جاوبوني بليز اللي بيعرف بخصوص التلقيح الصناعي

[سوسو من لبنان]

السلام عليكم ورحمة الله وبركاته انا انشالله بكرا بدي اعمل تلقيح صناعي عندي بويضتين وحدة من اليمين ووحدة من الشمال وتنين حجمن منيح 19 و 21 بس سؤالي هوي انو مبارح الدكتورة كتبتلي على ابرتين تفجيريتان اخذتن مع بعض عيار الوحدة 5000 يعني تنين 10000 ليه تنين؟استغربت ممكن اللي بيعرف يفيدني وكمان الدكتورة خوفتني لأن ألتلي لازم عالأبر المنشطة اللي اخذتا خمس ابر كل يوم وحدة يكون في اكتر من بويضتين مع انو مبايضي مناح خايفة يكونو عالمنشطات عم يضعفو :( انا مشكلتي كانت بانبوب اليمين مسكر وفتح بعملية وزوجي فحصو كتير منيح يا رب تزبط بكرا ادعولي صرلي سنتين ونص متزوجة

[فتومة]

حبيبتي توكلي على ربك وان شاء الله خير ياارب واكثري من الاستغفار والصدقه والدعاء وقيام الليل وربي رحيم بعباده,,
من ناحيه الابره التفجيرين انا سويتها مره وفشلت والثانيه وفشلت والثالثه الحمد لله ربي رزقني 3 ولله الحمد بعد حرمان 8 سنوات انتي سوي الى الدكتوره بتقولك وربي بيفرجها عليك وعلى كل مسلم ياارب,,

[سوسو من لبنان]

فتومة حبيبتي شكرا كتير لردك الله يسمع منك ويخليلك اولادك ما شاء الله الحمدلله الله كريم مرورك فرحني بس انتي شو قصدك اللي ما كان يزبط معك التفجير او التلقيح؟

[أم رزاان]

تمنيت أساعدك .. لكن للأسف ماعندي خلفية
اسأل الله أن يرزقك بالذرية الصالحة
عاجلاً غير آجل

[بسمة بلبل]

سوسو جبيبتي انا لسه اخذت الابر التفجيريه والدكتور كتبلي نفس كميتك ابرتين ماادري ليش بس اكيد الدكاتره اعرف بشغلهم لا تخافي ولاتتوتري وربي يوفقك يارب وتحملي

[سوسو من لبنان]

سلام يا بنات اليوم عملت التلقيح الحمدلله ما حسيت بشي أصلا كلا الشغلة دئيئتين ما في وقت اني اتوجع وعطتني تحاميل مهبلية مثبتة بس كتير خايفة عم ينزل مني افرازات من شو ؟معقول هول الحيوانات المنوية؟حبيباتي اللي بيعرف يطمني

[سوسو من لبنان]

ييييي معقول ما حدا رد والله خايفة يكونو نزلو الحيوانات المنوية خاصة انو الافرازات زادت كتير ممكن من التحاميل؟اول مرة بستعمل هيك تحاميل مهبلية طمنووووني الله يطمنكن

[بسمة بلبل]

انا ماسويت تلقيح سويت انابيب واعطوني زيك تحاميل مهبليه والافرازات كثيره لاتخافي اهم شي ارتاحي ولاتتوتري اللي ينزل مو الحيونات المنويه لانهم حقنوا البويضه

[سوسو من لبنان]

الله يريحك ويطمنك يا رب ويرزقك الذرية الصالحة المعافية الله يجزيكي كل خير اللهم امين

[لن أيئس]

ربي يرزقك ويفرح قلبك عاجلا غير آآآآآآآجل
اللهم آآآآآآآآآمين يارب العالمين

[سوسو من لبنان]

حبيبتي لن ايئس الله يسمع منك يا رب بس يا بنات عندي سؤاااااال اليوم كنت بجمعة نسوان ورقصت شوي هههه ويا ريتني ما رقصت اجاني وجع مش طبيعي ببطني زي وجع الدورة وافرازات كتير قوية اللي بيعرف يفيدني بليز معقول صار حمل يااا رب ؟؟؟

[بسمة بلبل]

سوسو ضحكتيني المفروض ماتتحركي كثير كيف ترقصي تبغيه يطيح لاسمح الله انا من عمليتي قعدت في البيت وحركتي بسيطه واكثر وقتي نايمه على ظهري
ريحي نفسك لاحقه على الخروج والرقص

[سوسو من لبنان]

ههههه شفتي :( خلص بضل مرتاحة والله ندمانة كتير بس انشالله خير شكرا كتير لاهتمامك الله يجزيكي كل خير

[لن أيئس]

لا لا لا لا لا لا لا لا اكيد تمزحي صح

اي تمزحي مو معقوله ترقصي وتوك مسويه تلقيح صناعي
ياروحي انتي يهبل مزحك

[Nourelhouda]

و الله يا اختي فرطت من الضحك الله يجعل ايامك كلها ايام حلوة و تفرحي بشوفة اولادك يا رب...ارتاحي حبيبتي انتي ما لازم تتحركي بالمرة ما حكالك الطبيب ذا الشي؟؟؟ طمنينا عنك ان شاء الله نفرح فيك عن قريب و عقبالنا يا رب....

