ألم في البطن يقولون شد؟؟

[بتلة ورد]

السلام عليكم ورحمة الله وبركاته

اخواتي بغيت اسألكم سؤال بصراحة حيرني .... جاني ألم من 4 ايام ولحد الآن ما راح ... وهو ألم فوق البطن بالضبط يجيني من اسوي شغلة صغيرة مثل جلي الصحون والا شي خلاص يبدا الألم وما ينتهي الا بعدما ارتاح لي فترة وانبطح ... او يختفي تماما باليوم الثاني الصبح بعدما انام واصحى ولا فيني شي...

ولكنه يرجع ... ما الحق اشتغل شوي الا رجع ... والدكتورة تقول هذا شد في العضل لان الاربطة مرتخية ... والحل؟؟؟hwaml15

حتى ألم الظهر وش اسوي فيه عطوني الحل اخواتي جزاكم الله خير .........

[غرام الوجدان]

ماتشوفي شر حبيبتي .... انا جاني الم اعلى البطن وتعبني كثير بس كااااان غالبا بعد الاكل جهة اليمين ..... ومع الحركه جهة اليسار وخاصه مع المشي يزيد علي لين ما يكتم على نفسي ولما رحت المستشفى قالوا لي القولون ... والله اني اعاني منه بس ربك انشاء الله يهونها علينا

[بتلة ورد]

انا الألم عندي ما يتحرك هو نفسه نفس المكان ....

بما إني في الشهر الخامس يقولون الأربطة ترتخي ويزيد الثقل والله المستعان ,,


الدكتورة قالت لي اذا كان الألم يزيد ما يقل ولا يروح ويصاحبه غثيان متواصل بيكون بسبب الحصوات بالكلى الي تزيد احتمالات حدوثها خلال الحمل !! ...... بس الحمد لله مافيني هالشي ... وصفو لي بس بنادول لتخفيف الألم والراحة من وقت لآخر ... الله يسهل علينا جميع ان شاء الله

مشكورة اختي على المرور والرد

[سمسمه]

الله يحفظ لك جنينك ويرفع عنك

[عقد الورد]

انا مثلك أعاني من الم في بطني خاصة الجهه اليمنى سألت عنه قالوا لي بسبب
ان الرحم يكبر ويتمدد وان شالله بكرة بروح المستوصف وبسال الدكتورة عن سبب الألم.

[رنووومة]

عادي حبيبتي هي ضريبة الحمل انا كمان بعاني من الشد وهلأ باسفل بطني على اي حركة بشد الله يكون بعونا يا رب

[ice_queen]

سبحان الله نفس الاعراض

ربي يرفع عننا ويسهل ولادتنا ع خير