تجهيزاتي لنونو

[منسدحه على غيمه]

بسم الله الرحمن الرحيم

السلام عليكم ورحمة الله وبركاته


اول شي ادعو لي ربي يهون علي ..

انا اليوم كملت التاسع .. ولا فيه بوادر ولاده ..

الله يعين


عموما بنات حبيت اقولكم تجهيزات النونو ..


انا اللي لاحظته بأغلب البنات .. انهم يكثرون ملابس .. مدري ليش ..

لدرجة فيه بنت مره مجهزه اكثر من 20 جوارب .. لمولود حديث ولاده hwaml5

واكثر من 40 قطعهة ملابس ..لطفل حديث الولاده hwaml5



انا مو ضد التجهيز .. بالعكس اريح للوحده تجهز بدري .. بس بشكل معقول .. وتحاول تأخذ الأشياء المهمه خلال فترة الأربعين ..

وبالنهايه هو مولود ما يتحمل اللبس الثقيل ومعروف الطفل يكبر بسرعه خلال هذي المرحله ...
فالأفضل أخذ الأشياء المهمه فقط ..

عموما هذي تجهيزاتي لنونو ..

طبعا في البدايه من الصيدليه أخذت ..

منتجات من جونسون .. ( شامبو / فازلين / لوشن / كريم / صابون سائل للأستحمام / مناديل مبلله / زيت / بودره )

مناديل ..

مناديل مبلله حجم صغير لشنطه

مقياس حراره <<< ضروووري

تمبرا .. خافض للحراره

رضاعه زجاج

مشط خاص للأطفال ..

مقص اظافر للأطفال

حفاظ علبه كبيره .. حديث الولاده ..

فازلين ..
ليفة استحمام

كرسي استحمام .. مره يريحك ويريح البيبي .. وانصح الكل يشتريه

لهايه لطفل حديث الولاده .. مع اني ضد استخدامها .. بس ضروريه . وقت ما تحممي البيبي وتلبسيه ملابسه فقط ..اما غير كذا انا ضدها

مسحه طبيه ..

معقم ايدي من ديتول .. ضروري تستخدميه بعد ما تغيري للبيبي

اعواد اذن ..

فرشاة تنظيف الرضاعه




هذي هي الأغراض اللي من الصيدليه ..

واتوقع مافيها اي مبالغه .. وكلها ضروريه

وبالنسبه للجهاز التعقيم الخاص بالرضاعه ..

يكفي اغليها بمويه ..


ونجي للملابس ..

مثل ما قلت ..

ماله داعي تكثرون .. هو طفل حديث ولاده .. فما يتحمل لبس ثقيل ..

وانا اخذت اللي يكفيني خلال الأربعين ..

والباقي ملحقين عليه بعدين بأذن الله ..

وكل شي بوقته حلوو ..

الملابس ..

عدد بطانيتين ثقال من سنتر بوينت ..

طقم حديث الولاده من مذر كير .. عباره عن 8 قطع ..
مره رووعه ويكفي وشامل كللل شي .. وسعره 180 ريال

وطبعا طقمت له عدد 2 مهاد داخلي خفيف .. وخارجي ثقيل

واخذت من سنتر بوينت طقم ثاني عباره عن 6 قطع

وطقمت له مهاد داخلي وخارجي ..


فوطة استحمام .. عدد واحد فقط

وطبعا واهم شي ..

سرير لنونو .. من ايكيا
ناموسيه
طقم مفرش السرير ..
مهد صغير .. ومعاه المفرش


جهاز مراقبة الطفل بالصوت .. هذا انصح كل ام بأقتنائه .. مره يريحك ومفيد ..
خصوصا لما تروحي تتحممي او يجيك ضيوف .. جدا ضرووري هالجهاز

سعره 150 ريال ..


شنطه لنونو ..

مدس رضاعه ..


ووبس هذي تجهيزاتي لنونو .. الله يجيبه /ها / بالسلامه

وما حبيت ابالغ ..

ويمكن نسيت شي ما كتبته من التجهيزات ..

إذا فيه اي شي ناقص .. لا ترددون بكتابته

بس بشرط يكون مهم hwaml02

لأني ضد التجهيز بشكل مبالغ فيه .. خصوصا لطفل حديث الولاده hwaml4


والله يهون على كل حامل وتشوف جنينها بأتم صحه وعااافيه

[هنّوسه]

عزيزتي انا معاك

مو حلوة المبالغة ،،
لان كثير يقولون اصلا يجيهم البيبي م شا الله حجمه كبير
اسبوع بس او اقل تلبسه ملابس حديث الولادة بعدين تبدا تضيق عليه

يعني انتوا ما تعرفون البيبي حجمه كيف راح يجيكم
وفيه بيبيات مسسسرع يكبر جسمهم م شا الله

