نداء عاجل { كيس حمل بدون جنين }

[bejo]

السلام عليكم ورحمة الله وبركاته

كيفكم يا بنات


رحت لدكتورة طبعا اول مره اسوي سونار من اول ما حملت

رحت مره قبل كذا وسمعتني صوت نبض الجنين

لكن المصيبة انو هذي المره رحت لـ 4 عيادات و 4 دكتورات مختلفات علشان اتأكد طبعا كلها كانت في نفس اليوم


قالوا لي انو كيس حمل بدون جنين ولازم عملية تنظيف


لانو انا اخر دورة لي كانت في 6 / 11 / 2011

يعني تقريبا حامل في الاسبوع الـ 11 او 12

وهي تقول انو عمر الكيس 9 اسابيع فقط

لكن هل ممكن يكون الحمل تأخر عن الوقت وما حصل الا متاخر


اللي مرت بمثل حالتي او سمعت عن احد مثلي تخبرني


ساعدوني هل اسوي تنظيف او انتظر قد يكون الجنين صغير جدا وما قدرت تشوفة

:(


وش الحل ؟؟؟ :(

[كشه ناعمه]

لا تستعجلي انتضري يمكن يبان انا حملت قبل بس الاسبوع الثامن قالو مافيه وراح نسوي تنضيف
رحت لدكتوره ثانيه بسونار اوضح وشافته
انتضري لاتستعجلي

[أم علي رضا]

لا لاتسوين انتي قلتي بنفسك سمعتي نبضاته
ترا اغلب الدكاتره هالايام طالبات مبتدئات لاتخلينهم يجربون فيك
واالله يعطيك اللي فبالك ويسهل حملك وولادتك

[العاشقه الحزينه]

الله لايحرمك مولودك يارب ان شاء الله يكونوا غلطانين وماشافوه توكلي على ربك

[bejo]

لا تستعجلي انتضري يمكن يبان انا حملت قبل بس الاسبوع الثامن قالو مافيه وراح نسوي تنضيف
رحت لدكتوره ثانيه بسونار اوضح وشافته
انتضري لاتستعجلي


ياااااااااااااااااااااااااااااااااارب يا كريم

[bejo]

لا لاتسوين انتي قلتي بنفسك سمعتي نبضاته
ترا اغلب الدكاتره هالايام طالبات مبتدئات لاتخلينهم يجربون فيك
واالله يعطيك اللي فبالك ويسهل حملك وولادتك


الله يسعدك و مو بس سمعت نبضاته كمان ما نزل علي اي شي لا دم ولا بني ولا شي ولله الحمد


لكن يارب يسهلها

يسلمو ع المرور

[bejo]

الله لايحرمك مولودك يارب ان شاء الله يكونوا غلطانين وماشافوه توكلي على ربك


امين يارب


يعطيك العافيه خيتو

[عسولة مكه]

انتظري ولاتستعجلي وان شاء الله يبان الله يثبت حملك يارب

[آحبك]

اعرف وحده
كل يقولون لها كيس دون جنين
الين شهر الثالث
شفووه
لاتستعجلين
انتظري

[Haif]

لا تستعجلين بيجو احياناً يتأخر ظهور الجنين لنهاية الثالث
ربي يتمم حملك و تشوفينه بحضنك

[أرجوآن]

هلا اختي ربي يعطيك الذريه الصالحه ياارب لا تستعجلين انا كنت مثلك جلست اربع اساابيع بس كيس بدون جنين وبعدها بشهر بااانت نطفه ولكن دائما يكون الحمل الي كذا مش زين وينزل رحمه من ربي انا بعد ماباانت النطفه قالوا لي انه ماافيها نبض او فيها ولكن خفيف وانو النطفه مافيها نبض اساسا فاانتي اصبري واحمدي الله اذا باان شيء واذا ماباان بعد احمدي الله وربي يعوووضك لا تخاافين انا مريت بالحاله هذي وربي رزززقني بعدها ..انتظري وشوفي وش يصير اتمنى اني فدتك بتجربتي

[وردة الرمال]

ماحصلك هو ان التلقيح صار عندك متاخر اي عمر الجنين مزال صغير جدا ولا يضهر بعد وانصحكي ما تروحيش لدكاتر لانه كثرت الفحص يضر الجنين فاتركيها على الله لانه لو الجنين اذا ماتكون مليح راح يطيح وحده من عند ربي وتبدي تسيلي بالدم واذا مافيه شيئ راح يكمل باذن الله تعالى والله يهدي الدكاترة عندكم مالازم يحسمو الامر هكذا حتى ينتظرو ينزل عليك دم اعطيتك راي اختي لانه مريت بتجارب الله يحميلك جنينك وتبشرينا الخبر السار والله على كل شئ قدير فلا تستعجلي .

