أبره الظهر - ابره الفخذ - الكمامه ..شاركينا رايك ؟؟

[هدهد الاحلام]

السلام عليكم و رحمة الله و بركآآآته ..

كيف حالكم يا كروشآآت ,, ان شاء الله بخير و صحه و سلامه ,,

طبعا الموضوع مبين من عنوانه ..

كلنا نتمنى نبتعد عن الالام الولاده ,, ب الطرق الحديثه الموجوده حاليا في المستشفيات ,,
عن طريق :
(( ابره الظهر - ابرة الفخذ - الكمامه ))

انا اعرف ابرة الظهر و الكمامه لكن ابره الفخذ هذي اول مره اسمع عنها لكن انا ماطرحت هذا الموضوع الا لسماع ارائكم و وجهات نظركم و تبادل المعرفه من خلال هذا الموضوع ,,
و نصائحكم ,,

من قامت ب سؤال طبيبتها او استخدمت شي من هذه الطرق ياليت تفيدنآآ
او حتى كانت تعرف معلومات اتمنى ان تفيد الحوامل



رجااااااااء خاص من تعرف اي معلومه ياليت تفيدنآآآآ

راح اضع استفتاء بخصوص استخدامك ل ابره الظهر هل تؤيدين ام لا ؟
و ياليت تشاركونا ارائكم و كتابه سبب تأييدك و عدم تاييدك


و اتمنى من المشرفات عدم حذف الموضوع لانه سيعود ب الفائده ان شاء الله ..
لكم جزيل الشكر

hwaml95

[هدهد الاحلام]

و هذا رابط ل دكتور يتحدث عن ابره الظهر كلامه مقنع جدا ,, اتمنى الكل يستفيد منه


الرابط
http://www.youtube.com/watch?v=l3Z6-uA9qvs&feature=related (http://forum.hwaml.com/redirector.php?url=%68%74%74%70%3a%2f%2f%77%77%77% 2e%79%6f%75%74%75%62%65%2e%63%6f%6d%2f%77%61%74%63 %68%3f%76%3d%6c%33%5a%36%2d%75%41%39%71%76%73%26%6 1%6d%70%3b%66%65%61%74%75%72%65%3d%72%65%6c%61%74% 65%64)

[آم سيمو]

والله انا جربت الكمامه مجرد احسها توهيم ماتشيل الالم ابد ام ابره الظهر شفت كثير مرتاحين معاها جداا

وشكلي باخذها ان شاء الله لانه تعب من جد :( ربي يهون على كل حامل يااااارب

[silla]

بالسبة لي لسا ماجربت
بس انا مع ابرة الضهر والسبب اول مرة اقتنعت فيها كان بسبب هالدكتور
اللي نزلتي الرابط تبع شرح عن ابرة الظهر

صديقتي جربت ابرة الفخد قالتلي تنومني بين الطلقات وبس الالم احس فيه وكل ما تجي الطلقة اصحى تماما
يعني قريبة من مفعول الكمامة شوية هلوسة

الف شكر حبيبتي موضوع هااااااااااام

[هدهد الاحلام]

بتوصل 100 مشاهده مافي الا ردين ؟؟
كذا تزعلوني صراحه !!
اقلها شاركوو في الاستطلاع ,,

و شكرا كل الشكر للاخوات اللي ساهمو في الاستطلاع و طرحو رايهم ,, و شكلي ان شاء الله راح اعزم و اخذها ,, الله يسهل علينا جميعا

[ميهاف]

بالسبة لي لسا ماجربت
بس انا مع ابرة الضهر والسبب اول مرة اقتنعت فيها كان بسبب هالدكتور
اللي نزلتي الرابط تبع شرح عن ابرة الظهر

صديقتي جربت ابرة الفخد قالتلي تنومني بين الطلقات وبس الالم احس فيه وكل ما تجي الطلقة اصحى تماما
يعني قريبة من مفعول الكمامة شوية هلوسة

الف شكر حبيبتي موضوع هااااااااااام




يعني نحس بالطلووق ؟؟وش الفايدهhwaml10

[ميهاف]

انا افكر في ابرة الظهر بصراحه ..
بس خفت من موضوع قريته يقول انه اذا دخلو الابره اكثر من اللازم وخلصتي وسحبو القسطره من ظهرك راح ينزل ( سائل شفاف) وبعدها تصابين بصداع الى الابد
لان هذا السائل يغلف المخ والنخاع .. وهذا السبب وراء اابة بعض النساء بصداع ..