[سوسو من لبنان]

هههههههههه يا جماعة والله ما رقصت كتير نسيت حالي :( حتخلوني اندم اللي حكيت هههههههه بهدلتوني انشالله ما بيصير شي وانا هلأ مريحة حالي عالاااااخر والله يرزقكن بالذرية الصالحة المعافية انا وانتو ااااامين يا رب

[سوسو من لبنان]

يا بنااات قربت الدورة بعد 3 ايااااااااااااااااااااام يوم السبت موعدهاااااااااااا يا رب ما تيجي دعواتكم

[سوسو من لبنان]

شو وين دعواتكن اليوم السبت ما اجت وهاي مرء انشالله ما بتجي لسا بدي انطر كمان تلات ايام يا رب ما تيجي كل اهلي وعيلتي ناطرين نفسي فرحون صرت حب احمل عشانهم مش عشاني :( يا رب تعطيني

[بسمة بلبل]

سوسو حبيبتي الله يوفقك وتحملي يارب وادعيلي ان اجنتي تثبت واحمل

[sisi]

يا رب تطلعي حمل يا سوسو م لبنان ،ويارب يثبت أجنتك يا بسمات بلبل ما تنسو تبشرنا ،

[سوسو من لبنان]

الله يسمع منكم يا بنات يا رب والله يثبت اجنتك

[سوسو من لبنان]

بنات حبيت طمنكم الحمدلله اجتني الدورة سبحان الله جبت فحص منزلي وكنت فايتة اعملو وقبل ما افتحو لقيتا اجتني الحمدلله الله يعوضني

[بسمة بلبل]

لاحول ولاقوة الا بالله .....الله يعوضك خير ياسوسو ...ربي يفرج همك

[OMNIYATI]

ربنا يعوضك خير ويقويك عشان المرة الجاية ما تياسيش وما تعمليش زاي انا المرةالاولى ما نجحت وقولت مش هعملها تاني وبعد سنتين عملتها للمرة التانية وما نجحت ويئست وفضلت عشرة سينين وانا دلوقتي مستنية النتيجة ويارب ربنا يفرحني اختى اوعي تياسي حتى لو ما نجحت اعميلها تاني وتاني ويارب يفرحنا بالذرية الصالحة

[سوسو من لبنان]

الله يسلمكن يا بنات انشالله ما حئيأس وحعيدها وانشالله خير الله يعوضنا ويعطينا يا رب

[لن أيئس]

ياقلبي انتي
والله دخلت موضوعك وقلت في نفسي يارب ادخل والقى بشاره بس الحمدالله على كل حال
اسأل الله العلي القدير أن يعوضك ولاتيأسي ابد أن رحمة الله واسعه
وادعي ربك كثييييييييييييير وأستغفري وتصدقي بنية الحمل
ولاتيأسي وتحزني واعمليها مره ثانيه وثالثه ورابعه مافي مشكله
وخلي نفسيتك حلوه ومرتاحه قدر ماتستطيعي
لأن النفسيه له دووووور كبير
أنا حااااااااااااسه فيك ياقلبي
اسأل الله العلي القدير أن يرزقك بالذريه الصالحه السليمه الجميله ويفرح قلبك عاجلا غير آآآآآآآآجل
اللهم آمين آمين آمين
وصل اللهم وسلم وبارك على رسولنا محمد صلى الله عليه وسلم تسليما كثيرا الى يوم الدين

[سوسو من لبنان]

حبيبتي لن أيأس شكرا كتير لدعواتك واهتمامك الله يخليلي ياكن ويفرحني ويفرحكن بس بتعرفو ألبي عم يتأطع اليوم ولدت بنت حماي تزوجت انا قبلها بسنة وهيي أدّي جابت ولد ورحت طل عليها بالمستشفى وشفت البيبي ما بعرف كيف حبست دموعي حد عمي ومرت عمي وزوجي الله يخليلي ياه يا رب صار يمزح معي ويلهيني لأن حس عليي كنت بدي انفجر هالبيبيات بيجننو تمنيت كتير كون محلها يارب تعطيني ياااااااااااااااااا رب وتعطي كل وحدة بدا اااامين