[bejo]

رحت لها امس وقالت لي انو ما فيه نبض نفس اللي سمعتني النبض المره الاولى :(

وقالت كمان ما فيه جنين

وش الحل يارب ساعدني ما ادري وش اسوي محتااااااارة :"(

[عطر الرياحيين]

انا كان عندي كيس حمل فارغ نزلته قبل 11 يوم كنت متابعته بالسونار كل اسبوع ومافي جنين فقط كيس وهرمون الحمل كل ثلاث ايام لكن كان الهرمون مايتضاعف فقط يزيد كان 30000 بعدها صار 44000 وبعدها 50350 وبعدها 48000 يعني نزل ومنها عرفت مافي فايده من الانتظار لان كانت تقولي الدكتورة ان هرموناتك ماتتضاعف وهذا موطبيعي ..لكن بالنسبه لك حللي الهرمون hcg كل ثلاث ايام .. وشوفيه يتضاعف ولا لا وانتظري يمكن يكون فيه جنين ينمو لاتستعجلين ..لان في كثير من البنات صارت معاهم هالشي وتكون جنين لان كان لسه مافي

[bejo]

الله يعطيكم العافيه على المواساه


لكن الله يكتب اللي فيه الخير


وانا على امل اشوف نهاية هالوضع ايش


يارب ان كان خير فيسره وثبت حمله وان كان شر فاصرفه يارب وسهل نزوله يا كريم :(

[ملاك مسقط]

مشكلتك نفس مشكلتي كيس بدون جنين
وانا لحين بالاسبوع العاشر وطنشتهم واتكلت ع الله وقلت بنتظر يمكن يكون لسه صغير
وما راح اسلمهم نفسي ويسون لي تنظيف الا لما ينزل بروحه
والحمدلله ع كل حال
وان شاء الله يكون لسه صغيروبعدين يبين
والله يتتم لك ولي ع خير ويرزقنا بذريه صالحه

[ضي دبي76]

لا تستعجلي اذا كيس فاضي بينزل هرمون الحمل عندج والكيس بينزل انا صار لي نفس الشي واذا تأكدتي ان كيس فارغ أكثير من شرب الجرفة اللي هي الدارسين وبيصيبج مغص نفس الدورة وبين زل عليج دم وقطع مثل الكبد لا تخافين وعقب راجعي اي دكتورة وشوفي في بقايا دم او لا والله يسهل عليج

[رحمة الرحمان]

انتظري ولاتستعجلي وان شاء الله يبين

[bejo]

مشكلتك نفس مشكلتي كيس بدون جنين
وانا لحين بالاسبوع العاشر وطنشتهم واتكلت ع الله وقلت بنتظر يمكن يكون لسه صغير
وما راح اسلمهم نفسي ويسون لي تنظيف الا لما ينزل بروحه
والحمدلله ع كل حال
وان شاء الله يكون لسه صغيروبعدين يبين
والله يتتم لك ولي ع خير ويرزقنا بذريه صالحه


يارب يسمع منك ويثبت حملي وحملك ياكريم

ويرزقنا يارب ولا يحرمنا قادر يا رحمن

[bejo]

لا تستعجلي اذا كيس فاضي بينزل هرمون الحمل عندج والكيس بينزل انا صار لي نفس الشي واذا تأكدتي ان كيس فارغ أكثير من شرب الجرفة اللي هي الدارسين وبيصيبج مغص نفس الدورة وبين زل عليج دم وقطع مثل الكبد لا تخافين وعقب راجعي اي دكتورة وشوفي في بقايا دم او لا والله يسهل عليج


الله يعطيك الف عافيه اختي على المعلومات

[bejo]

انتظري ولاتستعجلي وان شاء الله يبين


يسلمو رحمة على الكومنت

[bejo]

الحمد لله الحمد لله الحمد لله

اللهم لك الحمد حتى ترضى ولك الحمد اذا رضيت ولك الحمد بعد الرضى ولك الحمد على كل حال


حطو لي طلق صناعي ولله الحمد اول مره لاني بكرية تعبت ولله الحمد لكن تيسرت وتسهلت
الله يعوضني خير يارب ويرزقني بالذرية الصالحة
نحمد الله على كل حال
االله يعين كل حامل ويسهل لها ويسر لها ولادتها

[~ L o l a]

الحمدلله على سلامتك.
الله يعوضك ويعوضني وكل من فقد جنينه عاجلا غير آجل.
دايما رددي اللهم أجرني في مصيبتي واخلف لي خيرا منها.
الحمدلله دوما وأبدا

[الغلا عنواني]

سلام كيفك حبيبتي انا يوم شفت موضوعك قلت ادخل واشوف وش السالفه طبعا لقافه >>>> الاخت ملقوفه مرررره ههههه