[مريم خالد2]

انا مع البنج الكلى يعنى لا الظهر ولا الفخذ ولا الكمامه لكن البنج الكلى ممتاز واخواتى اخدوه وبيقولوا انه كويس سواء فى الطبيعى او القيثريه

[يمكـ دروبي]

انا مررررررره مو مقتنعه بابرة الظهر ..
احس اني متخوفه منها .. فيه ناس كثير ما مدحوها ..
اتحمل الالم ولا اخذها ويصير لي شيء بعدين واتندم ..

وجهة نظري ..
ومشكوره على الموضوع ..

[wow]

انا م جربت ولا وحده فيهم بس ابرة الظهر مسسسسسسستحيل اجربها لان لها اضرار كثيره ابحثي عنها اما الكمامه يقولون تخفف الالم

[عطر القصيد]

يارب تسهل علينا ولا نحتاج ابرة ظهر ولاغيره سهله من رب العالمين يارب تهون علينا

[cuuuute]

انا بصراحه مع ابرة الظهر وباذن الله ربي يسهلي واخدها .. ماشاءالله تبارك الله كل الي اعرفهم وخدوها ارتااااااااااحو عليها كثير

[دموع الغرام]

الله يعين ماجربت ولا شي نتمنى من اللي جربوا يفيدونا

[ღ ٱم ديــــــٱلآ ღ]

ماعندي خلفية وحابة استفيد من خبراتكم

[om nawaf]

انا عيالي كلهم طلق صناعي اللي هي التحاميل
علشان يفتح الرحم واذا انفتح الرحم وجاء الطلق قوي
يعطوني ابره في الفخذ بس والله ما تخفف وتحط لي
كمامه اتخدر واحس في عالم ثاني شوي وتشيلها
والله يعيييييين وطلق الولد حااااااااار موت 
الله يسهل علينا والله شايله هم الطلق يارب يهون ع الجميع

[هدهد الاحلام]

الى الان 8 مويدين و 3 لا ,,

يعني النسبه العاليه هي المؤيده ..

و بخصوص الاخت اللي تقول ابحثي عن مخاطرها يا عزيزتي مثل ما انتي شايفه الرابط اللي وضعته الدكتور يمدح فيها و سالت طبيبتي تقول ماقد شفت اي اعراض من اللي يقولوها الناس !!
والله ماني عارفه حتى انا متلخببببببببطه ومدري وش اسوي و ايش اقرر !

[ام ايات]

انا مع ابرة الظهر

[رحمة2011]

انا إبرة الظهر خايفه مررررره منها وعن المخاطر الي نسمعها عنها لو اتاخذت بمكان غلط لاقدر الله لأن لازم تكون على يد استشاري متخصص وشاطر !
وقلت بحاول اتحمل الألم لين اقصى درجه
بس مو شايلتها من بالي يمكن اطلبها على حسب تحملي الله يعين احس هالمره خااايفه من الولاده حييييل لإني من السابع وان احس بألم وتعب

بس الكمام ولا مره جربته اتوقع هالمره اجربه ؟

[@أم عبود]

بالنسبة لي أنا أخذت الكمام وابرة الفخذ

الكمام يريح شوي بس على فكره في كمام بنج وفي اكسجين
الاكسجين مايسوي شي بس الكمام البنج لا والله يريح شوي

وابرة الفخذ تريح ساعه او اقل ومايطونك الا كل 6 ساعات وسمعت انه اذا كان طلق طبيعي مايعطونك شي يخافون يخف الطلق اما الصناعي يعطونك انا لان صناعي عطوني

والله اعلم

[شعولة ميشو]

انا ضدهذا كلللللللللللله الله يسهلساعة الولادة ويقومنا بالسلامة
مهما فعلتي الالم موجودة سواء اثناء الولاة ولا بعد الولادة فخليني عالطبيعي وكل شئ يكون طبيعي احسن والله معاناانشالله .
هدا راييي انا .