انا برايي اغراضك كافية
بس يمكن نسيتي حوض استحمام ،، غير الكرسي ،،

وفيه كمان الصدريات عن الترجيع والاكل تحمي ملابس الطفل ،،
وراح تحتاجين طقم فوط صغيرة ،، عشان اذا بتمسحين وجهه او يدينه
وهذا اللي ببالي حالليا ،،،،

وبالسلامة

[Yes I am]

كلام سليم.. بس لا تنسي الطفل الصغير ملابسه تتوسخ بسرعة كمان يعني ممكن في اليوم الواحد تحتاجي تغيره 3 مرات واحيانا وقت النوم يسير تسرب وأكيد الواحد محا يرمي الملابس الزايدة فممكن يهديها او يصدقها او يرفعها للبعدو اذا يحب .
والله يفرحك بشوفة طفلك سليم معافى ويسهل ولادتو والجميع يارب

[منسدحه على غيمه]

عزيزتي انا معاك

مو حلوة المبالغة ،،
لان كثير يقولون اصلا يجيهم البيبي م شا الله حجمه كبير
اسبوع بس او اقل تلبسه ملابس حديث الولادة بعدين تبدا تضيق عليه

يعني انتوا ما تعرفون البيبي حجمه كيف راح يجيكم
وفيه بيبيات مسسسرع يكبر جسمهم م شا الله

انا برايي اغراضك كافية
بس يمكن نسيتي حوض استحمام ،، غير الكرسي ،،

وفيه كمان الصدريات عن الترجيع والاكل تحمي ملابس الطفل ،،
وراح تحتاجين طقم فوط صغيرة ،، عشان اذا بتمسحين وجهه او يدينه
وهذا اللي ببالي حالليا ،،،،

وبالسلامة

اهلين حبيبتي

بالنسبه لصدريات اخذتها مع الطقم ..
والفوط جت مع الطقم .. 3 حبات
وحوض الأستحمام .. اخذته .. وهو يجي معاه سفنجه تريح الطفل
بس انا اقول له كرسي استحمام hwaml02

ومشكووره على المداخله الرائعه

[أم نجلاء 87]

الله يهون عليك .. ويتمم لك على خير ..
كلام عقلاني بصراحه وماشاء الله مو ناقصك شي كل الضروريات عندك..
بس من الصيدليه صابون لغسيل الملابس .. و حاولي مايكون العطر قوي عشان صدر البيبي ..
انا ان شاء الله بجهز ع الشهر الجاي ..
ملابس عندي من الحمل الاول لانه ولله الحمد ماتم الحمل والحين حامل ف الاسبوع 16 و بجهز ع الشهر الجاي بس باخذ سرير و طاولة تبديل.. ويمكن طقم من سنتر بوينت لان شغلاته حلوه ..

[fufualmoon]

الله يتمم لك على خير بس نصيحة زودي كم لبس لطلعة
لان الاربعين شهر و10 ايام كثييرة
الهرم اللي في جدة فيه اشياء حلوة ورخيصة
الله يسهل لك ولادتك ويجيبه لك على خير

[ام ايات]

يعطيك العافية

[نونو82]

صح كلامج الله يهون عليج

[لن أيئس]

ماشاءالله عليك تبارك الله وربي انك عاقله
انتي صادقه والله لازم يكون التجهيز اشياء مهمه وبسيطه
لانه طفل حديث الولاده

ربي يتمم لك بخير ويفرحك بشوفته بصحه وعافيه
ويتهنئ ان شاءالله بغراضه

[بنوته غير]

حتى لو بالغتي حبيبتي عادي تصدقي فيهم الكثره أحسن من القله وكلن حسب ميزانيته بالتوفيق والله يقومنا بالسلامه ونشوف بيبياتنابصحه وعافية يارب

[اسرااار العشق]

ماشاء الله تبارك الله الله يهنيكي ويباركلك ...
يارب ويسهل ولادتك ياااااااااااااااااااااااارب

[دلوعه موت]

اللي عندو مومشكله لوكتر موفقه يارب

[مناير999]

كلامك سليم
بس حبييبتي بعض الامهات ماعندها احد يغسل ملابس البيبي لها كل شوي
وخاصه الرضيع غالبا يستفرغ كثير ويبدل ملابسه بسرعه
فصعب كل شوي تغسل الملابس
والاهم ان سعرهم رخيص ملابس المواليد بالمراكز اللي مثل الهرم وغيره فيكثرون لبس البيت ورخيص
ولما يكبر البيبي يتصدقون فيها للفقراء

[صحفية المستقبل]

انتي اشتريتي للبيبي أهم الحاجات
والله يقومك بالسلامه ويفرحك بالمولود

لو سمحتي ممكن اعرف من فين اشتريتي جهاز المراقبة للطفل