الموهم ويوم شفت موضوعك ذكرتيني بنفسي وبمعاناتي انا الله يسلمك بكريه واول حمله لي كانت فرحه كبيره خصوصا انو زوجي هو الكبير

وبعد ما تأكدة من الحمل والحمد لله صار هاجسي وكل احلامي هو الي ببطني لاني احب البزران مررره المهم كان عمر الجنين تقريبا شهر ونصف على ما اذكر فجاء صار يجيني الم بالظهر كل فتره ورحت لدكتورتي وشرحت لها الوضع كله وقالت لازم نسوي لك تصوير طبعا انا ما مانعت وقلت لهم اوك وسوت التصوير وقالت حنا ما نشوف جنين بس نشوف كيس انا تفاجائت لاني مثل ما قلت لكم بكريه ولا اعرف شي ابد وقالت لي لازم ننزله عشان ما يأثر عليك المهم طلعت من الدكتوره حالي ضايقه مررره ونفسيتي زفت وشافني زوجي وسألني وقلت له عن الموضوع زوجي مشالله لا تكدر ولا شي بلعكس قال يمكن هذا خيره ورحمه من عند الله وقولي الحمد لله على كل حال واكيد ربي بيعوضنا خير عنه انا طبعا كنت مقهوره وجلست ابكي وقالت له وديني لامي لانو هذا الوقت هو الوقت الصحيح عشان تكون الام جنب بنتها ورحت لها وقلت لها السالفه وقالت لي انتي هدي وانشالله مافيك الا كل خير واذا لك فيه خير بيتم واذا لا خلاص بينزل وقالت لا تستعجلي وانشالله خير انا خلاص بعد ما سمعت كلام ماما ارتحت مره وتميت على حملي لين الشهر النصف من الشهر الثالث والشهر الثالث صارت لي حاجه الي هي صار ينزل مني قطرات دم قليله مره مع سائل بني انا خفت وتوكلت على ربي وقلت هدي بالك يا بنت مافيه حاجه هذي يمكن افرازات عاديه وبعدها بكذا يوم الله يكرمكم دخلت الحمام وزلقت با الحمام وطحت على العتبه حقت الحمام وجائت العتبه على ظهري وتميت موجوعه ونزل مني دم قليل وطبعا اتصلت على زوجي وقلت له السالفه وراح هو اتصل على ابوه وامه عشان يلحقون علي لانو هو بشغله وشغله بعيد عني فا رحت انا وخالتي ام زوجي لمستوصف نسائي ودخلت على الدكتوره وصورت الجنين وقالت الجنين موجود وهو حالته تمام ولا تخافي وحولتني على مستشفى الولاده عشان هم يتأكدون اكثر ويوم ثاني رحت المستشفى وشافوني وقالو حنا ما نشوف الجنين نشوف بس كيس فاضي انا تعجبت قلت شلون البارحه قالت لي الدكتوره تشوفه واليوم لا كيف كذا قالت لي الدكتوره لا تخافي حنا بنسوي لك فحص الاسبوع الجاي عشان نتأكد قلت اوك بس ربي ما شاء اني اتم حامل للاسبوع الجاي فا بنفس اليوم كان الالم يعصرني عصر وبدائت الالم من الساعه 9 المساء لساعه 1 نصف اليل وشافني زوجي وكل مره يقولي اوديك المستشفى اقوله لا اصبر اخر شي ما قدرت اصبر اكثر وقلت له خلاص مقدر اتحمل وديني وحنا بسياره طبعا كانت موجوده معاي امي حسيت بشي ينزل مني وانا ابكي واقول لامي في شي ينزل مني قالت لي هدي ولا تخافي وانا مره مرعوبه
المهم وصلنا المستشفى على الساعه 1ونصف وبعد الاجرائات المعتاده شافوني الدكتورات وقالو خلاص هي بتسقط واسدحوني على السرير ونزل الكيس بس بدون جنين وقالو لي كان كيس بدون جنين ويوم ثاني سوو لي الغسيل وكنت عالي العال بس مقهوره على جنيني بس الحمد لله بعد شهرين بضبط حملت وربي وفقني بحملي والحمد لله وانا الحين بشهر السادس وانتظر مولودي والله يسهل على وعليكم حملكم وانا قلت لك قصتي عشان تأخذي المفيد منها ولا تتضايقي كل خيره فيها خير علينا واسفه على الاطاله والله يقومك بسلامه ويعوضك خير

[bejo]

الله يعين ويسهل ويعوضني ياررررررررررررررررررررب كريم يا ارحم الراحمين

اللهم اجرني في مصيبتي واخلفني خيرا منها

والحمد لله انا متفائلة ولله الحمد

كريم يا رب


يسلمو على التواجد