[عليا لولو]

انا كنت مؤيدة لابرة الظهر بس لما سالت دكتورتي خوفتين مانصحتني فيها قالت فيها نسبة اعراض جانبية زي الم الظهر والصداع وطبعا غير ان لازم تكون من طبيب تخدير ممتااز
يعني انا عن نفسي بطلت منها

[حامل دلع]

ابدا ماسمعت الا في ابره الظهر اما الفخذ والكمامه توي ادري

ومو مع ابره الظهر لان اضرارها اكثر من فايدتها
انا اختي تدرس بالمجال الطبي وتقولي لاتفكرين فيها مهما كان
لانها خطره ولازم دكتور متخصص وان مو اي دكتور ينفع انو يعطيك اياها
وتقولي تحملي الم الولاده فتره وتخفين ولا شيء مجهول ومو مضمون

والله يسهل عالجميع يارب

[حبيبةزهير]

عني انا ماجربت شي بس ان شاء الله الله يسهلها علينا ويجيبها من عنده برحمتة لاابرة ولا غيرها

[سنبل الخير]

انا كمان ضد ابرة الظهر بالمرررررررة لعدة اسباب
اولها لأنها غير مضمونة وخطرة احتمال تسبب شلل لا سمح الله
السبب الثاني لأن الحكمة عظيمة من الآلآم لأن فيها تكفيييير للذنوب فربي جاب الآم الولادة رحمة للمرأة كون الرسول قال للنساء
تصدقو فإني رأيتكن اكثر اهل النار ،فلعل الآم الولادة تكفر ذنوبنا من فترة لفترة
أيضاً لماذا اصبح للأم ثلاث حقوق لأنها تتعب في الحمل والولادة والتربيه فلهاذا اصبحت اعظم اجرا من الأب

فيا حبيباتي الزمو الإستغفار وألحو بالدعاء وخلوها ع ربنا هو يسهلها من عنده سبحانه إذا اراد شيء ان يقول كن فيكون
رأيي والله اعلم

[بنت عز]

انا ناويـه اخذ الكمامه فالي سبق واخذتهآآ تفيدني بالله لاني بكريه وودي بهآ كثير يمدحونهاا

[ملكة بعيونة]

انا كنت ناويه اخذها لدرجة اني قلت للاستشاري
اكتب بالملف وكتبها وصرت طول حملي
ادعي اقول يارب ان كان فيها خيره يسرها
لي وان كان فيها شر ابعدها عني
وبالفعل اثنا الولاده صرت اقول لهم
اعطوني ابرة الظهر وجاني دكتور
وقال الافضل ماتاخذينها لان لها مضار
وان اقول له مالك دخل اعطني الابره
وهو يقول تحملي ومااخذتها فقط كمام
والى الان ادعي للدكتور بالتوفيق
وجزاه الله خير .
وانتم الله يكتب لكم الي فيه خيره يارب
وجميع المسلمات

[ميمامي]

وانا كمان اهم شي العافيه الم الولاده نتحمله وناخذ الاجر ولا اخذ ابرة الظهر بس الكمامه يمدحونها ولا لها اضرارhwaml7hwaml10hwaml10

[بنوتة رابغية]

انا والله لسسى ما جرربت
بس كثيير مايمدحوون ابرة الظهر ويقولون تسبب شلل لا سمح الله
وان شااء الله باجرب الكمامه

يعطيك العاافيه ع الموضوع

[مشاعر أنثى]

