decadron ساعدوني بنات

[هاديه]

بنات لان اخر حمل عندي كان كيس بدون جنين الدكتوره هالمره من قبل التلقيح الصناعي عطتني دوا كورتزون اسمه ديكادرون حبه كل 12 ساعه تقول علشان يمنع الحمل المنسي الي صار
المشكله ان انا الان مو حابته ابد
حاست فاتح الشهيه بقوه
جسمي منفوخ ومورم بطريقه مو طبيعيه
تجيني رقعه بقلبي غريبه كان دقاته مو منتظه وقوتي مسحوبه دقايق ويختفي هالشعور
وبعد طالع لي بقع حمرا كانها رضات بيدي
قت للدكتوره اكثر من مره ما ابيه تقول لازم تاخذينه
انا الان بكمل العلبه الاولى وهي طالبه مني اكمل علبتين
شالعمل انا ما ابيه وبوقفه
اقدر اوقفه لوحدي لا لازم تدريج ارجوكم ساعدوني
وشكرا

[أسيرة زوجي]

و الله حبيبتي ما عندي فكرة ، بس بما أنه يفيد حاولي تكمليه ، أو استشيري دكتور آخر لعله يبده لك ، الله يجيبلك إلي فيه الخير

[وجهه القمر]

او اقل شي دقي على صيدليه واسالي عن حل..
اتمنى لك الشفاء..

[بسمة بلبل]

الله يعنيك ياهاديه ..حملت قبل4سنين بكيس فاضي لكن الان سويت انابيب ومااعطاني الدكتور هذا الدوا .......الله يصبرك

[هاديه]

جزاكم الله خير خواتي
بسمه بلبل حملتي بعدها طبيعي؟ وخذيتي الدوا هذا او لا؟

[بسمة بلبل]

لا ماحلمت بعدها عندي هرمون الحليب مرتفع وزوجي عنده ضعف وحاولت اسوي تلقيح قبل سنتين والبويضات ماكبرت وفشلت العمليه والان سويت اطفال انابيب ومنتظره النتيجه يارب تثبت الاجنه...بالنسبه للدوا مااخذته ابدا ومااعرفه

[هاديه]

بسمة بلبل الله يكتب لك ويكتب لي الحمل يا رب
انا مثلك منتظره نتيجة التلقح الصناعي
وربي يرزق كل محروم يا رب

[ام الدلال]

اللهم افرح قلوبهم بذرية طيبه يارب العالمين
السلاااام عليكم ورحمة الله وبركاته

هاديه الدكتوره شافت اعراض الدواااااا طيب؟؟؟؟
قلتي لهاااا عن احساسج والرقعه اللي بقلبج ؟؟؟؟

شوفي الطبيب والصيدلي اهما الوحيدان اللي يرفوووون هالدوا شنو فايدته واضراره
والرقعه يمكن من نفسيتج لانج موحابه اتكملين العلاج
ترا للنفسيه ياخواتي تاثير كبير خلووووكم مرتاحين وربي راح تلقون كل الفايده من الادويه
بالنسبه لهالدوااااا
اتمنى البنات يفيدونكم
توكلوووو على رب العالمين هوا الشافي والرازق
احسنو الضن بالله تلاقون كل خير وعافيه
والله يرزقج الذريه الصالحه

بالنسبه الاختي
بسمة بلبل
الله يثبت الاجنه
ويتمم لج على خير يارب


تقبلووووو مروري خواتي

[هاديه]

ام الدلال جزاج الله خير
الله يرزق كل محروم يا رب

وقلت للدكتوره عن الاعراض قالت عادي وجرعتك بسيطه استمري عليه
الله كريم ان شاءالله

[ام الدلال]

اوكي حلووو ياهاديه استمري واهم شي
اتركي التفكير عنج
والله يرزقج من فضله يارب

[samira jit]

مرحبا عزيزتي انا مثلك آخر مرة حملت كيس بدون جنين و كتبت لي الدكتورة دواء decadron بس حبة كل 24 ساعة لمدة 4 ايام.أتمنى تفيديني بتجربتك إن أمكن هل حصل حمل و تكرر كيس بدون جنين؟لأني حصل لي إجهاض مرتين و أخاف تتكرر التجربة أعتذر عن الإطالة و ارجو تفيديني و شكرا.

[حياتي توأمي]

حبيبتي هاديه بما انك منزعجه وسببلك هذا الدواء اعراض غير مستحبه او مضره أنصحك بتغيير الدكتورة
ياقلبي ممكن يكون تشخيصها ودواءها غلط ويمكن الدكتورة الثانيه تكتبلك على دواء يناسب حالتك
اسأل الله ان يرزقك الذريه بدون تعب أكثر يارب