ابشركم ولدت ..وهذي سالفتي..

[ام البدرين]

بسم الله الرحمن الرحيم

السلام عليكم ورحمة الله وبركاته

هلا بالغاليات ..
ابشركم ولدت بعد معاناة مع الطلق البارد والنفسيه الدمار..
انا كنت تعبانه خلاص وواصله حدي وابي اولد باي طريقه ..وماصدقت ادخل التاسع وبديت العمليات الانتحاريه..لكن للاسف كلها باءت بالفشل..ومع هالمحاولات كنت احس بالام اشبهها بالطلق واروح للمستشفى على امل يقولون لي الرحم مفتوح عشان ادخل بالنوع الثاني الاقوى من عمليات الانتحار بس للاسف يقولون مسكر..الى ماجا ببالي موضوع الجماع لاني قريت عنه كثير وانه يساعد في تحريض الولاده..
صار جماع وبعدها بديت احس بالام مرات اقول طلق ومرات اذا خفت اقول لا وتجي وتروح وعلى هالحال..
وقلت خلني اروح المستشفى اشوف ورحت وقالت مفتوح 2 سانتي انا هنا تشققت من الفرح..وقالت ماراح انومك روحي امشي ..قلت بركض مو بس امشي ابشري على بالي بينفتح اكثر معي..واقعد اسبوع والطلق ياما زاد ياما خف وانا ماخليت شي ما شربته.. وعقب اسبوع رحت قالت مازال 2 سانتي ..انا جاني انهيار..قلت شكل مالي الا الجماع دام ساعدني ذيك المره..ويصير جماع..واذيك الليله عجزت انام من شدت الطلق وبدى يقرب ويشتد والساعه 6 خلاااااص عجزت اتحمل واقوم زوجي ونودي العيال بيت الاهل وطيران عالمستشفى قاست قالت بي ال2 وال3
قلت كيفه اهم شي مفتوح انا همي الطلق ذبحني الالم قالت انا ما اشوف فيه داعي للتنويم قلت خيييييييير اقول ذبحني الالم ومالها نفس احس قالت كيفك بس ماراح اطلعك الولاده بحطك بالقسم العادي..انا عصبت شافتني اتالم قالت لهالدرجه الالم والا بس دلع قلت واكثر مما تتصورين وكتبت لي دخول للولاده..
دخلت الولاده 4 ساعات وانا والده قلت روحو جيبوها لي ..اللي تقول ادلع..
اول ما دخلت الولاده مع كل طلقه كنت ادفع بقوة بدون صوت وجت قاست طبيبة التوليد قالت 4 ونص
انا تشجعت وكل ما تجي الطلقه ادفع جت المره الثانيه قالت 5 قلت زين ازود الدفع والالم يذبح بس قلت اتحمل المهم وادفع وتنفجر المويه واناديها قالت 6 وبعدها يمكن دفعتين وحسيت شي طلع مني واناديها قالت لا تدفين وقفي ولاده..وادخل وربي سهلها الحمد لله..

طولت عليكم بس حبيت ادردش ونستفيد..

[وجود55]

الحمد لله عالسلامه حبيبتي وغقبال ماتشووفيه عرييس
وعقبالي ان شاء الله

[ام شوووق]

الف مبروووووك والحمد لله عالسلامه
يتربى بعزك
ماقلتي ايش جبتي

[برّو !]

ههههه حبيت قصتك
الف الحمدالله على سلامتك وسلامة مولودك
الله يحفظه لك يارب
^^

[جالكسي و الدنيا عكسي]

الف الحمد لله على سلامتك ...
وتفرحين فية ان شاء الله ...
بس حبيت اسالك انا بعد الجماع يجيني طلق والله والله ما اقدر اجلس ولا امشئ منه ويستمر كم ساعة ويروح هل الطلق اللي جاك كان كذا يعني 6او 8 ساعات ويروح ...عشان كذا ابطل اروح المستشفى ...

[أم الملاك]

ألف الحمدلله على سلامتك

ومبروك ماجاكم

[ام البدرين]

الله يبارك فيكم بنات ويسهل عليكم الحمل ويهون الطلق ويرزقكم العطاء الصالح السليم المعافى ويرزق كل المحرومين اللهم امين..

جبت ولله الحمد ولد وسميته محمد ربي يصلحه واخوانه..
الطلق ياجالكسي اول مره كنت اقدر اتحمله يجي بفترات مباعده احيانا مؤلم وبس انسدح وارتاح او اخذ دش دافي يروح..
اما ثاني مره كان جدا مؤلم لا فادني انسداح ولا دش ولا غيره..وكان كل ماله يقرب ويقرب..رحت المستشفى وهو تقريبا كل عشر دقايق...

[جالكسي و الدنيا عكسي]

الله يبارك فيكم بنات ويسهل عليكم الحمل ويهون الطلق ويرزقكم العطاء الصالح السليم المعافى ويرزق كل المحرومين اللهم امين..

جبت ولله الحمد ولد وسميته محمد ربي يصلحه واخوانه..
الطلق ياجالكسي اول مره كنت اقدر اتحمله يجي بفترات مباعده احيانا مؤلم وبس انسدح وارتاح او اخذ دش دافي يروح..
اما ثاني مره كان جدا مؤلم لا فادني انسداح ولا دش ولا غيره..وكان كل ماله يقرب ويقرب..رحت المستشفى وهو تقريبا كل عشر دقايق...

مشكورة على ردك يالغالية الله يخليلك محمد واخوانه وتفرحين فيهم كلهم ان شاء الله ...hwaml7

[ام رآما]

الف مبرررررروك

[دليل اخت غزيل]

الف مبرووووووك والحمد لله على السلامه
وان شاء الله تشوفينه من حفظة القران الكريم والله يجعله من
الصالحين يارحمن يارحيم

[عطر القصيد]

يتربى بعزك ي رب عقبالنا ي رب

[hadeel al rouh]

الف حمد الله عسلامتك حبيبتي
وعقبال الحبالى بالولادة الطبيعية السليمة

[نبض قلبي]

الف الف مبرووووووووووووك

والحمدالله ع السلامه .....,

[عيون حبيبي]

الف مبرووووووك والحمد لله على السلامه

[نسمة دفا]

الف مبرووووووك والحمد لله على السلامه
وان شاء الله تشوفينه من حفظة القران الكريم والله يجعله من
الصالحين يارحمن يارحيم

[نونه الأموره]

مبروك العريس محمد الله يجعله من مواليد السعاده وتفرحين فيه وهو عريس

[فليك]

ماااشاالله , الف الحمدلله عسلامتك و سلامة مولودك
اجر و عافيه ياااارب

[شهرزاااد]

الحمد لله على السلامة
والف مبروووووووووووووك

[نبع المحبة]

الحمد لله على السلامة خيتوو
تتربى فعزج ان شا الله

[fufualmoon]

هههههه ولدتي نفسك بنفسك ما تعبتي الدكتورة
الحمد لله على سلااامتك وسلامة النونو
يتربى بعزكم ان شاء الله

[Ḿٱ۾ڵيڼٱỄ]

^_^ الف مبروك ربي يقيمك بالسلامه ^__^

[~ نوون ~]

مبروووووك


والحمدلله على سلامتك

[احلام الربيع]

الف مبروك ياقلبي يتربى في عزكم
الله يطرحلكم فيه البركة والخير
حمدلله على سلامتك

[ميرا السلطان]

الف مبرووك
وعقباالي

[أيوش الحلوة]

الف مبرووووووك والحمد لله على السلامه يا قلبي الله يرزقكم بره