بنت عمي تمدح ابرة الظهر كثيررر
واذا كانت تنفعني ماراح امنع الدكتور يعطيني اياها
وشكراااا

[اغار من الورده عليك]

انا مع ابره الظهر بقوه وخالتي اخذتها وتقول والله مالله ماحس ولاحاجه
جاتني الدكتوره وقالت لي خلاص الرحم فاتح كلو يالله سوي نفسك تدفعين تقول هي تخيط لي وانا اسولف معاها ولا حاسه بشي
صح رجلك تتخدر وماتقدري تحركيها بس لين يروح مفعول البنج وماحست عليها اي اعراض وهي مره ماتعور مثل ابره الغذايه
خالتي اخذتها في مستشفى الطب الدولي وبنت خالي بمستشفى العسكري وكلوهم نفس الكلام يمدحوها

[أم الفرسان]

انا جربت ابرة الظهر في سعد ما فادتني ولا شي وكانت ولادتي الثالثة

والكمامة تخليكي بهلوسو وتحسي بلالم بس تضيع الوقت. --- انا احبها

[ام هوار]

الكمامه جربتها تنوم بين كل طلقه والثانيه يعني الالم نفسوو
الابره جربتها في ولادتي الاخيره قبل 10 ايام تقريبا ...كويسه تحسي الانقباضات بدون الآم
بس في تجربتي انو خلص محتوى الابره ومعي فتحه 7 ونص ورجع الوجع هههههه قبل وصول الطبيب المخدر كنت والده ولله الحمد
ابرة الفخذ اول مره اسمع فيها
الصراحه انا مع الابره hwaml7

[awatif]

سألت دكتورتي عن إبره الظهر ومانصحتني فيها .. لان المطلوب عند وضع الجنين إنك تحزقين وإبره الظهر ماتساعد ع كذا كأنك مبنجه ماتحسين بشي والمفروض التفاعل مع الدكتوره حتى يخرج الطفل طبيعي من غير إستخدام أدوات مساعده مثل الشفط او الملقط .. الله يسهل علينا آجمعين وعليكم جميع بالدعاء والاستغفار وقرآءه أدعيه تسهيل الولاده ..دعواتكم لي

[مؤمنه بربي]

انا مااييد ايرة الظهر اتحمل الالم ولا انشل اعوذبالله مره تخوف صراحه
والكمامه تخفف الالم وتهلوسكي يعني تخليكي كنك في حلم وابرة الفخذ ماجربتها واول مره اسمع عنها

[حـورية]

يا بنات يا ريت تقولون تجارب الناس الكقربين بابرة الظهر مو الكلام الي تسمعونه لانه يحتمل الصواب و يحتمل الخطأ

انا اخت زوج جربتها و تدمدح منها و خالتي و بنت عمي كلهم يمدحون فيها

انا للان مترددة

[hana kh]

ابرة الظهر مالها اي دخل بالبنج وماتتخدري تبقي صاحيه طول الوقت بس الالام الطلق ماتحسي بها يعني تقولك ادفعي تدفعي
تقول ارتاحي ترتاحي وتتحكمي بكامل عضلاتك بس انها تسككن الالم مو اكثر اللي جربو القيصريه بتخدير نصفي ييفيدونا لانها نفسها انا عن صاحبتي مجربتها في التخصصي بجده ماشاء الله عليها تقول ماخلص مفعول المخدر الا وانا والده صح احس بضغط واحس بخروج الجنين بس الالام الطلق احسها كانها لسعات خفيفه يعني مايبرد الطلق ولا شي كله يصير كامل انا سالت دكتوري وقال الاخصائي عندنا امريكي 20 سنه خبره وخلال ال20 سنه ماتسجلت اعراض الا صداع خفيف يروح بالمسكن يستمر اسبوع بنسبه حاله من الف حالة تخدير يعني على مدى العشرين سنه صارت ل4 مريضات فقط واللي تقول يسبب شلل ادخلي اليوتوب شوفي طريقتها انا فتحت مقاطع الابره تحت النخاع الشوكي بفقرتين يعني بمسافة ارربع اصابع والنخاع الشوكي هو اللي يسبب الشلل

