دخلت الاسبوع الثالث بالتاسع، ولافيني شئ

[Um Dana]

بسم الله الرحمن الرحيم
السلام عليكم ورحمة الله وبركاته


كيف حالكم حوامل عساكم بصحه وعافيه
حبيباتي انا دخلت الاسبوع الثالث بالتاسع ولا احس بشئ ابدا
يعني نفس الآلام ونفس الموال وخايفه واجد واحاتي
ابي اعرف متى اولد ، ومشكلتي ما اقدر امشي اتعب تعب مو طبيعي
وكله يجيني ضيق تنفس وكلامي يصير مقطع وحرقان زايدعلي

واهم شي الصداااااااع صارلي 3 ايام وانا مصدعه موقادرة اتحمله
غير الحرارة الداخليه الي احسسسها، مدري هالشغلات طبيعيه او لا .
طمنوني

رحت الربوع موعدي قالت الدكتورة دام انك عاديه ولافيك الام
ماراح اكشف عليك

وبالحقيقه خفت من الكشف ووافقتها الراي مع ان ودي اعرف اذا
قربت اولد او لا ....


وعندي موعد الاحد وش تنصحوني اسوي بوضعي ؟؟؟؟؟؟؟*

[فليك]

اهلا عيوني
كله طبيعي فعلا ، انا برضو راجعت الدكتوره من يومين لان عندي طلق كاذب ، بس قالتلي عادي و ما كانت رح تكشف عليا بس انا طلبت عشان اتطمن و لقيت الرحم عندي مقفل .....
بصراحه انصدمت كل هالطلق توقعت يكون فاتح بس عاد كله بأجره ، قالتلي لسه بدري على الولاده و ان ما استعجل قدامي أسبوعين كمان ، مع ان راس الجنين في الحوض مرا .....
الله يكون بالعون ياااارب

[Um Dana]

اها الحين عرفت

طيب انا الي مخوفني اني مو حاسسسه بشئ يعني دوادر ولادة
ليش؟!

[فليك]

لو انتي بكريه فالاغلب ان الطلق يجيكي بيوم و ليله و فجأه ....
انا هدا حملي التالت ، الاول كان فجأه و 24 ساعه بعدها ولدت ، اما التاني ما كان عندي طلق أبدا و ما ولدت الا بالعاشر و بعد التحريض ، لكن هالحمل معي طلق من اول التاسع بس يستمر بعدها يختفي ......
والله جد تعب لكن مالنا غير الدعاء ان الله ييسر

[((ام ليان))]

الله يسهل عليكم يارب ويعينكم

[الرشا]

لاتستعجلين ولاشي ترا الاستعجال مو بصالحك ولامن صالح النونو
اتركي الامور على تساهيل الرحمن واذ جا وقتها خلاص مكتوب

الله يهونها عليك وعلينا ياااارب

[سااااااااااره]

هذا شي عادي جدا جدا اذا كنتي بكريه انا بكريه وزدت 8 ايام بعد التاسع ولاحسيت باي طلق ابدا بس انا ماكنت امشي فالجنين مانزل بالحوض ورحت لهم بعد مادخلت العاشر وعطوني طلق صناعي 3 ايام شفت فيهاانواع العذاب بعدين حولوني عمليه عشان كذا من تجربتي بانصحك نصيحتين الشي الاول اذا كان وضعك طبيعي يعني رحتي موعدك عند الدكتوره وقالت لك كل شي طبيعي لاتروحين لهم الا لما يجيك الطلق لانهم بيعذبونك وثاني شي امشي امشي كثير عشان الجنين ينزل بالحوض واخيرا الله يسهل لك ولادتك * ويفرج عليك

[Um Dana]

مشكورين خواتي ع نصايحكم ... ان شاء الله ربي يسهل علينا جميعا

[saronna15]

الله يسهل عليك وعلينا يارب كلة بامر الله اذا كل شي طبيعي

[متغربه]

الله يهون عليك ويفرح قلبك بشوفة جنينك

[الضنا غالي]

الله يسهل عليك اختي
خليها على الله ولا تحاتين
انا عوشرت الحين وصار لي فالعاشر اربعه ايام
الله يسهلها علينا جميع يارب

[نونو82]

الحمدالله بيطلع ان شاءالله على كتبت ربنه
الله يسر لج وللجميييع ياارب ويرزق كل من يتمنى ياارب

[غادة9]

وانا كمان متلك
انا الي 15 يوم داخله بالشهر التاسع وما في اي بوادر ولاده
انا حامل بالبطن التاني وهلئ عنا شتا وبررد كتييييير فما بقدر حتى امشي
لما كنت حامل بالبكر كنت امشي كل يوم ساعه بعد العشا نلف بالشوارع
بس هلئ صعب كتييير

يارب تهونها علينا وتقيمنا يارب سالمات احنا واطفالنا ياااااااااااارب

[سلوان]

اذا ماتقدرون تمشون عليكم بالجمااااع كثير ينصحون فيه

والله يسهل عليكم ياارب وتقومون بالسلامه

[Um Dana]

مشكورين حبيباتي

والله مو قادرة لا امشي ولا جماع... اتعب بسرررعه حدي بالاسبوع 3 مرات يمكن بس

والا والله اني اتعذب من كل مكان

الله يسهل وييسرر لنا واولد في وقت مناسب


من اليوم ببدا امشي عدل بالمجمعات

[ميرا السلطان]

الله يسهل عليك ياارب وعلي وعلى كل حامل
وياارب نولد خلال هالايام انا وانتي ياارب