Smile تجمع كروشات الاحساء الحلوين

[ام عبدالرحمن21]

السلام عليكم ورحمه الله
الى حبيبات الغاليات بنات حواملhwaml5 وخصوصا بنات الاحساء
حبيت نستفيد كلنا من الموضوع
نبغي كل وحدة عندها تجربه بالمستشفيات من ولادة طبيعية او قيصريه بمستشفي حكومية الى هي مستشفي الولادة والاطفال او اي مستشفي اخري نبغي تفاعل بالموضوع
ببداء انا
اول ولادة بمستشفي الولادة والاطفال طبعا معروف والحمد لله كثير يذمون فيه بس انا الحمد لله ماشفت الا الخير فيه واول من ولدني ممرضه واسمها عندي بالورقه تبع تبليغ الولادة فلبينيه واسمها melinoa p presr والله يزاها كل خير ماقصرت معي تحملتني كثير طفشها والله ماقصرت وحبتي يوم ولدت فرحت لى يازينها
والولادة الثانيه العسرة الى طلعت روحي بنتي الله يخليها الدكتورة سعودية زينة والله وماقصرت هي بعد اسمها الدكتورة فاطمه البراهيم والله عسل وتساعد ماقصرت بس ليتها مسوية لى توسيع ارحم لى من التمزق لان الطلق الصناعي خبل فيني خلاني بس ادف على تحت هاذا الى خلا ارحامي تنزل وماكنت اعرف اي شي عن التنفس ان شاء الله اخذها درس ان شاء الله لو ربي اكرمني وحملت مرة ثانيه بتدرب على التنفس وباخذ وحدة من الثنتين بطلبهم هم الى يولدوني الله يرزق كل محرومه يارب
يلا ابغي كل الحساويات الحلوين يعطوني من تجاربهم

[*قلب(H)حبيبي*]

لي عودة للرد
يعطيك العافية

[Miss YoYo]

للأسف هذا اول حمل لي
وراح أولد بأمريكا .. يعني ماراح اقدر افيدكم كثير
بس انا قرايبي ثنتين ولدو بمستشفى الحكومه
وحده منهم ولدت 3 مرات وبسم الله ولاداتها كلها سهالات
بس الثانيه مره تعبوها ولعبوها فيها
يعني هي على ربك .. ساعات تجيك وحده طيبه وحليوه وساعات تطيحين بوحده
الله يهديها تروحك في 60 الف داهيه
وهي كلها كذا المستشفيات مو بس النساء والولاده

[Up to me]

موضوع مرررة راائع تسلم ادييينج

طبعا اول حمل لي وراح اول في مستشفى الولادة ومتخوووفه كثيير

الحين في الاسبوع 33 اشهر الثامن 

ابي اسالك الحين لو طلبت الذكتورة فاطمة البراهيم راح يجبونها ولااا على حسب حظي !

[ام عبدالرحمن21]

لا اختي اذا طلبتي الدكتورة يجيبونها لك
اهي قالت لى بعد ماولدت بفترة اذا عندك احد يبي يولد اعطيهم اسمي ينادوني اساعدهم
والله عسل وطيوبه الله يسهل عليك ياقلبي

[ام عبدالرحمن21]

مس يويو اختي الله يسهل عليك عاد الاجانب بيعطونك ابرة الظهر بترتاحين بس كثير قالو لى احسن لك لاتاخذينها عشان الاجر عظيم الله يسهل عليك يارب ويجيك دكتورة طيوبه تساعدك

[ام عبدالرحمن21]

حبي
انا انتظرك لاتتاخرين علينا

[نبض قلبي]

احم احم ههههههه

أنا ولدت بمستشفى الولاده والأطفال طبعاااااااا اكيد كل مستشفى

فيه الزين والشين

المهم الي ولدتني كاانت مره حبوبه وكانت تسااعدني في الولاده

وبشووشة بس ماأذكر اسمها ولاشكلها أحس مااركزت فيها

بس انها كانت اجنبية طبعاا ووووووبث

[Miss YoYo]

مس يويو اختي الله يسهل عليك عاد الاجانب بيعطونك ابرة الظهر بترتاحين بس كثير قالو لى احسن لك لاتاخذينها عشان الاجر عظيم الله يسهل عليك يارب ويجيك دكتورة طيوبه تساعدك

والله انا محتاره مع ابرة الظهر
بالمره ماودي فيها
بس المشكله انهم هنا مايسوون توسعه من تحت
وانا من النوع اللي جسمي صغير وضعيفه
فقالت لي الدكتوره اكيد بيصير عندك تمزق حتى لو بسيط وبنضطر نخيطه
فـ لو ماخذتيها راح تتألمين وقت مايطلع البيبي بقوه
ولحد الحين ماقررت عليها .. مخليتها لين الله يفرجها وأصير في التاسع
وأفكر فيها .. وإن شاء الله تتسهل
والحمدلله دكتورتي اللي اراجع عندها هي اللي راح تولدني بنفسها
خبره 19 سنه .. حليوه وطيوبه
الله يتمم لي ولكل الحوامل على خير

[ام عبدالرحمن21]

انصحك لوجه الله يااختي مس يويو
سوي توسيع ارحم لك والله اساالي مجرب التمزق يقعد لك شهرين وعليها يالله يروح الالم حتي وقت القاء الزوجي بزيادة عاد ويصير عندك توسع اما التوسيع وقت الولادة اريح لك ويبرا الجرح بسرعه وترتاحين اكثر يعني حدك 3اسابيع بالكثير وتصيرين عادي ويخف الم الجرح اما التمزع تعذيب والله تعذيب انصحك توسيع وقت الولادة افضل لك

[ام عبدالرحمن21]

شوفي يخيطون لك جرح مشقوق عدل ولا يخيطون لك لحم متشرشر والله نصيحه يااختي سوي توسيع انا مرة ثانيه بقول لهم قبل اولد توسيعععععععععععععععععععععععععععععععععععععععع مابي اولد كذا والله تعبت تعبت تعبت من جد
الله يسهل عليك يارب

[Miss YoYo]

ماهي السالفه موب بكيفي
هم هنا مايسوون عمليات توسعه
انا سألت اكثر من دكتوره وقالو لي نفس الكلام
لأنهم هنا ماشاء الله اجسام وعضلات اغلبهم يولدون بدون توسعه ومايصير فيهم حتى تمزق بسيط
فـ مايسوونها وأخاف اقول لها تغامر فيني وتجرب وتلعب في حسبتي وتسوي لي شي اعظم
والمشكله اني في مدينه صغيره جامعيه يعني مافيها ذيك المستفيات الراقيه او الخاصه
أو حتى عيادات حق اطباء عرب و راح أولد في مستشفى الجامعه هنا
ولا بيني وبينك اصلا بالتفكير بدون ماتجربين يخدرونك وجرح بسيط ويلتأم
ولا تتشقق عضلاتك وهو يطلع .. ومشكلتي ما اقدر انزل السعوديه اولد
عشان كذا بديت فعلا افكر في ابرة الظهر مع اني ماودي اخذها
بس شكلي راح انجبر عليها .. ادعولي الله يسهلها لي