انا هذا اللي عرفته من اسئلتي وبحثي واستفساراتي من تجربه صاحبتي وطبيب صاحب خبره ومقاطع عمليات من مواقع طبيه
طبعا ماجربت ولا بتفلسف واقول زين مو زين اللي بغيته اعطيكم المعلومات اللي عرفته وبحثت في المنتديات عن وحده بس تقول انا جربته وموب زين مالقيت كل اللي يذموه يقولون سمممممعنا ولا وحده قالت جربت !!!!
واللي عندها تجربه تنورنا قبل نتورط بها لانني الى الان متحمسه اسويها من اللي سمعته ونصيحة زوجي بما انه طبيب بس مو متخصص بس قد جربها بحالات ثانيه مو ولاده

وبالاخر العنايه والحفظ بيد رب العالمين هو القادر على كل شي وبيده عافيتنا ومرضنا نسالك اللهم العفو والعافيه ياررحم الراحممين

[مزيووونه]

الله يعطيك العافيه اختي على الموضوع الرائع
بصراحه انا فكرت اخذ الآبره بس امي قالت لا وخوفتني
وقالت اجر الطلق والالم احسن من الابره وسالت الدكتوره عنها تقول كويسه
واللين الحين ماقررت انا في نهايه السابع الله يسهل عليه وعلى كل حاامل

[na3ooma]

انا ولدت الحمدلله 3 مرات ,,يعني جربت كل انواع التسكين
الكمامة اسخف نوع مسكن ,,,ماتخفف الألم بس تدوخ وتخليكي ماتركزي ايش بيصير حواليكي .
ومعاها اعطوني ابرة العضل اللي في الفخذ وهزاتهم من خفتها ولا كأنه اخذه مسكن

الولادة التانية , ابرة طلق صناعي وكانت نعمه سرعت الولادة ,, وكمان اعطوني برضو ابرة العضل وبرضو هزأتهم وقلت لهم بطلوا تضحكوا على عقولنا ههههههههه
وقرب الولادة الدكتورة بنجتني بنج كامل علشان ارتاح وصحيت استفرغ واكح وصدري مكتوم.

الولادة التالتة ابرة طلق وبرضو سرعت الولادة بس طبعا طلبت ابرة الظهر .. نعمة من رب العالمين
ولاحسيت وهم يحطوها بالعكس شكة بسيطة مو زي ابرة المغذي المرعبة
وبعدها يختفي الألم ,,, وماشاء الله لا صداع ولا غيره وألم الظهر هو نفسه حق الولادتين اللي قبلها .. لازم منه لان الظهر اتضرر وتعب من ثقل الجنين والموية والمشيمة ..وفترة ويروح عادي ..
وباذن رب العالمين ناوية ابرة الظهر تاني مره .. واعطيت الدكتورة خبر

وعلشان ماتخافوا ..اطلبوا تقابلوا دكتور التخدير واجلسوا معاه ..انا سويت كدا وجلست معاه وقلت له كل اسئلتي وخوفي وبالعكس هداني وشجعني ...لازم تعرفوا دكتور التخدير زي ماتعرفوا دكتورة الولادة للراحه النفسية,
انا من الان عارفة دكتوري وقلت له بأجيبك من بيتك لو ماكنت موجود وجلس يضحك ههههههههه ربي يسعده اخلاق ومهتم...


.
.

على فكرة يابنات كل المسكنات والابر علشان الطلق ,,لان الولادة الفعلية الدفع اصلا ماتحسي فيه لان المنطقة مبنجه طبيعي وكمان الدكتورة تعطيكي بنج موضعي علشان شق العجان .

