاطفال]

نعومة فين شيلتي بليزر بجدة ؟؟ ادا بجدة فين بالضبط ؟؟

[na3ooma]

انا سويته في الرياض في العيادات الاستشارية وبنات عمي في جده في مركز النخيل عيادات المحترفون عند دكتورة نيفين
وكلنا ماشاء الله نفس النتيجة

[سفن بارد]

مساء الخيرات

نعووومه ابشري ياحبي لك الله يطمني ويطمنكم بكل خير اهم شي يكون عدل وضعه الجنين يارب

كنق الله يسهل علينا يااارب في وقتها

[شوق وغرام]

hwaml7 مرحباً
حبيت أسألكم أنا ببدا اجهز شنطة المستشفى أحط فيها رضاعة والا لا وشامبو وبودرة للبيبي والا ماله داعي
والله محتارة

[ام السوفي]

مساء الخيررر حبيباتي اتمني للجميع ولادة سهلة ميسرة سبحانة قادر على دلك حبيباتي انا جديدة عليكم لاكن حبيتكم من قلبي لانكم حبوبات وسواليفكم احلى انا معاكم تقبلوني واحسبولي موعد الولادة وانا باي اسبوع الحين خبروني اخرر دورة 14\11\1432 هجري وميلادي 12\10\2011

[ورد جوري82]

مراحب ام السوفي انتي معي دورتك بعدي ب 4 ايام وانا ماحدد لي 14 يوليو يعني انتي 18 يوليو ياعسل
معنتها انتي بالثامن معي وهذا تكر لج حطيه بالتوقيع
http://global.thebump.com/tickers/tt119291.aspx (http://www.thebump.com/?utm_source=ticker&utm_medium=UBB&utm_campaign=tickers)

[شوق وغرام]

بليز ردوا علي بخصوص شنطة المستشفى hwaml4
وانا بكرة بطلع الصيدلية بجيب اغراض البيبي واغراضي hwaml16
وأبي اعرف وش الأغراض الاساسية تكفون ردوا hwaml27

[ام السوفي]

مراحب ام السوفي انتي معي دورتك بعدي ب 4 ايام وانا ماحدد لي 14 يوليو يعني انتي 18 يوليو ياعسل
معنتها انتي بالثامن معي وهذا تكر لج حطيه بالتوقيع
http://global.thebump.com/tickers/tt119291.aspx (http://forum.hwaml.com/redirector.php?url=%68%74%74%70%3a%2f%2f%77%77%77% 2e%74%68%65%62%75%6d%70%2e%63%6f%6d%2f%3f%75%74%6d %5f%73%6f%75%72%63%65%3d%74%69%63%6b%65%72%26%61%6 d%70%3b%75%74%6d%5f%6d%65%64%69%75%6d%3d%55%42%42% 26%61%6d%70%3b%75%74%6d%5f%63%61%6d%70%61%69%67%6e %3d%74%69%63%6b%65%72%73)
هلا حبيبتي سكر صلالة وتسلمين ع الرد ي الغالية طيب بعرف انا بالاسبوع كم الحين ردي ي قمرر يعني ولادتي 18 شعبان

[ورد جوري82]

يعني 31 اسبوع ,,,وبتلعربي الولاده 30 شعبان كل شئ بايد ربك ياقبل او بعد

[ورد جوري82]

حت انا اريد اعرف ياشوق لان هالاسبوع بشتري وان شاء الله يفيدنا بس نريد المهم المهم وليس الكمالياااات

[خوخه بريه]

اهلين ياغاليات
هانت ان شاءالله

ام جومانا
كلي زبيب
عوضي النقص قبل الولاده

نوني اخبارك

رحوقه وسكر مبروك عليكم البنوتات
يازينهم

اشتقت لبنوتتي

رحوق الاسماء كلها حلوه
سوي قرعه
سفوونه طمنينا

باقي البنات وينكم؟؟

[ورد جوري82]

حبيبتي خوووخه
اشتريتي شئ للادوات صحيه تبع البيبي الاساسيات

[ام لبنى 666]

كيفكم حلوات
ام السوفي حياك الله بينا انا العام كنت حامل وكان اخر دوره لي ب14،، 11 ووجات ولادتي
في 30 شعبان انشالله انك تولدين قبل بس حبيت اخبرك موعد،ولادتك انشالله في 30 شعبان

الله ييسر لك ولي ولجميع الحوامل

[شوق وغرام]

حت انا اريد اعرف ياشوق لان هالاسبوع بشتري وان شاء الله يفيدنا بس نريد المهم المهم وليس الكمالياااات

hwaml15 بس من يرد علينا ويعلمنا بالاساسيات لان بكرة طالعه موعدي مع الدكتورة وأبي اطلع الصيدلية مرة وحده
مافيني مشاوير والله تعبت

[ورد جوري82]

اممممم بخبرك من وجهه نظري ومعرف اذا صح

امممم اول شئ للبيبي اشتري شامبو وصابون وبودره اطفال وكريم تسلخات وزيت بعد الاستحمام عشن البيبي يرتاح
ومقياس حراره وانسداد الانف ورضعتين كا احتياط وحده للمويه وثانيه صغيره احتياط للحليب الصناعي احتياط بس ومنشفه صغيره
والحفاظات احس ماتستعجلي خليها للاخير او شيلي كميه صغيره لانش ماتعرفي وزن البيبي كيف بيكون وجايز تشتري شئ يكون ضيق له وبث ودهن عود للبيبي يبنباع ف اجمل
ولج اننتي فوط صحيه انتي مرتاحه لها وغيرات ومزيل الريحه وميك خفيف عين زي كرم اساس وكحل وجلوس لا اكثر وطبعا كم لبسه لج يعن انتي ادرى جطي 3او4 لبسات وفرشاه اسنان ومعجون ومشط وعطر يكون بارد لج

[king_ro7e]

آغرآض آلصيدلية
مسحآت طبيه مشط للبيبي ممآ قزآز صغيرة
بودرة آطفآل وشآ مبو آطفآل وعطر آطفآل حفآضآت للبيبي مقيآس حرآرة شفآطه للآنف وشفآطه لآلصدر برآحتك تبيهآ كهرب آو عآديه
آعوآد.آذآن لآلنونو زيت جنسن للآطفآل هذآ آلي في بآلي حآليآ بس يجي زوزي من آلدوآم بروح آشتريهم
آمآ لك آنتي مشد للبطن وفوط صحية
وآن شآلله آفيدك

والي مو بكرييية تقول لنآ لو نآقص شي

[شوق وغرام]

تسلمون فديتكم hwaml13

[ام السوفي]

ام لبنى \\ وسكرر صلالة تسلمون ع الرد ي غاليات طيب مافية ضرر ع الجنين لو ولدت اول شعبان \\\وبنات بسالكم انا بشرتي سمرت من الحمل وطلع عندي كلف خفيف دلوني ع كريم استخدمة يشيل الكلف وشرايكم بافالون البرتقالي وابي شي يشيل الهالات تكفووون بنات ررردو وقولو شنو تستخدمون لبشراتكم الوجة حساس مو اي شي يتقبلة انا كانت عندي حبوب زمان الحين بس اثارهم وتصبغات الحمل ساعدوني

[شوق وغرام]

تكفون ادعوا لي ان الجنين يكون عدل وضعه
لان عندي بكرة اشاعه والدكتورة خوفتني بالمراجعة اللي قبل ]

[سفن بارد]

مراحب ياحلوات

نعووومه وخوخه ربي يسعدكم على اهتمامكم

والله تحطمت ماسوت لي اشعه تقول بعد اسبوعين لاني كثير سويت لما كان عندي مشاكل فسكت وانا متحطمه الله يصبرني للموعد الجاي ويطمني ويطمنكم بكل خير يارب

[king_ro7e]

آلله يطمنكم يآرب

وتشفوهم سليمين معآفين بين آحضآنكم
لآتخآفو وآستودعوهم آلله

[xxnonhxx]

يا رب.يهون علينا كروشه كروشه
انا لي يومين بالثامن واحس بضغط اسفل بطني بالقوه امشي واتحرك
والالم يروح ويجي والله احيان ابكي منه

[ام السوفي]

ام لبنى \\ وسكرر صلالة تسلمون ع الرد ي غاليات طيب مافية ضرر ع الجنين لو ولدت اول شعبان \\\وبنات بسالكم انا بشرتي سمرت من الحمل وطلع عندي كلف خفيف دلوني ع كريم استخدمة يشيل الكلف وشرايكم بافالون البرتقالي وابي شي يشيل الهالات تكفووون بنات ررردو وقولو شنو تستخدمون لبشراتكم الوجة حساس مو اي شي يتقبلة انا كانت عندي حبوب زمان الحين بس اثارهم وتصبغات الحمل ساعدوني
صباح الخيررر كروشات ي حلوين ردوو علي

[نسمة بحر]

كيفكم كروشات سفن بارد الله يطمنك وترجعي تفرحينا

[شوق وغرام]

صبااااح الخير كروشات

[king_ro7e]

آم آلسوفي كل هذي البقع والكلف آن شآلله آول مآتولدي ترووح بشوي شوي

وآذآ تبي كريم آنآ آستخدم زبدة الككآو وآلشيا لجسمي كله وحسيت بالفرق مآشالله تفتح.آللون وتزيل الخطوط وآلتشققآت

[ورد جوري82]

ام لبنى \\ وسكرر صلالة تسلمون ع الرد ي غاليات طيب مافية ضرر ع الجنين لو ولدت اول شعبان \\\وبنات بسالكم انا بشرتي سمرت من الحمل وطلع عندي كلف خفيف دلوني ع كريم استخدمة يشيل الكلف وشرايكم بافالون البرتقالي وابي شي يشيل الهالات تكفووون بنات ررردو وقولو شنو تستخدمون لبشراتكم الوجة حساس مو اي شي يتقبلة انا كانت عندي حبوب زمان الحين بس اثارهم وتصبغات الحمل ساعدوني


اذا قصدك عمليه استشيري دكتورك لان اول شعبان راح يكون ع اخر شهر 6 يعني يونيو واحسبيها تكون اي اسبوع تكوني انتي ,,,,,,اعتقد بدايه التاسع ,,,

[ورد جوري82]

ههههههههه انا ماراح اخذ مشط لان شعر البيبز شعره شعرتين هههههههههههههههههههههه

[ورد جوري82]

وينكم صبايا تعودت لحين ادخل هنااااااااااااااااااا

[سفن بارد]

صباح الخيرات ياحلوات

نسمه بحر ياحبي لك الله يسمع منك ويطمني ويتمم علي يااارب

بنات اليوم مانمت من المغص وكله تعبانه لما جت 10الصبح رحت لدكتورتي وشكيت لها قالت نسوي تخطيط سويت وصار معي طلق وصل ل70يااااارب ترحمني كنت حاسه ان المي مو طبيعي ابد وعطتني ابره الرئه حقت الجنين11.30الصبح وقالت تعالي الساعه11.30الليل تاخذي الابره الثانيه وعطتني اوراقي وقالت لو حصل لك ولاده لاقدر الله روحي لحكومي افضل شي للخدج وقالت افضل شي مستشفى الشميسي حمدالله عندي ملف عندهم بس ياااارب تمم علي ودي اكمل لتاسع ادعولي بنات تعبانه نفسيا وجسديا الطلق ذبحني حييييل وخايفه على البيبي يصير ضعيف لاولدته تكفين ادعولي والله اني بحاجه لدعواتكم واكتب لكم وانا ابكي ودي احد يشاركني همي ولا لقيت الا انتم لانكم اخواتي ماودي اقول لامي ويضيق صدرها وتشيل همي وهي مافي يدها حل


لما رجعت للبيت قالي زوجي/هونت اسمي ولدي بسميه متعب لانه اتعبنا ياااارب ترحمني ضاق صدري اكثر زوجي خايف ومتوتر وانا اكثر منه يااارب ترفع معنوياتي وتمم علي يارب

[ورد جوري82]

يالله سفن بارد وربي تعبت معاااااااااااج ةوربي لايخلي ولدج متعب ويكون خير وبركه ولكم واصبر ان الله مع الصابرين وحاولي تريح وربي يهون عليج وان شاء الله تدخلي التاسع حت لو يوم واحد عشان ترتاحي ويكون ولدج بحضنك يااااااااااارب
اللهم هون على العضوه سفن بارد وسهل لها مخرجه كما سهلت لها حمله يااااااارب

[na3ooma]

ساء الخير على الحلوات
كيفكم اليوم وكيف النونوهات اللي يارحام المكان ضاق عليهم جوه

اغراض الصيدلية البنات كفو ووفوا
بس ماراح تحتاجيهم بشنطة المستشفى

لأن المستشفى توفر كل شي للبيبي حتى الملابس طول ماهو موجود عندهم ,,
ماراح تحتاجي غير ملابس الخروج من المستشفى للبيبي على خير

حتى انتي المستشفى بتوفر لك ادوات الاستحمام والفوط الصحية , الا اذا حابة تستخدمي اغراضك الشخصية فاكيد تاخذيهم معك
وخذي معك البادات القطنية حقت الصدر علشان تسرب الحليب هذي مهمه .
وكريماتك حقت التششقات والكريمات العادية اللي تحبيها وعطرك وجوالك وشاحن الجوال واذا عندي اي باد خذيه مع الشاحن علشان لاتطفشي في المستشفى
وقميصين نوم قطن لو يكون قصير احسن علشان بالليل تنامي مرتاحه بد مايطلعوا ضيوفك.
وجلابية ناعمة من نعومي او غيره للاستقبال
واكيد شراريب وصندل ,,ومشط لشعرك وممكن سشوار علشان لما تتحممي ماتخلي شعرك مبلل وتاخدي برد .
واندروير للاستعمال مره وحده افضل علشان تستخدمي وترمي وماتجمعي غسيل .

