مطوفة الموعد

[صمتي كلام]

السلام عليكم
شوفن خواتي انا خر دورة 4\5\1432هـ وطهرت 8\5\
وصار الجماع والله اعلم بتاريخ 21 او 22\5
وللان ماولدت انا ولدتي بكري بعمليه واتغي اولد الحمل هذا طبيعي بأذن الله
ماسويت كشف داخلي بس سونار عادي وقال اخصائي الاشعه موية البيبي بدأت تنقص معاكي الاسبوع هذا اذا ماولدتي راجعي المستشفي
خيفه اسوي فحص داخلي وتحرض الرحم وماتجي الطلوق
معاي الام بسيطه يعني زي الام الدورة وبطني بتحجر له اكثر من شهر وقبل اربع اسابيع نزل مني قطعه مخاطيه شفافه بس
افيدوني جزاكم الله كل خير

[صمتي كلام]

نسيت اقول لما عملت السونار قال ان الرحم مسكر

[روضه]

هلا ياصمتي كلام انا نفس دورتك والحمدالله ولدت من 10 ايام رحت عند الدكتوره وكشفت علي وكان فاتح 1 سنتي وقالت اني خلصت التاسع ودخلت العاشر لي 5 ايام وقالت اسويلك تحريض والحمدالله ولدت اليوم الثاني بصراحه انصحك تسوي تحريض بعد الله يساعد علي الولاده الطبعيه بدون طلق صناعي اذ ارد رب العالمين الله يهون عليك ويفرجها ربي عليك وتولدي بالسلامه وتفرحي ياقلبي بضناك

[صمتي كلام]

الله تجزاك كل خير ومبروك المولود والحمدلله ع السلامه
انا خايفه من التحريض لان سويته ببكري ولا استجاب الرحم فتح بس 6 سم بعدين دخلوني عمليه عشان كذا خايفه بالحيييل
اخاف اسوي تحريض ولاتجي طلوق

[روضه]

صلي واستخيري وانشالله الخيره فيما اختراه الله لكي

[قمر .]

الله يسهل عليك

[نسمة دفا]

الله يسهل عليكي وتقومي بالسلامة

استشيري دكتورتك..وأنا أشوف في مثل حالتك الأفضل تسرعي بالولادة..وإذا ما استجبتي للطبيعي فعليكي بالقيصري أسلم وءأمن لك ولطفلك

[اخت المرحوم باذن الله]

الله يسهل عليكي ماعندي علم بس حبيت الدعيلك وتكفين طمنينا اذا والدتي

[وجهه القمر]

يا قلبي تصدقي وبتشوفين الفرج باءذن واحد احد وانويهااا فرج وان شاء الله ربي بيسهل لك وييسر لك وتفرحينا ان شاء الله ولا تنسينا من دعواتك ..
ننتظرك تبشرينا يا حلوووووه.

[bnbona]

الله يسهلك ,.,

[غصن مايل]

الله يقومك بسلامه عليك بسورة البقره كامله تقريها وتدعين

[صمتي كلام]

الله يجزاكم كل خير
طلبوا من تخطيط للبيبي كل يوم لحد مااقرر طبيعي او عمليه والدكتور قال تبين تجربين طبيعي جربي بس عالاغلب قيصري لان مانقدر نعطيكي طلق صناعي
ادعولي يابنات

[نونه الأموره]

اسألي الدكتوره واستشيريها وإذا العمليه أفضل لك ولجنينك توكلي على الله وسويها
وعليك بالإستغفار أكثري من ذكر الله والله يكتب لك اللي فيه الخيرلك ولجنينك