وقت الرضاعه بالليل !

[أم غلآ ~]

السلام عليكم
انا ولدي حالياً عدلت نومه بالليل ينام حزة نومي
بس احياناً يطول على ما يبي الرضعه تقريباً 6 ساعات
عمره 3 شهور تقريباً..هل هذا عادي
والا لازم اصحيه علشان يرضع..اختي تقولي حرام
لازم كل ساعتين تقعدينه وترضعينه
شرايكم بنات ؟!

[أم غلآ ~]

طبعاً ولدي يرضع صناعي

[سلوان]

بالعكس هو اذا حس بالجوع بيقوم من حاله

اذا كان نايم ومرتاح ليش تصحينه حرام خليه ينام

لانه معروف الطفل اذا شبعان ينام ومايصحى الا لما يحس بالجوع

الله يخليه لك ياارب

[أم غلآ ~]

مشكوره غلاتي على ردج..طمنتيني
ويحفظ لج عيالج ي رب

[دلـــوعــه عـــــبوديـ]

انا عندي توام اذا كانو نايمين مستحيل يقومون يرضعون طبيعي الشي هذا
بس اذا صاحي اذا تعطينه 120 يجلس 4ساعات مو كل ساعتين
بس ماشاءالله عليك كيف عدلتي نومه انا ماقدرت

[تعبت أستناك]

طيب والحفاظه عزيزتي اهم من الرضعه حرام تخلينه كل هالوقت بدون غيار يجيه تسلخات

وفعلا كيف سمله عليه غيرتي نومه ياليت تعلمينا الله يخليه لك

[@@الجوووري@@]

كيف اعدل نومه

[الريمـ]

اهم شي تغيري الحفاظه
وانتبهي ممكن يكون صاحي طول الوقت وحتاج للنوم عشان كذا ماراح يصحى حتى لو كان جوعان انتي قيسيها اذا كان نايم كفاية فهذا عادي اذا جاع بيصحى بس لو مو نايم قبل لاااازم تصحيه اذا صناعي كل اربع ساعات واذا طبيعي كل ساعتين
والله يخليه ويحفظه يارب

[shireen]

اختي اصلا طبيا معروف انه لازم باليل تريحي معدة الطفل البيبي وتعودينه انه مايرضع باليل يعني يكون بين كل رضعه اربع ساعات وخلال النهار كل ساعتين فانتي اللي ساويتيه هو صحي وافضل لمعدة طفلك والله يخليلك اياه

[راجيتن الله]

كيف عدلتي نومه

بليز تردين

[noory]

هلا والله راجيتن مبروووك المولود
اخبارك واخبار النونو

[وجودي]

ماشاء الله كيف عدلتي نومه
الله يخليه لك ويحفظه يارب

[أم المثنى]

ماشاء الله كيف عدلتي نومه
تعالي شوفي ولدي النوم مزاج عنده احياناً ماينام الا الساعه 3 الفجر 😢

[hind25]

ياليت تفيدينا كيف عدلتى النوم وربى يباركلج بولدج

[مشاعل الدوسري]

سوف يتم اغلاق الموضوع و للأجابه على استفسار صاحبة الموضوع

الرجاء زيارة الرابط التالي


جميع استفساراتكم هنا عن كل مايخص البيبي من الولاده الى ثلاثة اشهر (http://forum.hwaml.com/t105434.html)


و الرجاء عند كتابة استفسار اخر كتابته في نفس الموضوع ..المثبت