[Nuttela]

السلام عليكم
كيفكم بنوتات؟

سفوونة لا تخافي انا امي جابت اخوي في الاسبوع 32 وقعد بالحضانة فترة بس ما شاء الله الحين عمره 12 سنة ومافيه شي وذكي وشاطر

كلي امرك لربك ان شاء الله بيحفظك انتي وجنينك ويتمم لك حملك على خير

[ورد جوري82]

امممممممممممممممممممممممممممممم,,,,,

صبايا انا اريد مدسات موجوده هنا بس عمر يماجربت البريد السريع حد قد طلب من قبل وجته طلبيه مثلي اهي ماتبي يعني الي ف صووووره

[na3ooma]

سفن الف سلامة عليكي ماتشوفي شر
لاتخافي مو شرط تكملي التاسع , اصلا لو دخلتي الاسبوع 35 باذن الله كل الخطر زال ويمكن اصلا مايحتاج حضانة خدج
امسكي نفسك اسبوعين كلها راحة وبعدها اذا شرف ياهلا فيه ونحتفل فيه كمان وبدون ماتخافي
الله يكتب لك ويكتب له ساعة السلامة ويكون سليم معافى يارب


بدأت اقلق على مس يويو هي كمان اختفت وعندها مشكلة نقص الموية
يابنات لاتقلقونا اعطونا اخباركم اول بأول ندعي لكم ونتطمن عليكم

[ام الحلوين 5]

ياقلبي ياسفونه ماتشوفين شر والله يثبت طفلك الين التاسع يارب زوجة اخوي جابت عيالها بنص الثامن وبسم الله عليهم مافيهم الا العافيه الولد جلس اسبوع بالمستشفى والبنت طلعت معاهاا
انا والله لي يومين مانام من المغص واحس حركت البيبي خفت مرره والله اليوم شوي واصيح من الالم وبس افر بالبيت مرات اروح انسدح بغرفة ولدي وبالصاله وبغرفة بناتي احس جاني خوف وقلق مع الالم وزوجي مسافر ومابي اخوف امي مسكينه
يارب ارحمنا برحمتك وهون علينااا وكلمت خالي قلت له تعال العصر بروح المستوصف اشوف

[ام الحلوين 5]

تكفون يابنات دعواتكم لنااا

[~* عبق الأنوثة *~]

هلآ كروشآت ..

سلآمتك سفونة ماتشوفي شر إن شآء الله
ربي يتمم لك على خير
و لآ تخآفي خلي إيمانك بالله قوي
إللي الله كاتب فيه الخير بيصير سواء ولدتي ألحين أو بعدين
أهم شي خليك مرتاحة نفسيآ و جسديآ و متقبلة للأمر
ترآه عآدي جد كثير ولدو و هم في السابع
حمدي ربك و توكلي عليه

أم الحلوين إن شآء الله كل شيء طبيعي
و لآ تنسين تطمنينآ عنك

[تحكمني قناعاتي]

اي والله انا كمان بديت احاتي مس يويو مالها حس
والله يعافيكم يا بنات طمنونا عليكم
انا كمان
الدكتورة صدمتني بحكم ان ولادتي الاولى قيصرية سألتها في مجال اولد طبيعي قالت ان شاءلله
قلت لها طيب ابي اخذ ابرة الظهر قالت مممنوووووووووووووووووع
والسبب ان هذي فرصه عشان يحاولون يولدوني طبيعي
ولو لاسمح الله تعسرت الولادة واضطرو يسوون لي قيصرية راح يكونو مستعجلين ويبون ينمون علطول
يعني حتى التخدير النصفي ماراح يعطوني وياه

[ام الحلوين 5]

هلآ كروشآت ..

سلآمتك سفونة ماتشوفي شر إن شآء الله
ربي يتمم لك على خير
و لآ تخآفي خلي إيمانك بالله قوي
إللي الله كاتب فيه الخير بيصير سواء ولدتي ألحين أو بعدين
أهم شي خليك مرتاحة نفسيآ و جسديآ و متقبلة للأمر
ترآه عآدي جد كثير ولدو و هم في السابع
حمدي ربك و توكلي عليه

أم الحلوين إن شآء الله كل شيء طبيعي
و لآ تنسين تطمنينآ عنك
تسلمين ياعمري والله يطمن قلوبنا جميعا ويسهل امرنا

[ام الحلوين 5]

تحكمني قناعتي ان شاء الله تولدين طبيعي وتكون سهله وميسره يارب

[ورد جوري82]

اللهم هون ع ام الحلوين وسفن بارد وسر خواطرهم يارب
ويسهل علينا يارب

[سفن بارد]

ياحبي لكم الله لايحرمني منكم ياااااارب

انا مو خايفه من الولاده خايفه على البيبي يكون ضعيف او يكون في نظره شي ولا سمعه تعرفون مشاكل الخدج وشايله همه مااتخيل اطلع من المستشفى بدون طفلي ربي لاتفجعني ياااارب رحمتك بي .....

نعوووومه ياحبيبتي فيديني بمعلوماتك او اي وحده منكم ياحلوات عندها معلومه لو ولدت لاقدر الله اصير مخلصه 33اسبوع وقالت لي وزنه كيلو 2كيلو ماشاء الله بس ياقلبي قلبه صغير مرررره وقالت اكييييد يحتاج حضانه وافضل شي مستشفى حكومي للخدج هل بيصير طبيعي ولا ضعيف ومناعته ضعيفه وكم يبي له عشان يطلع الله لايقدر يارب ويرحمني برحمته

الله يرحمني برحمته متى يكون افضل شي للولاده ويصير الطفل سليم وتام في اي اسبوع بالضبط تكفون طمنوني قريت انه لازم اصير تميت37اسبوع هل هذه المعلومه صحيحه


ام الحلوين الله يبعد عني وعندك وعن كل بنات التجمع كل شر ويتم علينا ويفرحنا يااااارب بسلامتنا وسلامه اطفالنا ياااارب

[king_ro7e]

لآتخآفي سفووونه آلله يقومك بآلسلآمه آنتي آرتآحي وآستودعييه آلله وآلله يخليه لك وتشوفيه سليم معآفى بين آحضآنك يآرب
وآلله يههون على جميع بنآت التجمع وتسهل ولآدتهم ويولدو بالوقت آلمنآسب يآرب
بس آنتو لآتخآفو ولآتتوترو وآلي آلله كآتبه بيصير آن شآلله

[ام حمووود]

سسسسلاام كروووشات انا كرووشه جديده في المنتدhwaml7
مدري انا ادخل تجمع رمضان او شعبان اخر موعد لي للولاده 5 رمضان hwaml03

[الرحيق المختوم]

ياقلبي ياسفونه الله يشفيك يارب بس انتي ارتاحي وصلي ركعتين وادعي ربك يفرجها وقري على نفسك قلبي معك الله يتم عليك يارب ',,,,', مس يوو وينها قلقانه عليها


لي يومين احس بدوخه مادري وش السبب الله يسهل

[تحكمني قناعاتي]

الله يسهل عليك يا سفن بارد ان شاءلله في وقتك
انا اختي توها والدة من 6 شهور ببنتها وكانت في الاسبوع 32 وابصراحة اختي نفسيتها تعبت اشويات
لأنها خرجت من المستشفى بدون بنتها بس الحمدلله تقريبا بعد شهر طلعوها والحمدلله ما فيها اله العافية
بس عندها مواعيد مع المستشفى مرة عشان عيونها ومرة عشان قلبها ولها حليب مخصص للخدج تشربه لمدة سنة
وابصراحة للحين احسها ما اتثبت نظرها كويس
انتي يا حبيبتي انتبهي لحالك ولا تتحركي كثير وان شاءلله يوقف الطلق ولا تولدي

[king_ro7e]

آلرحيق آلمختوم
يمقن دمك نآقص لآنه آنآ نفسك ومرآت آفقد آلوعي
وطلع دمي نآزل وآصل ل6
كثري من آلسلطآت ولاتتركي آلحديد آنآ من آتركه يوم آو يومين ترجع لي آلدوووخه
آلله يعين يتتمم لنآ على خيير

[ورد جوري82]

هع ام حمود يعني دخلي تجمع رمضان,,,ولا عاجبش تجمعنا او حساه راح تولدي ف شعبان هههههههه

[ورد جوري82]

سفن انا ولد خالي انولد اول يوم شهر تاسع ههههه ومافيه الا العافيه وذكي ماشء الله عليها يعني اذا دخلت 35 اسبوع حلووو وحسيتي في خطر للبيبي خبريهم يولدوج يعني تكوت دخلتي تاسع

[خوخه بريه]

هلا بكم ياحلوات
سفونه ياقلبي

هالاسابيع
يجلس في الرحم عشان الوزن
ولا يعتبر مكتمل خلاص الحمد لله

ممكن يصبروا عليك الى الاسبوع الجاي
تكوني 35اسبوع
خلاص هانت ان شاءالله

ماقدامك الا العافيه

الدعاءياقلبي
وربي معاك

[خوخه بريه]

في تجمع جمادى الاولى
شفت وحدة ولدت بالثامن
ماشاءالله بخير

[♥IcE pRiNcEsS♥]

مرحبااااا باحلى حوااامل
كيييفكم اليوووم????
انا جديييدة معاكم في هذا التجمع
hwaml7

[♥IcE pRiNcEsS♥]

ويييييين التراحييييب hwaml84

[شوق وغرام]

مساء الخير hwaml7
أبشركم رحت للدكتورة تقول وضع الجنين تمام واحتمال أولد في نص شهر رجب وناسه ابي ارتاح

[♥IcE pRiNcEsS♥]

شوق و غرام الله يسهل ولادتك حبيبتي
و يقومك بالف سلامه ياا رب

[~* عبق الأنوثة *~]

الحمد لله على سلآمتك شوووق
و يلآ شدي حيلك و جهزي للولادة

[ام الحلوين 5]

كيفكم حبائب قلبي الله يسعد كل اللي دعو لي
أنا رحت وحطو لي جهاز الطلق وطلع عندي طلق بسيط وقالت لي بكشف عليك ورفضت خفت تسوي لي تحريض ؤآنا مانزل علي لا إفرازات ولاشي يدل أنه الرحم فاتح اللهم التقلصات بس وألله قويه ومعاها جاء رعب الولادة يأرب سهل أمرنا وطمن خوفنا

[ورد جوري82]

اللهم امييييين

[نونييييي]

سفونه حبيبتى لا تخافى حبيبتى ان شاء الله خير انا ليه بنت خالتى ما شاء الله عندها اربع بنات وكلهم ولدتهم بالتامن صحيح بيجلسوا بالحضانه شوى بس الحمد لله ما فيهم الا العافيه فلا تقلقى طالما اخدتى ابرة الرئه لانها اهم شئ فى المرحله دى وربنا يتمم لكى على خير وتولدى اول التاسع وماتحتاجى حضانه وتخرجى وابنك بحضنك
ام الحلوين الخمسه الحمد لله انك اطمنتى وحاولى ترتاحى والحمد لله ما باقى الا القليل وتبتدى التاسع

[نونييييي]