[نور العيوووووون]

انا جربت ابرة الفخذ اسهل مافيه وقت الدفع ماتحسين بطلعت الراس فقط لكن كل مراحل الولاده تحسين فيها طللق والكمامه جدا مريحه بس احس تاخر الدفع لانك تريييحين وبقوه وتنامين والظهر بعد الفديو هذا حسيت بامان والله ليش اتعب وصراخ و و و ان شاء الله ان الله كتب اقدر اخذها *

[نيوتيللا]

أهليئيين فيكم والله عجبني مره الموضوع أنا عن نفسي ماائد إبرة الظهر لأنه منطقة الظهر منطقة تخوف وادنى غلط أخاف يجيني شيء منها ومافي زي الولاده بوجعها والدفع إذا جا وطلع من قلب أما الكمامه أحسها مطاريس ماتسوي لي أي شيء أنا وعن تجربتي بثلاث ولادات بالمستشفى السعودي الالماني بجده وأنا بغرفة الولاده إذا صرت واصله حدي وبديت ادفع يجئ دكتور طبعا مايولدني هو خاص بالبنج اللي تولدني دكتوره المهم إذا قرب الرأس يطلع يجئ يقول لي عائزه الإبره أقول له إيه بسرعه عطني إياها هههههههههه حسيت أني مدمنمه يعطيني إياها بالوريد بعدين تصير الدنيا سوداء وصوت دكتورتي والممرضات صدى يعني كني بحلم بس كني نائمه وفجاه أضحى ألقى نفسي ولدت وخيطوني ونظفوني ومسؤين كل شيء والممرضه عندي تعبي الأوراق أقول لها خلصت تقول مبروك يأمدام جبتي ولد بعدين أحس الدنيا مو شائلتني من الفرحه وناسه غير طبيعيه أحسها عاد الإبره هادي مادري وش هي بس تريح وأنا الحين حامل وبولد بمستشفى رعاية الرياض مدري عاد عن طريقتهم. بالولاده باقي لي شهر وأولد الله يسهل علي يأرب وعلى كل وحده حامل. إيه ونسيت إبرة الفخذ هادي أول مره أسمع فيها

[نجمه فى السماء]

مرحبآآآ بنات .. والله الموضوع ممتـــازززز .. احيى كاتبه الموضوع الاخت ( هدهد الاحلام )

انا عن تجربتى بــ 3 ولادات - كلهم اخذ الكمامه وابرة مسكنه بس ماادري هي بالموخذي المحلول
غير البنج الموضعى وقت خروج البيبي ..

الالم حدث ولا حرج قوى

hwaml93hwaml93hwaml93

لدرجه انى خاآيفه هالمرة .. ماادرى بنات بس انا كل الالم في الظهر ووقت ماتشوف الدكتورة شعر البيبي تقوم وتسوى حركه براسه ........ ماادري وشو بالضبط

واقعد اصارخ من الالـــم hwaml79

تقولى البيبي نازل على جنب يمكن قصدها خده .. وانا لازم الف راسه على جنب عشان يكون نزوله طبيعى وماتتعبين وانتى تدفعين ......

وان شاء الله هالمـــرة بأخذ ابرة الظهر في بروكير .. مع ان تجربه الى اخذها يقول تقعدين كم يوم ماتتحكمين فب البول .. اعزكم الله .. يعنى عضلات المثانه تعبانه ماتسيطرين عليها ..
بس ع كلامهم انه مؤقت 4 الى 6 ايام تقريبا وتختفى ..


فيه احد مرت عليه مثل هالتجربه ؟؟؟؟؟؟؟؟؟

[أم ح ــنونـہ]

انا اختي كل ولاده لها تاخذ ابرة الظهر
ولدت اربع مرات ما شاء الله ولا جاها شي مافيها الا العافيه الحمد لله
انا اخذت ابرة الفخذ هيا تريحك فتره من تعب الطلق وبصراحه انا في الولاده ما حسيت بخروج الراس
ما ادري عاد من الابره ولا لآ لاني حسيت اني غايبه عن الوعي وانا اولد بس اسمع كلام الدكتوره واعمل مثل ما تقول
واستخدمت الكمامه كمان بس ما تعمل شي ابدااااااااا ماله فايده =_=