طمنوووووووووووونيييي

[بصيص أمل]

السلام عليكم ورحمة الله وبركاته
أنا جديدة في المنتدى حبيت أسأل الكروشات الحلوين عن حركة الجنين أنا دحين حامل في الأسبوع السادس عشر من الحمل وماأحس بحركة الجنين بع الأحيان أحس بنبض وحركة خفيفة بس هذا الشيء مو كل يوم ألاحظه والله إني خايفة مرررة خصوصا إنو هذا أول حمل ليا يعني أنا بكرية قولولي تجاربكم وكيف ومتى تكون الحركة طمنوني الله يطمنكم دعواتكم الله يسعد اللي بترد عليا وييسرها كل عسير .

[زوجي هو حياتي]

لا عااااادي جدا حبيبتي بعدة توة صغير
لاتخافين

[بصيص أمل]

تسلمي حبيبتي الله يسعدك
أبغا ردودكم ياحوامل

[غرام الوجدان]

عاااااادي جدا حبيبتي .... هي الحركه في البدايه تبدأكذا خفيفه ومومنتظمه ويادوب تحسي فيها ويمكن تحسي انو يتهيأ لك بس مع الوقت راااح تزيد وتنتظم وتكوني متأكده 100 % انها حركة البيبي .....شعووووور رائع انشاء الله بتجربيه

[برّو !]

اغلب صديقاتي قالو انو البيبي ماتحرك معهم
الا بالاسبوع ال 18
مع اني الحين بالاسبوع 12 ودائماً يسألوني الناس اذا تحرك او لا
بعضهم يحسون برفرفه في هالفترة الظاهرً

الله يحفظلك اياه يارب

[سلوان]

ياقلبي انا في الاسبوع السابع عشر وماني بكريه

وللحين ما احس بالحركه وعندي مراجعه الاسبوع الجاي ان شاء الله

الله يتمملك حملك على خير

[بصيص أمل]

تسلموا ياكروشات على ردودكم وتطمينكم ليا الله يسعدكم وييسر لكل وحدة فيكم كل عسير صح أنا قلتلكم إني في الأسبوع السادس عشر بس أنا حاسبة غلذ أنا في الأسبوع السابع عشر يعني مخلصة الرابع وداخلة في الخامس .
أمس رحت عن الدكتورة قالتلي المفروض دحين تحسي بحركته ولمن ودتني على السونار كان يتحرك ماشاء الله بس قالت المشكلة إنو وزنه المفروض يكون 500 جرام بس هو وزنه 292جرام قالت عشان كا إنتي مو حاسة بحركة بس صحته الحمد لله تمام .وقالتلي الأشياء اللي تكبر الجنين اللبن والزبادي والحليب والفول العدس و الدجاج والسمك واللحم واللوبيا قالتلي تغذي مزبوط وخلال عشرة أيام حتحسي بحركته إن شاء الله . إن شاء الله أكون أفدتكم بس لحظة بقلكم شيء كمان أدري طولت عليكم معليه استحملوني لمن سألتها عن جنس البيبي قالتلي إنو الحبل السري جاي بين فخوذه ومغطي البتاع كلو مين صار معاها كذا وقالتلي كمان لمن تنامي لا تنقلبي على طول لا اجلسي واستني شوية بعدين اقلبي على الجهة الثانية عشان مايلتف الحبل السري على رقبته والله خوفتني لمن قالت كذا طيب أنا أتقلب وأنا نايمة كثير في وحدة قد سار معاها زييي وشووووووووووووووووووووووووووووووووووكرن لكم طفشتكم بس استحملونييييييييي بلييييززز