سفونه حبيبتى لا تخافى حبيبتى ان شاء الله خير انا ليه بنت خالتى ما شاء الله عندها اربع بنات وكلهم ولدتهم بالتامن صحيح بيجلسوا بالحضانه شوى بس الحمد لله ما فيهم الا العافيه فلا تقلقى طالما اخدتى ابرة الرئه لانها اهم شئ فى المرحله دى وربنا يتمم لكى على خير وتولدى اول التاسع وماتحتاجى حضانه وتخرجى وابنك بحضنك
ام الحلوين الخمسه الحمد لله انك اطمنتى وحاولى ترتاحى والحمد لله ما باقى الا القليل وتبتدى التاسع

[dndosha]

اهلن اهلن بالجدد

وسلااااامت اللي تعبانين

ادعولي بنااااااااااااااااااااااات

ماادري اشفيه

وضعي ملخبط شويا مااعرف طبيعي الشي دا ولالا اللي خلفو قبل كدا قولولي

لمن دخلتو التاسع كان بينزل عليكم مويات ولالا

ليه كم يوم بتنزل مني مويا ربس خفيفه يعني مو مرررررره كتير ولا مررررررره قليل

والحمدلله مافيا شي مااشكي من اي حاجه ولا مغص ولا الم ولا اي حاجه ماشاءالله

يلا ردو عليه استغفرواللله خلااااااااااااااااص طفشت وابغا اوووووووووولد

وورمت وحالتي حاله

وكمان بكريه يعني لازم ضروري اخلص 9 شهور بالزبط
الكل بيقول البكريه تدخل للعاشر كمان

:(

[ورد جوري82]

انا زيك بكريه ياعسل وماعرف خخخخخخ وان شاء الله خير,,,هانت مابقى شئ ياعسل

[شوق وغرام]

الحمد لله على سلآمتك شوووق
و يلآ شدي حيلك و جهزي للولادة

شوق و غرام الله يسهل ولادتك حبيبتي
و يقومك بالف سلامه ياا رب

تسلمون حبايبي
الله يهون علينا جميعا
الا بغيت أسألكم ابي مفارش نفاس حلوة وين احصلها بالرياض واسعارها معقولة *

[ام لبنى 666]

سلامتك الف سلامه سفونه لاتخافين ولا تقلقين والله زوجه اخوي جابت بنتها في اول اسبوع فالثامن وجلست 15 يوم بالحضانه وعمرها الحين سنه ونص مشالله عليها كنها البخت توكلي ع الله وجهزي نفسك وشنطتك لانك باي لحظه راح تولدي مو الكلام بس لوحدك الكلام للكل مافي احد يعرف متى الولاده هذا مجرد حساب نحسب ولا المخارجه بيد ربي سبحانه
ام الحلوين الف سلامه عليك ومشاللهىلو ولدتي الحين انشالله ماعليك خطوره لانتي ولا البيبي الله يتمم عليكم ويبلغكياهم سليمين معافين من كل شر وبلا يارب يارب يارب
شوق مشالله وناسه لو ولدتي بنص رجب مابتفطرين رمضان مشاﻷه اﻷه يخارجك بالسلامه يارب

[ام لبنى 666]

دندوشه كيفك ياقلبي وحشتيني بالنسبه للمويه البسيطه الي تنزل عليك هذا شي طبيعي انا مجرد ادخل التاسع تنزل علي اهم شي المويه الي تنزل ماتوصل للقدم لانها لو نزلت ووصلت للقدم لازم تروحينىالمستشفى بس لو هي بسيطه هذا طبيعي جدا جدا الف سلامه عليك يارب

[king_ro7e]

دندوشه وآلله آنآ بكرية مثلك ومآعرف
بس مو شرط إلبكريه تإخذ إلتإسع كله تدخل العاشر

إختي بكريه آخذت ثلاث ايام من التاسع وولدت



وإشوف بعض من آهلي آذآ طولو ياخذو إسبوعين من التاسع زوجة اخوي الي اخذت يومين من العآشر

[سفن بارد]

اهلا ياحلوات الله كريم وبييتمم علي الله لايضيعني يااارب

شكرا لكم كلكم ربي يكتب اجركم على تفاعلكم معي

ام لبنى حبيبتي والله يصعب على نفسي اجهز شنطتي جعل ربي يتمم علي ياااارب واولد في وقتها ياااارب

[عشقي الاطفال]

سفونة كم مرره اقرا عن حبوب توقف بالطلق بعالم حواء مررره ناسيتها ليش ماكتبتها ليكي

هدي الحبوب عشان ماتسير ولادة مبكره لاقدر الله

روحي لدكتتور استشاري ممتاز انا اعرف كل مستشفى فيها دكاتره خاص للحالات اللصعبه

[عشقي الاطفال]

نعووومه ماشالله عليكي احسك اكتر شيء خبره عشان كدا مجننتك باسئلتي

انا بكريه وخووفي عقدتي من الحاجة اللي اسمها تشققات او انو تجلسلي بطن

من بداية حملي ارطب بطني يوميا بزيت زيتون للان والحمدالله يارب لللان بطني صاافيه مافي تشققات

بس ماابغى افرح وانصدم وقت الولادة

ابغا اعرف ممكن تطلعلي تشققات بعد الولادة ادا ماكان في تشققات اثناء الحمل ؟؟

وايش استخدم كريم بعد الولادة مباشرة حاجة مجربتها انتي للتشقات وشد البطن وايش اعمل عشان بطني ماترهل ..؟

[عشقي الاطفال]

بنات كل وحدة تكتب ايش افضل مجموعة اطفال من الصيدلية الشامبو والبودره ووالخ

انا داايمن اقرا عن سيباميد ايش رايكم فيها

[سفن بارد]

صباح الخير

عشقي الاطفال ايه كتبت لي الحبوب اللي توقف الطلق ماشاء الله امينه دكتورتي وتخاف الله وحمدالله تحسنت مع الحبوب ماشاء الله الله يتمم علي وعليكم يارب

[smsma333]

صباح الخير كروشات
كيفكم؟؟
بنات انا امس اكلت من مطعم الله يصلحني وشكله الاكل فيه مايونيز ومن امس وانا حاسه اني مو طبيعيه
وعندي لوعه ومغص ومتردده اروح المستشفي ولا اكل زبادي واصبر
شورو علي :(
اللهم اني استودعتك نفسي وجنيني الذي في رحمي

[smsma333]

بنات كل وحدة تكتب ايش افضل مجموعة اطفال من الصيدلية الشامبو والبودره ووالخ

انا داايمن اقرا عن سيباميد ايش رايكم فيها


سيباميد روعه استخدمها لطفلي من عمر شهرين الي الان ٧ سنين اول الشهور استخدمتله جونسن وجته اكزيما ومره هاجت عليه
وكتبوله كورتزون رفضت اعطيه الكورتزون واستخدمت له سيباميد والي الان متحكمه بالاكزيما وجفاف بشرته بكريمات ومنتجات سيباميد بعد فضل الله ورحمته طبعا

ولطفلي الجاي اذا ربي كتب راح استخدم سيباميد كمان

[ورد جوري82]

samsam333
الله يعينج كلي خياااااااااااااااا ر راح تهدي بطنج وبخصوص ولدج ربي يشفيه
والمجموعه انا خلاص كاتبه ف اللسته مجموعه سيباميد لان انا نفسي استخدمها ومرتاح منها واهم شئ طبيه هي وحونسون امم اذا باخذ باخذ شامبو بس

[dndosha]

يسعد قلبكم يارب


من جد بدونكم اش كنت حسوي ماانحرم وان شاءالله تجمعنا يفضل كدا على طول

من يوم مادخلت التاسع ماروحت دكتورتي خلاص بطلت مااعرف ليش قلت وقت الولاده اروح وخير

ياااااااااااارب سهلها عليا وعليهم

:)

[آوم جومآنا ~]

سسلامووو كيفكوووم

انا آمس كان عندي مراجعه في مستشفى حكوومي

كان جهازهم مرررره قديم ومغبر حتى صورة للاشعه مايطلع

المووهم كشفت علي بس وهي تعملي بالجهاز على بطني كانت تدغدغني كانها ماتعرف تسوي اشعه تمام حتى مابينت اللي في بطني

زين حتى البيبي كانوا تدغدغ معايا كان يتحرك كثير خخخخ

الموهم قالتلي حجموا صغير كان له 6 ونص وانا في نهايه السابع بقالي اسبوع ويوم وادخل الثامن وقالتلي بنت بس قالت الجهاز قديم مررره لاتعتمدي لان اجهزه الخاص تكون مطووره اكثر لان اكثر من دكتوره بمستشفيات خاصه قالولي ان اللي ببطني ولد ووروني عضوه المووهم قلتلها اخر مره رحت لدكتوره بالخاص قبلك قاللي وزنه كيلو و27 يعني ححلو قالتلي مره لا تاخدي بكلامي لان على حسب دورتك انتي في الاسبوع الـ 32 يعني باول الثامن ووبسس واللي بيجي من عند ربي الله يحيه بنت والا ولد اهم شي يكون سليم معافى كااامل الخلقه بدون عيوب ولا زياده او نقصان ,,,

[قلب أمها]

هلا اخواتي كيفكم ان شاءالله بخير
الله يسهل لنا ولادتنا على خير وعافيه
امس كان موعدي عند الدكتوره وتقولي الجنين راسه تحت الحمدلله اتعدل بعد ماتعبني شهور وهو راسه فوق
الحمدلله وان شاءالله قالت بولد طبيعي وتقول لي 33 اسبوع بس وزنه صغير تقريبن قالت 2 كيلو هل هو طبيعي
وعندي تورم برجول وتوجعني وعملت لي تحليل زلال البول
ونتيجه اليوم العصر واخاف كثير بسمع ان خطير يجيب تسمم حمل وولاده مبكره

[تحكمني قناعاتي]

سلام بنات الله يعينا يارب
ان شاءلله راح ارجع لكم بعد اشوي بقوم اسوي غذااانا

[ورد جوري82]

بنت امها ان شاء الله مايطلع فيش زلال يارب
وربي سهل علينا بس سؤال انا راح ادخل الاسبوع 33 يعني عادي ينزل راس البيبي يعني طبيعي يبدا ينزل وكذاااا

[نوره الأموره]

و و و و قربت ولآدتنآ يآكرؤشآت وقرّب شعبآن الله يجيبه على خيرhwaml7.
عسساكم مستعدين بس !

[نسمة بحر]

فعلا هانت الحمد الله مابقي شئ علي الولاده

[بديله الرياض]

وانا معكم الله يهون علينا

[ام حمادة المصرية]

كيفكم حبيباتى وحشتونى
وكيف بيبهاتكم اللى تعبانكم

نعومة يسلمووووو حببتى على سوالك عنى جعلك ربى ماتفقدى غالى يارب
والله يابنات مش بعرف اشارك كتير تعبانة امس من كتر الالم بقيت جالسة على الكرسى طول الليل
ومانمت اللى تانى يوم بعد الظهر
الم فى الحوض والم فى الرجل وثقل وكل دة غير الم عمليتى السابقة كتير بتالمنى
الله يعين ويهون علينا يارب

سفونة وام الحلوين الف سلامة عليكم حبيباتى ربى يتم لكم على خير يارب
اهم حاجة عليكم بالراحة التامة ولا تتحركوا كتير وان شاء الله ربى يتمم لكم على خير

الجدد اهلا بيكم ياحلوات نورتو التجمع

يارب تمم لنا جميعا على خير ونقوم بالسلامة ونفرح بشوفة
اطفالنا سالمين معافيين بدون زيادة ولا نقصان انك على كل شى قدير

[ام حمادة المصرية]

بنات كل عام وانتم بخير
اليوم اول رجب

[Miss YoYo]

أخباركم ا حلوات كلكم ؟
اعذروني ابطيت عليكم بس ماكان عندي نت
استهلكت الحد اللي حاطته على شبكة الجوال عشاني اكل امي كل يوم من المستشفى
انا الحمدلله ماشي حالي ، باقي بالمستشفى وشكلي بقعد عندهم لين الولاده
مستوى المويه مايرتفع بسرعه
قالو لي الحدي الطبيعي لنسبه المويه من 8 إلى 20
وانا كانت عندي بس 5 والحين الحمدلله وصلت إلى 6 ونص
ولو وصلت لـ 8 او فوقها بشوي يطلعوني بس الحين قالو اذا بتطلعين اطلعي على مسؤليتك
فكرت اطلع بس خفت يصير للبيبي شي واتندم بعدين .. انا قاعده قاعده
غرفتي خاصه وزوجي معي بالغرفه عندهكل شي والأكل يوصلني للسرير وعندي تلفزيون مو ناقصني شي
ربي يسهلهاوترتفع واطلع ابي اريح تعبت من المستفى
هذا غير اغراض عبود باقي ماخلصتها ... كل شي طلبناه من النت وانا بالمستشفى
اغراضه يبيلها غسيل وكوي وترتيب بالأدراج وانا ماسويت شي
ولا جهزت شنطة المستشفى وباقي ماركبنا السرير ولا فرشناه
ولا كملت باقي اغراضي عشان نزلتي للسعوديه ولا خذيت باقي الهدايا اللي بنزلها معي
وزوجي بدأ الصيفي عنده وصار يداوم ويرجع دوبه ينام ويريح ويحل واجباته ويذاكر
يارب يفرجها .. أحس حياتي صارت سلطه

