ممكن تساعدوني بخصوص الكحه

[حبيبةزهير]

السلام عليكم ورحمة الله وبركاتة

انا ابي منكم مساعده للي عنده خبر تنصحني انا من 4 ايام او 5 جاتني كحة الجو ماشاء الله علية مايخلي احد صاحي انا الحين تقريبا بالشهر 8 رحت امس عشان الكحة وسبت هالكحة جاني الم فبطني واسفل ظهري لدرجة انة الدكتورة قالت لي يمكن فية ولادة بس الحمدلله لمى كشفت طلع مافي اوصفت لي دوا مضاد حيوي وشراب كحه وبندول وانا بالاساس استخدم علاجي الحديد والكالسيوم عشان الحمل هل يمكن انة يضرني هالعلاج ولا عادي ويصير استخدم اعشاب تخفف من الكحه لانها هالكتني هلاك حتى لينمت ماعرف اتنفس اللي عندها خلفية تقولي شاكرة لكم

[✿Ąหƒαş Ąℓ ฝαяđ✿]

الله يهونها عليك اختي من جد الجو يجيب الامراض ربنا يعين

ان شاء الله العلاج ماامنه ضرر دام الدكتورة وصفتة لك وربك الحافظ

كمان انصحك بالاشياء الدافيه وحمي زيت زيتون خلية لين يصير دافي شوي وادهني فية حلقك وصدرك

وربي يتمم حملك ويسهل لك ولادتك ياررب

وفالك العافيه ^_^

[جالكسي و الدنيا عكسي]

العلاج ان شاء الله ما منه ضرر اذا الدكتورة وصفته الدكتورة ادرى بمصلحتك ...
وبالنسبه للي يهدي الكحة شوية زيت زيتون مع ليمون ومع عسل اخلطيهم وخذي مقدار ملعقة واحدة صباح وواحدة مساء
الله يشفيك ويشفيني ويشفي بنتي ...أميييين

دعواتك لي بالولادة الميسرة

[جمال الساحل]

و الله ياقلبي انصحك بالبان المر (الدكر)

[حبيبةزهير]

تسلمون يالغلا عالمرور الطيب الله يسهل عليكم يارب ويسهل علي ....

[سمراء]

ربي يشفيك حبيبتي أنصحك تفعلين سكر مسحوق زائد زيت زيتون زائد كمون تخلطيهم مع بعض ينفعوك كثير للكحة