متى اقدر اسوي حجامه

[بنت جده22]

السلام عليكم ورحمة الله
كيف حالكم انا عندي الدوره الله يكرمكم ثالث يوم وحابه اعرف متى اسوي الحجامه عشان عندي الله يجيركم تكيس كلمت وحده لقيت رقمها على النت تسوي حجامه وقالت بجيكي البيت بس مارضيت تقول كم السعر انا سمعت انه على حسب الكاسات يعني الكاسه الوحده بسعر ياليت تفيدوني بكم الحجامه كامله او بكم الكاسه انا صراحه سويتها زمان في جده بس كان بسعر واحد ومتى تنصحوني اسوي لانها قالتلي بسويلك خامس الدوره والمشكله خامس الدوره مايوافق السنه واليوم التامن لدوره يوافق 17 الله يرزق كل وحده ترد عليا اتمنى ماتخذلوني hwaml13

[سمار]

غاليتي أنا سمعت وحده تقول أنها طلبت منها الدكتوره تسويها لها يوم 19 20 21 حسب السنه وتكون بعد ما طهرت الدوره بس هي مو في جده لكن نصيحه أبحثي في النت عن المراكز المعروفه والموثوقه في جده لاتروحين عند حريم مو متخصصين ولا دارسين
والله يوفقك

[بنت جده22]

شكرا يااختي على اهتمامك بس انا مو في جده حاليا ساكنه في دبي وما اعرف اماكن فيها والسنه في 17-19-21وكمان انا اسأل عن الاسعار في دبي ازا تعرفي ياليت تقوليلي وشكرا

[بنت جده22]

انا متظره الرد من اخواتي في المنتدى ياليت ماتبخلو عليا انتظر ردكم

[بسمة بلبل]

حبيبتي تطبقي السنه اذا امراض ثانيه ممكن لكن اذا تبغي تسوي حجامه للحمل حسب دورتك لانها ممكن ماتوافق تواريخ السنه انا سويتها ثاني يوم في الدوره في جده عند الدكتوره سميحه

[ﻍﻶﻲ]

حبيبتي من كم يوم كنت اتابع برنامج على قناة سما دبي وكانوا يتكلمون عن الحجامه

والضيف في البرنامج كان اسمه (يوسف المطلعي) وهو متخصص في الحجامة ومعروف

وهو من إمارة لفجيره وعنده عياده متنقلة للي يبغي يسوي حجامة في أي إمارة من إمارات الدولة

بس للأسف أنا ما عندي رقمه .. سوي سيرج في جوجل وحطي اسم (يوسف المطلعي) وإن شاء الله تحصلين رقمه

الله يرزقنا وإياكم الذرية الصالحه ويفرح قلوبنا يااارب

[بنت جده22]

شكرا جزيلا حبايبي على ردودكم واهتمامكم انا بحاول اسويها خامس الدوره زي ماقالتلي وازا قالتلي تامن يوم كمان ينفع حسويها وانشالله اقولكم على النتايج تمنياتي لكل سيدات الموقع بتوفيق

[المحجمة]

الطب يقول تعمل الحجامة اثناء الدورة لضمان عدم وجود حمل
الافضل تعمل بعد الدورة كون تحصينها اقوى وبرضه نضمن انه مافي حمل
عمل الحجامة اثناءالدورة يزيد فوق تعبها وممكن تلخبط الدورة وهذا عن دراسة وتجربة وخبرة