[سفن بارد]

اهلا ياكروشات الله يتمم علينا يارب ياكريم

قلب امها طبيعي جدا ماشاء الله مو صغير انا مثلك خلصت33اسبوع ووزن الجنين2كيلو ماشاء الله الله يتمم علينا ويفرحنا بسلامتنا وسلامه اطفالنا

ام حماده الله يسمع منك وفعلا الراحه مطلوبه الله يرزقنا بها

[Miss YoYo]

سفن ... سلامتك والله ماتشوفين شر ، قللي حركتك عشان لاتتعبين وربي يتمم لك على خير وتكملين للتاسع ان شاء الله وتجين تشكين لنا متى أولد متى أولد hwaml02

دندوشه .. يا اختي ريحي بالك لاتخافين من الولاده ولاتتوترين
بالعكس شي حلو قربت شوفتك للنونو ربي يسلمه لك هذا لحاله يخليك تتحمسين للولاده مو تتوترين
ربي يسهلها عليك إن شاء الله

نعومه .. أخبارك وأخبار البنوته ؟ ... وش صار مع بنتكوعملي اللحميه قال لكم الدكتور شي ؟

قلب امها .. حبيبتي لا يقعدون يهذرون عليك ع الوزن اهم شي السلامه لا تخافين منهم
انا ولدي لحين ماوصل كيلو ونص ... وامي كانت تجيبنا بس كيلوين و 300 غرام او كيلوين و 400 وهذا حنا وش زينا مافينا البلا ..اذا على الوزن لاطلع ان شاء الله يزيد وزنه
اهم شي صحته زينه ومافيه شي بس ، استودعيه ربك وربي يتمم لك على خير

[عشقي الاطفال]

ميس يويو الحمدالله طمنتينا عنك ..

بنات خاااااااااااااااااااايفة مووت بشوف مبارة الاهلي السعودي والجزيره

ادعو الاهلي يفوووووز احس بممغص من الخوف

[تحكمني قناعاتي]

هلا بك مس يويو نورتي الحمدلله انك طمنتينا

[king_ro7e]

آهلين مس يؤ يؤ
آلحمدآلله طمنتينآ علييك وآلله يسهل عليك ويقومك بالسلامه انتي وكل بنات التجمع يارب

بنت آمهآ مآعليك منهم آنآ قالت لي آنه مآكمل كيلو وانا بالثامن ماباقي شي على ولآدتي بس آهم شي هو بصحه وعآفيه ومآدري ويش يصير بموعدي الجآي بس قإلو آذآ مو مكمل كيلوين ماراح يطلع معيمن المستشفى الله يعين ويسهل علينآ ونشوفهم سليمين بين آحضآنآ يآرب

[سفن بارد]

اهلا

مس يويو ياحبي لك ربي يسمع منك ويتمم علي وعليك وعلى الجميع ياااارب

عشقي الاطفال بسم الله عليك من المغص عشان كوره هههههه حمدالله اجل ربي رحمك ومبرووووك فوزهم ياحبيبتي

[na3ooma]

السلام عليكم
كيفكم ياحلوات ياكروشات

دندوشة مو شرط تكملي التاسع , ترى فيه بكريات تولد من اول اسبوع ماشاء الله
انتي بس خليها على ربنا وتتسهل وامشي كل يوم وكلي رطب.

ام الحلوين سلامتك ,, انا لو مكانك اخليها تكشف وتسوي تحريض كمان ههههههه < حماس
ماشاء الله انتي بالاسبوع 35 يعني باذن رب العالمين على دخلة التاسع خلاص . يارب تسوي لي تحريض واخلص مره طفشت

عشقي الاطفال , اذا ماشاء الله مداومة يوميا على كريم التشققات لاتخافي ترى اللي بتشوفيها بعد الولادة حتكون مره بسيطة ويكون لونها قريب من لون الجلد .. بس لاتوقفي حتى بعد الولادة لحد ماترجع بطنك لحجمها , اعتبريها ترطيب يومي زي ماترطبي باقي جسمك . انا ماوقفته الحمدلله .. اتكاسل واوقف الفيتامينات بس الكريم لا hwaml7

وكريمات الاطفال انا اشتريت سيباميد لان بنتي لاحظت جلدها صار جاف وبدأت معاها اكزيما وهي صغيرة ومااعرف السبب , فقلت احسن من البداية اجيب شي طبي للنونو الجاي . وعندك شركة فرنسية اسمها mustela تلقيها في صيدليات المستشفيات الكبيرة واشترت منها مس يويو . وانا جايبة منه كريم التشققات حقي.

[na3ooma]

سكر صلالة راس البيبي عادي البيبي عنده وقت للاسبوع 36 علشان راسه ينزل وبعدها يصير صعب لانه بيكبر ..ربي يسهل لنا كلنا

ام حمادة وكل عام وانتي بخير وبدأت اشهر الخير يارب يجعلها خير على الجميع

مس يويو واخيرا اتطمنا عليكي , الحمدلله لسه ماولدتي ووضعك مستقر ربي يتمم لك على خير وولادتك تتسهل وتكون بالتاسع , وهونيها وهي تهون معليش المستشفى كلها فترة مهما طالت علشان خاطر النونو , الله يساعدكم انتي وزوجك ولاتفكري بالاشياء اللي في البيت والشغل تراه مايخلص ... انتي بعد ولادتك بالسلامة يارب كملي المهم سلامة النونو .
وبنتي لسه موعدها السبت الدكتور يقرر لها على العملية ربي يسهل

قلب امها طنشي لاتخافي , واذا موسوسة من وزن البيبي اشربي حليب كثير وكلي موز مره مفيد ويزيد وزنه ,, ومو كل تحليل زلال معانه تسمم حمل لا تخافي ولا تفكري .. وابعدي هالفترة عن كل شي مالح وعن كل مخلل لحد الولادة وحيخف التورم ان شاء الله .

[ام الحلوين 5]

الله يقومك بالسلامة مس يويو ويفرحك بشوفة ولدك
الف سلامه عليك ام حمادة الله يعين ع الثقل وتعب التاسع
نعووووومه اسكتي يابنت الحلال قسم صار فيني خوف مب طبيعي صرت ارجف وخلاص مابي اولد هههههه ورجعت البيت وكلمت اخوي الله يحفظه وجاب لي ماي زمزم قرا عليه وجابه لي والحمد لله هجدت اسال الله العظيم ان يسهل علينا ولادتنا ويؤمن خوفنا ويقر عيونا بشوفة صغارنا يارب

[خوخه بريه]

اهلين بنات شخباركم

الحمدلله ع سلامتك مسس
باقي البنات يالله شدوا الهمه

معاي دوخه مدري ليه
واحس نفسي خلاص
وحراره في اطرافي
طول اليوم ارش بمويه واجلس عند المكيف
لو احس بالحر دوخه ع طول

مدري ليه

[قلب أمها]

مشكورات اخواتي ارتحت من ردكن الطيب الحمدلله طلع الفحص وماعندي زلال
بس شوي التهابات وترسبات
الله يقومنا بسلامه
ان شاءالله تمر الايام بسرعه

[شوق وغرام]

مرآحب كيفكم
بليز بسالكم عن زلال البول لان الدكتورة منعتني من اكل البيض لين أولد وعطتني مضاد حيويته هو وش اسبابه ووش يعني زلال مفهمت hwaml15hwaml15*

[ام لبنى 666]

كيفكم ياحلوات
مس يويو الحمدلله طمنتيني عليك وعليك استغلال فراغك بالستغفار تري والله تجنين
اشياء حلوه بحياتك حلو وراح تشوفين ابواب الخير والفرج تفتحلك من كل صوب انا مجربه
والله شفت الخير والرزق
سفن كيفك اليوم باقي،تحسين باعراض الطلق
نعومه الله يسلم بنتك من كل شر
دندوشه الصبر وانا اختك هههههههه
خوخه حاولي ماتتركين الحديد استمري عليه يمكن الدم ناقص عليك ولا احتمال اذانيك ملتهبه
انا الاسبوع الي راح ذبحتني الدوخه والتنمل والفتور وعدم التوازن بالاخير كشفت،
وطلع السبب التهاب بالاذن الوسطى حتى يخليني اعصب طول الوقت الله يبعد عنك شر هالاتهابات بس عليك
تتغذي زين والفيتامينات لاتتركينه والحديد والكالسيوم
بنت امها لاتهني الوزن ماوزن انا اطفالي 3 كلهم اجيبهم ع 3 كيلو وزياده اخر،واحد جبته 3و400 جرام كانو يقولو في الشهر الثامن وزنه
ببس كيلو،و700 بس مافكرت في كلامهم لما دخلت التاسع زاد الوزن جا اكبر اخوانه مشالله

[سفن بارد]

صباح الخيرات

ام لبني حبيبتي الطلق سبحان الله مايجيني الا الصبح ويقومني من عز نومي واذا جاء الظهر خف ونمت حمدالله وباقي اليوم ماشاء الله مافيني شي بس ثقل وتعب الحمل المعتاد الله يتمم علينا ويفرحنا يااارب
بس الحبوب اللي توقف الطلق متعبتني مرررره الله يعظم اجري والله حاولت ادور غيرها بديل عند كذا دكتور او دكتوره كلهم قالوا مافيه حل غيرها
قالت لي دكتورتي نصف حبه 3مرات باليوم انا مااكل الا نصف حبه بس واموت من التعب وافكر اتركها بعد وارتاح وانسدح وبس الله يرحمنا برحمته ابن ادم ضعيف

[السامره]

سلامتك سفونه وترا الطلق لابد منه هذي الايام
انا لي يومين عندي طلق كل بس متفاوت والله يسرها لنا ونولد بسلامه

[na3ooma]

مساء الخير يأحلى كروشأت
يلا شدو حيلكم مابقى احد قبلنا الا حوامل رجب وحاليا ماشأء الله جا شهرهم وصاروا تحت الاضواء

وممكن وحده مننا تسوي خيانة وتولد بداية التاسع وتلقى نفسها من نفوسات رجب هههههههه
ربي يرزقنا جميعا ولادة سهله ميسرة بطفل سليم معافى يارب العالمين

[تحكمني قناعاتي]

اهلا بنات منورين ما شاءلله عليكم
ان شاءلله كلنا نولد بداية شعبان ونرتاح احس خلاص تعبت
ومافيني على حركة بنتي ولا فيني شدة اراكض وراها واهي صايرة حواااسة كثير
احس مسكينة بعدها صغيرة وبتجيها اختها وبيصيرون مثل التؤم الله يعيني يارب

[نوره الأموره]

انا ولادتي 28 شعبان و ودي اولد بداية شعبان بس خايفه الله يعين

[نسمة بحر]

ميس يويو الحمدالله طمنتينا عنك ..

[ام الحلوين 5]

مساء الخير ياكروشات يارب يسهل علينااا ويفرحنا ويجعل نهاية صبرناا فرج وفرح ياارب
نعومة ياقلبي بسالك بما انك مجربة ابرة الظهر كيف ومتى اروح لهم اول ماحس الطلق ولا شلون ابيك تقولين لي عنها كل شي اليوم الدكتورة قالت انتي خوافه انصحك فيهاا وكتبتها لي بالملف حقي عاد احس وسوسة فيهااوشلون اذا حطوها بظهرك تحسين فيها ولا يخدرون المكان

[king_ro7e]

آهلين صبآيآ آخبآركم وآخبآر نونوآتكم

آليوم رحت السوق آخذ لي ملابس للآالنفآس ومآرجعت آلبيييت آلآ آنآ منتهيه آحس بآلم نهآية ظهري وبطني وآحس بثقل وظغط ورحت دورة الميآه وإنتو بكرآمه شفت ينزل مني شي آصفر على بني فآتح
هل هو طبيعي من آلتعب وآلسوق وكذآ آوو..؟!!
لآني مثل الي آختلعت آشوي يوم شفتتته :-(
آلله يتمم علينآ ونولد ولآدة سهله يآرب ونفرح بشوفتهم سليمين معآفين

[آوم جومآنا ~]

بنآت بسسآالكم ابي اعرف كل شي عن تجهيزات النفاس لاني بكريه ومااعرف ششي وانا بعيده عن اومي والمكان اللي سساكنه فيه مايهتموون لهيك اشياء عششان كذا ابي اعرف وش بالضبط التجهيزات اللي لازم اخذها !!؟؟

[na3ooma]

مساء الخير ياكروشات يارب يسهل علينااا ويفرحنا ويجعل نهاية صبرناا فرج وفرح ياارب
نعومة ياقلبي بسالك بما انك مجربة ابرة الظهر كيف ومتى اروح لهم اول ماحس الطلق ولا شلون ابيك تقولين لي عنها كل شي اليوم الدكتورة قالت انتي خوافه انصحك فيهاا وكتبتها لي بالملف حقي عاد احس وسوسة فيهااوشلون اذا حطوها بظهرك تحسين فيها ولا يخدرون المكان

هلا حبيبتي
شوفي كل ولاداتي مانزلت علي الموية ,, دايما يبدا الطلق
واروح وتقريبا الالم يكون كل 10 دقايق , ويكون مفتوح تقريبا 3 سم
ينتظروا يصير 4 سم ويجي دكتور التخدير .. وكلك تكون متغطية
بس يادوب فتحه الملابس دائرية عند الظهر
اول شي تعقيييييييم تحسي شي بارد بظهرك
بعدين الدكتور بابرة مره رفيعة زي ابرة التطعيمات العادية يخدر عضلة الظهر
يادوب احس وقتها بنغزة صغيرة مره زي حقت التطعيم ..اصلا ماتجي شي جنب الم ابرة الوريد السخيفة مره اكرهها هههههههه
وبعدين يعقم ويتكلم معاكي ,, ويقول خلاص .. دقايق بس
طبعا في الوقت اللي يتكلم فيه يحط قسطرة (انبوب ) رفييييييييييع مره في مكان عضلة في الظهر ويحط عليه لزق ويثبته خلاص باللزق .. والانبوب نهايته تكون عندك انتي جنب يدك
ويكون موصول بسائل مخدر ..كل ساعة او ساعتين حسب قوة التخدير والألم يفتحوا السائل ينفط كم نقطة تنزل لحد العضلة في الظهر وتحسي بشي بارد وعلى طول تخفي الألم

وقت الولادة بعض الدكاترة يخففوا الجرعه علشان يساعدوكي تحسي بألم بسيط زي الدورة علشان تدفعي البيبي . وبعضهم يخلوا نفس الجرعه وولادة بدون ألم واذا جا الدفع يقولولك لما يشوفوا جهاز الطلق.
انا الحمدلله على نعمته ماجاني صداع بعدها , لان الممرضة نومتني على ظهري 4 ساعات بعد الولادة بدون مخده تحت راسي وقالت هذي افضل طريقة علشان مايجي صداع وماشاء الله كلامها صحيح .
وألم الظهر هو نفسه حق الولادات .. واحيانا احس بشوية شد في ظهري بس كله يختفي بعدين لما الجسم يبدا يتعافى من الولادة والنفاس والتعب

اهم شي يكون استشاري تخدير مو اي احد علشان باذن الله مانتعب من اثار جانبية وتعب وقت حط الابرة . الله يسخرلنا اللي يخافوا الله فينا ويكونوا من خيرة خلقه يااارب

[السامره]

السلام كيفكم ان شاءالله بخير
بنسبه الى ينزل عليك ان شاءالله يكون طبيعي انا نزل مني قبل اسبوعين
والحمدااه تمام شكلك ارهقتي نفسك شويه
ام جومانا جهزي اشياء عاديه طالم مافي احديهتم في هذا الاشياء

[آوم جومآنا ~]

هلآ ي آلسسامره انا اهتم واهلي بسس انا بعيده عن اومي يعني انا بجهز وهي تقدر تساعدني بسس هيه بعيده واللي عندي مافي احد استششيره واخذ رايه يسااعدني قلت بجهز من هنا عشان ماراح انزل لجده الا بنص هالششهر وبكون مخلصصه الثامن وثقلانه .. آنا كذا اقصد فهمتيني

[ام الحلوين 5]

يابعد عمري يانعومه كفيتي وفيتي بالشرح الله لأيحرمنا منك وأمين يأرب الله يسمع منك

[ღفـرآشـہ فوشـيـہღ]

السلام عليكم
صباح الخير

يارب يسهل علينااا ويفرحنا ويجعل نهاية صبرناا فرج وفرح ياارب

[نوره الأموره]

وعليكم السلام والرحمه هلا فيك

بنات للي عندها خبره وش افضل اخذ رضاعات بيقون والا تشيكو

امي ماتعطينا غير بيقون بس مدحو لي تشيكو واحترت وش اخذ مع الجهاز اي نوع ؟

[سفن بارد]

اهلين ياكروشاااات

السامره الله يريحك يااارب اللهم امييييين ياحبيبتي

كيفكم ياحلوات وكيف الثقل معكم انا هد حيلي الثقل الله يتمم علينا ويسهلها في وقتها يااارب

[السامره]

السلام عليكم
والله اليوم جاتني الالم قلت باولد والحمدلله خفت
يام جومانه مادامك نازله عند امك خليها هي تجهزلك شرشف النفاس ترى في جده حلوه ورخيص
تاخذ من البلد في جده حتى اذا تبغي تجيبي توزيعات تلقي كل شي باجمله احسن لك
واذا نزلتي بنص الثامن يمديك تلفي شويه واشياءك واشياء النونو انتى جيبيها من المنطقه الا انتى فيها
وان شاءالله اكون افدك

[سفن بارد]

السامره بسم الله عليك والله يتمم علي وعليك ويسهلها علينا في وقتها ياااارب

[na3ooma]

كيفكم اليوم ياحلوات
انا اليوم انهد حيلي من الثقل
وكل شوي تقلصات وتحجر بس طبعا عادية
وجتني العصر طلقة وحده بألم ظهر ,,يووووووه نفس حقت الولادة على طول اتذكرت الولادة
بس وحده وراحت في حالها

لكن مستغربة كثرت تقلصاتي وتحجر بطني اليوم لدرجة نفسي ينكتم ولا اقدر اتنفس واحس اكتافي تنشد ..
شكيت بنفسي اني بالتاسع ههههههههههههههه

يااارب ساعدنا كلنا والله تعب

[تحكمني قناعاتي]

والله انا اكثر شي مضايقني كثرة دخلتي الحمام لتبول وانتو بكرامة
وشعورك انك حصرانة بالمرة واخر شي نقطة نقطتين

[smsma333]

هلا حلوات كيفكم؟؟
انا دخلت 35 اسبووع مابقي شي علي التاسع واحس اني خفت لما قرب التاسع
وامس حسيت البيبي نزل بالحوض والم بظهري وحوضي قاتل
الله يتمم لنا علي خير يااارب ويسر لنا الولاده وساعتها ويفرحنا باطفالنا بكامل صحتهم يارب

[نونييييي]

نعومه حتى انا مثلك اليوم جاتنى طلقتين اليوم مسكنى مغص مع ضهرى الم مرة مؤلم فكرتنى بطلق الولاده غير ان مسك بطنى تحخر مع حركة البيبيى لتحت مرة كانى احس انه بتدف نفسها لتحت تبغى تطلع وفعلا حسستنى انى بالتاسع والله يهونها علينا كلنا وهذا كله طبعا غير التقل بس امشى عشر دقائق احس انى مرة تعبت عن جد ايش هعمل بالتاسع وهو شهر المشى والتعب يارب يسر لنا ولادتنا وفرحنا بيبيهاتنا بحضنا واحنا وهم باتم صحه وعافيه

[آوم جومآنا ~]

مششكوره سسموره

[خوخه بريه]

اهلين صبايا
شخباركم

نعومه نفس الكلام

احس فيه

عدا الطلق لا

بس كل التقلصات ونفسي يروح فيها
الله يسهل يارب

[ام امجاد]

السلام عليكم يالكروشات اناا ولدت يوم الثلاثاء 24وجبت احلى ولد بالدنيا طبعا ولدت بالثامن وطلع الجنين عمره34اسبوع والحمدلله قعد عشره ايام وطلع والحين هوه بحضني الله يحفظه وبادن الله بحكي لكم قصتي ولادتي قريب والله يعين الجميع ويفرحكم بااطفالكم

[سفن بارد]

نعووومه حبيبتي بسم الله عليك من كل شر والله انا مثلك بالضبط بس احس الشغل والمجهود له دور ياااارب تمم علينا جميعا وتسهلها علينا في وقتها يااارب

ماشاء الله تبارك الله ام امجاد مبرووووووك حمدالله على سلامتك وسلامه طفلك اول وحده بتجمعنا ولدت وسبقت الجميع والله يتمم عليك وعلينا العافيه يارب

مبرووووووك ياحياتي على العريس الله يخليه لك

[ملكة الثلوج]

مبرووووووووووك ..أم أمجاد.. الحمدالله ع السلامه شكل ولدك مستعجل كلع مبكر ههههإه الله يحفظه وتربى بعزكم وعقبالنا يارب يسهل علينا

[سفن بارد]

صباح الخير ياحلوات
الفجر عطست وانا منسدحه واوجعني عظم العانه من اليمين وبغيت اموووت من الوجع بنات وش سبب هالالم تكفون لايكون انفتاح الرحم والا شي فيه ولاده الله يسعدكم خفت مررره والا الان الالم مستمر طمنوني الله يطمنكم

[السامره]

صباح النور عليك سفونه الله يعينا على الالم انا زيك ماقدرت انام من التحجير والم اخر ضهري
انتي من العطسه انا الكحه

[عشقي الاطفال]

مبروووووك ام امجااااد يتربى بعزك

ايش سبب ولادتك بدري وطبيعي ولاقيصري فيدينا لانو فينا خوف من الولادة المبكره

[عشقي الاطفال]

سفن بارد انا زيك احيانا يجيني الم بالعانه فظيع وابكي منو

وكمان احس المهبل في الم كانو بينفتح

ولما اروح ويعملولي سونار تخيلي احس السونار مو ببطني نزل بالعانه

وتقولي الالام دي لانو الراس سار تحت وتقولي طبيعي

بس انتي بكريه اول مره تحسي بالالم دا ولسه حيزيد الله يهونها علينا يارب

[عشقي الاطفال]

بنات انا خايفه من التشوهات مرره لانو 24 ساعه عالواتس اب وبرامج الايفون ويقولو مرره خطير

او عاللابتوب

لو لاقدر الله في تشوهات تبان بالالتراساوند الثلاثي ؟؟

وتتوقعو ممكن يكون في ضرر ولا لا

تندمت اني استعملتهم مرره:(

[ام أروى]

هلا حبيباتي الثوامن ماباقي شي ع التاسع وناسسسسسه

عشقي انا بحملي الاول طول الوقت ع الاب والحمدلله ماصار شي

لكن خذي الحذر افضل .. اتركيهم

[تحكمني قناعاتي]

الحمدلله على السلامة ام امجااااااااااااااااد

[نوره الأموره]

يارب وقت الاذان سهل علينا ولادتنا واجعلها يسيره سهله سريعه وفرح نظراتنا باطفالنا سالمين معافيين وارزقنا برهم وصلاحهم وهدايتهم وسخر لنا الاطباء والطبيبات والممرضات واجعل اخر تعبنا فرح وتكفير سيئات برحمتك ياحي ياقيوم

قولو امين 3>*

[king_ro7e]

آلف آلف مبروووووك آم آمجآد وآلحمدآله آنو آلنونوسليم وآعطوك يآه آلله يخليه لك ويحفظه وتفرحي في وهو عريييس
آلآلم حدث ولآ حرج تعببت خآصه منطقة آلعآنه آحس بآلم مو طبيعي وآلنونو كثرآنه حركته وآلتحجر زآيد هآليومين وإلم آلظهر مآقول آلآ آلله يعين ويتمم لنآ على خير ونفرح بشوفتهم يآرب
بنآت بسئلكم آبرة آلرئتين آلي يعطونآ آيآهآ للجنين متى نآخذهآ إنآ آول مرآ آسمع عنهآ من صديقتي تقول هي آعطوهآ

[خوخه بريه]

هلا كروشات
ام امجاد
ماشاءالله
الف مبروك

سبقتي دنووشه

مااتفقنا عالخيانه

خخخخخخ

يتربى في عزكم

ننتظر اكشن الولادة>>>>>>>وحدة ماتتوب من القصص

[الرحيق المختوم]

على البركه ام أمجاد يتربى بعزكم

قلبي طق ,,,,, خفت


العظم فوق عند العانه الم غير طبيعي خاصه اذا قمت ,,,


مادري وشلون بالتاسع نمشي م الثقل والتعب


بنات اي اسبوع انا باقي لي أسبوعين وادخل التاسع ؟؟؟؟؟؟

[سفن بارد]

مساء الخيرات

السامره الله يكشف ضري وضرك والله العطسه والكحه تهد الحامل الله يعينا
عشقي الاطفال الله يخفف عنا اجل انت مثلي يااارب يكون الم طبيعي انا في حملي الاول دايم على الابتوب وماشاء الله ابني مافيه الا العافيه حمدالله لاتوسوسي
نوره الاموره اللهم امييييييين الله يسمع منك ياحبي لك
كنق حبيبتي ابره الرئه مايعطونها الا اللي يخافون تولد قبل تدخل التاسع بس انا في حملي الاول مااخذتها ماشاء الله وهالحمل اضطريت لاني معي طلق وخايفين اولد فعطونياها من باب الاحتياط ولا هي مو ضروريه في كل حمل بس اللي يخافون عليها من الولاده المبكره فهمتي علي
الرحيق المختوم باذن الله باقي لك اسبوع وتدخلين التاسع ماشاء الله الله يتمم علينا ياااارب

[نونييييي]

ام امجاد الف مليوم مبروووك والله يباركلك بالمولود الجديد ها يا حلوات ابتدت الخيانات يلا مين عليها الدور

[سفن بارد]

نونيييي جعل دوري مايجي من غير شر وجعلي مااخون يااارب تستر وتمم علي >>>وحده خااايفه مرررره الله يستر ادعولي

[ام الحلوين 5]

ألف ألف مبروك أم أمجاد والحمد لله ع سلامتك إنتي والعريس بس خنتي فيني أنا ودندوشه عاد أنا من الخرشه صرت مأبيها تجي ههههههههههه
سفن يأقلبي عادي اللي تحسين فيه وألله أنواع التعب الله يعينا ويتمم علينا ويفرحنا بشوفتهم تنسينا التعب

[ام الحلوين 5]

أم أمجاد ننتظر اكشن الولادة
وحده من بناتي يوم ميلادها عشره رجب وتدعي تقول يأرب يأماما تجي أختي بنفس تاريخي عشان تحتفلون فينا سوا

[na3ooma]

hwaml96السلام عليكم
كيفكم حبيباتي ربي مايحرمني منكم كلكم

ام امجاد الف الف الف مبروك العريس والحمدلله على سلامتك وسلامته , والحمدلله 34 اسبوع مو صعبة مره ,, ربي رحيم وكريم .. الله يقر عينكم بيه وتشوفوه احلى عريس يارب .

دندوشة يلا شدي حيلك خلينا نفرح بيكي انتي كمان

نونيييي من جد كلامك ما اتخيل لو شدينا حيلنا بالمشي ايش حنسوي من الثقل والتعب الله يعين.

سفن من جد الشغل مايخلص مع انه عندي شغاله بس طبعا عيالي اكيد انا اهتم بيهم والطبخ مااخليها تمسكه انا اللي اجهز واطبخ هي للبيت وتنظيفه والغسيل والكوي .. وعاد بكرة اختبارات وجالسة انا وولدي على الرياضيات ويارب يسهلها معاه.
عاد انا عطستي نتيجتها غييييير .. انا اول مااعطس تلقي انواع التسريب <<< hwaml96 وكل شوي اغير ملابسي , من جد مثانتي تحزن انضغطت ضغطة ماتتحمل اي عطسة هههههههههه

ام الحلوين خلاص اسمعي كلام بنتك وجيبي النونو 10 رجب واحتفلوا سوا
انا بنتي وزوجي 6 يوليو وفرحان بهالحركة وقال يلا استني اخر يوم للتاسع وجيبي التانية زيها << وانا نفسي اولد اول يوم في التاسع تعبببببببت

[دلوعة الشهري]

:(


الله يسهل يابنات وربي كاني بدخل بيت رعب



اللهم هون علينا الم الولاده

[نوره الأموره]

كروشات الله يهون عليكم ردو علي

انا اراجع بمستشفى حكومي وابي تقرير حملي وتحليلي من عندهم عشان اولد بمستشفى ثاني تتوقعون يعطوني؟


ثاني شي احس بحركة البيبي بنهايه خصري عن ظهري هالشي عادي؟ احس مكانها غريب

[شوق وغرام]

[
COLOR="black"]مساء الخير ياحلوات
hwamاخباركم
[/COLOR]

[king_ro7e]

آيووون يسلمو سفووونه طمنتيني لآنه من سئلتني صديقتي لآني آنآ وهي بكرين ومآدري
بس آشون آني تطمنت
وآلله يهون علينآ يآرب وترزقنآ آلولآده آلسهلة يآرب وتجيبه بوقته سليم معآفى دون زيآدة آو نقصآن يآرب

[سفن بارد]

اهلا ياحلوات

ام الحلوين الله يطمنك انا اقول وش هالتعب في الثامن وش باقي لتاسع يااااارب سهلها علينا وتمم علينا يااااارب
نعوووومه الله يهونها عليك الشكوى لله الله يعظم اجرنا الثقل سوى فينا عمايل

ياااارب يابنات ادخل التاسع وارتاح باقي لي اكثر من اسبوعين الله يعديها على خير ياااارب الطلق تاعبني ورعب الولاده المبكره صار شبح لي يااارب ترحمنا برحمتك وترحم ضعفي يااااارب

اليوم رحت عند استشاريه اعرض عليها حالتي ياااارب ترحمني بكتني والله تقول لا الولاده المبكره مشاكلها كثيره قلت اخذت ابره الرئه قالت لامو بس الرئه الولاده المبكره يصير الجنين فيه نقص سمع والا مخ والا بصر وافضل شي الولاده بعد الاسبوع37ياااارب يسرها لي يابعدها الله يتمم علي

واتعبتني حبوب التثبيت اللي كاتبينها لي حبوب يوتوبار عشان توقف التقلصات والطلق تجيب خفقان ورعشه مو طبيعيه واستشرت كم دكتور وبحث بالنت مافيه حل غيرها ياااارب تمم لي وجعل كل اموري براوسلاما علي وعلى جنيني وتمم لي ياررررررب

[سفن بارد]

آيووون يسلمو سفووونه طمنتيني لآنه من سئلتني صديقتي لآني آنآ وهي بكرين ومآدري
بس آشون آني تطمنت
وآلله يهون علينآ يآرب وترزقنآ آلولآده آلسهلة يآرب وتجيبه بوقته سليم معآفى دون زيآدة آو نقصآن يآرب

الله يطمن قلبك وقلبي دووم يااارب
اللهم امييييين ياااارب الله يسمع منك

[نوره الأموره]

اهلا ياحلوات

ام الحلوين الله يطمنك انا اقول وش هالتعب في الثامن وش باقي لتاسع يااااارب سهلها علينا وتمم علينا يااااارب
نعوووومه الله يهونها عليك الشكوى لله الله يعظم اجرنا الثقل سوى فينا عمايل

ياااارب يابنات ادخل التاسع وارتاح باقي لي اكثر من اسبوعين الله يعديها على خير ياااارب الطلق تاعبني ورعب الولاده المبكره صار شبح لي يااارب ترحمنا برحمتك وترحم ضعفي يااااارب

اليوم رحت عند استشاريه اعرض عليها حالتي ياااارب ترحمني بكتني والله تقول لا الولاده المبكره مشاكلها كثيره قلت اخذت ابره الرئه قالت لامو بس الرئه الولاده المبكره يصير الجنين فيه نقص سمع والا مخ والا بصر وافضل شي الولاده بعد الاسبوع37ياااارب يسرها لي يابعدها الله يتمم علي

واتعبتني حبوب التثبيت اللي كاتبينها لي حبوب يوتوبار عشان توقف التقلصات والطلق تجيب خفقان ورعشه مو طبيعيه واستشرت كم دكتور وبحث بالنت مافيه حل غيرها ياااارب تمم لي وجعل كل اموري براوسلاما علي وعلى جنيني وتمم لي ياررررررب


ياقلبي عليك الله يهون عليك وتتمين الثامن وماتولدين ولاده مبكره يارب ويحفظلك جنينك سالم معافى

انتي لاتتضايقين نفسيتك تأثر عليك وعلى طفلك وتذكري آية ( قل لن يصيبنا الا ماكتب الله لنا )
مهما قالو الدكاتره ماراح يصير الا المكتوب توكلي على الله واعتبري الحبوب سبب بعد الله

الله يكون بعونك ويفرج همك

[خوخه بريه]

اهلين بنات
نعومه ربي يوفقك ولدك
ياارب

سفونه
ياعسل
هذي ام امجاد ولدها طيب

خليك متفائله
الدكتورات يهولون الامور

انا بحثت
مكتوب اخر الثامن الى التاسع
بس عشان الوزن
عادي يقدر بفضل الله يعيش
وكل شي مكتمل ياعسل من اول السابع

تحصني

بعضهم يكمل التاسع ومايعيش
والعكس صحيح


توكلي ع الله
مايخيب من دعاااه

[ورد جوري82]

اشتقت لكم حبااااااااااااااااااااااااااااااااااااايبي

[تحكمني قناعاتي]

هلا بنوتات
بكرة السبت واختبارات الله يكون في عون الي عندهم عيال يذاكرون لهم الحمدلله خلصنا وارتحنااا

[نونييييي]

هسفونه لا تخافى حبيبتى ولا تاخدى على كلام الدكتورة وتوكلى على الله فمن توكل على الله فهو حسبه وهالحبوب حاولى تاخديها قبل النوم علشان لا تحسي بتعبها والله يؤجرك على تعبك وتولدى باذن الله بالتاسع وتجيبي احلى ولد ويلا انا بحجزه لبنتى الله يجيبهم بالسلامه هما وكل بيبيهات تجمعنا الغالى
نعومه انا وانتى محتاسين انتى تذاكرى لابنك وانا اذاكر لبنتى ويارب تمر هالايام بسرعه بس بنتى تخلص وبعدها بيومين بسافر لاهلى علشان الولاده فيارب سهلها علينا كلنا

[سفن بارد]

نوره الاموره اللهم اميييين الله يسمع منك ياااارب ياحبي لك والنعم بالله سبحانه

خوخه بريه ياحبيبتي الله يتمم لي وارتاح من الهم يااارب والنعم بالله والله يحفظنا جميعا ويتمم علينا

نونيييي الله يسعدك على طيب اصلك والله لو اكلتها قبل النوم تنكد علي وتقومني من عز نومي من قوي الخفقان والرعشه الله يجعلها بر وسلام علي وعلى جنيني وياحبي لها بنتك والله يجيبهم يااارب هي وولدي واطفال التجمع بالسلامه

[السامره]

كيفكم جميعا
سفونه انا كنت اخذها وانا حامل بتوام مره تتعب وجيب خفقان الله يعينك
ولا توسوسي كثير خليها بتيسير رب العالمين
مبروك ام امجاد ويتربى في عزكم
ابشركم دخلت التاسع واخير الله يكتبلنا ولاده ميسره

[ام امجاد]

في علاج غير اليوتبار حق التبيت لاني كنت استخدمها الين مارحت فقيه تابعت عند الدكتور احمد عبد المجيد من السابع واعطاني ابر تبيت ووقف ليه الحبوب قال انها متعبه والحمدلله الابر ريحتني كثير عن الحبوب وكل اسبوع ابره الله يهون عليك اسالي عنها وبعد اعطاني التحاميل السايلوجست حبه بالليل والحمدلله زي ماقلت ولدت 34اسبوع وقد الولد عشره ايام والحين هوه معاي مافيه الا العافيه الله يحفظه مع انه جبته بعد خمس بنات الله يخليهم ليه الله يتمم لكم

[سفن بارد]

صباح الخيرات

السامره ايه ياحبيبتي متعبه انت جربتيهاالله يعظم اجري واجرك طلعت قلبي من مكانه الله يتمم علي يااارب ومبرووووك ماشاء الله ياحبيبتي دخولك التاسع عقبالنا ياااارب

ام امجاد ياحبيبتي الابره المثبته في المستشفيات بس مو في اي مكان وانا ماطاعوا يعطوني اياها يقولون لازم نشوف فتح الرحم واذا فتح نعطيك وانا ماطعتهم ابد مهبولين صراحه والحبوب مالقيت غيرها مفعولها قوي وممتاز بس مالها سلبيات من الخفقان والرعشه اول ماتاكلينها

[نوره الأموره]

توني خلصت اختبار يااااااارب اكتب لي النجاح والتوفيق احس اني مففففففهيه مانمت ولا اكلت شئ بس اناظر بالبنات الللي تروح واللي تجي ههههههههههه

[ورد جوري82]

هههههههههههههههههههههه ان شاء الله بتنجحي يارب

[na3ooma]

توني خلصت اختبار يااااااارب اكتب لي النجاح والتوفيق احس اني مففففففهيه مانمت ولا اكلت شئ بس اناظر بالبنات الللي تروح واللي تجي ههههههههههه

ذكرتيني بنفسي
اختبارين بالجامعه وكلهم كنت حامل
ايام ولدي كنت لسه بالبداية ويمكن على الشهور الوسطى

اما بنتي عقدتني اتأخرت وخلصت التاسع ويوم دخلت العاشر بدأت اختباراتي تخيلي
وولدت ليلة اول اختبار hwaml4
وكان حظي حلو ,,الاختبار الثاني واللي بعده كلهم بعد اسبوع من اول اختبار
رحت الجامعه بعد ولادتي باسبوع علشان باقي الاختبارات واعطيتهم ورقة تبليغ لادتي علشان يرحموني ويختبروني الاختبار الاول اللي راح عليا علشان حرام اعيد فصل دراسي كامل بسبب مادة وحده لاني كنت تخرج خلاص hwaml13
رحموني ورحموا حالي وشافو وضعي المنيل ههههههههههههه وخلوني اختبر بس تعبت من المشي في الجامعه تعرفي مسافات وانا لسة والدة من ايام بس كله من بنتي الله يصلحها

[تحكمني قناعاتي]

مســــــــــــــــــــــــــــــــــــــــــــاء الخيرر

[king_ro7e]

مسآء آلخييير
آخبآركم صبآيآ وآخبآر آلنونوآت

[نوره الأموره]

ذكرتيني بنفسي
اختبارين بالجامعه وكلهم كنت حامل
ايام ولدي كنت لسه بالبداية ويمكن على الشهور الوسطى

اما بنتي عقدتني اتأخرت وخلصت التاسع ويوم دخلت العاشر بدأت اختباراتي تخيلي
وولدت ليلة اول اختبار hwaml4
وكان حظي حلو ,,الاختبار الثاني واللي بعده كلهم بعد اسبوع من اول اختبار
رحت الجامعه بعد ولادتي باسبوع علشان باقي الاختبارات واعطيتهم ورقة تبليغ لادتي علشان يرحموني ويختبروني الاختبار الاول اللي راح عليا علشان حرام اعيد فصل دراسي كامل بسبب مادة وحده لاني كنت تخرج خلاص hwaml13
رحموني ورحموا حالي وشافو وضعي المنيل ههههههههههههه وخلوني اختبر بس تعبت من المشي في الجامعه تعرفي مسافات وانا لسة والدة من ايام بس كله من بنتي الله يصلحها


ههههههههههههههه ياعمري عليك
ماالومك الحمدلله ان ولادتي بالاجازه
يلا الحمدلله ايام و عدت
الله يصلح لك اولادك ويخليهم لك

[نوره الأموره]

هههههههههههههههههههههه ان شاء الله بتنجحي يارب

اللهم امين الله يجزاك خير

[dndosha]

صبااااااااااح الخيييييييييير

ياااااا بطااااااااااات

حبيت اطمنكم واطمن

امس كنت فالمستشفى روحت الطوارئ بتنزل مني مويات بس خفسفه وامس زاااااادت شويا وبدأ طبعن الخوف ماكنت ابغا اروح غير لمن احس بألم

لكن امي الله يهديها قالت يلا مو بكيفك عالاقل اطمني على البيبي ماتكون نقصة عليه المويا

المهم روحت وياريتني ماروحت كشفو على كل شي وقالولي الحمدلله كل شي كويس بس الدكتوره كشفت كمان من تحت ودخلت ايدها عورتني استغفروالله حسيت انو البيبي نط من قوة الكشف

قلتلها تبغي تولديني انتي تضحك تقولي لا اشوف الوضع واطمن

والحمد لله كل شي سليم بس طلع عندي التهابات مررررررره زايده وبسببها تنزل مويات

بس من يوم ماخرجت من المستشفى بأحس بألم زي المغص خفيف يروح ويجي


اللي عندهم خبره

الكشف الي سوتو الدكتورة دي تحفيز على الولاده ولا كشف عادي كان


ربنا يسهلها علينا كلنا

طولت عليكم بس خلاص لازم من الفضفضه

:)

[ام الحلوين 5]

سلامتك دندوشه بس بعض الأطباء بيسوو تحفيز وهم يكشفون وبعضهم لا بس كشف عادي طمنينا عنك

[تحكمني قناعاتي]

دندوشة لا اتخافي ان شاءلله مافي اله الخير
انا كمان المنطقة عندي ما تجف
كل اشوي احس بماي خفيف فيها بس الدكتورة طمنتني ان الوضع طبيعي والماي حول الجنين كويس

[na3ooma]

صبااااااااااح الخيييييييييير

ياااااا بطااااااااااات

حبيت اطمنكم واطمن

امس كنت فالمستشفى روحت الطوارئ بتنزل مني مويات بس خفسفه وامس زاااااادت شويا وبدأ طبعن الخوف ماكنت ابغا اروح غير لمن احس بألم

لكن امي الله يهديها قالت يلا مو بكيفك عالاقل اطمني على البيبي ماتكون نقصة عليه المويا

المهم روحت وياريتني ماروحت كشفو على كل شي وقالولي الحمدلله كل شي كويس بس الدكتوره كشفت كمان من تحت ودخلت ايدها عورتني استغفروالله حسيت انو البيبي نط من قوة الكشف

قلتلها تبغي تولديني انتي تضحك تقولي لا اشوف الوضع واطمن

والحمد لله كل شي سليم بس طلع عندي التهابات مررررررره زايده وبسببها تنزل مويات

بس من يوم ماخرجت من المستشفى بأحس بألم زي المغص خفيف يروح ويجي


اللي عندهم خبره

الكشف الي سوتو الدكتورة دي تحفيز على الولاده ولا كشف عادي كان


ربنا يسهلها علينا كلنا

طولت عليكم بس خلاص لازم من الفضفضه

:)

يلا عد تنازلي هههههههههههههههه
مااظن تحفيز ,, التحفيز او التحريض تحسي الدكتورة تلف يدها جوه كأنها بتدور على شي ضايع منها هههههههههه وبالعاده ينزل نعاه او بعده ساعات كم نقطة دم خفيفة
شكله كشف عادي تشوف كم اتوسع .

الله يسهلها عليكي ويهونها وتجيبي لنا اسر وتفرحي بشوفته سليم معافى يارب

[na3ooma]

السامره على البركة التاسع وان شاء الله نبارك بولادتك السهله يارب

.
.

بنااات شي جديد عليا بصراحه
اول حمل ليا اعرق كثييييييييييير بالليل لدرجة فراشي تحتي ومخدتي مبلولين !!

بالعادة هالعرق والبلل بعد الولادة لان الجسم يتخلص من الموية الزايدة
لكن سلامات ! قاعد يتخلص منها من الحين ؟؟ <<< فيس مستغرب
والله جد غريبة مرررره عمري مااتعرقت ليليا وبقوة في الحمل

هل يوجد من لديه معلومة << ايش رايكم في الفصحى بس ههههههههه

[سفن بارد]

مساء الخير ياكروشاااات

دندووشه الله يسهلها عليك وعلينا يااارب في وقتها يااارب
نعووومه حبيبتي انا مثلك اعرق شي فضيع خاصه وانا نايمه وحملى الاول ماكنت كذا اتوقع طبيعي باذن الله

باقي لي اسبوعين وادخل التاسع يااارب تعدي الايام على خير وادخل التاسع ياااااارب ياكريم الله يتمم علي وعليكم ويرزقنا الولاده السهله في وقتها يااارب

[ورد جوري82]

لا اعلم يا ابنة العرب خخخخخخخ

[نوره الأموره]

زليت اليوم من السرير ياشين رفالتي بعض الأحيان ههههههههههه

[~* عبق الأنوثة *~]

هلآ بنآت ...
اشتقت لكم hwaml03

مبروووكـ يآأم امجاد على العريس
و الحمد لله على سلآمتك و سلآمته
و يلآ روحي تجمع شهر رجب hwaml02

نعومة ..
حتى أنا عرق مو طبيعي آفففففف
بس أتوقع عآدي مع جونآ الحلوو
هههههههههه

سفونة ..
ربي يعينك و يعطيك أجرك يآقلبي
إن شآاء الله مآتحتاجي هالحبوب

[سفن بارد]

عبق الانوثه الله يسعدك على دعاك الله يسمع منك يااارب ويرحمنا برحمته

[نوره الأموره]

بنات أنا بكريه مآفيه أمل أولد بنص التاسع ؟ مره مأودي ادخل العاشر
خائفه من الطلق الصناعي غالبيه البكريات أو شبه كلهم اللي بالمنتدىدخلو العاشر
الله يهونها بس

[نوره الأموره]

يعني أقصد فيه بكريات مايتمون التاسع ؟

[السامره]

السلام عليكم
عقبال الباقي يدخلوا التاسع
يانوره موشرط البكرية تخلص التاسع وتدخل العاشر
الله يمم الحمل على خير
ايش رايكم في الاشياء المحرضه عشان الدكتور يقولي نبغاك تولدي قبل الاسبوع 38
عشان ماندخل قيصري ردو عليه

[نوره الأموره]

الحمدلله الله يطمن قلبك

مدري والله تمنيت أفيذك بخصوص المحرضات بس أن شاء الله يجئ أحد يفيدك

[عشقي الاطفال]

نعوومة انا زيك كمان اعرق وبنفس الوقت احس نفسي بردانه عرقانه وبردانه قمة التنااقض بس من جد دا احساسي
ولما بنام اتلحف باخف لحااف واعلي التكييف اخر حاااجة
بس احس طبيعي انا كرهتني الدكتوره اي شي اوسوس فيه انط عليها واسئلها واقولها قريت بالنت سارت تكره حاجه اسمها نت
وعلى قد وساويسي ماوسوست بالعرق دا حسيتو طبيعي ههههه
__________________________
بنات نفسي اولد اول التاسع لانو موعد ولادتي اخر شعبان
وادا ولدت اخر شعبان اخلص النفاس بعد العيد وترجع الجاامعه وهمهاااا انا هدي السنه ماجله ولسه سنة اولى تخصص الله يعين
نفسي اولد بدري واخلص نفاسي بالاجازة بدري
وارجع بيتي اتهنى مع زوجي وبنوتي لانو اول احساس ليا وارتب نفسي قبل الجاامعه

وغير كدا انا مو حقت مسئوليه من يوم تزوجت مااطبخ ولا اعمل شي بالبدايه عروسه وبعدين حامل اتدلع وبعدين اجهضت برضو بتدلع خارجه من اجهاض بعدين حملت تاني وبتدلع واجلت الجامعه سنه كامله
دحين مو عارفه كيف حتحمل مسئولية الجامعه وانا متزوجه ومسئولية بنوتي يارب تجي بالسلامة وزوجي والطبخ لانو كرهنا مطاعم. وامور الزواج كلها صعبه
وكل هادي الحاجات حتتجمع فوق راسي بعد النفاس يعني بشوال ايش اعممممل
اول مره دراسة وانا متزوجه
اول مره ام
اول مره حتحمل مسئولية بيتي مابغا اكون كدا مهمله
بجيب شغاله بس ماحديها شي الا تنظيف البيت وغسيل وكوي طبعا .

ادعوولي

[سفن بارد]

السامره ياحبيبتي الله يفرجها عليك في وقتها انا جربت زيت الخروع في حملي الاول لاني دخلت العاشر ونفس اليوم ولدت ماشاء الله

نوره الاموره لا فيه ناس تولد اول التاسع على اللي يكتبه ربي بس صدق غالبيه البكريات يتمو التاسع

عشقي الاطفال الله يكون بعونك انا جربت الطفل مع العرس مع الدراسه تعب تعب تعب مررررره جاني بكري وانا توي مخلصه سنه ونصف من الجامعه ودرست الباقي من الضغط زوج وطفل وبيت ودراسه الله يكون بعونك والله متعب مرررره ادعي ربي يسهلها عليك

[ام الحلوين 5]

عادي التعرق يأنعومه مرات تجيني حالة تغرق
نوره الأموره مو شرط أنه البكر تكمل التاسع ولاهو شرط اللي موب بكر تولد بداية التاسع أنا عندي خمسه كلهم ادخل العاشر سبحان الله
اسامره يأقلبي ؤالله ماعرف أنا خوافه مأخذ سي مع أنه أطوف ويعطوني موعد عشان يولدوني والحمد لله أولد فيه حرمه كبيره تقولي إذا طوفتئ دهني بطنك بزيت زيتون واتبخري بحبه سودا ومره بس بعد خائفه من حكاية البخور الله يسهل علينا

[السامره]

تسلموا حبايبي على الكلام والدعوات
وانا سمعت عن زيت الزيتون وحبة البركه هنا في المنتدى
شكلي اسويها في الاسبوع 37 اسبوع افضل عشان النونو تكون ريئه تمام
دعواتكم

[سفن بارد]

السامره الله يسهل عليك يااارب ويعينك ويقويك يااارب وتولدين بالسلامه يااارب ويحفظك ويحفظ النونو من كل شر

[~* عبق الأنوثة *~]

السامرة 00
ماعندي معلومة عن المحرضات
بس اسألي دكتوك أفضل
و على طآري زيت الزيتون أنا بعد توني أمس قريت إنه مفيد لمنطقة العجان
للي بتولد طبيعي عشآن مايتمزق العجان بس إنت حتولدي قيصري الله يعينك
المهم طريقتهآ إنك تحطي زيت الزيتون أو أي زيت نباتي خالص على أصابع يدك
و حول المهبل و تبدأي تدخلي الابهام داخل المهبلى حوالي 3 سم و تدلكي لتحت
إلين تحسي بوخز و تدلكي جوانب المهبل بعد كل هذآ لمدة دقيقتين في اليوم
بعدين تدلكي المنطقة مابين الفرج و الشرج ذهابآ و إيابآ لمدة 3 دقايق
و هذآ التدليك يساعد على مرونة المهبل و يسهل توسعه عند الولادة لانه يكون لين
و يأهلك للولادة بدون شق و حتى إذا عملتي شق بيكون شفآء الجرح أسرع
و تبدأين به من الشهر الثامن و بالاضافة إلى تمارين كيجل مهمة
أنا بدأت بالتدليك من البارح << خايفة من الشق
و إن شاء الله بستمر عليه لين أولد

عشقي الأطفال ..
على طاري الجامعة و العيآل تعب الله يعين
أنا ولدت بنتي السنة اللي فاتت في العطلة في نهاية شعبان
تحملت شهرين درآسة و بعدين بس عرفت إني حامل جاني احباااط قوووي hwaml03
و وقفت الدرآسة السنة دي و الحين محتارة مارتبت أموري
كيف بدرس و بيصير عندي 2 صغآر شآيلة همهم كثيرر

[سفن بارد]

عبق الانوثه الله يسعدك اذا دهنت بزيت الزيتون المنطقه ماتاثر على الجماع وتلين المنطقه وتخرب فهمتي قصدي ودي اسويها بس خايفه انها تلين المنطقه وتخربها وقت الجماع وش رايك

[king_ro7e]

بنآت آلحقو علي خءآص تعبببببت مو قآدرة آتحممممممل
معآي آمسآك من بدآية حممملي وآليوم جلست بدورة آلميآه سآعتين وآنتو بكرآمه مآنفع معآي لآ عصير برتقآل فرش ولآ عصير تفآح ولآ مآنجو
بكرآ موعدي بقول لآلدكتورة آذآ مآعطتني علآج بتهووووور وبشرب خروووووووع
بس خآيفه يجيني طلق وآولد مبكر لآنه آسمع كثيير آذآ شربوه يولدو
بس وآلله حييييييل تعبببببت مآدري وش آسوووووي
بدآية حملي آالى آلشهر إلرآبع وآلمشيمه نآزله بسبب آلآمسآك وآعطتني حبوب مجرد مآخلص فترة الايام الي اخذه رجع آلآمسآك بس آلحمدآلله آرتفعت آلمشيمه
وآليوووم طووووول آلوووققت وآنآ بدورة آلميآه آلم مو طبيعي بنهآية ظهري وآورآكي حيييل خوفني آلآلم
يآرب بكرة أذأ رحت تطمننننني يآرببب
بنآت لآتنسوني من دعآكم آدعووووولي بدييييييييت آخآف آلله يلعن آلشيطآن ويبعد عني ذي آلوسآوس
آلله يتمم علينآ ويكمل فرحتنآ على خيييير يآرب

[سفن بارد]

كنق الله يشفيك ويبعد عنك كل شر ويطمنك

[king_ro7e]

آميييين ومن قآل يآرب
:-(

[smsma333]

بنآت آلحقو علي خءآص تعبببببت مو قآدرة آتحممممممل
معآي آمسآك من بدآية حممملي وآليوم جلست بدورة آلميآه سآعتين وآنتو بكرآمه مآنفع معآي لآ عصير برتقآل فرش ولآ عصير تفآح ولآ مآنجو
بكرآ موعدي بقول لآلدكتورة آذآ مآعطتني علآج بتهووووور وبشرب خروووووووع
بس خآيفه يجيني طلق وآولد مبكر لآنه آسمع كثيير آذآ شربوه يولدو
بس وآلله حييييييل تعبببببت مآدري وش آسوووووي
بدآية حملي آالى آلشهر إلرآبع وآلمشيمه نآزله بسبب آلآمسآك وآعطتني حبوب مجرد مآخلص فترة الايام الي اخذه رجع آلآمسآك بس آلحمدآلله آرتفعت آلمشيمه
وآليوووم طووووول آلوووققت وآنآ بدورة آلميآه آلم مو طبيعي بنهآية ظهري وآورآكي حيييل خوفني آلآلم
يآرب بكرة أذأ رحت تطمننننني يآرببب
بنآت لآتنسوني من دعآكم آدعووووولي بدييييييييت آخآف آلله يلعن آلشيطآن ويبعد عني ذي آلوسآوس
آلله يتمم علينآ ويكمل فرحتنآ على خيييير يآرب

حبيبتي الله يشفيك ويعافيك
بنت اخوي كان عمرها شهرين وقررولها عمليه من شده الامساك اللي فيها ولما راجعنا د هندي نصحها بعصير العنب الطازج رغم انها كانت صغيره كثيرر بس الحمدالله ربي يسرها واتعافت من بعده
فجربي اعصري عنب احسن من الادويه
والله يشفيك يارب

[king_ro7e]

بجرب وآن شآلله يفيييد
ومشكوووورة

[دمعة طفل]

مين موجود hwaml16

[نوره الأموره]

كنق روحي إذا على الألم عادي لاتخافين أنا إذا جاني مساك الله يكرمك يصير عندي ألم ببطني وظهري وزي التحجر
لألم اللي عندك مو ألم ولاده أن شاء الله
بس فكرة الخروع إنسسيها حرام قوي عليك ؤانتي توك ببداية الثامن
الله يشفيك و يفرج همك

[نوره الأموره]

الحمدلله تطمنت يعني فيه أمل أولد قبل العاشر بإذن الله الله يطمنكم

عشقي الأطفال وسفن بارد خوفتؤوني أنا زي عشقي الأطفال بالضبط ولادتي نهايه شعبان يعني بعد مااطلع من النفاس
ابدأ دراسه بس مافكرت أأجل السمستر ئوه الله يعين شلت هم

[آوم جومآنا ~]

آآآه ي بنآت بموووت مززكمه ومسسخنه وحرارتي مرتفعه وبسس دايخه وايديني ورجليني متنفخخه غصب امشي عليها حتى وانا نايمه تالمني ومع تكسسير جسسمي زاد عليه التعععب ورحت المسستشفى وادووني مغذيتين وادووني مضاد حيوي وخافض حراره بسس كل م اشرب الدواء ارجعه حتى المويه ي بنات ارجعه ومعاه دم وانتوا بكرامه ممن كثر ماتجرح حلقي وصدري لان اللوز عندي ملتهبه ومع الكحه انتهت ربي يعين ....

حمل + آنفلونزآ = الموت آلاكيييد ... ربي يعين بقى اسبوع ويوم و آدخل الثاممن من الححين بحسس بالثقل ..

[آوم جومآنا ~]

كينق رووحي حدث ولا حرررج عن الامسساك قسسم بالسساعات اجلسها بالتواليت اكرمكم الله خلاص احس اني اقرب ع الموت واخاف اوولد من كثر م آدف .. بسس آكثر سوائل ووقت الامساك اشغل نفسسي باي شي يعني معاك جوال او علبه فيها كتابه اقريها حاولي ماتشدين نفسسك معاه لانه بيطلع عينك .. روحي للدكتوره تديك ملين للامسساك .. وربي يسهلك ويسهل للجميع

الله يعين ..

[ورد جوري82]

الله يعينا ويهن كل ام لسه ماخلصت دراستها ,,,ويكون بععونها ,,,,,وتسهل ع كل كل وحده دخلت يومها يوم الولاده ويسهل ع الكل يارب

[نوره الأموره]

اللهم إممممين وإيآك يآرب

[تحكمني قناعاتي]

والله انا يا بنات لما كنت حامل ببنتي كنت ادرس واطبق في المستشفى
ولما وصلت لشهر التاسع خلاص وصلت حدي ووقفت الدراسة وبعدها ولدت ومع انه ولادتي قيصرية
اله اني بعد الـ40يوم رجعت اكمل دراستي وتدريبي وكنت اودي بنوتتي كل يوم صباح عند الماما لحد الساعة 3 العصررر
وكان شي متعب ومشاوير والحمدلله خلصت
والحين انا على وشك اتوظف ومترددة كثير خصوصا انهم بيكونو ثنتين ان شاءلله

[خوخه بريه]

اهلين كروشات
شخباركم

لاتشيلوا هم شي

توكلوا على الله

قولوا اللهم هون حملي وولادتي

ويسر امري
اكثروا الاستغفار
التشكي يدمر نفسياتنا

تفااائلووا

يالله

شدوا الحيل

[king_ro7e]

مآتشوفي شر يآم جةمآنإ
آخبآركم كروشآت وآخبآر نونوآتكم
صح كءآمك خوخه
آلله يتمم علينآ يآرب ويكمل فرحتنآ بشوفهم يآرب سليمين بين آحضآنإ يآرب

[ورد جوري82]

ربي سهل ع كل حامل

[dndosha]

صباااااااااااااااحكم خيييييييير

يلا بطااااااااااااااااااااات شدو الهمه قربناااااااااااااااا


فين كنا وفين سرنا يلااااااااااااش دلع

وربنا معااااااااااااااااانااااااااااااااا

فين ايام ماكنا فالشهر الرابع ونقول متى بس نوصل السادس

ودحين نقول متى التاسع

يلاااااااااا رااااااح الكتير بقي القليل

هانت هانت

يارب يسهل على الكل

ويشفي الكل

ويطمن قلوبنا

ويقر عيننا بفرحة شوفت بيبيهااااااااتنا وحننسى التعب دااااااا كلوووووووووووووووووو

دكتورتي بشرتني بالخير اليوم هههههههههههههههههههههه

قالتلي الرحم عندك مقفل ولا سانتي واحد مفتوح لو مامشيتي حداخدي الشهر العاشر معاكي
ههههههههههههه


:)

[~* عبق الأنوثة *~]

آهلين كروشآت ..
و سلآمات للتعبانآت
ماتشوفوآ شر إن شآء الله

عبق الانوثه الله يسعدك اذا دهنت بزيت الزيتون المنطقه ماتاثر على الجماع وتلين المنطقه وتخرب فهمتي قصدي ودي اسويها بس خايفه انها تلين المنطقه وتخربها وقت الجماع وش رايك

حتى أنا ترددت في البداية بس أتوقع زيت الزيتون مايخرب
لآن في كثير يستعملوه و هذي الطريقة من موقع أجنبي
لآن الأجنبيات في الغالب مايسووا لهم توسعة عشآن كذآ
هم يستخدموا هذي الطريقة بس عشان تصير الأنسجة مرنة وقادرة على التمدد
و بالتالي ماتتمزق عند خروج الطفل
و معروف ان المهبل يتمدد لخروج الطفل و يرجع مثل ماكان قبل
يعني مامنها خوف إن شاء الله
احنا ماعلينآ الا أن نبذل الأسباب و الدعاء و الله يكون بعونآ